Unicode
Episode _ 20
" အဘ... ထမင်းထုပ်ရောက်ပြီ "
" ဟေ.. ရောက်ပြီလား၊ ငါ့နှယ့်! ငါ့သမီး ယောက်ျားနောက်လိုက်ပြေးပြီလို့ကို ထင်နေတာကွယ် "
" အဘကလည်း... ပြောရော့မယ် "
" ကဲ.. ကဲ ငါ့တူတွေ လုပ်လက်စလေးတွေ ခဏနားကြကွာ...၊ ထမင်း အရင်စားလိုက်ကြရအောင် "
တေလွန်းတို့ရဲ့မင်္ဂလာဦးအိမ်အတွက် အဓိကဦးဆောင်သူမှာ ဦးစံသောင်းကိုယ်တိုင်ဖြစ်သည်။ ဦးသာငြိမ်းကတော့ မင်္ဂလာဦးအိမ်အတွက်လိုအပ်မဲ့ပရိဘောဂတွေကိုမြို့ပေါ်မှာသွားဝယ်ပြီး စီစဥ်ပေးသူဖြစ်သည်။ အမေနှစ်ယောက်ကတော့ မင်္ဂလာပွဲနေ့တွင်ကျွေးမွေးဖို့အတွက် ချက်ရေးပြုတ်ရေးနဲ့ သတိုးသားနှစ်ယောက်ဝတ်ဖို့အတွက်အဝတ်အစားရော၊ ကိုယ်တိုင်ဝတ်ဖို့နဲ့လင်ယောက်ျား၊သမီးဖြစ်သူတို့ဝတ်ဖို့အတွက် အဝတ်အစားတွေကို အဓိကတာဝန်ယူထားသည်။ သတို့သားနှစ်ယောက်ကတော့ တစ်အိမ်ဝင်တစ်အိမ်ထွက် မင်္ဂလာဖိတ်စာ လိုက်ဝေနေသည်။
တေလွန်းတို့နေဖို့အတွက် ဦးစံသောင်းနဲ့ဦးသာငြိမ်းက ရွာလယ်ကဝိုင်းတစ်ဝိုင်းဝယ်ပေးပြီး နှစ်ထပ်အိမ်ဆောက်ပေးသည်။ လိုအပ်တဲ့ပရိဘောဂတွေကို ဦးသာငြိမ်းက စရိတ်စိုက်ထုတ်ပြီး အိမ်ဆောက်တဲ့စရိတ်စက အပြီးအစီးကို ဦးစံသောင်းက ပိုက်ဆံထုတ်ပေးသည်။ သားနှစ်ယောက်စလုံးက သူတို့အတွက်ရင်နှစ်သည်းချာလေးတွေဖြစ်တာကြောင့် သားတို့ရဲ့အိမ်ထောင်ရေးမှာ အပူအပင်လုံးဝမရှိစေချင်တာက နှစ်ဖက်မိဘများ၏စေတနာမေတ္တာအရင်းခံသာဖြစ်သည်။ အခုလည်း နှစ်ထပ်ပျဥ်ထောင်အိမ်ကအပြီးသတ်ဖို့ပင် သိပ်မလိုတော့။ သားတို့မင်္ဂလာကိစ္စကိုသတ်မှတ်ပြီးကတည်း စဆောက်နေတဲ့အိမ်ဖြစ်သည်ကတစ်ကြောင်း၊ လက်သမားအင်အားကိုသေချာကိုသုံးပြီး တက်သိတဲ့လက်သမားဆရာတွေနဲ့ဆောက်တာမို့ နှစ်ထပ်ပျဥ်ထောက်အိမ်လေးဟာ တော်တော့်ကိုခိုင်ခံ့ပြီး ရိုးရိုးရှင်းရှင်းနဲ့သပ်ရပ်လှသည်။
" ဦးစံသောင်း... ကျုပ်တို့ သန်ဘက်ခါဆို အကုန်ပြီးပြီ...၊ ပျဥ်ချပ်တွေကို ရေနံချေးအဝသုတ်ထားမယ်မလား... "
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Random#CRD_PHOTO unicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
