Unicode
Episode _ 21
တန်ဆောင်းမုန်းလပြည့်ကျော်ဆယ်ရက်နေ့.....
" ဟဲ့ သတို့သားနှစ်ယောက်က ပြင်လို့ဆင်လို့မပြီးကြသေးဘူးလား...၊ ခဏနေ ဧည့်သည်တွေ လာတော့မှာနော်... "
" ကျုပ်က ပြီးပြီ.. အမေ၊ အမေ့သားမက်က မပြီးသေးတာ... "
" သား ပြီးပြီ.. မေကြိုင် "
" အော် ဘယ်လိုဖြစ်နေကြတာတုန်း.. မျက်နှာတွေက၊ တေလွန်း!... "
" ဟာ အမေ၊ ကျုပ်နဲ့ဘာမှမဆိုင်ဘူးနော်...၊ သူ့ဘာသာ ကျုပ်ကိုစိတ်ဆိုးနေတာ.. ကျုပ်သူ့ကို အနိုင်မကျင့်ဘူး "
အမေ့ရဲ့မျက်စောင်းက ကျုပ်ဆီကို ဒိုင်းကနဲရောက်လာတာမို့ ကျုပ်မှာ စိတ်ဆိုးရခက်။ တကယ်ဆို အဲ့ဗုဒ္ဓဟူးသားကို ကျုပ် တကယ်ဘာမှမလုပ်ဘူး။ သူ့ဘာသာ အားနေစိတ်ကောက်နေတာ။
" ဟုတ်လား.. သားငယ်၊ မေကြိုင့်ကိုပြော.. တေလွန်း ငါ့သားငယ်ကို အနိုင်ကျင့်ထားသေးလား "
" အဲ့လိုမဟုတ်ပါဘူး.. မေကြိုင် "
" ကဲပါ... အဲ့တာဆို ဆင်းခဲ့ကြတော့၊ အပြင်မှာ ဧည့်သည်တွေရောက်လာတော့မယ်.. "
" ဟုတ် မေကြိုင် "
မေကြိုင် ဆင်းသွားတာနဲ့ ကျွန်တော့်ဘေးက တေလွန်းရဲ့ခြေထောက်ကို ကျွန်တော် ဆောင့်နင်းပစ်လိုက်တယ်။
" အား!!.. ဆင်ပေါက် မင်း..! "
" ဘာလဲ.. မကျေနပ်ဘူးလား၊ ဘာဖြစ်ချင်တာလဲ မင်းက.. ပြော ဘာလုပ်ချင်တာလဲ "
ဟုတ်တယ်။ ကျွန်တော် သူ့ကိုတော်တော်စိတ်တိုနေတာ။ မနေ့ညက ဟန်သာနဲ့ကျွန်တော့်ကြား အတင်းလာအိပ်တဲ့ကိစ္စကိုရော၊ အခုမနက်ခင်းလည်း ကျွန်တော့်အိမ်မှာပဲအဝတ်အစားလဲပါ့မယ်ဆိုတာကို သူ့အိမ်စောစောစီးစီးအတင်းခေါ်လာတာရော... တွေးလေ ဒေါသထွက်လေပဲ။ ကျွန်တော့်ကို သူ့အရုပ်များထင်နေတာလား မသိဘူး။ ကျွန်တော့်မှာ အမေတို့ကိုတောင် ဘာမှပြောချိန်မရ.. သူခေါ်တဲ့နောက် ဒရွတ်မဆွဲရုံတမယ် ပြေးလိုက်ရတာ။ ဒီကြားထဲ ဒင်းက ပြောလိုက်သေးတယ်၊ ကျွန်တော်က မိဘတွေအတင်းစီစဥ်လို့သာ ဒီကိစ္စကိုလက်ခံလိုက်ရတဲ့သူဆိုတော့ သူ နားလည်ပါတယ်တဲ့လေ။ ဘယ်လောက် ဒေါသထွက်စရာကောင်းလဲ။
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Acak#CRD_PHOTO unicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
