အိပ်ယာက ထတော့ မမက ဘေးနားတွင်မရှိတော့ပါ။
ဘယ်အချိန်ကတည်းက ထနေသလဲဆိုတာလည်းမသိပြန်ပါ။
ဘာပဲဖြစ်ဖြစ် ဘေးနားတွင်မမ မရှိတာက
တော်သေးသည်ဟုဆိုရမည်။မဟုတ်လျှင် ညကကိစ္စကိုမျက်နှာပူနေရမည်။
"မမ"
"အင်း"
"ပြန်တော့မလို့"
"တို့နဲ့တူတူမနက်စာ စားသွားပါလား"
"မစားတော့ဘူးမမ...ပြန်တော့မယ်..အိမ်မှာ မေမေတို့ရောက်နေလောက်ပြီ"
"အင်း။သဘောပဲလေ"
မမမျက်နှာမှာ ဘာအရိပ်ယောင်
မှမတွေ့ရပါ။မိမိကသာ ညက ကိစ္စကိုမျက်နှာပူနေသလောက် မမကတော့ပုံမှန်အတိုင်းသာဖြစ်နေ၏။
"ဖေဖေတို့ပြန်ရောက်ပြီပဲ"
"အင်း သမီး ညကအိပ်ရတာအဆင်ပြေရဲ့လား"
"ပြေပါတယ်"
"အင်းအင်း "
"မေမေရော"
"သမီးအမေအပေါ်မှာရှိပါတယ်..."
"ဟုတ် ဖေဖေတို့အလုပ်ကပြဿနာရောအဆင်ပြေခဲ့ရဲ့လား"
"ပြေပါတယ်သမီးရဲ့"
"ဟုတ်ကဲ့ပါ..ဒါနဲ့ မောင်လေးကအပေါ်မှာလား"
"ဟုတ်တယ်သမီးရဲ့ ညကနေရာအစိမ်းမို့အိပ်လို့မရလို့တဲ့ အခုမှပြန်အိပ်နေတာ"
"ဪ..အင်းပါ ..သမီးလည်းရေချိုးတော့မယ်ဖေဖေ"
***
ဒေါင်တာဆီသွားဖို့အရေးကို အမျိုးမျိုးစဉ်းစားကြံဆနေရသည်။တစ်နည်းမဟုတ် တစ်နည်းနဲ့တော့ ဒါက်တာနဲ့ပတ်သက်နေမှရမည်။
"နင်တို့ပြန်နှင့်တော့ ငါဆေးခန်းပြစရာရှိလို့ နေခဲ့ဦးမယ်"
သူငယ်ချင်းမနှစ်ယောက်ကိုေတာ့ဆေးခန်းထိခေါ်လို့မဖြစ်ပါ။
"ငါတို့ရောလိုက်ခဲ့ပေးမယ်လေ"
"ရတယ်..ငါ့ဘာသာပဲသွားတော့မယ်..အခြားဝင်စရာလေးလည်းရှိနေလို့"
သူတို့ကိုခေါ်သွားလို့မဖြစ်ပါ။ဒေါက်တာကိုပိုးနေမှန်းသူတို့မသိ။သိရင်တော့တားကြသေချာသည်။
YOU ARE READING
အချစ်များ၏နောက်ကွယ်(Completed)
Romanceဘဝမှာတစ်စုံတစ်ယောက်ကိုချစ်မိသွားရင် အဲ့ဒီတစ်စုံတစ်ယောက်ကိုပိုင်ဆိုင်ဖို့ကြိုးစားမိကြမယ်မဟုတ်လား။ကျွန်မလည်းအဲ့ဒီအတိုင်းပါပဲ။ကျွန်မ တစ်စုံတစ်ယောက်ကိုပိုင်ဆိုင်ဖို့ကြိုးစားနေတာ။
