"ငယ်"
မိမိခေါ်သံကြောင့် ထိုကလေးဟာ တကုတ်ကုတ်နှင့် အပင်များကြားမှ ထလာလေသည်။
"မမက ငယ် ဒီမှာရှိနေတာဘယ်လိုသိတာလဲ"
"ဘာမသိစရာရှိသလဲငယ်ရဲ့...မင်း မေမေကိုမေးလာတာပေါ့"
နှင်းဆီအဝါတစ်ပွင့်အား အပင်မှခူးယူလိုက်သည်။ အိမ်မှာ နှင်းဆီပင်တွေကအများဆုံးပင်။မမအတွက် နှင်းဆီဝါတွေကိုတခုတက ပျိုးထားခဲ့ခြင်းပါ။
"လာမမ"
မမကို ခုံးတန်းလေးတွင်ထိုင်စေလိုက်သည်။မိမိက မမရဲ့ဘေးချင်းကပ်လျက်တွင်ထိုင်လိုက်၏။
"မမကိုပန်ပေးမယ်"
မမရဲ့ မျက်နှာနားအနီးကပ်ရှိနေသဖြင့် မမရဲ့မျက်နှာအလှကို အနီးကပ်မြင်နေရ၏။
ပါးပြင်ပေါ်မှမွေးညင်းနုနုလေးများကအစရင်ခုန်ချင်စရာကောင်းနေသည်။လည်တိုင်လေးက ဖြူဖွေးကာသွေးကြောစိမ်းစိမ်းကလေးများပင် ပေါ်နေ၏။
"ငယ်"
မမကကိုယ့်ကိုအလန့်တကြားခေါ်လိုက်၏။အခြားတော့မဟုတ်ပါ။မမရဲ့ ပါးကိုနမ်းလိုက်ခြင်းကြောင့်ဖြစ်သည်။
"ဘာလို့လဲ"
"လူကြီးတွေမြင်ကုန်မယ်လေကွယ်"
"မြင်ပါဘူး မမကလည်း"
မမရဲ့လည်တိုင်ဖြူဖြူလေးကိုထပ်ပြီးနမ်းလိုက်မိသည်။
"ငယ်ရယ်။ဘယ်လိုဖြစ်နေသလဲ။လူမြင်ပါမယ်ဆိုနေတာကို..မမနဲ့နှစ်ယောက်တည်းရှိနေတုန်းဆို ဘာမှမဖြစ်ဘူး။အခုက မြင်သွားမှဖြင့် ငယ်ရောမမရော ဒုက္ခရောက်မှာနော်"
ဒီကလေးဟာ ဘာမှတွေးတောနေပုံမရပါ။သူလုပ်ချင်ရာကိုဇွတ်တရွတ်လုပ်ချင်တဲ့ဆန္ဒပဲရှိလေသည်။
"မမကလည်း မြင်သွားတော့ရော ဘာဖြစ်လဲ..တစ်ခါတည်းလူကြီးတွေသိပြီးသားဖြစ်သွားတာပေါ့"
တကယ်တမ်း မိန်းကလေးနှစ်ယောက်လက်တွဲရာတွင်ထိုမျှမလွယ်ကူမှန်း သိသည်။အဆိုးဆုံးက မိဘအသိုင်းအဝိုင်းပင်ဖြစ်သည်။ပတ်ဝန်းကျင်၏ပြောဆိုမှုဒဏ်ကိုခံနိုင်ရည်ရှိတယ်ဆိုပါစေဦးတော့ မိဘတွေကြည်ဖြူနေမှသာဖြစ်လိမ့်မည်။ထိုကြားထဲမှ မိဘများကသဘောတူလက်ခံမပေးရင် ပိုလို့ပင်ဆိုးသေး၏။
YOU ARE READING
အချစ်များ၏နောက်ကွယ်(Completed)
Romanceဘဝမှာတစ်စုံတစ်ယောက်ကိုချစ်မိသွားရင် အဲ့ဒီတစ်စုံတစ်ယောက်ကိုပိုင်ဆိုင်ဖို့ကြိုးစားမိကြမယ်မဟုတ်လား။ကျွန်မလည်းအဲ့ဒီအတိုင်းပါပဲ။ကျွန်မ တစ်စုံတစ်ယောက်ကိုပိုင်ဆိုင်ဖို့ကြိုးစားနေတာ။
