"အန်တီ့ကို ကျွန်တော်သတိပေးထားရက်နဲ့ဗျာ...အခုတော့ ချာတိတ်ကဆေးရုံတက်နေရပြီ"
"အဲ့ဒီလောက်အထိ ဆိုးမယ်မှန်းမသိလို့ပါ သားရယ်"
အရင်ဖြစ်လက်စအစာအိမ်ရောဂါက အခုကာလမှာပို၍ဆိုးဝါးလာခဲ့သည်။အစားအသောက်အမှန်တာကတစ်ကြောင်း၊
ဆေးလိပ်တွေဘီယာတွေသောက်တာကတစ်ကြောင်းမို့ ဆေးရုံတက်ရသည်အထိဖြစ်လာခဲ့သည်။ခွဲစိတ်ရတဲ့အဆင့်အထိမရောက်တာကိုပင် ကျေးဇူးတင်ရမလိုပင်။
ကြားထဲမှာ စိတ်ဖိစီးတဲ့ဒဏ်လည်းခံရသေးသည်မို့ ခန္ဓာကိုယ်ရော စိတ်ရောအတော်လေးပင်ပန်းခဲ့ရ၏။"ကျွန်တော် သွေးကိုတော့ပြောပြထားတယ်..တကယ်လို့သူရောက်လာခဲ့ရင် ကောင်းကောင်းမွန်မွန်ဆက်ဆံပေးပါအန်တီ"
"အင်းပါ သားရယ်...အဲ့ဒီမိန်းကလေးကို ကောင်းကောင်းမွန်မွန်ဆက်ဆံမှာပါ....သမီးလေးအတွက်အဲ့ဒီကောင်မလေးက ဘယ်လောက်အထိအရေးကြီးမှန်းလည်း သိပါပြီ"
ဒီတစ်ခါတော့ ချာတိတ်လေးအတွက်စိတ်ချမ်းသာရတော့မယ်ထင်ပါရဲ့လေ။ကိုယ်တိုင်က အချစ်ရေးမှာပျော်ခွင့်မရတော့ပေမဲ့ ချာတိတ်လေးပျော်ရတော့မယ်ဆိုတဲ့အသိတဲ့ ကျေနပ်မိပါ၏။
"ဟုတ်ကဲ့ အန်တီ....ချာတိတ်ကိုလည်းဂရုစိုက်လိုက်ဦးနော်..ကျွန်တော်ခဏနေရင်ပြန်လာကြည့်ဦးမယ်..အခုတော့ အိမ်ခဏပြန်ခွင့်ပြုပါဦးဗျ"
"အေးအေးသား....အဒေါ်လည်းသမီးဆီသွားရဦးမှာကွယ်..သမီးအဖေတော့ သမီးနားရှိတယ်ထင်ပါရဲ့"
"ဟုတ်ကဲ့ဗျ..ဒါဆိုကျွန်တော့်ကိုပြန်ခွင့်ပြုပါဦးနော်"
"အေးအေး သား"
လမင်းငယ်၏ မိခင်သည် အခုတော့အကြီးအကျယ်ပင်နောင်တရနေရှာ၏။
နောက်တစ်ကြိမ်သာ သူ့ဘက်ကထိုအမှားမျိုးလုပ်ခဲ့ပါလျှင် သူ့သမီးလေးအတွက်များစွာအန္တရယ်ရှိကြောင်းအသိဝင်လာခဲ့သည်။
သူ့အနေနဲ့လည်း နောင်တစ်ကြိမ်ထိုသို့အမှားမျိုးပြုလုပ်တော့မည်မဟုတ်ပေ။"သမီး နေသာထိုင်သာရှိရဲ့လား"
"ဟုတ် မေမေ...ဘာမှမဖြစ်တော့ပါဘူး"
YOU ARE READING
အချစ်များ၏နောက်ကွယ်(Completed)
Romanceဘဝမှာတစ်စုံတစ်ယောက်ကိုချစ်မိသွားရင် အဲ့ဒီတစ်စုံတစ်ယောက်ကိုပိုင်ဆိုင်ဖို့ကြိုးစားမိကြမယ်မဟုတ်လား။ကျွန်မလည်းအဲ့ဒီအတိုင်းပါပဲ။ကျွန်မ တစ်စုံတစ်ယောက်ကိုပိုင်ဆိုင်ဖို့ကြိုးစားနေတာ။