عصره الخاص " His Own Era "

الفصل الخامس و العشرون .

Part 25~

‏"نسألك ألّا تتُوه الأفئدة بعد هُداها، وألا نضلّ الطريق بعد عَناء المشَقّه وأدعوك ألا أنتڪس بعد ظني بالتعافي"

جلس يامن على السرير و بجانبه لؤي و كلاهما يمسك بكوب من الشاي فتنهد يامن تنهيدة عميقة جعلت من لؤي متأكدا ان التالي حديث طويل

يامن : ياااه يا لؤي جه اليوم ال احكي فيه قصة حبي

لؤي : احكي يفنان

Flash Back

كان يسير يامن رفقة يوسف ابن عم لؤي و على ما يبدو ان الحديث الذي يدور بينهما مشوق و قوي ايضا و ذلك من كثرة حركة ايدي يامن

يامن : وانا بقى ايه مسبتش الراجل مانا طبعا مش همسك في خناق ابن عمي عشان الغريب قومت ماسكه من هدومه وساحبه كده عشان اشتمه بقى

يوسف : اكيد يا بني عشان ابن عمك

يامن : لا يا حبيبي ده عشان اطبق مقولة ( انا و ابن عمي على الغريب )

يوسف : هى مش كانت ( انا و ابن عمي بنساعد الغريب )

يامن : انت ايش دراك يبتاع جاردن سيتي ، فالمهم بقى اني مسكته من هدومه و روحت رافع ايدي كده عشان اضربه و عينك ما تشوف الا النور....

قطع هذا صوت صراخ صدر من خلفهما فنظر الاثنان الى بعضهما بغباء فقال يامن بقرف وهو ينظر الى يوسف من رأسه الى قدمه

يامن : انت من جاردن سيتي اه بس مش لدرجة انك تصوت زي البنات يلا

يوسف : مش انا ال صوت يا يامن

نظر كلاهما الى بعض بخوف فالتف يامن ينظر خلفه و عندما لمح الشخص الذي صرخ ابتسم براحة قائلا

يامن : وقعتيلي قلبي يا بنت خالتي كنت فاكر اني هضرب تاني

~ يا خي ادعي عليك اقولك ايه مانا بدعي عليك من ساعة ما شوفتك و قلبتني على السلم واحنا صغيرين

يامن : تصدقي لسه كنت هقولك امي بتسلم عليكي و على امك و بتقول عايزة تعدي عليكو

~ تصق انك مشوفتش تربية عشان متركزش في الضربة و تركز في خالتي بتسلم عليا ولا لا

يامن : ربنا يسامحك بقى

~ اتمنى مشوقش خلقة اهلك دي لعشر سنين

نظر لها بسخرية وهى ترحل قائلا

يامن :  غيري مني و ولعي عمرك ما هتكوني في جمالي ، يلا يا يوسف يا خويا نكمل ال كنا بنقوله