نــــــــــــور الاســـــــــــــلام ( شمس اسلام) الدارجة المغربية تيما مبارك

25 26

✳ الجزء 25 ✳

   ♥نــــــــــــور الاســـــــــــــلام♥

         🔥 شمس النور 🔥

🌸تيما مبارك🌸

    ⚡الحق لا يطلب بل يأخد باليد⚡

دخلات الدار و علامة الإستغراب باين على وجها كيفاش السيد كي شوف فيها شوفات في شكل معمر شي حد شاف فيها هذه الشوفات هي مشي غبية باش مافهمتش دوك النظرات لي من موراهم شي حاجة كبيرة و زيد عليها تنواض الصداع مع خوتها زاد أكد ليها بلي سيد من موراه شي حاجة و حاجة كبيرة گاه تنهدات و دورات راسها كتزفر و هذه الشي تحت نظرات صامد خالها لي منين دخلات و هي حاطة يديها على خدها و تفكر غير بوحدها ناض جمع الوقفة و جلس حداها و شرف كي شوف فيها حتى هو بدورو لاحظها و كون مناضش صامد كان نايض هو

صامد: ياك لباس ا بنتي كاينة شي حاجة
شمس(ببتسامة):متشغلش بالك معايا ا خالي مكاين والو
صامد(صغر عينيه):اييه عليا هذه الهضرة
(طول فيها الشوفة):ياكمة شي حد في الخدمة

شمس(غير قالها قفزات مبعدة):لا لا ا خالي والله ما كاينة شي حاجة
ايناس:خلعتي البنت مالك معاها

شمس:مكاين والو ا خالتي والله
(شافت في صامد):ها انت ا خالي غير رتاح و كون مزيان ياك راه مكاين والو والله

شرف(ضحك على صامد هو و حمزة حتى الودنيهم):بصحة
صامد:تهجروه
شرف(كي شوف في شمس):أجي ا بنتي عند باباك لي كي فهمك أجي قولي ليا مالكي

شمس(جات تنوض شدها صامد)

صامد:تنوضي من حدايا نقلب على ملتك هذه الطبلة
شرف(خنزر و شد موس في يديه):عتطلق البنت ولا هذه الغدا معيدوش بيخير
صامد:عاودها الراسك بنت ختي انت مالك
راضية(جات جلسات حدا حمزة):و انا زعمة ا خالي معلياش الله
صامد(شاف عنقها و يديها):مالكي انت
شمس:ربي سترها هزات الكاس و طرطق ليها بين يديها على صدرها و تجرحات
صامد:أجي نشوف عنقك
شرف(ضحك و كي شوف في راضية)؛نوضي ا بنتي يشوف عنقك
راضية:لا حشومة
صامد:أجي لهنا
راضية:لا ا خالو حشومة
شمس:غير خليها ا خالي راه معتجيش عندك بابا و حشمات منو
شرف:ها انت تشوفي كبرنا و خرقنا و زادت قدامنا زبطيطة و دوشنا ليها بيدينا و كتحشم من باها

قالها هرب البنات من حداهم خلاوهم كي ضحكو عليهم دور راسو صامد و هز براسو لرضى

صامد:تبرك الله عليك زرقتي السيد عينيه
رضى(شاف في باه و شاف في صامد)؛هو لي بدا
صامد:هكداك نبغيك
شرف(كي تنغم باتاي):بعد من الدري ا صامد ميصلاحش ليه هذه الشي
حمزة:هدوك جيران جداد

جاية نزهة تمسح الطبلة:اه اولدي و راه دويت مع العيالات عندخلو عندهم في العشية نيت
حمزة:ولدهم مجهد باين عليه مشي شي واحد ساهل كون غير بعدتو منهم
مينا(كتشوف في شرف):يكون حتى يعيى و ميكونش كيف صاحبك لي حداك
شرف:اكراااااام
مينا:مشغولة
شرف؛عنوض نفلعص حسك انت
حمزة:اوا بعد ليا من المدام
مينا(كتحك ليه يديها مع بعضياتهم زعمة موت بالسم):يالله
شرف:كيف كدير الناس تكبر و دير عقلها ز انت كبري و هتري
مينا:بصحتي
راضية(طلات):خالتي تكلمي لماما تجيبي طبسيل الغدا