✳ الجزء 27 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
كتغدة و الضغمة كدوز ليها معقووودة حتى الحلق مزير عليها و الضحك من حداها مكتسمعوش عقلها مشا بعيد و بزاف گاع معارفاش تفكير ديال اسلام و شنو كي دور ليه في راسو و معارفاش اشنو باغي يدير لي متأكدة منو انه جاي على قبل الفلوس لي هي عندها علم عليها ناضت جمعات الوقفة و اكرام هزات راسها ليها
اكرام:شمس
شمس:نعام ا ماما
اكرام؛لين غادا مكليتي والو
شمس:بصحة شبعت ا ماما
نادية:الله ا بنتي ما كليتي ما شفتيه
راضية:شمس كتحب
اكرام:تحبك حبوبة نهار العيد سكتي دابا يسمعك باك نصدقو فشي طاب و شي مطاب
دورات راسها بانت ليها خارجة گاع:شمس فين ا بنتي
شمس:عندي شي شغل نقضيه
اكرام(قلبها مامهنيهاش):شنو هذه الشغل
شرف:اااكراااام خليها عليك
شمس:بسلامة
شرف:أجي لهنا فين غادا
كلشى خرى بالضحك عليه خنزر و شمس ضحكات:عنمشي المكتابة ا بابا و من تما البنكة
شرف و صامد شافو في بعضياتهم و نطقو في دقة:اشنو عندك في البنكة
شمس(خلعوها):والو غير عنخرج شي فلوس محتاجاهم علاش شي حاجة
صامد(رما ليها سوارت لوطو):باش متعطليش ا بنتي
لمياء(طلات):ياك ا بابا ياك هي ضغيا عطيتيها ليها و شحال و انا تابعاك ما بغيتي تعطيني لا انت لا ماما
صامد:نهار تولي تقيلة ا بنتي كحدك فيك طيران اوهووو
جلسات جامعة قنانفها اما شمس ضحكات و خرجات من الدار مشات تركب في لوطو و دورات راسها في دار ديال اسلام خنزرات و ركبات في لوطو قاصدة البنكة كانت ديك الساعة 2 وصلات ليها و دخلات كانت خاوية دارت طلب على الفلوس شحال عندها في الكونط و تسنات تما 10 دقائق عطاوها الورقة و في نفس الوقت خرجات شي فلوس ركبات في لوطو و بقات كتشوف في الفلوس لي عندها في الكونط لي تفتح و عندها حق تخرج منو و هذه مكانتش عارفاها حيت معمرها فكرات فيها
زيرات على الفولون فلوس هذو حرام و معندها حق فيهم صرطات ريقها و دارت شدات طريق الحومة و بقات واقفة كتسنا في الشارع شحال و هي كتغزز شفايفها حتى بان ليها اسلام و غني و ريهام معاهم و كتشوف اشنو تحت راسهم و اشنو باغي بالضبط و اشنو عارف
فضولها هذه المرة مشي على الفلوس انما على عائلة باها الحقيقية علاش كارهينها بحال هكذا و اشنو وقع لمها و هي معارفاهش✳ الجزء 28 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
جالسة في الدار كتصنك لعضامها بعد ما خرج اسلام و ريهام كتسمع غير سقييييييل شحال توحشات هذه الاجواء اما سكنة مع جيران غير يا لطيف منها دايرة دوزيم و كتفرج فيها
برا كانت شمس رجعات الحومة و اكرام و نادية ايناس و عيشة و نزهة خرجين من الدار هازين في يديهم الصينيات شافت فيهم عاقدة غوباشتها
شمس:فين
اكرام:عنمشيو نشوفو جيرانا جداد و نباركو ليهم
شمس:كون درتو مناقص ا ماما والله
اكرام:علاش حشومة
شمس:فين الدراري
اكرام:الداخل مع باباك و خوالك
شمس:صافي انا ندخل عندهم
اكرام:يالله معانا تفوجي
شمس:بلاش ا ماما غير سيرو انا نشوف دراري الا بغا بابا نخرجو جميع
اكرام:واخا ردي البال الراسك واخا حاسة بيك مخبية شي حاجة ضاراك
شمس(هزات راسها و عينيها دمعو):بصح ا ماما
اكرام؛اه ا ماما علاش شكون لي رباك حتى تقادو الكتاف اه مديريش في بالك و خلي مولاها ربي دييييماااا كنقول ليك ا شمس انه لي وقع لينا من خير ا بنتي صافي مترفدي الهم لوالو لي يبكيك بكي مو خلاها باباك
شمس(ضحكات)
اكرام:اوا شفتي هكداك كنقولها و نعاودها محد مك عايشين مكاينش لي يقرب ليك و حتى الا مشينا ا بنتي كاين رضى و نادر واخا لسانو لسيط كيف باك ولكن راه يطلع عين بنادم غير كتشوفيه داير راسو درويش كاين خالك يعني كاين لي يحمي ضهرك فهمتيني اش بغيت نقول ياك
شمس:فهمت ا ماما
اكرام:غداك راه في طاجين خليتو ليك طلعي تغداي و بدلي عليك و عاد خرجي و من الاحسن دوشي و صحصحي و ضحكي قدام باباك راه سولني عليك قلت ليه غير على حساب الخدمة لي ترقيتي فيها الا سولك ولا شي حاجة حتى تبغي تعاودي ليا
شمس(حنات راسها)
اكرام؛سرك في بير ام بنتها كيف اسرار لي قبل فهمتيني ياك ا شمس لي تقالت عليك
شمس:خفافت عليك
اكرام؛الله يرضي عليك ا بنتي يالله
عيشة:اكرام بنتي من قبيلة حاطين راس على راس تحتو زيدي
اكرام:يالله ا بنتي نبغي ضحيكة و متخافي من حتى حاجة انت بنتي انت و بنتي كتخاف من والو
تبسمات ليها و دخلات بحالها عاد رتاح خاطرها من ديما اكرام هي لي كتفهمها من عينيها قريبة ليها لدرجة مكتصورش و الا قالت ليها في بئر راه بئر بصح حيت بزاف الحوايج عارفاهم غير هي فقط و شرف مفراسو عليهم خبار و كبار بزاف و لقات ليها الحل ليهم و الا عرفهم يقربل الدار فوق راسها و راس بنتو و راس هذا لي قرب لبنتو
طلعات الدار و دوشات لبسات حوايجها سخنات الماء و عاد خرجات الدار جدها كانو رجال معنصرين على كاس ديال انتي وقفات عليهم حاطة يديها على الحاشية
شمس:بابا
شرف(دار عندها):شنو
شمس؛عنخرح انا و خوتي و ولاد خوالي
شرف:فين
شمس:لجامع الفنى و نمشيو شي قهوة نجلسو فيها
شرف سكت شحاااال و حتى رجال معاهم عاد نطق:خوتك انت و رضى في امانتك
صامد؛ردو البال لداك طيارة هو و ختو ا بنتي
شمس:واخا
حمزة:سعد خفيف رضى رد ليه البال
رضى:كون هاني
حمزة(جبد ساروت لوطو ديالو):الوراق فيها لقدرة الله الاحتياط واجب
رضى:كون هاني
صامد:لمياااااء
غير سمعات صوتو نزلات تجري من الفوق طلات عليه قربات عندو و حتى دراري تبعوه كلها دور مع ولادو مع ان شرف عارف شمس متخليهمش خرج البرا مع شمس و دور يديه على كتفها
شرف:بنتي ليا مزيانة
شمس:بيخير ا بابا
شرف:هذه الشي لي بغيت متقليش في ماكلة الزنقة
شمس:واخا
شرف(شاف في ولدو):رضى غير بشوية الله يرضى عليك
رضى؛مشي اول مرة الوليد كون هاني
هز ليه براسو الولاد ركبو من رضى و البنات مع شمس و شدو طريق نيشان الجامع الفنى يتساراو و يدورو تما
VOUS LISEZ
نــــــــــــور الاســـــــــــــلام ( شمس اسلام) الدارجة المغربية تيما مبارك
Action🚨🚨🚨جديد جديد🚨🚨🚨 🔥🔥 حصريا و لاول مرة على مجموعة ورداااااااات الملووووووك 🔥🔥 #لا_يــــــــــــــــــــحـــــلـل_نشر_نهائيا قراو لتحت👇👇👇 القصة لي كنتو بانتظارها جا وقتها قصة لي كتحمل من كل فن طرب قصة تجمع بين #الغدر #الخيانة #الحب #الروم...
