✳ الجزء 97 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
كتشوف غني مدور عليه السلوكات تنهدات هو ناض وقف و مشا وقف حداها كي شوف فيه متكي على الحيط بقات كتحك من الداخل باغيا تعرف شكون هذه لي باغي يخطب غززات سنانها و نطقات
شمس:شكون هذه كنعرفوها من الحومة
اسلام:توووء عاودت ليك على حياتي اه ولكن مشي عاطفية
شمس(صرطات ريقها مخنزرة):مزيان شحال و انت معاها
اسلام:عوال ندخل من الباب
شمس:الله يربح الله يواتيكم عتكونو عائلة مزيانة
اسلام:امين
شمس(شافت فيه و نطقات):معمري ما شفتك معاها
اسلام:مشي بضرورة تشوفيني معاها
شمس:اممم
اسلام(كي شوف فيها):خايف عليها من هضرة الناس باغي نديها و راسها مرفوع
شمس:و عتقبل عليك
اسلام:علاش لي متقبلش بداري و خدمتي غير طونوبيل لي مزال ما درتها
شمس:الموطور قاضي الغراض
اسلام:توء مجاتش اصلا خاني نديرها خصوصا الوليداتي كيف عندير معاها
شمس(زفرات):المهم الحمد لله على سلامتو خليتك على خير بابا شوية و يجي
زادت بحالها مفقوصة من هضرتو و هو متبعها بعينيه حتى ركبات و نزلات التحت عند ختها فتحات الباب و دخلات لقات اكرام مكايناش مشات جلسات و راضية كتشوف فيها
شمس:فين ماما
راضية:مشات تجيب الماء
شمس:واخا
راضية:مالك فين كنتي
شمس:عند داك المريض ديال اسلام قالك شنو باغي يتزوج
راضية:الله يسر ليه
شمس:اشمن يسر ليه دخل لحياتي و رونها في الاخير الله يسر ليه والله ما تكون ليه معنخليهش يتزوج فين ما يبغي شي بنت نقول ليها هذاك سكايري و شفار و مدوز الحبس
راضية:انت مالكي هو باغي يبني حياتو
شمس:مشي على ضهري
راضية:واش قرب ليك
شمس:لا
راضية؛اوا صافي لي شافك يقول راك كتوفاي عليه و الغيرة عتاكلك دابا
شمس:لهلا يحييه حتى نطيح فيه غادا ناخد سيد سيدو و نعرضو العرسي يدخل يشطح
راضية:اممم دابا نشوفو
سكتات مخنزرة و كتنتر غير بوحدها اما راضية غمضات عينيها و نعسات في سابع نومة بالعياء و الضربة لي عندها تفتح الباب و دخل شرف و اكرام بجوج شافو فيها ناعسة تبسمو و مشاو باسو راسها و جلس معاها
اكرام:فين كنتي
شمس:حشاك
اكرام(فهمات):عزك الله
شرف:مالك معصبة
شمس:والو كون غير مشيت الدار حسن ليا
شرف:نوضي نديك
شمس(دوراتها في راسها):صافي غير خليني
اكرام:معرفت منين نشدك والله العظيم
شمس هزات كتافها حسات بتيلي وصلها ميساج خدودها حمارو اما عند اسلام جلس و كي فكر هذه كاملة غيرة تبسم جنب و جبد تيلي صيفط ليها ميساج
VOUS LISEZ
نــــــــــــور الاســـــــــــــلام ( شمس اسلام) الدارجة المغربية تيما مبارك
Action🚨🚨🚨جديد جديد🚨🚨🚨 🔥🔥 حصريا و لاول مرة على مجموعة ورداااااااات الملووووووك 🔥🔥 #لا_يــــــــــــــــــــحـــــلـل_نشر_نهائيا قراو لتحت👇👇👇 القصة لي كنتو بانتظارها جا وقتها قصة لي كتحمل من كل فن طرب قصة تجمع بين #الغدر #الخيانة #الحب #الروم...
