نــــــــــــور الاســـــــــــــلام ( شمس اسلام) الدارجة المغربية تيما مبارك

33 34

✳ الجزء 33 ✳

   ♥نــــــــــــور الاســـــــــــــلام♥

         🔥 شمس النور 🔥

🌸تيما مبارك🌸

    ⚡الحق لا يطلب بل يأخد باليد⚡

كمالت الباهية منين الواحد كي ترزق الله التاني مكيبغيش يشوفك مزيان خرج من القهوة و هو هاز زرواطة منيش ليه نيشان مشا ليه و ضرب ليه الطيس برجليه

***:نوض تگعد أصاحبي حيد ليا من لهنا
غني(شاف طيس ديالو طارو و شي تفرع ناض ساخط و شنق على سيد):مال قلااا.. مك على هذه طيران لي فيك

***:راك واقف ليا حدا القهوة مصدع ليا الناس
غني:أجي دوي بفمك ا بنادم مضربش ليا سلعتي و مضربهاااااااش
***(شنق عليه)؛هي الا تحركتي من لهنا و الا عنهرس لمك فمك
غني(دخل فيه براس):عنقتل مككككك ا القواااا*

زادو ضربة فيا و ضربة فيك واحد شانق على التاني مكاين غير سبان من صمطة التحت حتى كي حسو الناس فارقوهم بزز باش بعدو غني كي قول ليه هرستي ليا سلعتي و التاني كي قول ليه حيد من قدامي القهوة

كان نيت الداخل كي جمع الحسابات و يشوف اشنو ناقص حتى سمع صداع على برا مشا خرج داير يديه من مور ضهرو شوية كي صغر عينيه و كي شوف واحد من الخدامة ديالو لي جابهم جداد منوضها مع واحد نزل نيشان غير شافو الدري تهدن غني دور راسو كي شوف شرف داير يديه من مور ضهرو تنهد و مسح على وجهو

شرف(شاف في غني):اش كاين اوليد
***:المعلم السيد جاي كي بيع قدام القهوة صدع الكليان

غني(غوت):أجي هضر بفمك ا بنادم بفمك مشي ضرب ليا سلعتي ينعل اصل مك الكلب هرستيها ليا كاملة حاط فيها فلوسي

شرف(طل كي لقا زرواطة ديالو و شاف في الطيس خنزر):دخل عند منعم يعطيك خلاصك و درق عليا زلافتك من القهوة
***(تصدم):المعلم راه هو

شرف:مكنعرف لا راه لا والو جا أجي قولها ليا انا مشي ديرها من راسك من يوم يومي و انت كنخلي الناس ترزق كلها عالم الله بحالهم مشي انت لي تجي توريني شكون لي يوقف و شكون لي لا
***:سمح ليا المعلم

شرف:بلا ما تعيي راسي
(شاف في غني):أجي اولدي ندوي معاك أجي
غني(شاف في الدري و هز صبعو):على وجه هذه السيد اما والله حتى نحزق المك عينيك بجوج

زاد مع شرف دخل الداخل و الدري مشا خدا حسابو و خرج بحالو خارج على بلاصتو اما غني جلس و كي شوف في القهوة و شرف حط يديه على الطبلة و شاف فيه

شرف:تبيع مشي عيب ولكن في باب القهوة لا
غني؛و انا لقيت الخدمة و قلت لا ا سيدي
شرف:باغي تخدم
غني(كي لعب بصباع يديه):و صرحة كنقلب و ملقيتش قلت نبريكولي في ميكا على ما يجيب الله التيسير
شرف:كتعرف تسربي الناس
غني:هانية صنية و براد اتاي و كاس القهوة مشي صعيبة
شرف(هز ليه براسو):واخا تقدر غادا تجي تبدا معايا بشهيرة مزيانة
غني (خرج عينيه):واش داوي بصح
شرف(هز ليه براسو):اه غير تكون في بالك انت عندي بيض بيض كحل كحل معنديش مع الرمادي عندي نيشان نيشان
غني؛كون هاني ا سيدي نخدم راني كابابل
شرف:مرحبا بيك

هز ليه براسو و خرج و هو يرجع عندو كي حك راسو و هو كي تبسم؛عندي شي طويسات الا جات على خاطرك نساليهم ضغيا ضغيا

شرف:مشي مشكل اولدي الخدمة مشي عيب
غني:الله يحفظظظظظك اخويا راك تم

تبسم و خرج فرحان رجع فرش في و هو كي بيع الناس حتى كمل و مشا الحومة فرحان دخل كي قلب على غيثة حتى غوت من السفلي و هي كانت في السطح

غني:وووو غييييثة و لقييييت خدممممة✳ الجزء 34 ✳

   ♥نــــــــــــور الاســـــــــــــلام♥

         🔥 شمس النور 🔥

🌸تيما مبارك🌸

    ⚡الحق لا يطلب بل يأخد باليد⚡

خرجات من المدراسة و راسها مرفوع من هذا لي جاي عندها و باغي ياخد حق لي في الاصل حقها الا كانت مها مزوجة واحد من غير شرف على برا بقات غادا مرفوعة و يديها كترعد جات تقطع الشارع كتسمع الكلاكصون بجهد دارت مخلوعة و حطات يديها على قلبها حتى خرج سيد كي غوت و هي عتاذرات و زادت و لحمها مبورش حتى وصلات المحل العطرية ديال خالها شافها واحد من الدراري و غوت ليه خرج عندها ببتسامة عنقها حتى عنقاتو

صامد:حبيبة خالو مرحبا عاد خرجتي من الخدمة
شمس(ببتسامة):اه الحمد عاد دابا
صامد(صغر عينيه):شي حاجة
شمس:لا مكاين والو دزت نشوفك و عنمشي عند بابا
صامد:فيها خير
شمس: احم خالي بغيت نسولك على خالتي لبنى واش كتمشي تشوفها
صامد(خنزر):اش فكرك فيها

شمس:والو غير
(حكات شعرها):بغيت نمشي نشوفها
صامد(بغضب):شمس اخر مرة تجبديها ليا ردي بالك السيدة مشي طبيعة
شمس:غير بغيت نسولك و صافي
صامد:مشي مشكل تسولي ولكن الماضي رميناه و نسيناه ميتعاودش يتجبد من جديد واخا
شمس:واخا
صامد(دور يديه عليها و شاف في دراري): ولدي دير واحد كيلو مخلط ديال الفاكيا
***:واخا المعلم

صايبو ليها و هي خداتها و زادت خلفة مع طريق صونا صامد لشرف و قال ليه على حال شمس و بلي غادا دابا الدار خرج من تما و هو مخنزر معرفش هذه البنت اشنو بيها و فاش كتفكر لحق عليها حتى غوت و دارت عندو

شمس:بابا
شرف:تسناي فين غادا
شمس:الدار
شرف:نمشيو بجوج
شمس(هزات براسها و زادت):بابا
شرف:نعام
شمس:واش بصح خالتي لبنى هي سباب ماما باش ماتت
شرف:ساعتها وقفات ا بنتي اشنو لي فكرك
شمس(وقفات حداه قدام باب الدار):غير تفكرت ماما هذا مكان كنقول كون كانت عايشة كون
شرف:كون اش
شمس:كون عرفت حتى انا بابا و واش عندي خوتي

شرف(خنزر):انا باباك و اكرام ماماك ا شمس
(تنهد):عارف معنجيش في مقام باباك الحقيقي ولكن راه انت فرحتي الأولى
شمسةبصح ا بابا
شرف(هز براسو):اه ا بنتي
شمس(عنقاتو):لهلا يخطيك عليا
شرف(كي دوز على راسها):الله يرضي عليك ا بنتي سدي على هذه الموضوع تعيشي هانية
شمس:واخا ا بابا كون هاني

هز ليها براسو و دخل و هي دورات راسها لاسلام لي جالس على العتبة كي كمي تبسم جنب و دور راسو معاطيهاش اهتمام و هي دخلات سدات الباب و دايرة في بالها تمشي تشوف خالتها المدة لي دوزاتها في الحبس اكيد عتعاود ليها كلشي و هذا عيكون من اكبر الاغلاط لي عدير شمس في حياتها كلها