✳ الجزء 85 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
كانت زلقات و عتجي طايحة كون ما اكرام ردات ليها البال و رجعاتها من رجليها الارض و كنسمع الخطى في الزنقة راضية دارت مفزوعة من اسلام لي خسر الهضرة على شمس 4 طبقات و السطح كانت عتجي التحت ميلقاو ما يجمعو فيها الله يرحمها اسلام حار شبع معيور عاد رجع كي نگر
اسلام:الله يحرق ديييييل باااااك الحماااارة عودي تردي البال
راضية(شافت فيه):طيراتها مني خلعة
اسلام(جلس على باب العتبة رجليه مخازينوش بالخلعة):تفوووو على بلان
راضية(صغرات عينيها):تخلعتي
هز راسو فيها و دخل بحالو المعلمية خدامين في الدار هي حكات راسها و دخلات الدار حطات كتوباتها و طلعات السطح لقاتها جالسة و اكرام كتنگر عليها و تنشر الحوايج مشات جلسات حداها و كتضحك ضحكات معاها حتى شمس
اكرام:تهجروه بجوج بيكم طيرتيها مني خلعو
شمس:و صافي ا مي
راضية:ماما اسلام شبع فيها سبان في الزنقة
اكرام(كتشوف فيها):عبر على ملت حسها
شمس:و راه زلقت اشنو ندير انا
اكرام:لبسيييي في رجليييك كون حتى باك و لقاك مهزوزة في كفن اشنو عنقولو ليه اشنو سبابها
شمس(ضحكات):صااابوووون
ضحكات هي و راضية خلات اكرام كتقلى في بلاصتها حتى خنزرات):نوضو تهزو نزلو عليا بجوجكم
ناضو كي جريو هبطو التحت كي ضحكو بجوج الخلعة رجعات عليهم ضحك دخلو البيت ديالهم و شافو في بعضياتهم و دواو في خطرة
شمس و راضية :الحماااام
ناضو جمعو حوايجهم بجوج و طلعات راضية السطح خدات السطولة و هي تشوف فيها اكرام لي كانت سالات كلشي و كتسيق السطح من الصابون
اكرام:اشنو كديري
راضية(مكتبغيش مها ديهم الحمام):الدوتشة عنمشيو انا و شمس
اكرام:تسناو نجمع حوايجي
راضية:لا لا راه
اكرام:اشنو لي راه
راضية:واخا انا نقولها لشمس
اكرام:صافي غير سيرو سيرو مناقص جراكم كلحة
راضية:انا
اكرام:بجوج ا بنتي بجوج
هبطات مع الدروج و مضحك فرحانة خرجات هي و شمس نيشان الحمام دخلو ليه و ضربوها بتحمحيمة دايزها الكلام و مع ضحك و نشاط بين جوج خواتات خصوصا مبيناتهم بزاف 3 سنين ديال الفرق فقط منين كملو خرجو خداو جوج كيسان عصير ليمون و عاد زادو خلفة الدار هازين السطولة كي تعاود بين اخت و ختها حتى وصلو الدار
راضية(شافت غني واقف مع شي ولاد في الحومة قلبها بدا كي ضرب):شمس
شمس(شافت فيها):مالك
راضية:فين ما نشوفو كنحس بقلبي كي ضرب في 90
شمس:شكون
راضية:غني
شمس(دورات يديها على كتفها):لي مكتوب ليك احبيبتي عيوصلك
راضية(وقفو قدام باب الدار):ندير مبادرة انا اش بأن ليك
شمس:نطلعو الدار و في ليل ندويو على هذه الشي
راضية:نفرشو في الارض و نعسو بجوج
شمس:أهاه علاش لا
VOUS LISEZ
نــــــــــــور الاســـــــــــــلام ( شمس اسلام) الدارجة المغربية تيما مبارك
Action🚨🚨🚨جديد جديد🚨🚨🚨 🔥🔥 حصريا و لاول مرة على مجموعة ورداااااااات الملووووووك 🔥🔥 #لا_يــــــــــــــــــــحـــــلـل_نشر_نهائيا قراو لتحت👇👇👇 القصة لي كنتو بانتظارها جا وقتها قصة لي كتحمل من كل فن طرب قصة تجمع بين #الغدر #الخيانة #الحب #الروم...
