✳ الجزء 47 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
هبطات العشاء التحت و طلعات عاد جلسات و كتشوف في باب وليديها تنهدات و جلسات حدا شمس و زادت تعشى اما شمس ربي لي عالم ليها و قلبها كيفاش كي تقطع كيفاش عطاتها خاطرها تلوم الام ديالها و هي معندها ذنب غير رباتها و معندها علاقة بهذه الشي كامل من غير عطاتها حنان الام لي كانت محرومة منو فقط
راضية:ماما و بابا مخاصمين و بابا دخل يصالحها
رضى:باش عرفتي
راضية:مشفتيش منين ماما مبغاتش تعشى حتى هو ناض مبغاش
نادر:بصح منين ماما مكتاكلش حتى بابا مكياكلش معاها
راضية(حطات يديها على حنكها):الله على حب بيناتهم ياخويا حتى في ماكلة يا ياكلو بجوج يا لا
رضى(شاف في لمياء لي ساكتة و كتاكل): الواحد هو لي يتزوج على حب او لا ا لمياء
لمياء(هزات راسها مرعودة من صوتو و قلبها كي ضرب): ااا
شمس:تصبحو على خير
راضية:فين عنسهرو ياك غادا مكتقريش
شمس:لا تبدل ليا استعمال الزماندخلات البيت و نادر شاف في رضى:انا عنطلع عندي شي تمارين نقضيهم
رضى:صافي تصبح على خيرمشاو و هما بقاو ب 3 جالسين كي كملو عشاهم حتى سلاو و ناضت من حداهم راضية كتجمع الطبلة و طلعات السطح تهبط الحوايج لمياء هزات راسها في رضى لي شاد تيلي و كي لعب فيه مرة مرة عينيه كي مشيو ليها بدون ما تعيق حتى كسرات صمت لي بيناتهم
لمياء:رضى
رضى(حط تيلي و دار عندها كي شوف فيها هي صرطات ريقها):نعام
لمياء:واش بصح لي سمعت قبيلة منك
رضى:شنو هو
لمياء:لي قلتي وقت لي كانت عتضربني طونوبيل
رضى:معقلتش اشنو قلت
لمياء(عينيها دمعو):س سمح ليا نساناضت من حداه هاربة و هو كي شوف فيها مسح على وجهو و ناض تبعها شدها في دروج و شعل الضو شاف فيها و دوز على خدها
رضى:انا و انت ا لمياء باقي علينا الحال على هذه الهضرة انت طالبة و انا طالب مزال حتى الاجازة
لمياء:ك ك كتبغيني
رضى(حط راسو على راسها)؛مزال الحال على هذه الهضرة
لمياء:اذن كتبغيني
رضى(ضحك):مكنتش باغيك تعرفي بديك الطريقة
لمياء:خفتي عليا
رضى:اشنو بان ليك انت
لمياء(عضات شفايفها):اه كتبغيني
رضى(كي رجع ليها شعرها من مور ودنها):انت ليا و عتبقاي ليا ردي البال الراسك في طريق ا روحي صافي و ردي بالك لتصرفاتك و حنا مع العائلة صافي
لمياء (هزات براسها):واخا
رضى؛يالله سيري عند راضية السطح شوية و هبطو البرد عليكم
لمياء:واخا
رضى:عيني عليكهزات ليه براسها و طلعات فرحانة اخيرا عتارف ليها حب متبادل بيناتهم و هذه الشي لي باين ليها دخل بحالو الداخل و تحيد كي تفرج شوية عاد ناض ينعس✳ الجزء 48 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
فاقت الصباح و خرجات البرا مخليا شرف ناعس غسلات وجها و نشفاتو مشات الكوزينة دارت الفطور و خطاتو حتى كتشوف شمس خارجة من البيت قربات عندها و باست ليها يديها
شمس:صباح الخير ا ماما
اكرام؛فطور فطري و سيري الخدمتك
شمس:ماما عافاك متبقايش ديري معايا هكدا عافاك
اكرام:انا اكرام ا شمس مشي ماماك.
شمس:لا ماما ماما انت ماما لي رباتني و كبراتني و علماتني الناس كلهم كي قولو انتي بنتك انتاكرام(صمت)
شمس:عافاك ا ماما سمحي ليا عافاك معمرني نعاود والله حسي بيا راني تالفة ومعارفة ما ندير
اكرام:قلت ليك مالك ما مرة ما جوج سولتك اشنو عندك ما مرة ما جوج جوابك ديما والو كنعطي ليك تبريرات بزاف ا شمس ولكن انت ساكتة و سادة على راسك تيقتي البراني و كدبتينا حنا
شمس:عارفة درتها قد راسي
اكرام:استغفر الله العظيم فطري ا بنتي فطري و سيري الخدمتك فطري
تنهدات و دخلات بحالها البيت اما شمس بدلات عليها و خرجات نقبات شوية عاد خرجات من الدار حتى كتصدم عوتاني مقابل مع دار ديالهم
حاطط يديه على المطور و شاد في يديه الگارو و هو مخنزر مقابل نيت مع دار ديال شرف كي شوف فيها عيونو كي نتاضروها غير هي تخرج حك شفايفو منين سمع الباب تفتح و خرجات منو هازة صاكها باش تمشي المدراسة تقري مع عتهز راسها كتلقاه في وجها
شمس(بغيض):صبحنا على الله و ملائكة الرحماااااان
نور(ناض من المطور و افد عندها كانت ساعة 7 الصباح نيشان):شفتي جنون
شمس:انت براسك جن
نور الاسلام(حك لحيتو و تبسم و هز راسو فيها):معنطولش بزااف كاين شي كلام خاصني نقولو ليك حق ماليه عيرجع ليه بلا ما تخليني نوصلو شي ماصل الحبس عندي كيف السلام عليكم
شمس(ببتسامة كتشوف فيه):الحق حقي و انا اولى بيه
نور الاسلام :كان خاصك تسناي حتى يتاكدو هما يعطيوه ليك متصرفيش من راسك
شمس:الحق مكيتعطاش كي تخاد باليد
(دارت غادا و هي ترجع شافت ليه):بشحال بعتي راسك ليهم
نور الاسلام(زير على يديه و تبت راسو): مكانتباع ما كنتشرى
(طلعها و هبطها):نسولك انت لي في كرشك بشحال
خنزرات ليه و وجها تزنگ زادت مع الطريق معصبة من كلامو كيفاش لي في كرشك يعني معتابرها بنت السوق و خارجة طريق اما هو مكانش قل منها بالاعصاب القصف من كل جوانب خداها و عطاها ليها يعني بجوج بيهم طينة وحدة
شمس لي خدات حنان الام ديالها اكرام و ارزانتها ولكن خبث شرف ورتاتو منو
و نور الاسلام قال ليها مكتعرفي والو في الخبث انا مولاه بجوج بيهم مكيخافوش و مخبيين حية تحت غطاء المحنة نهار تبغي تقلب عليك تبدل جلدها و توريك لي معمرك شفتيه
VOUS LISEZ
نــــــــــــور الاســـــــــــــلام ( شمس اسلام) الدارجة المغربية تيما مبارك
Action🚨🚨🚨جديد جديد🚨🚨🚨 🔥🔥 حصريا و لاول مرة على مجموعة ورداااااااات الملووووووك 🔥🔥 #لا_يــــــــــــــــــــحـــــلـل_نشر_نهائيا قراو لتحت👇👇👇 القصة لي كنتو بانتظارها جا وقتها قصة لي كتحمل من كل فن طرب قصة تجمع بين #الغدر #الخيانة #الحب #الروم...