✳ الجزء 35 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
دخل الدار مخنزر منين سمع غني كي غوت طل عليه و تكا على الحيط كي سمع اشنو كي قول فرحان مع غيثة و صرحة حتى اسلام فرح ليه باين عليه ناوي المعقول و باغي يصلح حياتو كيف ما اسلام باغي يصلح حياتو تعطاتو فرصة يستغلها و حتى مبلغ 100 مليون مشي ساهل داكشي علاش قبل بيه مبلغ لي غيقدر يبدل ليه مسار لي غادي فيه بمرة
وقف عليه و شاف في غني و تبسم:مبروك ا صاحبي غير ريح فيها وكون راجل
غني(كي شوف ليه جا يدوي و هو يسكت مشي دابا قدام غيثة):الله يبارك فيك
غيثة:جيتي اولدي نحط ليكم تغداو جميع
اسلام:مخاصنيش الوليدة واكل شوفي غنيتبسم و طلع بحالو دخل البيت و جبد گارو و تجبد فوق السرير كي شوف في السقف و كي فكر في حل لي يخلي شمس تسني على ورقة التنازل لاحظ و عاود بصح متاقية الله و عارف هذه الشي و متأكد منو ولكن هو جا في بريكول يقضيه و يمشي بحالو
فكرة تديه و فكرة تجيبو و كيف كنقولو الراجل مستحيل يحس بالمرأة نهائيا خصوصا الا كانت مكيعرفهاش و هذه الشي لي واقع بين شمس و اسلام معندهم حتى شي رابط قوي بيناتهم لي يخليه يحس بيها ولا يتقرب منها اول لقاء ليهم كان مشحون و هذه اللقاءات باين العمى عتزيد تشعل بيناتهم و بزاف گاع
حل واحد عندو هو يسممها لكلام القاصح و خوف من الفظيحة لي هو اصلا معارفش واش الناس لي خبارها او لا و هذه الشي هو معندو فيه غراض نهائيا
سمع تيلي كي صوني دار هزو كي بان اين نمرة ديال السيد لي كلفو يلقا ليه محل ناض تقاد في الجلسة و جاوب
اسلام:الو
***:سي اسلام سلام
اسلام:وعليكم سلام امضرى اش درتي
***:راه لقيت ليك المحل صرحة شوكة اصلاح تفتح فيه محل العقار
اسلام(حك لحيتو):اييه فين
***:في ** انا نتسناك تجي تشوف
اسلام:هي دابا نيتقطع معاه و ناضت نزل التحت و خرج بحالو كي تصادف مع صامد لي شاف فيه و هز ليه براسو كان حداه ولدو لي عندو 12 العام مصعب و زادو بلا كي شوف فيه حتى دخلو عاد كمل طريقو كي حك لحيتو حتى العند السيد شاف المحل و عجبو بزاف دار مع سيد يكريه من عندو و تفاهمو على كلشي عاد رجع بحالو باش يبدا فيه✳ الجزء 36 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
جالسة معاهم و هما كي دويو و هي ساهية خايفة و حاسة انه كاينة شي حاجة هي معارفاهاش ضروري خاصها تعرفها غمضات عينيها و رجعات فتحاتهم و دارت عند شرف ببتسامة
شمس:بابا
شرف:نعام ا بنتي
شمس:بغيت نطلب منك غير سوارت لوطو ديالك
شرف:علاش فين غادة شي بلاصة
شمس؛اه ا بابا كاين شي اجتماع المدرسين و خاصني نمشي نحظر في الوقت
نادر(ضحك):عطيها ا بابا حتى حنا بغينا نديرو بيرمي
شرف(جبد سوارت من جيبو):اييه خود الباك و نديرو ليك
نادر:حلف بالله
شرف:اوا الله يمسخك كتخلف باكرضى:راه مبلوز
شمس(ضحكات و شافت في راضية من دروج كدير ليها أجي):ااا يالله نخليكم على خير عنزل انا و راضية نعسو التحت
نادر؛حنا عنعسو الفوق نخليو الازواج شوية الخصوصيات
اكرام؛الله يمسخك اولدي قول امينناضو كي ضحكو و اكرام تبعات شرف البيت و كيف قال نادر الخصوصيات ديال شرف هما الاولين ميقدرش على بعادها التحت كانت جالسة و كتفرك يديها و ببتسامة حيت مولفة تعاود لختها على كلشي
شمس:واش هبطنا غير هكدا
راضية:لا لا ا شمس غير سمعي ليا بعدة
شمس:شنوراضية(ببتسامة و خجل):هذه مدة و انا معجبة بواحد و صرحة ا شمس ختي فين ما نشوفو قلبي كي ضرب بجهد و كنحماق عليه و اليوم اليوم
(هبطات راسها و جعات شعرها من مور ودنها): و اليوم غوت ليا في طريق و وصلني خدا محطة الطوبيس و رجع بحالو تعرفنا على بعضياتنا اشنو بان ليك ا شمس انتشمس(ببتسامة نطقات):شنو بان ليك انت ا راضية
راضية:بان ليا سيد عجبتو حتى انا و الا شنو لي يخليه ميهضرش معايا ياك
شمس:معرفتش منقدرش نحكم على الواحد من نضرة ديالو اجي واش وليتي تبغيهراضية(هزات راسها باه):اااه ا شمس ميمكنش يدوز النهار بلا ما نشوفو ولا نفكر فيه خدا كل تفكير ديالي اجي واش انا زوينة
شمس(خنزرات):شنو هذه الهضرة ا راضية انت راك فنة و غزالة ما شاء الله عليك ان شاء الله ربي يسر ليك يا رب
راضية(من قلبها):امييين
شمس:مقلتيش ليا شكون هذا
راضية:اممم غني جارنا الجديددم هرب ليها من وجها منين سمعات شكون مسحات على وجها و راضية حطات راسها على حجرها كتدوي و تعبر و شمس كتسمع ليها مرفوعة مكايناش هنا بقاو شوية مجموعين حتى ناض كلها مشا البيت ينعس او راضية اما شمس كتسنى النهار فوقاش يطلع باش تشوف خالتها و تعرف اشنو واقع من مور ضهرها و هي معارفاهش
VOUS LISEZ
نــــــــــــور الاســـــــــــــلام ( شمس اسلام) الدارجة المغربية تيما مبارك
Action🚨🚨🚨جديد جديد🚨🚨🚨 🔥🔥 حصريا و لاول مرة على مجموعة ورداااااااات الملووووووك 🔥🔥 #لا_يــــــــــــــــــــحـــــلـل_نشر_نهائيا قراو لتحت👇👇👇 القصة لي كنتو بانتظارها جا وقتها قصة لي كتحمل من كل فن طرب قصة تجمع بين #الغدر #الخيانة #الحب #الروم...