نــــــــــــور الاســـــــــــــلام ( شمس اسلام) الدارجة المغربية تيما مبارك

37 38

✳ الجزء 37 ✳

   ♥نــــــــــــور الاســـــــــــــلام♥

         🔥 شمس النور 🔥

🌸تيما مبارك🌸

    ⚡الحق لا يطلب بل يأخد باليد⚡

كيف فاقت الصباح غسلات وجها و قادات حوايجها عاد طلعات الفوق لقات غير اكرام لي فايقة و كتقرى القران مشات الكوزينة فتحات التلاجة و دارت الفطور و حطاتو فوق الطبلة و زادت تفطر حتى كملات و ناضت باست راس الام ديالها و خرجات عاد من الدار ركبات في لوطو و شدات طريق ينشان الحبس غير وصلات مدات ليهم لاكارط ديالها و دخلات قلبوها عاد خلاوها تدخل قالت ليهم اسم الشخص لي عتلاقاها و زادت و هي مفزوعة عالم اااخر الله ينجينا و ينجيكم منو

مشات جلسات حتى شوية كتشوف مرة كبيرة في العمر في 49 عام في عمرها داخلة و هي مستغربة شمس عرفاتها حيت غير هي بوحدها اما المرة مخفاتش عليها جيت طالعة لمها كتشبه ليها بزااف خدات نفس عميق و مشات جلسات ببرودة تامة

لبنى:اش جيتي ديري هنا ا بنت شرف
شمس:خالتي
لبنى:انا مخالت حد
شمس(خدات نفس عميق و نطقات):جيت عندك نسولك على اسئلة و نمشي بحالي
لبنى:اشنو باغيا

شمس (كترعد):مي و با
لبنى:اش بغيتي تعرفي عليهم
شمس:واش كانو مزوجين و فين كانو قبل
لبنى(ضحكاااات حتى الودنيها):عاودي اش
شمس(بإستغراب):خالتي انا سولتك

لبنى:سمعي ا شمس مك كانت اكبر باطرونة اي المغرب و خصوصا مراكش جاتها خدمة في مع واحد السعودي و مشات التما البيران و شراب و منين رجعات لقات راسها حاملة بيك و مشات لصقاتو في شرف و شرف كيف المنظومة تيقها حتى تزاديتي و تزوج بديك خيتي الجديدة و هي تقلبو و مشا دار شهادة طبية باش عرف انك مشي بنتو

شمس(بصدمة):هذه الشي كدوب
لبنى:معندي لاش نكدب عليك سيري سولي باك و قولي ليه واش انت بنت الحرام اولا و شوفيه شنو عيقول ليك
شمس:خالتي انا عارفة ماما مستحيل تكون من هذه النوع
لبنى(ناضت):معندي ما نخسر باك و خويا دخلوني الحبس ضلم و انا مدايرة والو و دعوة بيهم الله في هذه النهار و دابا تهلاي

ناضت مشات خلاتها غير كتشوف و دموع في عينيها و كلمة بنت الحرام كدور ليها في راسها و تعاود و تردد ناضت بشوية عليها و هي مرفوعة و هذه صدمة على صدمة لي تلقاها ركبات في لوطو و شدات طريق الدار دخلات كانت خاوية من غير شرف لي في الدوش و اكرام لي كانت تجمع الطبلة دارت لقات شمس عينيها حومر و نطقات و هي كتصرط ريقها

شمس:انا بنت الحرام ياك ا اكرام

اكرام طاح ليها الطبسيل من بين يديها و هي كتسمع ليها و دوات و هي كترعد:لا لا ا شمس منين جبتي هذه الهضرة
شمس(غوتات):مي مشات السعودية كتحقب على قبل 10 دريال و جابتني انا يااااك
اكرام(قربات عندها شدات ليها يديها):شمس تهدني و اجي نعاود ليك اشنو واقع