نــــــــــــور الاســـــــــــــلام ( شمس اسلام) الدارجة المغربية تيما مبارك

79 80

✳ الجزء 79 ✳

   ♥نــــــــــــور الاســـــــــــــلام♥

         🔥 شمس النور 🔥

🌸تيما مبارك🌸

    ⚡الحق لا يطلب بل يأخد باليد⚡

صرطات ريقها منين شافت صامد جاي السلام نيشان و يديه جامعها كان دايز غير زهر تما حتى قشعها جالس مع واحد منين قرب تأكد هو صاحب دعوتها بالله بغا يشنق عليه وقفات ليه شمس في وجهو

شمس:لا لا لا ا خالي لا الله يعطيك الستر مدير ليه والو

اسلام(دور راسو كي شوف فيها مصدوم واش دافعات عليه هذه لي مكانتش ليه في البال)

صامد(غوت):اش كديري معااااااه
شمس (قفزات):والو انا جيت مع راضية ا عمي
صامد:فين هي واش كضحكي عليا
شمس(دورات راسها):ها هي راضية ا عمي

شرات ليها تجي جات تجري عندو و كترعد حتى هي و اسلام راد يديه من مور ضهرو اما صامد خنزر في شمس و هز صبعو دوزو على شفايفو و ولا شاف فيها

صامد:داركم حتى نشوف مع باك تحركيييي

هزات براسها و زادت هي و ختها خطوة هنا و خطوة لهيه اما هو قرب من عند اسلام و هز عليه صبعو:نشوف مك كطوووف بيهااا ما تلوم غير راسك

اسلام(هبط ليه يديه):اولا هبط هذه الصبح من قدام وجهي تانيا مشي انت لي تقول ليا اش ندير اشنو ما نديرش تالتا معوااالش نبعد منها و كيف قلتها لباها عنعاود نقولها ليك شمس حطيتها هنا
(شار لعقلو):لا انت لا باها عتقدرو تبعدوني عليها تقاو شري فيكم و متخليونيش نخرج شيطاني فيكم

صامد(حط يديه من مور عنقو و عيجرو عندو لكن لقاه صحيح):سمع نقول ليك هذه جوج درعان عندك ميسواو والو في اشنو قادر ندير ليك و فيك
اسلام(هبط ليه يديه):متشوفنيش ساكت تقول عليا خيط قصير الا كنت مكنهزش يدي و مخليها عندي و متحكم فيها راه عارف علاش متخلينيش نغلط فيك و كيف ما انت عندك صحابك في تابزنازت حتى انا صحابي غير المحابيس و سكايرية رد بالك معايا و اخر مرة تفكر تهز يديك عليا ولا تغوت على شمس رد بالك
(ببتسامة مستفزة):و زيدون
(رتب ليه على كتفو):عنوليو نساب و مباغيش يكون مشاكل بيني و بين عائلة مراتي

غمزو و زاد عطاه نيتو و صامد فهم راه معيتفارقش عليه زير على يديه حدهم لجدو مزيان و مقدرش يجاوب اما اسلام جاهم نيشان معندوش مع تلاوي يمكن ان هذه الحاجة الوحيدة لي كتزيد تشفع عند شي وحدين بلي راجل رغم لي ناوي يدير او لي كان ناوي يدير و لي عيدير وراقو مكشوفين مشي شي واحد لي يلعب ليك على الغذر حيت راه باين معركة شكون عيفوز فيها

كان باغي يقول ليها بزاف الحوايج و ميهموش الا كانت حتى هي كتبادلو نفس الشعور مع الوقت ولكن منين جا صامد مزيان منين جا كاين بزااف الطرق لي توصلو لقلب شمس تبسم و ركب على المطور ديالو و هو كي فكر الا كسب قلبها مكاينش في الدنيا لي تفارقو عليها✳ الجزء 80 ✳