نــــــــــــور الاســـــــــــــلام ( شمس اسلام) الدارجة المغربية تيما مبارك

89 90

✳ الجزء 89 ✳

   ♥نــــــــــــور الاســـــــــــــلام♥

         🔥 شمس النور 🔥

🌸تيما مبارك🌸

    ⚡الحق لا يطلب بل يأخد باليد⚡

خرجات الدار هي و مها هازة في يديها وصلة الخبز الفران كتشوف قدامها اسلا الاحترام في الحومة مكاين لي يقرب ليك من غير الا دخل شي براني و راه كي كون معروف شمس كتفكر هذه قريبة السيمانة ما شافت اسلام ولا قرب ليها و هذه الشي لي ريحها حيت من داك النهار ديال الجردة ما بان ليها حتى دعات فيه دعوة من القلب

شمس(في خاطرها): الله يعطيه فاش يتلهى و يبعد مني شي شوية
(شافت في مها):مي عنمشي البلاصة الحوت عناخد السردين و نديه الفران حتى هو نتغداو بيه
اكرام:واخا عندك ساروت
شمس:مكيخطانيش
اكرامةصافي ا بنتي ناخد شوية الخضرة و نجي الدار

هزات ليها براسها و مشات السوق كتقدى حتى وقفو عليها سلمو عليها وحدة بوحدة و زادو كي دويو حتى قربو يوصلو الدار

***:قبيلة ناضت في قهوة راجلك ا اكرام
اكرام(تخلعات):إش واقع

***:راجلي سيدي عبد الحاميد كان تما مع شي صحابو حتى دخل واحد و ضرب السرباي ديالكم الرأس جابو كاو اوا ناض خوه حتى هو جا ليهم عطا لي ضربو قتلى حتى ولا كلو كي شرشر بالدمايات ما فكو غير لوسك

اكرام(قلبها على شرف):شرف ما وقع ليه والو بعدة

***:لا اختي ولكن مشا معاهم الطبيب
اكرام(بالزربة):خليتكم على خير

فتحات الباب و طلعات الفوق كتصوني لشرف لي مكيجاوبش حيت مشغول شمس جات من الفران و طلعات الداى عندها لقاتها مشغولة معاها و نادية تهز يديها حيت عاودات ليها

شمس:مالك ا ماما
نادية:شي واحد تضرب في قهوة باك و دابا مك مخلوعة عليه
اكرام:اويلي ا خالتي استغفر الله عليها كلمة تمشي توقع الشرف شي حاجة على اخر يامو يتجرجر في الحباسات
نادية:فال الله ولا فالك

اكرام(ضربات في فخضها و جلسات و شافت في نادية):ولدك كان يقلب على الحبس فابور في شبابو ها هو منين تبت ولا باغي يمشي ليها و مغمض عينيه كنقول ليه بعد من صداع ا شرف بعد من المشاكل هو مكيسمعش خدم عندك ناس طرونكيل هو مكيسمعش ياااربي تحفظو ياربي

شمس(جلسات حدا نادية):ا ماما راه يكون بينو و بين لي ضرب شي حاجة بابا اش دخلو متخافيش
اكرام(بدون شعور):اخر يامو عيولي يشوف خوكم صغير في الحبس من لخميس الخميس

شافو فيها بجوج مفاهمين والو حتى دوراتها شمس في راسها و تبسمات ابتسامة عريييضة و نادية ما فاهمين والو

شمس:طالبة عليها ا اكرام يالله سيمانة باش دوينا على الولاد صدقتي دايرة شرع يديك

ميقات فيها و دورات راسها غلباتها ضحكة حيت اصلا من غبور شمس داك النهار صخفات و اكدات ليها الطبيبة بلي حاملة من تما و هي ساكتة حتى تشوف شرف رأيو في الولاد و الحمد لله هو طالب عليها

اكرام:جا بالغلاط✳ الجزء 90 ✳

   ♥نــــــــــــور الاســـــــــــــلام♥

         🔥 شمس النور 🔥

🌸تيما مبارك🌸

    ⚡الحق لا يطلب بل يأخد باليد⚡

في كلينيك  كيف خرج لطبيب علمهم بلي ضربة لي جاتو الرأس بمسمار دخل ليه الداخل شي لي خلاه يوفقد الوعي ديالو و وصلو الإنعاش هنا اسلام جعر جعرة الكلاب و حااالف الا مناضش منها خوه راه يقتل دلمهم و يمشي على باهم الحبس من كبيرهم الصغيرهم كلشي الا خوه

شرف(قرب عندو و رتب ليه في كتفو):كلشي في وقتو ا اسلام
اسلام(شاف فيه):خويا لي لداخل و تقول ليا كلشي بوقتو ما عرفتو يموت ولا يعيش وتقول ليا مشي وقتو فوقاش وقتو ا سي شرف ااا سمح ليا مشي انت عتخسر واحد من خوتك
صامد(زفر):واش هو قال ليك حقك متاخدوش مالك على هذه الهضرة الزايدة ا ولدي
اسلام:الا مفاقش غتشهدو في المحكمة بلي قتلت عائلة كلها الا مخليت مراكش كاملة تهز على هذه الخبار بين ليلة و نهار منكونش انا نور الاسلام المراكشي

اصراري لي في يعينه خلع صامد لا يتهور و يصدق جايبها في راسو لا شرف لا هو جا اسلام و حدهم ليهم واحد بواحد مجهد بزاف ولكن مكياديش الا قصد يقصد صاحب دعوتو ودليل انه مقرب لحتى واحد من عائلة شرف ولا عائلة ديال صامد و هذه حاجة مزيانة اما في المقابل كان شرف كي حك شفايفو نقول ليكم باش كي حس بالضحك حيت فعلا فكرو فكرو في راسو في صغر فكرو في المغامرات لي كان يدير صعصع كيف كنقولو الا مشا حتى حكاها فيك كان الله فيك و صافي

بصح اسلام عجب شرف بزااف من اول لقاء بيناتهم نهار دخل فيه اسلام و تواجهو بدون ما يتكلمو خوفو على خوه دابا مخليه جاعر اه ولكن جعرة و خايبة بزااف و عارفة ما يمشي حتى يكمل بخوه صغير و ليلة توصلهم الخبار

شرف شاف تيلي صرعاتو اكرام بالتعياط خلاها حيت عتبدا عوتاني عارفها خايفة دار ليه صيلونص و شاف في صامد جرو

شرف:انا عنمشي الكوميسارية انت بقا مع هذه الجن ولا شوف شي واحد يحضيه و يعطيك خبارو ما يمشي حتى يفلعص شي واحد من شي قنت
صامد(شاف فيه):عارف حتى انا عنمشي معاك انا نعيط لدراري
شرف(مشا عندو):عنمشي الكوميسارية و نرجع
اسلام:مكاين لاش
صامد(عقد غوباشتو مع لكمة):غير ي يجمعها معاك مالك راسك قاصح ربي سلامة زيد ا شرف

خنزر و زاد شرف تبعو حتى وصلو البرى و ركبو في لوطو و الكوميسارية غير وصل دخل لقاو عائلة الولد مقدمين ببلاغ في اسلام بلي تعدى على ولدو حتى تهرس جوج تهريسات و حست صامد عارف بينو و بين الله برك ليه على القضية داكشي باش مجاوش يديو اسلام و قدمو بلاغ ضد ولدو لي ضرب السيد حتى دخل الغيبوبة عاد خرجو من تما

صامد:فين
شرف:كحل العفطة عاد عنمشي الدار
صامد:انا غادي الدار باش ما كان عيط
شرف:كون هاني

هز ليه براسو و مشا داز عندو لقاه في الكلينيك نيت بقا معاه شوية يدير ليه العقل ولكن راسو حجرة عصبو و هو يمشي بحالو الدار