نــــــــــــور الاســـــــــــــلام ( شمس اسلام) الدارجة المغربية تيما مبارك

65 66

✳ الجزء 65 ✳

   ♥نــــــــــــور الاســـــــــــــلام♥

         🔥 شمس النور 🔥

🌸تيما مبارك🌸

    ⚡الحق لا يطلب بل يأخد باليد⚡

لونبيلونص جات و هزوها نيشان و اسلام تبعها بالموطور حتى الكلينيك فين داوها نزل و دخل معاها نيشان و بقا كي تسنا على برا و كي حك راسو قصى عليها بزاف و جرحها و ضرها في خاطرها حتى هي كرهات تكون كيف الناس العاديين هذه هي النظرة لي كي شوفوك فيها الناس الا كنتي جيتي ضحية اغتصاب او من واحد مكتجمعك معاه حتى ورقة

نظرة المجتمع ليك كتكرهك في حياتك و تخليك تكره عيشتك منين كتكون غادي مزيان في واحد طريق و فرحان حتى كي سلط عليك الله شي مسخوط الوليدين يكرهووك عيشتك و تنگد عليك شي لي قال ليها دابا اسلام خلاها تعرف بحق نعمة لي بين يديها خلاها تعرف بقيمة الوليدين لي نهار داوها المقبرة و فوق قبر وليديها دفنات السر معاهم انه ما قالو ليها تخبيه الا لمصلاحتها بنادم معارف والو و كي بقا يطعن في شرف الناس

ضغط ضغط ضغط كي ولد الانفجار ولكن في حالة شمس نفاجر فيها في اعماق ديالها حتى مبقات قادة تزيد

بقا جالس و كي حك راسو و جبهتو قال يضغط عليها هكدا يتهنى و تهنى حتى هي ياخد فلوسو مو و ختو و يمشي يدر زلافتو و يخليها تعيش هانية حتى هي منهم حيت عيبقاو تابعينها الا مكانش هو عيكون واحد اخر في بلاصتو و تقدر بيهم ياديوها ولكن طلع غالط أفكار بقات تطيح ليه في راسو يا ربي السلامة حتى خرجات الطبيبة عندو

اسلام:امضرى
طبيبة(تنهدات):معندها والو غير ضغط الدم لي طلع ليها خاصها راحة تامة باينة عليها كتحلي في قلبها بزاف و هذه الشي عيخلي قلبها يتعيى و توصل حتى دبحة قلبية حادة لي تسبب الموت داكشي علاش رد بالك لزوجة ديالك ا سيدي الفقصة و الاعصاب ممناسبينش الحالتها

خلاتو و زادت و هو بقا كي شوف فيها عقد غوباشتو منين سمع كلمة زوجة ديالك عض شفايفو ببتسامة واسعة و دوز يديه على شعرو و مشا نيشان فتح الباب دخل لقاها مزالة ناعسة جلس حداها كي شوف فيها حتى جاه اتصال ناض خرج من تما جاوب

اسلام:شنو
المحامي:سمعت انها في طبيب
اسلام:عينيك عليها
المحامي:كلشي كي وصل بالتدقيق الا كانت ناعسة خرج عند الدري برا عيعطيك بصمة خليها تبصم و جيبها ليا ها انا تهنيتي
اسلام(حك شعرو و ضحك):اي اي اي اي مزرووب مع رساتك
المحامي:اسلام 100 مليون
اسلام:لا معنخرجش عند الدري دابا
المحامي:المعنى
اسلام:100 مليون دوز لحسابي دابا
المحامي(غوت):واش تسطيتي قادر نخلي دري يدخل عندك دابا التما
اسلام:الا سميتو راجل يدخل ديك الساعة عتشوف لي معمرك شفتيه

سمع سقيل في التيلي عرفو كي فكر حتى ولا نطق:واخا دابا عدوز ليك الفيرمو
اسلام:كنتسنى