نــــــــــــور الاســـــــــــــلام ( شمس اسلام) الدارجة المغربية تيما مبارك

39 40

✳ الجزء 39 ✳

   ♥نــــــــــــور الاســـــــــــــلام♥

         🔥 شمس النور 🔥

🌸تيما مبارك🌸

    ⚡الحق لا يطلب بل يأخد باليد⚡

جلس على الكرسي كي حك راسو و هو مخنزر معاجبو حال من كلامها و كيفاش رخسات راسها راسو كي دي و يجي حتى جات رنة صوتها كتبكي عزات عليه و كيفاش ما تعزش عليه و هي بنتو طرف منو واخا مشي الدم لي جامعهم بجوج

شمس:داك داك داك الورث انا معندي ما ندير بيه مخاصنيش

شرف(مخنزر): خوديه ولا صدقيه ولا ديري بيه لي بغيتي مكيهمنيش كبرتك قريتك وضفتك بقا ليا نزوجك و حاجة وحدة ديريها في بالك ا شمس انت بنتي بنتيييي انااااا و مكاينش لي يبدل هذه الحقيقة

شمس:مشي بنتك انت عندك ولادك

شرف(خنزر فيها):عنوض نلوي ليك داك اللسان لي جالس يقول انا مشي بنتك عييت صابر على هذه الكلمة
(حك صبعو على قلبو):انت هنا و ربي شاهد قداش كنت نبغي ماماك و معزتها مزالة هي هي في قلبي لولا ضغط لي كانت فيه ديك لي مشيتي عندها و كدبات عليك انت طرف مني بنتي بنتي ا شمس و مكاينش لي يقدر ينكر هذه الشي

شمس(كتمسح عينيها):وعلاش كادبين على ناس
شرف(صعر):واااش انا شغلي في الناااااس ااااه انت كنفكر في بنتي كنفكر فيك باغيك تزيدي قدام الناس و راسك مرفوع مكيهمني لا زبل لا والو لي جا يحل فمو عليك نخرج لمو بلابز عينيه متخلينيش نجعر عليك ها ودني منك ا شمس سمعتيني

شمس:و شنو عندير لداك الورث

شرف:شغلك انت

في عز كلامهم شافو البلب تفتح دارت شمس و شافت صامد داخل مخنزر شاف عيونها حومر جعر على شرف و مشا شنق عليه

صامد:مالك معاها
شرف(نتف يديه):بعد عليا ا صامد البنت مامالها والو
صامد:علاش كتبكي
شرف:علاش عتبكي مشات عند ديك لبنى و كدبات عليها و جاية كتدخل و تخرج في الهضرة
صامد(خنزر):ياك قلت ليك ا شمس متمشيش عندها مال راسك قاصح كيف مك مااالك
شمس:مشيت نشوف و نسمع الحقيقة بغيت نعرف ا حالي
صامد:اش عتعرفي ا شمس اااه مشيتي عند فلي كانت سباب لي موت الام ديالك اااه مشيتي عند لي كانت في موت خوك ولا ختك و هو مزال ما جا لهذه الدنيا
شمس(تصدمات):ك ك كيفاش واش ماما كانت حاملة

صامد شاف في شرف و ولا شاف في شمس مزال خاطرو ضارو على ختو و الولد لي كان في كرشها و يحسن عوان شرف لي صبر على فراقهم شدها عنقها و بدا كي عاود ليها حتى هو و نفس كلام شرف عاودو ليها من الاول و الاخير الا حقيقة وحدة ان مها نتاحرات حيت مباغيهاش تعدب راسها كثر و كثر بركة عليها شافت في شرف و مشات تخشات في صدرو و دموع في عينيها كتشهق هو كي طبطب لي ضهرها