✳ الجزء 91 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
جات من لافاك ببتسامة ولكن خاطرها مقبوط عليها لكن مداتها في والو دخلات الدار نيشان مطلعاتش الفوق سلمات عليهم و مشات الطواليط قصات حاجتها توضأت و خرجات صلات اوقاتها عاد بدلات حويجاتها و مشات الكوزينة
شمس:اش درتي
راضية(طلات عليها):والو كيف ديما و صافي بروف فرع ليا راسي على والو
اكرام(شافت فيها):سمعي نقول ليك تجيبي نقطة طايحة نعلق حسك من دوك رجليك معريين
راضية(ضحكات):و اش ندير مع بروف ا ماما
شمس:مشي ساهل ا راضية راه هو لي عيحدد مصارك
راضية:ان شاء الله ناخد الاجازة بنقطة عالية اصلا دايراها في بالي حيت باغيا تكمل الماستر ان شاء الله
اكرام(من قلبها):ان شاء الله توضفي حتى انت و نشوفك في دارك ياربي
شمس:امييين
سكتو منين سمعو الباب تحلات شاف ضو شاعل التحت عرفهم مجموعين تما حط صباطو في الباب و دخل الداخل جلس و اكرام تنقي قوام ديال السفوف هي و شمس اما راضية في الكوزينة كتصايب ليها ما تاكل هزات عينيها اكرام شافت فيه جالس ساهي مهواش هنا حتى نطقات
اكرام:مالك ا شرف
شرف(كلشي هز عينيه فيه حتى من راضية خرجات هازة صيهيو): دنيا صغيرة ا عمارة داري والله القسم
اكرام:مالك خلعتيني واش عندك شي حاجة
شرف:الدري لي خدام معايا جديد ولد الحومة
راضية(وقفات في بلاصتها تسمرات)
اكرام:اه كيف بقا مسكين وصلاتني الخبار غير قبيلة صونيت و عاودت ليك مخلوعة قلت حتى تجي و تقول لينا
شرف(تنهد):ضربة لي جاتو الرأس قاصحة بزاف و الزرواطة لي تضرب بيها فيها مسمار دخل ليه في الراس دابا مغيب
راضية(يديها كي ترعدو و كتقول ياربي يكون مشي هو حيت جوج لي خدامين معاه من الحومة شمس حتى هي معاها)
اكرام؛الله اكبااار ياربي ينوض منها
شرف:بينك و لينك موحال واش ينوض منها الدري في الانعاش
شمس(سولات باها ترضي فضول ختها لي باين من عينيها):شكون هذا ا بابا
شرف(شاف فيها):غني ا بنتي غني جارنا
يالله نطقها كي سمعو الماعن طاحو حداه و زدحة قوية في الارض راضية طاحت على طولتها من كلام باها خلاتو ينوض مرعود عندها خايف عليها و على صحتها لي كيف مها على قد الحال اما هي صافي حيلها تهدو هي كتسمع من عند باها شخص لي بغاتو بين الحياة و الموت ما نعرف يعيش ولا يموت
شرف(كي ضرب ليها في وجها):راضية مالك ا بنتي راضية فيقي
شمس(مخلوعة):بابا هاك ريحة ديرها ليها
شرف(خداها من عندها):نوضي ا بابا بلا ما تخلعيني عليك تاني راضية نوضي
اكرام(خرجات عينيها وشافت في شرف):دم دم ا شرف دم
VOUS LISEZ
نــــــــــــور الاســـــــــــــلام ( شمس اسلام) الدارجة المغربية تيما مبارك
Action🚨🚨🚨جديد جديد🚨🚨🚨 🔥🔥 حصريا و لاول مرة على مجموعة ورداااااااات الملووووووك 🔥🔥 #لا_يــــــــــــــــــــحـــــلـل_نشر_نهائيا قراو لتحت👇👇👇 القصة لي كنتو بانتظارها جا وقتها قصة لي كتحمل من كل فن طرب قصة تجمع بين #الغدر #الخيانة #الحب #الروم...
