✳ الجزء 43 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
كيف قالتها خلاتو مفقوص و غير كي تقلى في بلاصتو حكاتو مزيانة و حر الشمتة لي شمتاتو فيها منال مزال تحفر و دگ فيه خنزر في شمس و قرب عندها هو عينيه في عينيها جغمة من الدم هز يديه و حطها على خدها الحميمر و نطق
اسلام:منال منين كنت معاها خديت منها داكشي لي خاصني وعطيت لراجلها الشياطة لي شاطت عليا ا لالة شمس
شمس(بعدات وجها عليه و هي مخنزرة فيه): كتبقا شمتاتك وحدة من بنات الحرام
(قربات وجها من وجهو):كاين بنات الحرام في فعايلك كيف دارت ليك انتاسلام (رد يديه من مور ضهرو):نقصي عليا الطريق و رجعي الناس حقهم
شمس:الحق مكيتعطاش كي تخاد باليد و الا كنتي قاد أجي خودو
(هزات صبعها):حربي بينك و بيني هذه لي عنقول ليك خلي عليك عائلتي في التقار و ياويلك نشوفك كطوف بيهم لا شرف لا صامد عيخليوها فيكخرجات من تما لقات ريهام كتلعب حدا باب لوطو قربات عندها و سلمات عليها بالحنك حيت هي لي جبدات ليها لسانها على خوها حتى گرات ليها بكلشي مشات ركبات و دارت ريهام كتشوف في اسلام كي شوف في شمس مخنزر حتى مشات و قلب عينيه لريهام نوض فيها الرعدة مشا ليها نيشان شدها من قرفادتها و دخلها الداخل مخنزر و غوت
اسلام:انت فين ما مشيتي تعاودي اسرارنا البراني ااااه
ريهام(كترعد):لا لا اخويا لاااا هي لي سلاتلي لساني والله
اسلام:مومو صغيرة مكتعرفي واااالوووو ااااه
ريهام:سمح ليا اخويا عافاك
اسلام(دفعها):زيدي قدامي زيدي زيدي
ريهام؛عافاك ا خويا عافاك سمح ليا
اسلام:وووو زيديوقف قدام الموطور و مد ليها الكاسك ركبات من موراها ديمارا و هي كتفرنس من التحت عقل الصغر ممصوقاش ليه يتعصب ولا يجلس وصل الحومة نزلات و ضربها الرأس
اسلام:داركم تحركي يالله سيري من قدامي
هربات من حداه و دخلات تفرنس اما هو جبد گارو من جيبو و تكا على الموطور كي كميه و يبخ حتى شاف لوطو ديال شرف وقفات قدام باب الدار بقا كي شوف فيه حتى شرف نزل منها و سد الباب دار عند اسلام حك لحيتو و نيفو و مشا نيشان عندو وقف عليه اسلام ستغرب من تصرفاتو كيفاش جاي عندو هو و اشنو باغي عندو
شرف(كي شوف ليه في عينيه الضربة لي مشات منو):صافا
اسلام:الحمد لله
شرف:ما دوينا ما تكلمنا منين جيتي و نا ضداد الصداع ملحقناش نتعارفو
اسلام(حك لحيتو رما الگارو و تقاد في الوقفة):مكاين مشكل ديك الساعة نديرو شي قهيوة و نجلسو فيها
VOUS LISEZ
نــــــــــــور الاســـــــــــــلام ( شمس اسلام) الدارجة المغربية تيما مبارك
Action🚨🚨🚨جديد جديد🚨🚨🚨 🔥🔥 حصريا و لاول مرة على مجموعة ورداااااااات الملووووووك 🔥🔥 #لا_يــــــــــــــــــــحـــــلـل_نشر_نهائيا قراو لتحت👇👇👇 القصة لي كنتو بانتظارها جا وقتها قصة لي كتحمل من كل فن طرب قصة تجمع بين #الغدر #الخيانة #الحب #الروم...