🌸 🌼OUR LAST SPRING វគ្គ1🌼🌸[ចប់]

Episode 24

នាពេលព្រឹកព្រលឹមដ៏សែនរីករាយ មានមនុស្សម្នាជាច្រើននាក់បាននឹងកំពុងតែមកប្រមូលផ្ដុំគ្នាយ៉ាងច្រើនកកកុញនៅពីខាងមុខទីធ្លានៃសាកលវិទ្យាល័យ។

ស្នាមញញឹម ការជជែកគ្នាហើយនិងការសើចសប្បាយពីសំណាក់អ្នកដែលបាននិងកំពុងតែមានវត្តមាននៅក្នុងខណៈនេះ គឺវាបានបង្កជាភាពអ៊ូអរយ៉ាងកងរំពងមួយកើតមានឡើង។

ព្រោះថានៅក្នុងថ្ងៃនេះគឺជាថ្ងៃដែលសិស្សនិស្សិតគ្រប់គ្នាទាំងអស់រង់ចាំអស់រយៈពេលមកជាយូរណាស់មកហើយ ទម្រាំតែវាឈានចូលមកដល់ ដែលវាគឺជាថ្ងៃបញ្ចប់ការសិក្សារបស់សិស្សនិស្សិតគ្រប់គ្នានោះឯង។

មានអាណាព្យាបាល សាច់ញាតិ បងប្អូនរបស់សិស្សនិស្សិតជាច្រើននាក់ ក៏បានមកចូលរួមនៅក្នុងការប្រារព្ធពិធីអបអរសាទរការបញ្ចប់ឆ្នាំសិក្សានិងប្រគល់សញ្ញាបត្រជូនទៅដល់សិស្សនិស្សិតគ្រប់គ្នាផងដែរ ដែលនេះវាគឺជាថ្ងៃមួយដែលពួកគេមិនអាចខកខាននៅក្នុងការមកចូលរួមនិងអបអរសាទរទៅដល់កូនៗឬក៏បងប្អូនរបស់ពួកគេបាននោះឡើយ។

ជីវិតជាសិស្សនិស្សិតក៏ត្រូវបានបញ្ចប់នៅត្រឹមនេះ ហើយអ្នកគ្រប់គ្នាក៏ត្រូវបន្តដំណើរទៅកាន់ទំព័រថ្មីនៃជីវិតរបស់ពួកគេម្នាក់ៗផងដែរ គឺត្រូវទៅជួបនឹងមនុស្សថ្មីៗ ទទួលបាននូវបទពិសោធន៍ថ្មីៗពីជីវិតពិត ក្រៅពីបទពិសោធន៍មួយចំនួនដែលពួកគេធ្លាប់បានទទួលមកពីការរៀនសូត្រនៅឯសាលានោះ។ ហើយក៏នឹងត្រូវទៅជួបនូវឧបសគ្គជាច្រើនដែលវាអាចថាជាឧបសគ្គមួយដែលលំបាកសម្រាប់ជីវិតរបស់ពួកគេម្នាក់ៗដែលត្រូវមកឆ្លងកាត់។ ការឈានជើងចេញពីសាកលវិទ្យាល័យប្រៀបបីដូចជាការឈានជើងចេញពីសេចក្ដីផ្ដើមនៃការសរសេរតែងសេចក្ដីអញ្ចឹង។