أيمن بدا يضرب فالزاج ديال اللوطو باش يحلولو الباب..انتابهو ليه ودارو كيضحكو..حلو ليه الباب ..هزو نيار بين يديه وتمو داخلين
ميسم:"هدرات موجهة هدرتها لأيمن"..أيمن شتك نسيتي مسولتينش على الهدية لي كتسالهالي منين ربحتيني ههه
أيمن:"ضرب على راسو وقال" آآآه نسيييست فكرتيني..وفيناهيا دبا
ميسم:موجدهالك الفوق يلاه نكتاشفوها
أيمن:وااااو بالصاااح.."هدر موجه هدرتو لنيار"يلاه طييير بيا الفوق بحال الطيارة ..بغيت نشوف المفاجئةمقادرش نصبر
نيار :ههه واخة يلاه ربط حزام الأماان
وصلو قدام الغرفة ديالو وقالت ميسم
ميسم:أيمن واااجد
أيمن:آه واجد
حلات الباب وتمو داخلين كيف دخلو تعالات التصفيقات الحارة وهما كيغنيو لأيمن أغنية العيد ميلاد ، كانت كل عائلتو حاضرة ماماه باباه جداتو وبزااف بالإضافة لكريم... ماهو لي منظم الحلفة.. وبعض الممرضات المشرفيين على حالتو.... الغرفة لي كانت مزينة بطريقة رااائعة ..فوق سريرو معلقة سينتة مكتوب فيها عيد ميلاد سعييد أيمن وفالزاويةخصصوها للمأكولات محطوطة طبلة طوييلة وحتا هي مزينة عليها لا طارط ديالو وبعض الحلويااات المتنوعة بالإضافة للمشروباات الخالية من الكحوول وجميع أنحاء الغرفة كانت مزينة بالبالونااات فكلا اللونين الأزرف والأبيض ...تقدمو بأيمن لعند عائلتو لي كان مفتاقدهوم بزاااف..عنقاتو الأم ديالو باشتيااق وقالت
الأم : عيد ميلاد سعيييد يا أحلى طفل بالعالم.."مداتلو كاشكول لي كان فاللون الأزرق وكان مطرز عليه إسمو"..ليل كامل وأنا بايتة نصاوبولك..كنتمنا يعجبك أولدي
يمن:"خداه منها ولواه على عنقو"صاوبتيه نتي ومايعجبنييش ..تقدم الأب ديالو تاهو وعايدو ..ومدلو هديتو خداها منو أيمن بفرحة ..فتحها وهو يلقا سيارة ديال الشرطة كبيرة الحجم
أيمن:بابا شحال من مرة كنقولق غنولي طبيب بحال ختي ميسم وخويا كرييم..ماشي شرطي اممم ولكن مبيهاش ..
الكل ضحك على دعابتو ..لي ولابد منها تقدمو باقي أفراد عائلتو عايدوه وقدمولو الهدايا فرح بزاااف وخدا جمييع هداياهوم وحطهوم فوق سريرو..وأخيرا تقدم نيار لعندو ..هبط لمستواه وقال
نيار:عيد ميلاد سعيييد أ البطل ديالي..
أيمن:شكرااا
مد نيار يدو لعنقو وحيد منو السنسلة لي كانت محاوطا عنقو..مدهالو وقال
نيار:سمحلي على هاد الهدية البسيطة ولكن..كون كنت معلوم قبل كنت غنجيبليك أحسن هدية
أيمن:"خداها منو وقال"لا زوينة عجباتني ..شكرا
أنت تقرأ
الواقع المر
Romanceرواية بالدارجة المغربية ... تأليفي : Wisso_Thr القصة غتكون بين الضابط نيار لي كيقلب على الأطباء لي متورطين في عمليات التجارة بالاعضاء ديال المرضى بشكل سري والطبيبة ميسم لي غتعاونو
