نعيمة:"قاطعاتها"لا لا ماشي هادشي لي بغيت نقول..احم فصارحة البارح..منين كنت غادا نخبر الأم ديالها بوضعها..لقيت عندها د.أحمد وشرحلها كلشي وخلاها حتى توقع على أعضاء بنتها للتبرع
ميسم:"كيف سمعات د.أحد تعاوطات فالكلسة ..وركزات مع كل كلمة كتخرجها"
نعيمة:ولكن ماشي هنا المشكيل..فالأول فرحت حيت كانت هاديك أصعب مرحلة نديرها..ولكن هو سهلي كلشي..داكشي علاش قررت نشكرو..منين مشيت المكتب ديالو ..سمعت كلامو وهو كيهدر في التيليفون بدون قصد..وسمعت شي حوايج خطيرة
ميسم:"بلعات ريقها..نافية داكشي لي كيدور فراسها"كملي ..شنو سمعتي
نعيمة:ااا سمعتو كككيتافق مع شي واحد وكيقولو بلي الأعضاء غيوصلو حتا لعندك..الا والثمن غيكون غالي بسبب أنه ماشي فقط عضو واحد وإنما أعضاء الجسم كلو
~~~~~~~~~~
كيف شافها خرجات فرح من قلبو..وبقا مراقب حركاتها وملامحها..قرب لجيهتها ويدو فجيابو ..كيف شافها هبطات راسها فهمها أنها حشمات من بعد داكشي لي وقع البارح..ابتاسم وهز صبعو..حطو على فكها وطلعليها راسها مقابل معاه
ركز عينيه فعنيها ..وهبط لمستواها قبل خدها..ورجع قال
نديم:صباح الخييير
ياسمين:"تزنكات وخدودها ولاو حومر ومعرفات متقول لسانها تربط"ااا صباح النور .."قالتها وبعدات غادا بخطوات سريعة وقلبها غيخرج من بلاصتو
نديم كيف شافها ابتاسم..ودار بسرعة شدها من يدها وقال
نديم:أنا غنوصلك..غادي غادي للمركز وقلت نوصلك معايا
سمين:"بالسيف قدرات تعلي راسها تشوف فيه ..حيدات يديه لي كانت شاداها ..وابتسماتلو ..ومشات ناحية السيارة ..فتحات الباب وركبات..هز يدو دوزها على ذقنو ودار ركب وزاد مكسيري
عم الهدوء وحتا واحد ماتجرء يهضر..ياسمين لي الفراشات كيلعبو لداخل ديالها..وحاسة بالحشمة..أما نديم شوية مركز فالطريق شوية يدور لجيهتها..عيا ما يتسناها تهدر ووالو..تقادا صبرو ..حتى حس باللوطو وقفات ومبقاتش بغات تزيد
ياسمين:مالها؟
نديم:معرفتش ..أنا غنهبط نشوف بقاي هنا
ياسمين:آه واخة..
نديم:هبط ..تفحص العجلات لي كانو مزيانين..حل الباب الأمامية ديال السيارة كيشوف واش كاين شي عطب..حتى كيتفكر أنه شحال هادا معبء البنزين..ضرب برجلو بقوة فالسيارة..حتى تسمعات لياسمين
~~~~~~~~~~~~~
ميسم:"زيرات على يديها..وهدرات بصوت حاد بدون متبين توترها"واش عارفة نتي شنو كتقولي..هاداك لي كتاهميه راه د.أحمد أشهر جراح كاين فالمدينة..أكيد غتكوني فهمتي غلط..أنا سنين وأنا خدامة معاه..منضنش يقدر يديرها..ديري بحالا مسمعتي والو..حيت ديك الهدرة مامنهاش..غيكون قصد شي حاجة ونتي مفهمتيش أوتكوني مسمعتيش
مزيان.."وقفات "المهم..آخر مرة تعاودي بحال هاد التصرف..متبقايش تتجسسي على الأطباء..ديها فخدمتك وميهمك حد..حيت بهاد التصرف تقدري تخرجي على خدمتك لي مزال حتا مابدات..دبا عندك مريض ..الغرفة 202..شوفيه وهاد المرة بمسؤولية..وبحرص شديد..كنتمنا تكوني استوعبتي هادشي لي قلت مزيان
ومنبغيش نشوف أخطاء مرة أخرى
قالت هاد الكلام وتمت غادا خارجة مع الباب ديال المشفى
أنت تقرأ
الواقع المر
Romanceرواية بالدارجة المغربية ... تأليفي : Wisso_Thr القصة غتكون بين الضابط نيار لي كيقلب على الأطباء لي متورطين في عمليات التجارة بالاعضاء ديال المرضى بشكل سري والطبيبة ميسم لي غتعاونو
