طول المدة لي كانت كتعاودلو فيه ميسم على ماضيها الموجع..ومعاناتها لي بدات من يوم احتفالها بعيد ميلادها...كان حاضنها وكيسمع لشهاقاتها لي كتخرج رغما عنها...الدموع محجرين فعنيه كيحاول يمنعهوم..باش متشوفوش ويزيد ما عليها..كيفكر فشنو كان غيدير لو ملقاش هاتفها لي عطاه الأمل..أكييد كان غيضلمها ويزيد مابيها..كيحمد الله أنه متهورش وصدق قلبو...بكات خرجات كل لي كانت مخبياه من هادي شحال..بكات غوتات شهقات... حتا ولا تيشورت ديالو فازك
كانت فحاجة لبحال هاد الحضن ..محتاجة تخوي قلبها..وبالضبط كانت محتاجاه يكون فجنبها..وفرحات أنه مصدقهاش وفضل أنه يقلب على الحقيقة...ماخبات عليه والو..من اليوم المنحوس لي فقدات فيه عائلتها..وكيفاش لحد دبا مزاال كتلوم راسها على موتهوم ..لكونها هي السبب في اندلاع الحريق..كيفاش عانات فمنزل عمها وقيامها بكل الأعمال الشاقة..وطمعو فالورث..وحتا على قطتها لي فقداتها بسبب الشخص لي خلاها ترجع ضحكتها ويرجع عندها والأمل مرة اخرى فهاد الحياة..كيفاش خيب ظنها وطلع كيشوفها بنظرة غير لي كانت كتشوفو فيها..هي كانت كتعتابرو خوها..ولكن هو لا..كان باغيها تكون حبيبتو..رغم أن الأمر خلا نيار ينزاعج شوية..لكن منين كملات على رفضها ليه وسفرو وابتعادو..اطمئن
عاوداتلو كيفاش هربات من بعد ما خدا عمها التوقيع..وكيفاش تعرفات على كريم لي علمها بزااف ديال الحوايج وخلاها تكون شخصية جديدة وقوية..عكس كيف كانت..نهار بداية عملها..نهار لي تدمر فيه كل لي خططاتلو هادي سنين..نهار عرض عليها د.احمد تنضم لعالمهم..وهددوها بختها لي خطفها يوم وقوع الحادث باش ينتاقم من الأب ديالها حيت كانت علاقتهم متوترة كيف عاودليها خالها..وماكان عليها غير تقبل ..هنا حبسات ومقدراتش تعاودلو على خالها وكيفاش اتافقات معاه ..وبأنها مدارتش داكشي من راسها وإنما بأمر من العميد ابراهيم..مقدراتش تخبرو..حيت بغات حتى تتكلم مع خالها وتفهمو ..وينصحها بشنو خصها ديير.... عاوداتلو على أسماء لي من اليوم نقداتها وهي كتعتابرها بحال ختها الصغيرة..وكيفاش القدر لعب لعبتو وصدقات هي ختها لي كتقلب عليها..من بعد اعتراف المجرم مراد ليها..لكن لي محيرها هي فين كانت هاد الوقت وكيفاش وقع..باغة تعرف التفاصيل ولكن منين...نيار كان مركز مع كل كلمة كتخرج..لحد دبا مزال كيأنبو ضميرو على أنه خلا ديك المجرم يهرب ..ولكن دبا من بعد ما عرف الحقيقة..مغاديش يخليه فراحتو ولديك الساع ولحين مايتشد..غيبقا مخبي عليها..واخة النار كتحرق فيه ولكن ماعندو حتى شي حل..بقا كيدوز على شعرها وهو مزال كيسمع لشهقاتها..مقادرش يهضر..وحتا هيمر الوقت وهما على نفس الوضح..كلا وفيين سارح..شافها سكتات وكيتسمع فقط صوت أنفاسها..قابلها معاه ببطئ..لقاها نعسات...قادها فالسريير ويلاه غينوض ..لقاها شاداه من تيشورت مزيرة علييه..تبسم ابتسامة جانبية..ورجع نعس بالجانب ديالها..حاط تقلو على يدو اليسرية وهو متأملها..لمح الدموع لي مزال آثارهوم على وجهها..هز يديه ومسحهومليها برفق..قرب لمستواها وطبع قبلة على جبينها..ورجع كيدوز يديه على شعرها كيشوف فيها بنظرات كلها إعجاب..وعقلو خدام كيحلل لي قالت كلمة بكلمة
قاطعو صوت أنينها لي كتصدر وجبهتها لي بدات تصبب بالعرق..كانت كتحرك راسها بالسلب وكأنها نافية شي حاجة..بدات تفركل وتبكي وتنيين ..نيار كيف شافها فدييك الحالة قفز وقرب لعندها محاول أنه يفيقها..شد وجهها بين يديه..وحالتها هكاك خلات قلبو يتعصر وهو مقادر يدير والو
أنت تقرأ
الواقع المر
Romanceرواية بالدارجة المغربية ... تأليفي : Wisso_Thr القصة غتكون بين الضابط نيار لي كيقلب على الأطباء لي متورطين في عمليات التجارة بالاعضاء ديال المرضى بشكل سري والطبيبة ميسم لي غتعاونو
