مصدوم وحاس براسو مقادر يدير والو ..عينيه نشفو بالدموع ..كيشوف فيها مكتحركش ..كيفاش غيدير يعيش من بعدها..ماهي لي خلاتو يعشق الحياة مرة أخرى ...معاها كيتصرف بكال تلقائية..كيفرح لشوفة ضحكتها...وابتسامتها ..في ظل سهوتو حس بحالا شي حاجة زيراتلو على يدو شوية ورجعات رخفات...هبط راسو بسرعة كيشوف فيديها وعاودات حركات صبعها ..ميمكنش يكون كيحلم...رجع هبط لمستوى قلبها وحط ودنيه ..وهو كيترعد معرف واش يفرح ولا شنو..سمع نبضات قلبها رجعو يدقو ولكن مكانتش كتنفس ..و هو يضحك بفرحة
نديم:كنت عارفاها ..كنت عارفاها مغتمشيش وتخليني"شاف فنيار"هي قوية
مغتستسلمش...غترجع لينا حسن من قبل ياك!!
سمعو سيارة الإسعاف وصلات وزادت ابتسامتهوم وسعات وبداو يحمدو الله على هاد المعجزة لي وقعاات..المعجزة لي خلات قلب هاد العاشق الولهان يرجع الحياة...خلات اللمعة ترجع تبان فعيونو والضحكة تعاود تزور شفتيه...
☆☆☆
شافت ملامح وجهو لي تكمشو وهي تحيد يديها بسرعة وسولاتو بخوف
اسماء:اا جون..جوس"حاولات تتذكر سميتو ولكن والو..تلفات "اا واش نتا بخيير..وقعاتليك شي حاجة؟
جوسلين:"حاول يخفي ألمو وابتاسم"ثاني نسيتي سميتي محشوماش عليك..انا بخيير خصنا نمشيو
اسماء:"ابتسمات بتوتر"سمحلي ولكن واخة نبقا نعيطليك جون ..
جوسلين:"عقد حجبانو"جون!!..ههه صافي واخة اسم دلع زويين
اسماء:اا ب..لا ماشي اسم دلع..غير مختاصر باش منبقاش نغلط..
جوسلين:صافي واخة..عجبني انا..اا يلاه نمشيو
اسماء:فيين..بلاش اا غير خليني هنا أنا شبعانة"كيف قالت آخر كلمة تسمعو أصوات غريبة جاية من كرشها..أسماء كيف سمعاتهوم..دارت ديييها على كرشها وهبطات عينيها ..مقاداش تشوف فيه
جوسلين:"بدا يضحك ضحكتو الرجولية ورجع قال"لا لا باينة نييت مافيكش جوع..زيدي طلعي راه مزال الوقت..حسبيها بحالا غترضيلي معروفي حيت عتقتك..شنو بان لييك
أسماء:"طلعات فيه عينيها وسهات فضحكتو..شوية شافت فعينيه وقالت"اامم ايلا كان هكاك واخة
☆☆☆
تم داخل مع الباب وعينيه كيتفقدو المنزل لي عاش فيه أحسن لحضات حياتو..المرة منها أو الحلوة..جات عينيه على الام ديالو وختو لي معانقين وهو يتبسم..توحشهوم بزااف..رجع كيتحقق من أختو لي كبراات ..خلاها قصيورة وملامحها كانت بريئة وشعرها قصيير..مي دبا طوالت ومفاتنها زادو برزو حتى ملامحها..وشعرها لي ولا طوييل وزويين..كانت هي وحبيبتو فنفس القد..تكون حتا هي كبرات وزيانت بحالها..ياترى كيفاش غيكون اللقاء ديالهم من بعد كاع هاد السنيين..غتتصرف عادي ولا غتكون تغيراات..شاف الام ديالو لي مزال كيف خلاها..انييقة كعادتها والابتسامة لي على وجهها كتحسسك بالأماان..رغم ان بعض التجاعييد ظهرو على وجهها ايلا وانهم منقصوش من جمالها كيف شافهوم لمحوه ابتاسم ليهوم..وهز يديه بزوج مخليلهوم المجال فين يحضنوه بزوج
أنت تقرأ
الواقع المر
Romanceرواية بالدارجة المغربية ... تأليفي : Wisso_Thr القصة غتكون بين الضابط نيار لي كيقلب على الأطباء لي متورطين في عمليات التجارة بالاعضاء ديال المرضى بشكل سري والطبيبة ميسم لي غتعاونو
