شرقات الشمس المتسللة من النافذة..طفات الضوء كعادتها
ودخلات للحمام..دوشات ولبسات عليها شورط جيين قصيير مع تيشورت فالوردي..نشفات شعرها وسرحاتو..أما وجهها فكتفات أنها دير فغاجو فالوردي وكلوز بارد حتا هو فالوردي..رشات من عطرها واتاجهات للمطبخ
جمعات شعرها على شكل كعكة مهملة وبدات فتحضيراتها.. صايبات كيكة بالشكلاط ومادلين لي زيناتو بكريم على شكل ورد.. عصرات عصير الليمون وخواتو فقرعة ودارتو فالثلاجة يبرد قادات بعض الفطائر والرغايف ورجعات جابت سلة مصنوعة من القصب..
حطاتهوم فعلب بلاستيكية ورجعات حطاتهوم داخل السلة..
~~~~~~~~~~
أسماء ناضت إثر الروائح الشهية فاقت كتمسح فعينيها كتسترجع فين هيا..منين تفكرات خرجات تنهيدة عميقة..وناضت ..غسلات وجهها وحكات سنانها..جمعات شعرها واتاجهات عند ميسم لقاتها حطات الفطور..كانت الطبلة منوعة هاد المرة ..ابتسماتليها وكلسات
ميسم:"بادلاتها الابتسامة ومداتليها الكاس دالعصير"صباح الخير..كيف صبحتي مزيان؟
أسماء:"خدات منها الكاس وقالت"صافا مزيان الحمد الله..حسن من البارح..نتي لي درتي هادشي تبارك الله عليك الله يعطيك الصحة..غير من الريحة باين هادشي بنين
ميسم:ههه شوية وصافي
~~~~~~~~~~~~
كان متكي فسريرو..عينو مداقتش طعم النوم بمرة.. بقا طول اليل كيفكر ..حتا لصباح..شاف الساعة فالهاتف ..وناض دخل الحمام دوش بحذر بدون ميقيس الجرحة كيف خرج نشف حالتو ولبس عليه تيشورت فالأبيض وسروال فالأسود.. عقم الجرح وبدل اللصقة..توجه ناحية المطبخ شرب كاس دالعصير..ورجع جبد الهاتف ودوز الخط لنديم
~~~~~~~~~~
كملو ماكلتهوم فهدووء ..مسحات ميسم على فمها ورجعات قالت..
ميسم:شنو غاديري اليوم؟
أسماء:غنقاد حوايجي وأموري ومن بعد غنخرج نقلب على خدمة
ميسم:"تنهدات "والله مكاين لاش..راكي مامتقلة عليا ما تاحاجة..
أسماء:عفاك هاكا غنرتاح كتر..حتى أنه غنعمر وقتي ..حيت كنمل دغيا
ميسم:لي بغيتي.."سمعات صوت رسالة وهي تهز الهاتف..لقاتها من ياسمين لي طلبات منها تهبط حيت كتسناها فالأسفل...ردات عليها ورجعات قالت"المهم أنا غنخرج..عندنا شي نزهة..وغنرجع معطلة للدار..الا خرجتي سدي الباب مزيان..وراك غتلقاي المفاتيح تحت الطابي لي حدا الباب
أسماء:"آومات ليها براسها وابتاسمات متمنية ليها نزهة ممتعة"
قالت ممتعة قالت اخخ ابتاسمات ليها ابتسامة خفيفة و هزات معاها السلة ..لبسات سباط عالي شوية..وتمت خارجة
أنت تقرأ
الواقع المر
Romanceرواية بالدارجة المغربية ... تأليفي : Wisso_Thr القصة غتكون بين الضابط نيار لي كيقلب على الأطباء لي متورطين في عمليات التجارة بالاعضاء ديال المرضى بشكل سري والطبيبة ميسم لي غتعاونو
