كيف وصل للعنوان لي عطاتلو ..وقف السيارة ..ودار لعندها يتأكد منو لقاها مدورة وجهها لجيهتو ومن الواضح أنها غارقة فالنعاس..بقا يتأملها كيفاش ناعسة بهدوء..شعرها لي نصو طايح على وجهها وآثار الماسكارا لي طاحت من قوة البكا لي بكات قرب يدو لجيهتها ..حيد الخصلات لي طايحين على وجهها
نديم:"بدا كيدوز يدو على خدها "كنواعدك مغنخليكش تبكي مرة أخرى.. خصني غير نلقا أجوبة على أسئلتي..ولي عطاني شوية ديال الأمل..آخر كلمة قلتي..شنو مغزاها..واش بغيتي تعطيني بها إشارة ولا كيفاش..مكرهتش لو كان تكوني كتبادلني بنفس الشعور..داكساع كوني أكيدة أنني مغنخليكش..غتكوني ليا وبجانبي لمدى الحياة..
كاتباني هادئة ونتي ناعسة..عكس منين كتكوني فايقة ..مكرهتش تبقاي هادئة معايا بحال هاكة..غير معايا أنا..
ياسمين لي منين وقف السيارة تعنكشات وفاقت..ولكن كيف شافتو دار لعندها معرفاتش علاش دارت راسها ناعسة
~~~~~~~~~~~~
كيف توادعات مع كريم..دارت غادة متاجهة لغرفة خولة ..باش تخبر أمها بالخبر لي أكيد غيصدمها..غادا وقلبها كيزدح لأقصى درجة..متخوفة من ردة فعلها يلاه جات دور مع الكورلوار وهي تلمح الأم كالسة مع د.أحمد وكيهضرو ومن الواضح أنه كيخبرها على موضوع المريضة..استغربات بعض الشيء..وفضلات أنها تبقى فبلاصتها وتسمع حديثهم
~~~~~~~~~
الحوار بين د.أحمد والأم
د.أخمد:الوضع ديال بنتك صعييب..يعني هي واخة عايشة ونبضات قلبها كاينين..الا وأنها ماتت دماغيا..يعني دماغها مخدامش وبما أن الدماغ هو لي كيدخل فكلشي ، هو لي كيعطي الإشارات لباقي الأعضاء كيفاش يخدمو فبلا بيه..مغيقدو يديرو والو ..غيوليو بدون محرك ..يعني من المستحيل بنتك تفيق مرة أخرى ...وغاتبقي هاكدا مدى الحياة..داكشي علاش بدل منعدبوها هكا..خلينا نسمحو لروحها تعيش هانية..وهاكدا غتنقد حياة بزااااف ديال الأشخاص..يعني من بعد توقيعك غتسمحي بموت بنتك ..ولكن غيكون عندك الفضل فإنقاد بزاف ديال الناس ..توقيعك لي غيسمح بالتبرع بأعضائها..هو لي غيسمح بوقوع هادشي لي قلتليك..عارفة صعيب عليك ولكن الواقع هو هادا وخصكي تتقبليه...وأنا كطبيب جرااح..صارحتك بكلشي..ومعندنا منخبيو عليك..وضع بنتك للأسف لا أمل فيه ..ياريت كون كان فاستطاعتنا شي حاجة..ولكن الغالب الله
سعيدة:"الدموع في عينيها..وكلشي تخلط عليها...نار شاعلة فالداخل ديالها وماعالم بحالتها غير الله..خدات نفس عميق..وخدات منو الستيلو..وقعات فين دلها..ومداتولو..كيف سالات..انفجرات بالبكاء وجملة وحدة لي كتصدر منها"بنتي..مشات صغيرة ياربي تعطيني الصبر ياربي..ياربي
د.أحمد:"طبطب على ضهرها بحزن"خديتي القرار الصحيح ..والله يصبرك ويجعل مثواها الجنة..خليتلك الراحة
"كيف قال هاد الكلام..هز الوراق واتاجه للمكتب ديالو لي كان جاي فآخر الكولوار..ومنين جا يدور لمح نعيمة واقفة..ابتاسم ليها وزاد
أنت تقرأ
الواقع المر
Romanceرواية بالدارجة المغربية ... تأليفي : Wisso_Thr القصة غتكون بين الضابط نيار لي كيقلب على الأطباء لي متورطين في عمليات التجارة بالاعضاء ديال المرضى بشكل سري والطبيبة ميسم لي غتعاونو
