مشات ميسم ونعيمة فاتجاه البنت لي كانت سميتها خولة ولي كانت مزالة كتحاول تتفك منهوم والهالات كانو واضحين تحت عينيها..زيد عليها وجها لي كان شاحب ..وقفات أمامها وشافت فالأم
ديالها وأختها ليكانو فالجانب ديالها
الأم:"بخوف"طالعة ليها السخانة بزاااف ومن الصباح وهي تقيا
الأخت:"بحزن"لقيناها كتعاطى مرة أخرى
الأم :سرقات فلوسي باش تشري ديك زبل وتتعاطاه شكاتقولو لمم آه "الأوكسي" اه هو سمعتها كتغوت بيه
ميسم:"من بعد ما سمعاتهوم حولات نظاراتها ليها ..حتا كتلمح فمعصمها ضرابي حومر ..متورمين على شكل عقدة.."هزات يديها لمستوى وجهها ووشارتليها بعينيها ليهوم"واش بغيتي هادشي عرفتي شنو هادي..هادي عقيدة "أوسلير"..كتسببها انتشارات البكتيريا فالدم ديالك..من بعد كتنتشر فجميع أنحاء جسمك..ومن بعد التهاب قلبي داخلي ..وتلوث في صمام "بارا".."طلقات من يديها ورجعات قالت"..هادشي لي كيوقع للمتعاطين دائما..وايلا خرجتي من لهنا بلا أي مضاد حيوي ..قلبك غيوقف وغتموتي...
نعيمة:عطينا فرصة نقدو حياتك
خولة:"بسيف باش حالة عينيها، موجهة هدرتها لميسم"غنبقى ولكن بشرط ..ايلا عطيتيني 3 ميليغرام من "الديلوتيد"(الأوكسي والديلوتيد هما أسماء بعض أنواع من المخدرات)
ميسم:"ابتسمات باستهزاء"..غنعطيك زوج..ولكن ايلا تهدنتي ورجعتي للسرير دبا وسمحتي لينا نقدوك قبل مايفوت الفوت
تمشات البنت طواعية ناحية السرير..شوية طاحت فاقدة الوعي....نعيمة بقات واقفة وميسم والممرضة اتاجهو لعندها بسرعة ..وهبطو لمستواها..
ميسم:"دارت السمعات فودنيها ..كتحسس قلبها..كيف لقات النبض ضعيف ..وجهات هضرتها للممرضة.."عطيني العربة ديال الصدمات مكنتلقى حتى شي نبض
منى:"حضرات داكشي لي طلبات"
ميسم:"طلعات راسها لنعيمة لي مزالو واقفة".. بداي بالضغط..الجلسة ديالك
نعيمة:ووولكن ..عمر سبقلي قابلت هاد الحالة من قبل
ميسم:الجلسة ديالك هادي..وهادي مريضتك يعني نتي لي مسئولة عليها
نعيمة:"بتردد طلبات من الممرضة تبلغ قسم التخدير"
ميسم:"قاطعاتها"شنو أول حاجة كنقومو بيها خلال جلسة الإنقاد
نعيمة:آه الانسجام..ابتسمات ليها وهبطات بسرعة لمستوى المريضة"النبض القلبي؟
منى:النبض الكهربائي ديالها متوقف
ميسم:"واقفة مراقبة الوضع"..نعطيوها صعقة ؟
نعيمة:لامنقدروش..النبض مكيستجيبش ..جبيلي "الأدرينالين"(عبارة عن هرمون كيقوم مبدأو الرئيسي أننه كيحفز الدفاع على الجسم (كيرفع من حدة التوتر وكأن الجسم مهاجم من شي فيروس فتاك ) وكيتسما أيضا بهرمون الحياة ومن أبرز التأثيرات ديالو على الجسم أنه كيزيد من سرعة ضربات القلب وتضييق الأوعية الدموية)
أنت تقرأ
الواقع المر
Romanceرواية بالدارجة المغربية ... تأليفي : Wisso_Thr القصة غتكون بين الضابط نيار لي كيقلب على الأطباء لي متورطين في عمليات التجارة بالاعضاء ديال المرضى بشكل سري والطبيبة ميسم لي غتعاونو
