يلاه جات تدور راجعة لقاتو واقف بجانبها
كريم:دار لييك شي حاجة؟!..نظراتو لييك من قبيلة معجباتنيش..شككني فأمر
ميسم:"ابتاسماتلو"مديرش فبالك..غيكون مقصدش..ولا حتا ايلا اكتاشفت أن مشاعرو تجاهي متغيراتش غنلزمو حدو متخافش..
كريم:نتمنا يكون بصح باغي يعاونك
ميسم:"طولات فيه الشوفة..رغم أنه كيبين راسو مزيان ايلا وحاسة بأنه مهموم "كون مكنتيش نتا موحال نكون وصلت لهادشي لي فييه أنا...كتبقى نتا الشخص لي قدملي بزااف ديال الحوايج بدون مقابل..اعتبرتيني كتر من ختك..حميتيني قويتي شجعتيني..وقفتي فجنبي فأصعب أيامي..سايرتيني فقراراتي ساعدتيني نقتل ميسم الضعيفة ونبين قوتي..خليتيني نشوف الحياة بنظرة مغايرة..رغم أنك كنتي موجوع ايلا ومقصرتيش فحقي..بعض المرات كنقول لو أنني مدزتش من كااع ديك الآلام والأحزان مكنتش غنتلاقا بشخص بحالك..لدرجة كنشكر الله أنني عشت ديكشي كولو حيت بالمقابل ربحت صديق بحالك..وصديقة بحال ياسميين..
ولهذا منقدرش نشوفك موجوع للمرة الثانية..مهموم مشطون حاير ونبقا مربعة يدي...
عارف انك كتلوم راسك على رحيلها وفنفس الوقت مرتاح من جهتها حيت عارف ايلا بقيتو فنفس المكان غتعذبو غير راسكوم...
ولكن العكس ببعدكم نتوما كتزيدو تتعذبو ببطء
كانو مشاعرها صادقيين تجاهك..طال الزمان ولا قصار مغتبقاش أعزب طوول حياتك..خصك تفهم أ خويا أن الحياة قصييرة وايلا خلينا ماضينا هو لي يتحكم مستحييل نعيشو الحاضر فسلام وبهاكدا مستقبلنا غيولي بئيس..
عارف أنك مزاال متأثر ولكن أ كريم لإمتا..أكييد غتكون حتى هي مقلقة علييك فقبرها..أي محبوب كيبغي حبيبو يكون فرحان وسعييد..لإمتى غتبقى مرهون فالماضي عارف انك مزال كتبغيها ولكن حااول أنا متأكدة أن إسراء غتكون سعييدة لشوفة حبيبها فرحان لأنه قدر يكون عائلة حتا هو ويتجاوز الماضي وجات لي تعوضها ولو شوية..
عطي فرصة راسك وأنا متأكد مغتندمش..خصك تتأكد أن مشارعك تجاه نعيمة مجرد واجب لكون جداتها أمناتك عليها ونتا خلفتي بوعدك..أو بالصح احتلات مكانة فقلبك
كريم:"حضنها وهو حاس براسو فاااشل..كلامها علييه فرحو لكن هو مزاال خايف..هبطو دموعو بدون ميحس"خايف ..منقدرش غنحس وكأنني كنخونها وحبي ليها كولو يتلاشى
ميسم:"بعدات ومسحات دموعو برقة"مغتكونش كتخونها أ كريم..بالعكس
حاول ومن بعد شووف واخة..؟
على قبلي..من نهار عرفتك وأنا كنتجنب نفتاتح الموضوع..حتا جات نعييمة لي غيراات بزااف أنا متأكدة أنها هي الشخص المناسب لييك
وحتا نتا كتبادلها نفس الشعور ..هي حركات فبك شب حاجة حيت شفتيها مختالفة وتستاحق شخص بحالك..
إسراء ديما غتبقا هنا'شيرات لقلبو"
ولكن نعيمة هي لي غتعييش معاك الحاضر والمستقبل..هي لي غتحيي مشاعرك من جديد
كريم:"تنهد تنهييدة عمييقة"معرفتش محتاج للوقت..عارف كلشي لي قلتييه صحييح..وأكييد غنحاول
ميسم:كنتمنا متضيعش الوقت بزااف قبل ماتضييع هي من بين يدييك
أنت تقرأ
الواقع المر
Romanceرواية بالدارجة المغربية ... تأليفي : Wisso_Thr القصة غتكون بين الضابط نيار لي كيقلب على الأطباء لي متورطين في عمليات التجارة بالاعضاء ديال المرضى بشكل سري والطبيبة ميسم لي غتعاونو
