رواية بالدارجة المغربية ...
تأليفي : Wisso_Thr
القصة غتكون بين الضابط نيار لي كيقلب على الأطباء لي متورطين في عمليات التجارة بالاعضاء ديال المرضى بشكل سري والطبيبة ميسم لي غتعاونو
هاد الأسبوع ماتبدلوش بزااف ديال الحوايج..أسماء لي طلبات من نديم تخدم فشركتو من جدييد بكونها مصممة..وراتلو شواهدها وحتى بعض تصاميمها..تما عرف نديم صاحبة الرسمة لي كانت محطوطة فوق مكتبو..أعجب بموهبتها ومقدرش يرفض طلبها خاصة وأنها صديقة ميسم..ولكن كان عندو شرط ولي هو ماتعاودلهاش عليه بلي جا أو شي حاجة مكان عليها غيير توافق وفرحتها مكتوصفش..أنها بين ليلة وضحاها ومن بعد مافقدات الأمل فراسها ..تجي هاد الصدفة لي حققات متطلباتها وكتر ....تخدم فشركة معروفة بحال هاديك..مصممة وخاصة مديرها شخص بحال نديم..اعترفات ديك اليوم أنه كان يوم حضها..والفضل كلو كيرجع لجوسلين لي فيقها من أوهامها ..وخلاها تسعى للأفضل وتحقق ذاتها..زادت من فرصها وبقات ليلة كاملة ترسم فالأحذية..وهي حاطة فبالها موضوع الحب لي مزال مذكراه ..جوسلين لي فرح لعودتها وشوفتها مبتاسمة ومتحمسة..طلبات منو السماحة وأكييد تقبلها..واعداتو أنها تكون فجنبو ويقادو التصاميم بزوج..دوزات أسبوع روتيني مع الأجواء الجديدة لي نساوها فماضيها وأحزانها..مركزة على حاضرها ومستقبلها..خصها تكون عند حسن ضنو وشركتهم هي لي تقدم الأفضل هادشي لي كانت حاطة فبالها..وأيضا باش تكسب إعجاب المديير لي يوم عن يوم كيزييد إعجابها فيه..خافية على النظرات لي كيضلو يراقبوها طول الوقت بحب..كالسة فبيروها بنظاراتها الطبية حاطة الأوراق قدامها ومنغامسة فالرسم..حتا كيقاطعها جون على البيرو وهو مبتاسم..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أسماء:"شافت في يديه بتأسف..وكيف لمحات ابتسامتو الماكرة ضرباتو ليها..حتا شد يديه كيتألم..خدات منو الأوراق'بقا تبوحط تما..'شافت فالروسومات متمعنة فيهم وهي تبتاسم'كل مرة كتزييد تصدمني..فين يبانو ديالي قدام هادو..هادشي عاد باليد اليسرية..اخخ شغادي نضيف مزال..ولكن تسنا..ناقصهم لمسة الحب لي كيقلب عليها المديير.."شدات الألوان وبدات ترسم وتزيد وتلون وهو متبعها كيفاش مرة تجمع خصلات من شعرها لي كيزعجوها ..ومرة تحك ورا ودنيها..كان متبعها بنظرات وحدو عارف معانيهم
جوسلين:"زاح نظرو عليها"المهم منين تساليهم..جيبيهم ليا باش غدا خصنا نديوهوم للمدير ويختار لي يناسبو..راكي عارفة مابقا والو للعرض
