My wife (warning )💜

part 28

🍇🍇🍇  ပုခတ်ထဲတွင် အိပ်ပျော်နေတဲ့ ပိစိလေးနားတွင် ပိုးထိုင်စောင့်နေသည်။ ပိစိလေးရဲ့မေမေက ရေချိုးခန်းထဲတွင် ရေချိုးနေသည်။ပိစိလေးအိပ်ပျော်နေတဲ့တစ်လျှောက် အနားမှပိုးတစ်ဖဝါးမှမခွာပါ။

..အင်းး.အဲ..အဲ...ပုခတ်လေးလုပ်လာကာ အသံပိစိလေးဖြင့် နိုးလာကြောင်း သတိပေးလေသည်။ ပုခတ်ထဲက ပိစိလေးကို ပိုး ပွေ့ချီလိုက်သည်။မာမီ အသဲလေးက နိုးပြီးလား..။

နှုတ်ခမ်းသေးသေးထော်ထော်လေးကို ပိုးနမ်းရှိုက်လိုက်သည်။ ပိစိလေးက လက်သေးသေးလေးတွေဖြင့်သူ့ နားရွက်ကိုကုတ်ကာ နှုတ်ခမ်းပိစိလေးဖြင့် သန်းနေသည်။ အဟင့်...ဟင်းး..ငဲငဲ...သူ့မေမေကို မတွေ့လို့ မျက်ခုံးနှစ်ဖက်ကို တွန့်ချိုးပြီး ငိုနေတာလေးက ချစ်ဖို့ကောင်းလွန်းသည်။

အသဲလေးက ဘာကိုအလိုမကျတာလဲ..မာမီကိုပြောပါအုံး။ပါးဖောင်းဖောင်းလေးကို ထပ်မံနမ်းရှိုက်လိုက်ကာ ဆိုလိုက်သည်။ ပိစိလေးက သူ့ကိုမော့ကြည့်ပီး နှုတ်ခမ်းထော်ထော်လေးနဲ့ ငိုနေလေသည်။ အိပ်ယာနိုးနိုးချင်းဆိုတော့ ဂျီကျတတ်တာ ကလေးသဘာဝမဟုတ်လား။

တိတ်ပါကွယ်..မာမီရှိတယ်လေ အသဲလေးရဲ့။ ပိစိလေးကို ရင်ခွင်ထဲသို့ထွေးပွေ့ထားကာ အခန်းပတ်ပတ်လည်တွင် ပိုးပတ်လျှောက်ပေးနေသည်။အရင်က နံရံပေါ်တွင်ကပ်ထားသော ကလေးရုပ်ပုံစတေကာများအစား ပိစိလေးရဲ့ချစ်ဖို့ကောင်းတဲ့ပုံလေးတွေက နေရာအပြည့်ယူထားသည်။မိသားစုသုံးယောက်ရဲ့ဓာတ်ပုံလေးကတော့ အခန်းရဲအဝင်ဝတည့်တည့်မှာ မိန့်မိန့်ကြီးနေရာယူထားလေသည်။ ကလေးကစားစရာတွေ၊အရုပ်၊အင်္ကျီစသည့်လိုအပ်တာမှန်သမျှကို ပိုးတို့လင်မယား ဝယ်စရာမလိုပေ။ နန်းခမ်းတို့သုံးယောက်က အိမ်ကိုတစ်ခါလာလည်ရင် ဘေဘီလေးအတွက်ပစ္စည်းအမြောက်အများကို ဝယ်လာတတ်ကြသည်။

ပိစိလေးမွေးပီးနောက်ပိုင်း ပိုးတို့ရဲ့လင်မယားအခန်းကို တံခါးမပိတ်ထားတော့ပေ။ညည့်နက်သန်းခေါင်ယံလည်း ထထငိုတတ်တဲ့ သမီးလေးကြောင့် အောက်ထပ်က ကြီးမေနဲ့ညီမလေးနှစ်ယောက်တို့လည်း အမြဲဗျာယာခက်ရသည်။