စိတ်တွေလေးလံနေခဲ့တာ ထိုနေ့တွေ
ကတည်းကပင်။မှတ်မှတ်ရရဆို မမနဲ့ ကိုကိုလမ်းခွဲသွားပြီးတဲ့နောက်ပိုင်းလောက်က ဆိုရမည်။အရင်လိုသူငယ်ချင်းတွေနဲ့ကန်တင်းကိုပင်မသွားဖြစ်တာအတော်ကြာခဲ့ပြီ။
အခုလည်းသူတို့အတင်းခေါ်လို့သာလိုက်လာခဲ့ရ၏။
ထုံးစံအတိုင်းကောင်လေးသူငယ်ချင်းနှစ်ယောက်ကတော့ သူတို့ရဲ့ဆိုင်ရာဆိုင်ရာချစ်သူတွေနဲ့အတူရှိနေလောက်မည်။
"ငေးငေး ငိုင်ငိုင်နဲ့ဘာဖြစ်နေတာလဲ "
"ဘာမှမဖြစ်ပါဘူး"
"နင် ရည်းစားရနေတာလား"
"မဟုတ်ပါဘူး..ဘယ်ကရည်းစားရမှာလဲ"
"မသိဘူးလေ နင်ကမှအခုတလောငါတို့ကိုဆို အရင်လို စကားမှသိပ်မပြောတော့တာ...ရည်းစားများရသွားလို့များလားလို့ထင်တာပေါ့"
"မဟုတ်ပါဘူး..ငါစိတ်မကြည်လို့ပါ..စိတ်မကြည်တာကလည်းအခြားကိစ္စပါ"
သူငယ်ချင်းနှစ်ယောက်ကအခြားသူတွေလိုစပ်စပ်စုစုမရှိတဲ့သူေတွမို့တော်သေးသည်။သူတို့သာစပ်စုရင် ကိုကိုနဲ့တွဲနေတာတစ်နည်းနည်းနဲ့သိပြီးနိုင်သည်။
"ဪ..သက်ထား နင်မနေ့က အတန်းမတက်တဲ့စာတွေကူးပေးထားတဲ့စာအုပ်ပါလာတယ်နော်"
"အေးအေး..ကျေးဇူးသူငယ်ချင်း"
စကားလမ်းကြောင်းလွှဲလိုက်မိသည်
သူတို့ကမစစ်စုပေမဲ့ ဆက်မေးလာလျှင်လည်းမဖြေချင်ပါ။
"မုန့်တီက ပေါ့တယ်နော်"
"ဟုတ်ပါ့.... ဆိုင်ရှင်လက်ရာပြောင်းသွားတာလား"
သူတို့နှစ်ယောက်ပြောမှ ပန်းကန်ထဲကမုန့်တီသုပ်ကိုအရသာခံမိသည်။ပန်းကန်ကဖြင့်တစ်ဝက်ကျိုးနေပြီ။အပေါ့မစားတဲ့ကိုယ်က ဒီနေ့သိသိသာသာ အရသာပေါ့နေသည်ကိုတော့ သတိပင်မထားမိလိုက်ပါ။
"လမင်း နင်တီချယ်နဲ့စကားပြောဖြစ်သေးလား"
"အွန်း"
သူတို့လည်းမမကိစ္စကို သိပြီးကြပြီးဖြစ်သလို မမအလုပ်ထွက်သွားတာကိုလည်းသိကြသည်။ အလုပ်ထွက်တဲ့ကိစ္စကတော့ကိုယ်ကပြောပြလိုက်ခြင်းပါ။
YOU ARE READING
အချစ်များ၏နောက်ကွယ်(Completed)
Romanceဘဝမှာတစ်စုံတစ်ယောက်ကိုချစ်မိသွားရင် အဲ့ဒီတစ်စုံတစ်ယောက်ကိုပိုင်ဆိုင်ဖို့ကြိုးစားမိကြမယ်မဟုတ်လား။ကျွန်မလည်းအဲ့ဒီအတိုင်းပါပဲ။ကျွန်မ တစ်စုံတစ်ယောက်ကိုပိုင်ဆိုင်ဖို့ကြိုးစားနေတာ။
