. في صباح اليوم التالي
استيقظت رغد مبكرًا وتوجهت إلى غرفة رشوان، لكنها لم تجده، وعلمت أنه خرج منذ الفجر ليباشر الأعمال التي تراكمت في الفترة الأخيرة. تنهدت وهي تتمتم: "ما يتعبش نفسه جوي، الله يعينه."
أما على سفرة الطعام، فكانت الأجواء مليئة بالضحك والمزاح.
رفق (بمشاكسة): سمعت كده إنك هتجيبي تيلفون يا لولو؟
ضحى (بدهشة مصطنعة): وه وه! دي تبقى عيبة جوي!
روح (باندفاع): وإيه العيب بس في كده؟ ترن على عمي أم يوحشها، ولا تحدت أي حد عليه.
آلاء (بحماس): لاه، واتحدت مع أهلي كمان وأخوي.
رحيم (بابتسامة خفيفة): أنا كمان كنت هعقول لوجبت لروح واحد، وجمانة كمان.
روح (بفرحة): بجد يا أخوي؟ هتجيب لي تلفون؟
ريان (بسخرية): خير، ساكتة ليه يا أم لسان؟
آلاء (بجدية): بيقولوا فيه كذا نوع، بفكر... بيقولوا فيه أبو كاميرات كتير، وأبو كاميرا واحدة... ساسونج.
ريان (ينفجر ضاحكًا): أبو مين يا أختي؟ اسمه إيه تاني؟
آلاء (بغضب طريف): كده طاب، هتجيب أغلى واحد! اسمه إيه المحروق ده يا بت؟
رفق (بضحكة خفيفة): آيفون.
آلاء (باندهاش): هو البتاع دي وسماعات كمان؟
ريان (مازحًا): حرام عليكي عاد يا بت أخوي، دا أنا عمك برديك!
آلاء (بمشاكسة): إيه؟ هتستخسر فيا؟ فين الحج رشوان يحضرنا!
رحيم (ممازحًا): ابقى خدني معاك يا عمي.
جمانة (بخبث وهي تنظر لآلاء): وعلى كده بقا يا آلاء، هتكلمي سي ريان بس؟ أصلي سمعت إن بتوع التيلفونات دول بيعرفوا ناس كتير!
ريان (بفهم تلميحاتها، يرد بحدة): بس هي مش كيفهم! هتكلم مين عليه غير أهلها؟ هي تعرف حد أصلاً؟
جمانة (بابتسامة مكر): أصل آلاء تحب تعرف ناس كتير، مش بعيد حد يقولها "تعالي قبليني"، تروح له!
آلاء (بانزعاج وهي تضرب الطاولة بخفة): وه وه! مش كده يا جمانة، عيب!
باسم (محاولًا تلطيف الجو، يضحك): ولا يقولها "مزنوق في قرشين"، تبيع دهبها وتديه!
(ضحك الجميع ما عدا ريان، الذي لم يعجبه المزاح، بينما رحيم ينظر بحدة إلى جمانة)
رحيم (بجديّة): بس كده كفاية، أنا شبعت.
ريان (بغضب، ينظر إلى جمانة مباشرة): إيوه، بس كده؟ تقصدي إيه يا جمانة؟ حداكي حاجة عايزة تقوليها؟
ضحى (بهمس تسمعه ريان): لا، ما هو باين، كانت حلبية، هو حد بينسى أصله برديك؟
سالم (بحزم): بس عاد، كده كتير!
أنت تقرأ
كبار الصعيد
Misteri / Thrillerإن عادات الصعيد تلزمها الزواج من ابن عمها لكنها تتمرد علي اومرهم و سر أخذ التار الدفين بين الأب و ابنه و ابنته ماذا سوف تكون نهاية هذا الحب و بينهم تار وهم في عائله وما نهاية عشق ينشأ بين راقصه وابن اكبر رجل في الصعيد
