بيت الجد طَارق ،العصر جلسه الحوش
الجد طَارق باستغراب التفت لـ مدَاد:وين إنجام؟
مدَاد تمتم بكلام ،بصوت مسموع:وانا وش يدريني عنها!
أليَث وهو داري بتقب زي كل مرا: بالجنوب ياجد
الجد طَارق باستغراب:وراها بالجنوب
أليَث بابتسامه:المحققه مو جديد عنها والله مادري ياجد بس اكيد انه شغل
الجد طَارق:من متى ابطت لي اسبوع عنها
أليَث :افا يعني ماتبينا ! والله مادري هي لها اسبوع بالجنوب رجعتها مادري والله
بعد نص ساعه ،طقت الباب ، وقف غيَاث وفتح بهمس:تكفين
إنجام بابتسامه:ماتبي تسلم يعني؟
ابتسم غيَاث وحضنها :وحشتيني !
إنجام ابعدت بابتسامه:واضح
دخلت وسلمت على الكُل ، وجلست جنب الجد بعد ما باست راسه: طَارق وزعلان! من مزعلك؟
الجد طَارق التفت لها بابتسامه:كنت بزعل عليتس بس مايقوى قلبي
ابتسمت وحضنته: رحت عشان عندي هناك قضيه وبرجع باذن الله
الجد طَارق :الحين حنا بعز الاجازه وانتِ للحينتس !
ابتسمت إنجام ووقفت: مابيديي شي-قبلت راسه-تامرني بشي؟
الجد طَارق باستغراب:وين؟
إنجام بابتسامه: برجع الجنوب جيت اسلم عليك وارجع
قاطع كلامه مدَاد الي وقف:تعالي !
مشت معه لين ماوقفو باخر الحوش، تكتفت إنجام بابتسامه سُخريه تخفي وراها الم ووجع: يالله تفضل
مدَاد بعصبيه؛ولا كان عندتس ابو تستئذنين منه !
مشت ووقفت بنص الحوش من مسك كتفها ولفها له، مدَاد بعصبيه:لاتكلمت تاقفين!
إنجام طالعت يده وبعدتها عنه ،مدَاد بعصبيه:ابوووك!
إنجام بابتسامه سُخريه تخفي اوجاع وجروحه وذكريات وراها من بعد ماسمعت كلمه"ابوك":ابوي مايرميني عند البحر ابوي مايطردني ابوي مايلاحقني اعطيه حق مزاجه ، ابوي مايمشي ويبي يبيعني عشاان فلوس ، ابوي مايقول لي انا متربي منتس ، ابوي مات وابوي الي عايش طَارق وبس
جا بيصفعها ومسكت يده:معليش لاصرت ابوي وكنت غلطانه تعال طقني
باست راس جدانها وطلعت ، طلع مدَاد بغضب وراها بصراخ:ارجععي!!
رجعت ، دخلها وقفل الباب ، تكتفت:شتبي؟
مدَاد بابتسامه سُخريه:مو تقولين لاصرت ابوي تعال طقني وان طارق ابوتس لانه الي رابتس اعيد تربيتس ماعندي مانع !
ابتسمت وجت بتفتح الباب، نزل يدها مدَاد ، وقف بينهم أليَث:يبه!
مدَاد بصراخ؛ابعدد اربي هالي ماتربت !
ضحكت إنجام بعلو صوتها: نفس تربيتك مع الاسف لاكن تربيه طَارق ومها مأثمرت فيك
جا بيضربها ، وقفت بثبات وجمود بعد الكف الي اعطاها بابتسامه سُخريه تخفي اوجاع كبيره وراها:خلصت؟
مدَاد بصراخ:انقلعي الله لا يردك !
ابتسمت إنجام:اللهم امين يابو أليَث
وطلعت ، لحقها عمها نهات ، نهات بابتسامه:جوجو!
التفت وتقدمت حضنته وقبلته على راسه : سم
وكُل ذا تحت انظار العائله ، نهات بابتسامه وصوت خافت : لاتزعلين منه ان شاءالله يتعالج
ابتسمت إنجام وهزت راسها بـنفي: عادي يطلعها فيني ولا بـ تارا ماتقدر باذن الله بيتشافى ، طمني عنك كيفك كيف خالتو والبنات والعيال للحين مجننينك؟
ضحك نهات : كلنا بخير مانقصنى الى وجودك ولمتك معنى
ابتسمت إنجام بخفوت: بروح وبرجع اذا ما استجابت دعوته تامرني على شي؟
ابتسم:سلامتك ياروح عمك
قبلت راسه ومشت ، شافها لين حركت ورجع قفل الباب ، مدَاد بسُخريه : حتى بنتِ اخذتها مني حلو! هاذي اخوتك حلو
نهات طالعه:شغلك انت خسرته بنفسك لاتدخلني لانا ولا خواتي سامع ! والحمدالله ان بنتك عن الف رجال موقفه نفسها على حيلها
تارا بسُخريه: واضح
طالع فيها نهات :تدرين شقالت يوم سالتها عن الضربه ؟ قالت يطلعها فيني ولا يطلعها بـ تارا وانتِ تضحكين هنا كانك عايشه معززه مكرمه بين اهلك ماتعنين بشي فا إنجام شقت وتعبت وحصلت على كل شيٍ هي فيه الحين من عرق جبينها مار وين الي يقدرها وييين لو هديل رحمت الله عليها عايشه ماكن عاشت هاذ كلها احمدي ربك وانا عمك ان امك وابوك حولك وعندك اخت مثلها
سكتت تارا ، بَارق تقدم بهمس:يبه شوي ؟
طلعو برا ، بَارق: بروح الجنوب
نهات بابتسامه ؛ليه؟ لـ إنجام؟
بَارق بهمس :طلع ورث هديل ولا ابي عمي يدري عنه بياخذه بدون علمها صادفت المحامي وهو يدورها اليوم وعلمني
ابتسم نهات وطبطب على كتفه: انتبه لنفسك وللخط ولا تسرع
ابتسم بَارق وقبل راسه :ابشر
نهات:بقول راح القصيم اجتماع
ضحك بَارق:بالقصيم عاد ! هههههههه الي يريحك
ومشى ، رجع نهات داخل واتجه للمطبخ :به احد؟
دُنى بابتسامه:تعال ياعيني مافي احد
راح وقبلها مع خدها :وحشتييييني !
دُنى بخجل: بس مو هنا عاد!
ضحك نهات : من عيوني بَارق راح -بهمس-الجنوب طلع ورث هديل ولا يبي مدَاد يدري
ابتسمت دُنى وهي تصب القهوه بالدفايه:ياحبيبي هو
نهات:منهو؟
طالعت فيه:وانت للحينك تغار! صح ليه مايبيه يدري؟
نهات تنهد بهمس:الله يهديه يارب مايبيه يدري وياخذه ويدمر نفسه زياده ويضيع حق المسيكينه
اعتدلت دُنى باستغراب:طيب سنيين 24سنه على وفاتها رحمه الله عليها ليه ماعطوكم ورثها؟
نهات بهمس:كلمت المحامي قلت لاكبرت بنتها تاخذه واخاف من مدَاد وترا لها حلال ورزق من الله تخبرين المزرعه المقابل مزرعه ابوي لها والفله الي هنِا باخر الحاره لها واملاك واجده رحمه الله عليها ولا ابيها تضيع وبَارق شاف المحامي اليوم ورايح الحين هو وياه لـ إنجام وبيرجع بعد فتره لان الاجرات تطول
تنهدت دُنى:يوم اشوفها ودّي احضنها اقول والله لاعوضتس بس مادري كيف مرات اقول اخطبها لـ بَارق واقول مادري عنها يمكن ماودها ولا بتردنا لا اقدمنّا عشانك وعشاني ياخي إنجام حنونه بشكل
ابتسم نهات:والله مرات حتى انا ودّي اقول لـ بَارق نخطبها لك واسكت يمكن هي ماتبي العرس يمكن بحياتها احد يمكن ودّها تعيش لحالها اخ بس الله يعين
ابتسمت دُنى:جد شرايك ؟
نهات بابتسامه:نخطبها قصدتس؟
دُنى بابتسامه:ياسعد حظ بَارق لاصرت زوجته وياسعد حظي لاصرت زوجه لولدي نكلم بَارق اول؟ وبعدين نكلم أليَث اخوها الكبير ونشوف رايه نخطبها منهم ولا من عمي
ابتسم نهات وقبل خدها:والله ياحظي انا دامتس زوجتي
وطلع ، طلعت بعد ماخلصت القهوه وراحت الحوش
الساعه 11 اليل ~ الجنوب ~
مكتبها بالمركز ، شافت جوالها نور من اتصال بـ اسم ~بَارق ولد عمي~ ردت باستغراب:هلا بَارق
ابتسم بَارق:اعتذر اني داق عليتس هالوقت بس ودّي اقول لتس ورث امتس طلع تكلمت مع المحامي اليوم وخذته بدون لايدري عمي ماودّي حلالتس يضيع يابنت العم
ابتسمت إنجام:ماتقصر الله يسعدك ، لازم اجي؟
ابتسم بَارق:مايحتاج حنا بالجنوب
وسعت عيونها بذهول:ليه! كان قلت لي يوم جيت اليوم ولا تعبت نفسك وتعنيت!
ابتسم بَارق:لاشدعوا مابيننا هالامور التعب لتس راحه
ابتسمت إنجام:زين انا بمكتبي اذا ودّكم تجون واوفر لكم سكن؟
ابتسم بَارق:نفسه؟ الي بالمركز صح؟
إنجام بابتسامه:اي
بَارق حرك :تمام فمان الله بنجيك الحين نخلص كل شي قبل يدري عمي افضل
وقفلت ، بعد نص ساعه ، طق باب مكتبها العسكري ودخل: في اثنين برا يقولون يبونك واحد منهم ولد عمك
إنجام بابتسامه:دخلهم
ودخلو وجلسو، طالعت إنجام بالعسكري:لاحد يجي
هز راسه بالايجاب وقفل ، جلست ،المحامي: بعد ماكلمني ولد عمك بَارق قلت لك كامل الاحقيه بانك تحافظين على سريه الموضوع نبدا بسم الله الاخت هديل الله يرحمها تملك مزرعه و فله وشركه قائمه للان تحت اداره شخص يُدعى زيد علي ال حارث وعندها مبالغ من اول بحسابتها البنكيه كلمنا جدانك بذاك الوقت وقالو متنازلين عن كل شي لبنتها
إنجام باستغراب:مانعرف احد من ال حارث عندك بيناته؟
المحامي باستغراب:اقول جدتك بالماضي تقول انه اخوها
إنجام باستغراب:امي وحيده جدي وجدتي كيف اخوها؟
المحامي:من الرضاعه حسب الاقوال المذكوره من جدانك
هزت راسها بالايجاب:اعطيني بيناته
اعطاها، المحامي مد لها اوراق: وقعي هالاوراق عشان ينتقل كل شي باسمك بس ينقصه توقيع ابوك
إنجام بابتسامه:ماعليك عندي يعطيك العافيه
وقف المحامي:استئذن
وطلع ، جلست ، جلس بَارق بوهقه:وش السواه عمي مابيعطيتس شي!
إنجام بتفكير اعتدلت:طيب اسمع صح لعبه شوي خطره بس بقول وقعهم واعطيك حق مزاجك
بَارق اعتدل: لو طلب مبلغ !
حوست بمكتبها وطلعت شنطه وفتحتها،وسع عيونه بذهول:إنجام ! تضيعين فلوستس وعمي يزود!
إنجام بابتسامه:يعني صدقت انها حقيقيه!
بَارق:اجل!
إنجام بابتسامه قفلتها: ذي فيك نلعب عليه واذا راح اكيد بيصير له شي بس الاستخبارات والمباحث من اول عندها خبر وشغاله انا على القضيه ونبلغهم يتتبعون ابوي ويصيدون الي يجيب منهم
بَارق بابتسامه: وينمسك عمي ويتعالج! وحقك مايضيع وعمي مايضيع ! وربييي انك كفو بس لو مامشت عليه؟
إنجام :ابيك تمشيها معي انت وعمي
بَارق باستغراب:كيف
إنجام:يعني بقول له وسطكم كلكم وانتو ابدو قولو فلوسك ومادري ايش وعشان اوراق مايسوى وهو بيلعب عليه الشيطان وبيوقع وياخذ الفلوس ويطلع بسرع
بَارق بابتسامه:تم ثم تم ثم تم انتِ تقولين شي وتبيني اردتس اخسي!
ابتسمت بخجل وسكتت، ادرك بَارق انه جاب العيد شوي وتكلم:إنجام
طالعت فيه :هلا
بَارق بتردد: لو اخطبك توافقين؟
طالعت فيه بذهول وسكتت ، وقف بَارق بابتسامه:تكفين فكري زين ولاتحسبيني ابيك عشان املاكك فكري زين وردي لي
أنت تقرأ
عينيها طريَق و قلبي سّافر لأجلها
Poetryأجتمع الجنوب والشمال فيّ > ، طُرق لم نتوقع بالمرورِ منهِا بيوم ، أماكن لم نتخيل بزيارتهّا ، أشخاص لم نُدرك بأجتماعنا معهم بأصعب الطُرق ، حُب ، حنان ، مشاعر ، أهل ، إصحاب ، أخوه ، عداوه انتهت بِـ مودة ، لم الشمل ، معرفه حقيقه مُره وانتهت بجمال ، أشتي...
