عينيها طريَق و قلبي سّافر لأجلها

p31

‏«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»

قسم إنجام وبَراق ، جلست إنجام تحت الدش مويا دافيه عشان تهدي الم رجولها ، بَراق بحنيه:تعورك للحين؟
إنجام بدموع: يعور بوبو يعورر!بطني يعورني ورجولي وراسي يعوروني !
بَراق وهو يساعدها تنشف شعرها:انشاءالله يخف يامي انتِ تعالي
وتمددت بالفراش وهي حاضنه بَراق وهو يقرا عليها ، نامت وجلس ، العصر ، صحت :بوبو
بَراق نزل الجوال:سميّ ياعيونه يعورك للحين ؟
إنجام بتعب:راح الالم بس احس مو طايقه شي
بَراق بابتسامه قبلها:عادي يامي انتِ تلخبط هرومانات وكل شوي بتكون لك نفسيه وجو معليه
إنجام:الساعه كم
بَراق بحنيه:5قومي وضي وصلي الي فاتك
ووضت وخلصت ، لبست مخور واسع تبي ترتاح ، حاوط اكتافها:فيك حيل ننزل مافيك عادي نجلس انزل اجيب لك اكل وارجع
إنجام وهي حاضنته:عادي بنزل يمكن تتغير نفسيتي
ونزلو وهو محاوط اكتافها وهي حاضنته،وجلسو،مها بحنيه:كيفك يامي؟
إنجام رفعت اكتافها بعدم معرفه:ماعرف مو طايقه شي
دُنى بحنيه:خف المك؟
إنجام:يروح ويجي
وكان أليَث يشغل الفحم:بَراق يالله
ووقف ، اسندت براسها على كتف ابوها الي جنبها،مسك يدها بحنيه؛كيفك يابوي يوجعك شي؟
إنجام بتعب:ماني طايقه شي ورجولي شوي تعورني وشوي لا
تارا جابت لها ساندوش:كولي ماكليتي شي
إنجام خذته:ايش
تارا بابتسامه:حلوم
وكلت نصه وخلت الباقي ، سُهى بحنيه:كمليه ماكلتي شي من الصبح
إنجام بلوعه كبد:ماني مشتهيه
وفزت تستفرغ جوا ، ورجعت بتعب ، حطت راسها على كتف ابوها بتعب:ياخي تعبت بس استفرغ !
سُهى مسكت يدها:عادي اول ثلاث شهور كذا تبين اسوي لك شي ؟
إنجام هزت راسها بـنفي، بَراق دف أليَث:ياخي حرقته!
اليث وهو يضحك:مب محروق مقمر ذا والله حلو صبر إنجام تذوق الحكم
رجعه بَراق:ماني بايع زوجتي وولدي عشانك!!
وضحكو كلهم على ردت فعل أليَث ، جابو لها صحنين، انجام :ينخاف منكم
بَراق غمز:حقي احلى
وطالعت باليث،اليث :احس تراجعت اروح بكرامتي؟
وضحكو الموجودين ، وراح يعطي حقه تارا وانجام خذت حق بَراق، بَراق وهو يشوي:جوجو كيف ؟
إنجام بابتسامه:لذيذ يعني في طعم حرق بس لذيذ
أليَث :غش عشانه زوجك!
إنجام وهي تضحك:طبعًا
وضحكو الموجودين على ردت فعل أليَث ، تنهد أليَث وهو يقلب الحم:محد ينصرني انا !
جلنار:بقى ثنتين ماتكلمو اقبال وريَا عاد هم يحكمون
وجاب لهم ، ريَا بتردد:الشكل مايطمن!
أليَث:عادي في تامين طبي على ضمانتي طبخي الذ من بعض الناس
وضحكو كلهم ، كلو ، ريَا وهي تتلذذ:الملح شوي زايد
إقبال:مستوي
ريَا:دن تاخذ كامل
صفق أليَث:شفتو ذولي الي يفهمون مب انتم!
تارا:اي عشانها خطيبتك تعزز اهجد
إنجام:اشوف شويّ بوبو الذ
بَراق وهو يشوي:لو تبين كل وقتي اشوي لك تبشرين
اسر وغيَاث:خفييييييف!
بَراق:عند إنجام ؟راضي
صفقت جلنار:شوفو صار المتربه الثانيه
اليث:خير اخذ مكاني!
جلنار:اي لاني ماشفت شي منك! بَراق الي صدق نسخه مصغره من ابوي بكل فرصه يجلس يتغزل ويمدح فيها شفتو الحُب الوفي
إنجام:صحيح
اليث:غثيتينا انتِ ورجلتس تعززين له على كل شي وهو يدافع عنك
بَراق وإنجام:اجل نعزز وندافع لك؟
وضحكو الموجودين من نطقهم لنفس الجمله،خذا لحمه ووكل انجام:كفو زوجتي!
إنجام:كفوك يازوجي -بلحظه ادراك-يع محب اقول لك كذا!
بَراق وهو يضحك:احس رسميين!
ضحكت جلنار:مب صاحين
وقفت إنجام ،مها بحنيه؛وين يامي به شي يوجعتس؟
إنجام بابتسامه:نو بروح لجده سُعاد جت
مها بابتسامه:صدق! حياها الله يامي قولي لها مها تنتظرس
إنجام بابتسامه:من عيوني
بَراق:لحظه بجي معك
وتقدم شابك يده بيدها وراحو ، جلنار بشك:ياهو والله جوجو فيها شي
ايلين بشك:اي مايروح معها بّراق ودايم تطلع وتروح وتجي بس هالفتره لا
تارا بشك:وفي سيارتين برا واقفين مايروحون ويجون يتناوبون
همّام:عشان موضوع الحمايه
ريّا:مثل فهاوتهم ماشفت
توليب:اغبياء
ضيّ:مهما كان يعني مو من عوايدهم كذا وبَراق معها بكل مكان وكل ماطلعت وتروح معهم سياره واذا رجعو ترجع
سيرين:الي فهمتو جوجو بخطر وهما حوالينه عشان مايصير اله شي
اسر :اي من اول كذا توك تفهمين فاهيه
غيَاث:بس ياخي والله خايف على جوجو
اليث وهو يشوي:الي سمعته شددو الحمايه عليها عشانها حامل وماتروح الدوام ابدا واذا راحت اي مكان بّراق وفريق حمايه معها
الوليد:اكيد محققه ومنصبها كبير ولازم لها حمايها لانها دايم بخطر بس قبل عادي يوم حملت كثفو الحمايه واضح السالفه كبيره
برا ، عادل نزل،بَراق بابتسامه:يعطيكم العافية اشغلناكم معنا
عادل بابتسامه:يعافيك ولو انجام اختنا ولزوم علينا حمايتها وين
بّراق ببتسامه اشر على بيت نيار:البيت ذا
عادل :تمام
ولحقهم ، طلعت امينه كبيره الخدم:اهلا انجام ، صحيح الف مبروك سمعت انك حامل
إنجام بابتسامه:هلابك امون يبارك فيك ياعيوني ، اي جده في
أمينه بابتسامه:من بلغتينا حجزو اول طياره من تبوك جوا عندهم خبر
إنجام بابتسامه:لا
امينه بابتسامه افسحت لها مجال:تفضلو
ودخلو ، طلع نيار من سمع صوتها بصوت عالي:ياهلاا ياهلاا ببنت هديل ياهلااا بالغاليه ياهلاا ببنيتي
وراحت بابتسامه حضنته:هلاااابك جدوو!
نيار بابتسامه وفرح وهو حاضنها؛مبروك يابوي انتِ مبروك الله يتمم لك على خير يارب وتيشلونه باحضانكم بخير وصحه
إنجام بابتسامه:يبارك فيك اللهم امين ياعيني
نيار بابتسامه:عاني جدتش بالمطبخ
وراحت ،وبارك نيار لـ بَراق وجلسو يسولفون ، التفت سُعاد بابتسامه:ياهلاا بالي لها الخافق يهليي هلاا ببنيتي وقلبيي
حضنتها ، سُعاد بفرح:مبرررررروك ياعين ابوي انتِ مبروك الله يتمم لك على خير يارب
إنجام بابتسامه:يباارك فيك ياعمري امين
جلسو ، سُعاد بابتسامه وحنيه:كيفك يامي عسى مايوجعتس شين؟
إنجام بابتسامه :بس استفرغ وصُداع ورجولي الم شوي وشوي لا
سُعاد بابتسامه:الاستفراغ والصداع يامي انتِ عادي اول شهور هلّون رجيلاتس يمكن معتس نقص يامي بالفيتامينات
إنجام:اي معي
سُعاد بابتسامه:كيف بَراق معتس؟
إنجام بابتسامه:يجنن عسول مايتعبني ابدا ما يامر علي مايعصب علي مايصراخ بالعكس حنووووون ودايم معي كل ماتعبت القاءه جنبي ويتعب من تعبي والله واي شي ابيه سميّ وامري يامي يانجومي دايم كذا معاي مره يجنن احبه
سُعاد بابتسامه :الحُب واصل حدّه معتسس! ههههههه
إنجام ضحكت:لان صدق ماشفت زيه فعلًا
سُعاد بابتسامه:كيف ردت فعلك وفعله واهلكم يوم عرفتو بحملتس
إنجام بابتسامه:انا يوم كانو خاطفيني ويهددوون والصراحه خفت بس يعني الحمدالله عدت بوبو درا يوم كنت بالطوارئ لانهم لقوني مغمى علي وحضني ومرا يجنن بوبو صح انصدمت بالبدايه لان-بغصه-كان ودّي امي معاي واخاف من فكرت الحمل وانو لو اموت واخلي الطفل بس-تكلمت بابتسامه وحُب واضح عليها- بَراق غير نظرتي تمامًا وانه مهما صار ومهما بيصير بيكون معاي واذا صار شي فاهو قدر مانقدر نعترض عليه الصراحه حسيت بفرحه مادري شعور جديد غريب ويوم سمعت النبض تبين الصراحه؟ هههههه بكيت مادري ياخي مشاعر غريبه واحلاها ان بوبو معاي
حضنها من ورا بابتسامه:لاني مابخلييييييك
نيار بابتسامه جلس:ابد شفناكم ابطيتو درينا انكم ساحبين علينا
سُعاد الي تضحك:انا وبنيتي شتبون!
بّراق:زوجتي!!
نيار وهو يضحك:صجيتني زوجتي وزوجتي
إنجام وهي تضحك:اي صح جده مها تقول حياكم الله
سُعاد:لايمي راح الوقت
بَراق:وين جده راح الوقت تو العصر وجالسين بالحديقه نشوي ولعلمك حسبو حسابكم يعني
إنجام بابتسامه:مافي مفر معنا يالله
ووقفو وهم يضحكون وطلعو ، عادل وهو يمشي امامهم وتتردد بباله كلمه"هلا ببنت هديل" ويقول بداخله معقوله ! معقوله هي! هي بنت هديل! لا مُستحيل!وش مُستحيل ذا ابوها اعرفه! يارب سترك ، ودخلو وجلس بسيارته ، سلمو عليهم وجلسو ، أليَث:سحبت علي ها
حاوط بَراق اكتاف إنجام:معاي جوجو شبي فيك قل لي؟؟
اليَث بصدمه:جحدوتني!
إنجام:مُزعج مُزعج الله يعينك ياريّا!
وجلست ، مها مدت لها شنطه:بها بندول يامي كلي لك حبه تهدي الصداع
وطلعت وحده طالعت ببَراق:بوبو اكلها؟
بَراق :ماشوف اكسترا؟
إنجام :اي
بَراق وهو يقلب مع أليَث:لا مضره
إنجام بصداع:طيب شاكل
دُنى:عندي انواع تبين اجيب لك؟
إنجام:لا انا اروح لاتتعبين وين؟
دُنى:بصاله قسمي
وراحت ، وقفت بنص الدرج بصدمه وهي تشوف الي واقف وموجه السلاح عليها ، بدت ترجع خطوه خطوه،
:وقفي!
إنجام بصراخ:بَرااااااااااااااقق!بَراااااااااااااااق!
الي بالحديقه تجمدو، بَراق بخوف رمى كل الي بيده وركض ، ركضو العيال كلهم معه
بحده:الله ياخذذذذك وافتك منك مثل امك!! اسمعيني زين مابخليك مابخليك مابخليك بجيك واذا ماجيتك بجي ضنااك!
ودفها من الدرج وركض ، بَراق بخوف ركض لانجام الي طايحه تحت ومتكوره على نفسها:جوجو حبيبي جوجو!
إنجام وهي ترجف:سلاح!امي!بيقتل البيبي!
حضنها مدَاد بخوف ،ركضو العيال برا ، طلع من باب الحديقه وصرخو البنات ، ونط الجدار وطلع ، وبّراق يركض وراه ، طلع بَراق للبوابه يصرخ عليهم:اهمااالكم ذا والله ماعديه بالساهلل اوريييكم
عادل برعب:شفيييك!
بَراق بصراخ؛داخل ورافع سلاح على انجام ويهددد كيييف دخل !!
ماجد بعده برعب:بَراق هد وانتم روحو حوالين البيت سرعه!!
رجع بّراق عند إنجام وحضنها:جوجو تسمعينيي!!
إنجام وهي ترجف بالم:بَراق بطني!
شالها وطلع بسُرعه ، دب الرعب بقلوب المباحث الي حضرو من شافوه شايلها ومركبها بالسياره ، انفجعو كلهم بس ماسمحو لهم المباحث يطلعون عشان الخطر ، الطوارئ
حطو لها مُسكن ، هناي تنهدت براحه وهي تشوف الشاشه:الحمدالله بخير ماتضرر بس جوجو لازم تداومين على ابر وادويه معينه
بكت إنجام بخوف،حضنها بَراق الي للان قلقان على إنجام:بس يامي انتِ بخير الحمدالله شوفي ماصر شي الحمدالله
إنجام وهي تبكي وترجف وشاده عليه:بوبو كان بيقتله معه سلاح مصوبه علي بوبو!! بيقتل البيبي!! بوبو يعرف امي!
بّراق وهو شاد عليها:بنمسكه والله بنمسكه ماعليك وبكون معك كل وقتك حتى بالبيت وعد ماخليك وعد والحمدالله بخير انتِ والبيبي
وهدت انجام بعد اقناع من بَراق وهناي ان الجنين مافيه شي ، دخلو البيت ، فز مدَاد لانجام مسك يدنيها بحنيه:كيفك يابوي!
إنجام بتعب:تعبانه
وحضنها:بيخف ان شاءالله
وتحمدو لها بالسلامه وجلسو ، كانت تاكيه براسها على كتف بَراق وسرحانه وواضح انها مو معهم ، جلنار بهمس للبنات:جوجو تعبانه
ايلين بهمس:حييل
تارا بهمس:ترا ماكلت شي غير ساندوش حلوم وبس
ريَا بهمس:بَراق بيقنعها ماعليكم اسكتو انتو
جاب أليَث من شوي بّراق الي اعجب إنجام بعد ماوزع للكُل جاب صحن منُوع وصوصات وعصير:جوجو؟
وخذاه بَراق نزله على الطاوله قدامها:جوجو حبيبي
إنجام وهي سرحانه:همم
بَراق:كلي ماكليتي شي-بهمس-عشاني وعشان البيبي يالله حبيبي لو لقمتين يالله يامي انتِ لو بس لقمتين عشان البيبي كيف يتغذا وعشانك كيف تكون عندك طاقه بتتعبين اكثر
واعتدلت تاكل بصمت وهي تهوجس ، اسر لاحظ الجو كيف متكهرب وإنجام كيف تعبانه وقرر يعاندها:إنجام
طالعته بصمت وتعب واضح بعيونها ، اسر :تتحدين؟
إنجام:وش
اسر:بالعود
جلنار الي فهمته بحماس:اي صدق بنشوف من عزفه افضل يالله
إنجام بتعب:مالي خلق!
اسر:يعني تستلمين اوكيه تعترفين ان عزفي افضل
غيَاث وهو ينزل الساندوش حقه:لا ماتفق معك عزف جوجو افضل
الوليد:تبون الصراحه سمعت بس عزف إنجام وحلو يعني ماقدر احكم مين
ضيّ:عندي فكره افضل اسر وإنجام تعزفو سوا نفس الاغنيه وبارت بارت بعدين سوا يعني احس عزفكم اذا اندمج بيطلع فخم
اسر طالع بانجام:ها؟
إنجام وهي تبي تغير نفسيتها:تم
ووقف:عودك وين
إنجام طالعت جلنار:وين
جلنار :اتوقع حطيته بالصاله الي بين الاقسام محفور عليه اسمك
هز راسه بالايجاب اسر وراح ، بعد نص ساعه رجع ، اعطها العود حقها وجلس ، وكان في ستكير على عود إنجام ، طاح ما انتبهت له بس انتبه الوليد له:انجام في ستكير طاح من عودك
انحنى بَراق فعلا لقاه وخذاه ، طالع بانجام بصدمه ووراها ، قرته وتغيرت ملامحها لملامح خوف وهالفتره جدا صعبه على إنجام ، بَراق بهمس:تتوقعين ميين
إنجام برعب وهمس:مادري
وقف:بوديه ماجد واجي
وراح ، استغربو كلهم من ملامحهم ، اسر بتضييع:وش نعزف؟
ايلين بحماس:وشلون مدري كيف روحين بروح يالله
اسر :بصوت إنجام يالله
وبدو يدقون والبنات يصورون ،إنجام وهي بدت نفسيتها تتغير (وشلون مادري كيف روحين بروح .. ماكنت باندماجك يالارواح .. معقول احد يمشي معي وين ما اروح .. معقول انا امشي معه وين ما راح .. اول احسب الغلا ضحك ومزوح .. ) بس ذا الي حافظته
وصفقو لها كلهم ، الوليد :معليش عزف إنجام افضل منك تقبل الواقع المُر
اسر بصدمه:اص بس لاني تو بديت بالعود ولاكلمه
غيَاث وهو يضحك:انت الي جبتها لنفسك
توليب رفعت يدها:مين يئول عزف إنجام احلى
رفعو ( ريَا و أيلين وتارا وغيّاث وأليَث والوليد  وإنجام وسعُاد ونيار ومها وطَارق وجلنار وإقبال ودُنى وتارا وسُهى ونهات وفيروز وهمّام ومدَاد وسيرين وضيّ كلهم رفعو معدا اسر) ، ضحكت إنجام:خلاص استسلم
توليب :مين يئول عزف اسر احلى
رفعو(نهات دُنى تارا أيلين مها طَارق نيار سُعاد وإقبال وجلنار) ، اسر :الله يجبر بخاطركم
ايلين وهي تاكل فراوله:انا مصلحجيه ابي منك فلوس وابي من بَراق بعد وإنجام اذا ماعززت لها الحين ماتعطيني ولدها بعدين!
إنجام:من قال انه ولد
ايلين:انا
إنجام:وانا اقول لا
ريَا:شتبين
إنجام:بنت احس افضل ياخي العيال مامنهم فايده ابدا
بَراق الي جا وجلس:تراك حددتي الكل استثنيني على الاقل
إنجام وهي تضحك:بستثناء ابوي وعمامي وجداني وبَراق بس الباقي زلايب
اليث تنهد وطالع بّراق:انت شتبي قلبت اختي علي!
ايلين طالعت اليث:لابلاه اختك قلبت اخوي علي !
اسر:بختصار إنجام وبَراق ماقلبو بس طقت تسبدهم منكم ومايبون يجاملون تقبلو
إنجام وبَراق:صحيح
إنجام:اخص طلعت ذكي
بَراق:اشك انه اخوي ماعرفته
اليَث وهو يضحك:تقبل الواقع هههههههه
وضحكو الموجودين ، إنجام بتنهديه وهي تشوف الجوال ، بَراق باستغراب:شنو
إنجام ورته محادثه علي ، ضحك ووقف:يالله
إنجام بصدمه:ابيك عون صرت فرعون! حشى
ضحكت ايلين:حوبتي
جلنار:بزر مافيه ابيها
بَراق تكتف وطالع بانجام:معك خيارين لاثلاث لهما تروحين الحين ولا تسويها هناي وتجي تاخذك غصب تعرفينها اكثر مني
إنجام بحلطمه رمت راسها على كتف سُعاد،ضحكت سُعاد:وش فيها بنيتي
إنجام بحلطمه:عندي تخطيط قلب ومابي خير سوسو بيعطوني حبوب كثر امس واليوم !
سُعاد:اقول قومي وانتي ساكته
إنجام وسعت عيونها بذهول:حتى انتي!!
مها:انجاموه!
إنجام بحلطمه:كلكم قلبتو علي صدق مامنكم فايده حتى البنات !
ومشت وهي تتحلطم ، ضحكت جلنار:النفسيييه زفت
مها ضربتها بالعصى بخفه:وجع الى وجع الى بنيتي!!
شهقت جلنار:وانا من بنت البطه السوداا!
وسعت عيونها مها بذهول ، ضحكت جلنار وابعدت:وش صدق ههههههههه
برا ، طلعت سياره بَراق ، ماجد بابتسامه:نخاوي؟
بَراق بابتسامه وهو ينزل الشباك:اتعبناكم معنا للمستشفى
ماجد:عسى ماشر
إنجام بحلطمه:هليب مي مابي اروح!
ضحك ماجد:خلي بَراق يهربك اذا مستشفى انا بقنعه مايهربك!
بَراق ضحك:اي عبالي
إنجام بحلطمه اعتدلت:كريهين كلكم كريهين
ماجد:افا وانا بعد!
إنجام:انت اولهم!
ومشى بَراق وهو يضحك ، ضحك ماجد وهو الي فاهم كل شي ، المستشفى ، إنجام بتوتر وهي ماسكه يد بَراق:بوبو خليك معاي!
بَراق شابك يده بيدها:بكون معك حبيبي مابخليك ليه متوتره
إنجام:ماحب التخطيط والاشعه ما ادانيها
ودخلو ، الممرض:ممكن تطلع
إنجام مسكت يده:ابيه معاي زوجي
دخلت هناي بابتسامه:كيفك ياحلوتي ؟
إنجام:زفت
هناي بابتسامه:مابنسوي لك دكتورك ماكن عارف انك حامل بس اذا ودّك نشوف البيبي وتسمعون نبضه؟
إنجام بابتسامه وهي تنهدت براحه طالعت بَراق، بَراق بابتسامه:اكيد ودّنا
وسوو السونار وهم مُبتسمين وهناي تاشر وتوريهم وين الجنين ، بّراق بابتسامه:تقدرين تطبعين لنا صوره؟
هناي :اكيد ثواني
وطبعت صورتين واعطتهم ، إنجام بابتسامه بعد مامسحت الجل جلست :بوبو صغييير!
بَراق بابتسامه وهو حاضنها:ادري
هناي بابتسامه:كم شهر ويكبر
إنجام:الجنس يبان بعد ثلاث ولا اربع شهور؟
هناي:افا زوجك دكتور ولا تدرين
بّراق ضحك :مب تخصصي النساء والولاده جراحه قلب انا
هناي بابتسامه:ادري بس حبيت استعبط على حسب مره يبان كذا مره كذا اسمعي بزره حملك مب ثابت للان
إنجام بابتسامه:ادري ماعلم احد دودو وسوسو خلوني احفظ هالسيناريو!
ضحكت هناي:احسن وتبين ابر او حبوب ؟
بَراق بخوف:لوش
إنجام بتوتر سكتت، هناي:عشان الطيحه ياحلوتي ولازم تاكلين واي صح بنصرف لك مُكملات غذائيه
إنجام:حبوب افضل
هناي:تمام بجيبهم واجي
وفعلا انتظروها واعطتهم ومشو ، بالسياره
إنجام وهي مشابكه يدها بيد بَراق وحاطه يدها الثانيه على بطنها وتطالع فيه ، بَراق بابتسامه وهو يطل على الطريق مرا وإنجام عشر :شنو حبيبي
إنجام بابتسامه:احس للحين مو مصدقه مادري احسني تغيرت من الحين
بّراق قبل يدها:حلوه بكل حلاتك وتغيراتك
إنجام بابتسامه:احس اول بعد ماهتهم للادويه والمستشفى الحين احرص عليها عشانه واخاف انا صرت اخاف عشانه متخيل! كيف اذا ولدت احس بصيح
ضحك:ياجعلني مابكيك يادنيتي
ابتسمت بخجل وهو ماعمره فشل بانه يخليها تخجل ، ابتسم بحُب على وضعهم ، نزلو البيت ، وراحو الجلسه ، إنجام بقرف غطت خشمها:وش في ريحه مخيسه
جلنار باستغراب:مافي
ايلين باستغراب:مثل ايش
إنجام بقرف:شي مخمج!
تارا قربت منها كاسه:ذي
إنجام صدت بقرف:اي بعديه!
وبعدته ، جلنار بصدمه:شاهي عادي
ايليت بصدمه:إنجام وتتقرف من الشاهي !
وقفت بحلطمه وقرف:ادخل ابرك لي !
ووقف بَراق بيدخل معها ، جلنار مسكت يده ورجعته:بسوي تحقيق معك
وقف وتكتف:نسمعك حضرت المُحقق كونان
جلنار بصدمه:اولا كل تبن ثانيا جوجو شفيها؟ ليش كل وقتك معها ماقول لاتصير معها بس يعني قبل عادي تطلع وتروح وتجي لوحدها الحين انت وفريق حمايه بعد معها شالسالفه جوجو بتضرر؟
بَراق:اولا اكليه انتِ ثانيا نفسيتها زفت ثالثا عادي وقتي كله فداها رابعا الوضع يتطلب كذا ياحضرت المُحقق اقدر اروح
ضحكت:روح مانخذ منك لاحق ولاباطل
وهو يمشي:اي لاتدقين على اصيل لانه مابيعلم قلت اخبرك بس
ومشى ، ضحكت ونزلت الجوال:كنت بدق ههههههههههه
الصاله ، جلس جنب إنجام ، إنجام بتعب:ياربي مكسره مكسره مافيني حيل
بّراق:نروح قسمنا؟ ترتاحين
ووقفت وحاوطت كتفه ، دخلو ، طالعها:وين تبين حبيبي؟
إنجام بتعب:ببدل وانسدح
وساعدها وتمددت بتعب على السرير، تمدد جنبها بابتسامه حط يده على بطنها:اللهم اني استودعتك اياه واستودعتك انجامي بعينك التي لاتنام
إنجام بابتسامه وهي حاطه راسها بحضنه:امين -حطت يدها على قلبه-اللهم اني استودعتك قلب شخص اغلى من روحي علي اللهم احفظه بعينك التي لاتنام
قبلها بإبتسامه:امين ياعيني
إنجام:فيك نوم نام
وتوسط حضنها:هلكوني الدوام اليوم
خلخلت اصابعها بشعره:بسم الله عليك من اتفه الاوجاع حبيبي ماتقدر تاخذ اجازه
بَراق:تعبانه؟اخذ لعيونك
إنجام بابتسامه:لا ابي لك ابيك ترتاح مشغول معاي ومع الدوام وربي انا بخير ومابيصير لي الى كل خير بس انت خفف على نفسك اطلع روح انبسط غير جو
شد عليها اكثر بصوت ثقيل فيه نوم:انا معاك مرتاح ومبسوط
إنجام بابتسامه:أحبك
بّراق:اهييم فيتس
وسكتت عشان ينام ، جت جواله رساله وشافتها لان الجوال قريب لها ، حست بنار داخلها بس مُستحيل تسيء الظن بـ بَراقها ، صمتت جواله وقلبته ، شافت جوالها الي نور باتصال من "ابوي❤️" ،إنجام:هلا
مدَاد:كيفك يابوي يقولون جيتي من المستشفى
إنجام بابتسامه:بخير الحمدالله اي جيت قبل نص ساعه تقريبا
مدّاد:كيفك شقالو لك
إنجام بصوت فيه نوم:بخير الحمدالله ماقالو شي اجلو الاشعه عشان ماتصلح وشفنا البيبي وجينا
مدَاد بابتسامه من لاحظ صوتها:زين يابوي انتِ صوتك تعبان وودّك بالنوم نامي يامي انتِ وريحي وقولي لـ بَراق اذا ماعنده شغل ابوك يبيك
إنجام بصوت فيه نوم:نايم والله
مدَاد بابتسامه:زين يابوي فمان الله
وقفل ، نزلت جوالها ونامت
نهات:ها بيجي؟
مدّاد نزل الجوال:نايم
همّام:وش الحل طيب؟
نهات:الافضل نبلغ ماجد او اصيل او وليد ليه مابلغتو إنجام
مدَاد:ياخوك تعبانه ماشفت ملامحها وصوتها تو تعبان وفيه نوم
دخل طَارق وجلس:وش صار
همّام:للحين والله
طَارق:بَراق وينه
نهات:نايم
دخل اليث وجلس:اسمع اسم بَراق؟نايم اظن
مدّاد:اي نايم
نهات:غريبه صاحي الظهر اليوم
اليث:منهلك من دوامه اربع عمليات ورا بعض وغثى المُمرضين النفسيات تلقى كل طاقته راحت خذها مني الساعه12 بيصحي
وقف طّارق:زين لاتسوون شي لين مايجون
هزو روسهم بالايجاب تحت استغراب اليث ، وقف وراح للحديقه الخلفيه وجلس
اليث بهمس:اسمعو!
وسكتو وطالعوه، اليث بهمس:جدي وعمامي وابوي وراهم شي وإنجام وبّراق يدرون
الوليد بهمس:شلون يعني؟
اليث بهمس:دخلت تو وهم يسالون وينه قلت اظن نايم قال ابوي ايه نايم وواضح يعني مكلم جوجو وعمي نهات مستغرب من نومه وقلت طاقته راحت بالمستشفى اكيد بينام وقلت بيصحى12خذوها مني ووقف جدي قال زين لاتسوون شي لين مايجون يجون مين الي يجون ذكرو اسم بّراق ذا شخص
جلنار بهمس:والاكيد جوجو الشخص الثاني بس ووش!
الوليد بهمس:يوم انجام بالمستشفى تذكرون العنايه ورجعنا ويوم سهرت وكذا ابوي وعمي كانو حدهم متوترين وبَراق يقول مو من الموضوع ذاك وكان كل كلامهم مشفر
تارا بهمس:والورقه الي طاحت من عود جوجو وش وليه استغربو وملامحهم ملامح متوترين صدق وكانو يتهامسون
ايلين بهمس:ذا يفسر تصرفات بَراق كلها
ريَا بهمس:وتصرفات انجام بعد لاتنسين
غيّاث بهمس:طيب ماسمعتو شي منهم ابدا مازلو بشي قدامكم؟
جلنار بهمس:ذولي اكثر اثنين مستحيل يزلون ويجيبون العيد بشي
اسر بهمس:لحظه يوم إنجام هددها واحد تذكرون نادت بّراق وقالت امي وسلاح وبيقتل البيبي وانجن بَراق ولحقه لدرجه استعدو مباحث بعد وكلهم مرعوبين ويوم خلونا هنا مانطلع
غيّاث بهمس:في شي انا متاكد
الوليد بهمس:مو شي اشياء وكايده وكبيره
اليث بهمس:مستحيل يدخلون انجام معهم بهالشي
توليب بهمس:الى ادا كانو بديانين بهالشي قبل نعرف بحمل جوجو
ضيّ بهمس:مُمكن صح بس مالاحظتو خوف جوجو وتوترها الفتره الاخيره
ريّا بهمس:واضح السالفه كبيره مو انجام الي تخاف وتتوتر وكيف بَراق معها على طول واذا جا بيروح مكان تطالعه وكانها تقول لاتروح
ايلين بهمس:احلف لكم بوش ان السالفه كبيره وتخص الكُل بس محد يدري بها غير جوجو وبّراق وعمامي وابوي وجداني بعد انتم ماتذكرون يوم عمامي نزلو يركضون وجوجو معهم ماشفتو جده كيف متوتره
اليَث بهمس:ششش
همّام هو ونهات ومدّاد وهم يمشون ويتكلمون
نهات:مهما كان لازم يدرون
همّام:ماقلت شي يدرون بس مو دايركت لاتنسى ان انجام حامل
مدَاد بخوف:ذا الي مخوفني اساسا مانقدر نسوي شي بدون...
مدّاد بوهقه وهم يشوفون الحديقه:انتم هنا؟
نهات بوهقه:بنروح حنا داخل نتركم براحتكم
وراحو ، ايلين بهمس:ماقلتت لكم
الوليد بهمس:وش هالشي الي يبون يمهدونه ولانجام خصوصا؟!!!!!
اليث بهمس:بنفجر وش ذا!
جلنار بهمس:مداد خايف ويقول مانقدر نسوي شي بدونهم ابدا واضحه
ايلين بهمس:بحاول اسحب من جوجو وبَراق كلام واحشرهم وانتم حاولو وبعدين نتكلم
الساعه 12 ، نزلو، بَراق بنوم وصوت ثقيل:وين ابوي وعمامي
توليب:فجعتنييييي!
ايلين بصدمه:يمه صوتك!
بَراق :توني صاحي وش تتوقعين
إنجام وهي حاطه راسها على كتف بَراق بنوم:وين طَارق
ايلين:جوا
___________________________
آهلًا اهلا أعتذر تأخرت ببارتات اليوم لأكن من بُكرا ببدا فاينل دعواتكم لي فاينل بكرا كيمياء وبحصصه بس اهوجس وافكر فيكم تشوفون كيف عشان كذا تفاعلو😢 ، بكون دايم متواجد بالانستا وأي اقتراح او أي سؤال تعالو لي هناك ، انتظر تعليقاتكم وارائكم بكُل حماس ، حسابي {len.1o1} ، واشوف رائيكم على روايتي ، قراءه مُمتعه ، اعطوها حقها بليز نجمة وكومنت❤️
إعذروني ان تواجد خطا املائي
الى لقاء اخر