فهد صفر:عز الله انها غبيه لارفضتك قدمت؟
سعود هز راسه بنفي ، محمَّد:شتنتظر طيب دامك تحبها خلاص اخطب بس وملك ولامسكت الوظيفه تزوجو
عبدالله:صغيره هي؟
هز راسه بالايجاب ، عبدالله:زين طيب انتظرها تخرج
سُكر:لحظه طيب شف ابوك وامك اول
سعود وهو يقلب الكاسه بيده:كلمت ابوي وللحين
توليا:نو سدئني بابا محا يُرفض بس انت قل له بعد ماتتوظف يعني
سعود وهو يقلب بالكاسه:جوها خطاب اليوم
فهد بصدمه:وافقت؟
هز راسه بنفي، عبدالله تنهد:كلنا ارتعنا
محمَّد ارتاح:خلاص طيب اخطب شتنتظر
سعود وهو يطالع الكاس:ماتبي قبل التخرج
توليا:كم باقي لها وتتخرج؟
سعود:اخر سنه السنه الجايه
عبدالله:طيب عادي اخطب بس
فهد:وشف اهلها اذا عادي تملكون وخلاص يعني بعد التخرج هي تتخرج وانت يبقى لك سنه
ملاي تربعت:سعود تحبها؟
ابتسم وهز راسه بالايجاب ، ملاي:تحبك؟
هز راسه بالايجاب ، ملاي:خلاص خالصين منها ذي وانت بتفتح بزنزس وتجيب منه مهر واكيد ابوك ماهو مخليك يعني هي السنه الجايه بتتخرج واذا تخرجت وقتها انت تدخل ثاني سنه يعني اخر سنه لك لانك بتدخل دبلوم وبعدها بتتوظف على طول بالشركه وعندك بيت فامن وجهه نظري بيوافقون واولهم البنت واذا وافقو قل لهم بنملك ونسوي حفله بيننا والعرس متى مابغته هي يتم
فهد بابتسامه :جابتها!
محمَّد بابتسامه:عن الف رجااال والله!
عبدالله بابتسامه:جابتها جابتها لاكن البنت شدراكم؟
ملاي تكت:ذي عليّ خلوها وخلاص ابدا مشروعك بدري عشان وقت ماتقدم وتخطبها بتكون عندك ايرادات وارباح عاليه واذا تبي بسرع تجمع مهرها ادخل بالتداول تبي افتح لك حساب؟
سعود بابتسامه:والله تم!
ملاي بابتسامه وهي متكتفه وتفكر: ويكون معك دخل خاص وتدواول غير الي يجيك من الشركه ومن ابوك وامك وفوقها انت بتتخرج يعني بتنهل عليك الفلوس لان العيال مايهدون الى فلوس للعيال فلذالك بفتره قصيره اظمن لك بحدود شهرين بيكون معك ميه الف وذا المهر وخليه على جنب وبشهرين ثانيه يمكن يرتفع دخلك لنفرض ميه وعشرين الف وتكون ذي كلها لتجهيزات الملكه والزواج والبيت جاهز وموجود -طالعته بابتسامه-بغضون سنه بتتزوجون مبروك مُقدمًا!
وضحكو الموجودين من انها على طول حللت وفككت ، محمَّد ضحك:دااااهيه
سعود بابتسامه:تهقين يرضون؟
ملاي بابتسامه تكت:انت ادرى ، اقدم بدري ياسعود ولو تاخرت البنت مابتاخذ غيرك اظمنها
فهد:طيب يمكن تغير رايها؟ او اهلها يجبرونها على احد
ملاي وقفت بابتسامه:البنت مب هينه تهد وتأسس دول بسهوله محد يقدر يجبرها على شي
توليا:من هيييا!
سعود بابتسامه وهو يكتب الجوال:شهر وتعرفينها
ملاي بابتسامه وهي تمشي:اعتبر التداول جاب لك راس مال بشتغل عليه من الحين ذا وقته
ابتسم من شاف رد ابوه ووقف :تصبحون على خير نظفو الحوسه وراكم
وراح ينام ، ضحك عبدالله:ملاي الحياه سهالااات عندها!
فهد بابتسامه:لابلاه انها داهييه وعن الف رجال ماشاءالله عليها
وقفت زهَر وهي تفكر؛لازم اعرفها
مادلين؛عرفتها عرفتها امشو اقول لكم مين
ليان وقفت:وانتم يالمبزره اربضو
وراحت وشوي شوي بدون ينسحبون ينامون
بعد اسبوع نزلت نجد:امسك ذي خذها معكم
ابتسم نهات:لاتتوترين وحلي بتركيز معليك
نجد بتوتر:والله اذا ماجبت درجه حلوه ببكي!
فهد:ياشيخه ابكي باي وقت بس فرحه مو حزن! وانتِ سويتي الي عليك
وراحو ، سعود بهمس:استودعتك الله الله يوفقك ويلهمك الاجابه الصواب يارب لاتتوترين ياعيوني
هزت راسها بالايجاب وفعلًا هدت وابتسمت من شافت الساعه، ابتسم بهمس:ليه كلفتي؟
ابتسمت بهمس ورفعت كُمها بشويش:ماتشي
ابتسم بهمس:مابنزلها بس ضد المويا؟
هزت راسها بالايجاب وابتسمت:انتبه لنفسك مع السلامه
سعود بهمس:انتبهي لنفسك واقري اذاكرك استودعتك الله
وابتسمت ومشت ، تنهد بحُب،نزلت ملاي من الدرج بهمس:تراكم بتفضحون انفسكم!
سعود بابتسامه همس:شكرًا
ابتسمت:ولو
سعود بهمس:عادي ماتشبكينا قدام احد؟
استغربت:ليه؟
سعود بهمس:نجد ماتحب وتتضايق من هالشي
ملاي بهمس:اخص يالحبيبه
وراحت وهي تضحك ضحك بخفه وطلع وقفل الباب وركب وحرك وشاف بشته مبخر جنبه وعدل شماغه وحرك لحفل تخرجه ، بعد اربع ساعات ، خلصت نجد اختبار وخلصت بكي بعد ، ملاي بلعانه:عمو بَراق
لف بابتسامه:عيون عمك امري
ملاي بابتسامه:اتصل على سعود يجيب جودي معو اذا خلص عشان السوبرايز يدخلو سوا
فهد طالع ابوه:جبت جي لها وانا ؟
ضحك:الانترا تمشيك
ودق على سعود وبلغه ، عند نجد ، شافت اتصاله وتكلمت وهدائها ، ابتسم :يالله ياحلوه بجي اخذك
نجد؛بابا بيجي
سعود بابتسامه :اتصل علي قال جبها بطريقك مايدري ان طريقي يوجهني لتس اوريدي
ابتسمت بخجل:زين بخرج وتعال
وقفلت وعدلت ميكبها الي ساح وخذت التوت باق وطلعت ، وشافته وقف ، وركبت ورا ، لف:لابلاه؟ سواق انا اركبي قدام
نجد بخجل:سعّود!
لف:اركبي قدام ولامابحرك!
ونزلت وركبت قدام بخجل ، ابتسم:نورت سيارتي اي صح
وفتح الدرج وطلع منها بوكس بابتسامه ومده لها:لجهودك ولنجاحك
ابتسمت بخجل وخذته:ماله داعي!
ابتسم:لاتنزلينها اوكيه؟
ابتسمت وشافت العقد من سوارفسكي حجر كريم ازرق بايطار مُربع ابتسمت وطالعته؛مرااا يجنن مرا شُكرًا سعوددي!!
ابتسم بحُب:تتهنين
نجد لبسته؛احسو غالي!
سعود بابتسامه :الغالي يرخص لتس
ابتسمت وحطت البوكس بالدرج:اذا وصلنا البيت باخذه اوكيه؟
ابتسم وهز راسه بالايجاب ، وفي الاثناء وهم فالطريق كلم تركي بَراق وابستم ووافق من جهته تكون ملكه فقط والزواج متى مابغوه ولازم يشوف رد نجد قبل يتمم كل شي وجت ملاي بابتسامه بهمس:بتتم الخطبه الييوم؟؟؟
ضحكو بصدمه ،ضحك بَراق بصدمه:كيف عرفتي!
تركي ضحك بصدمه:كيف !
ضحكت:خبرتي عمومًا ها ؟
بَراق بابتسامه ؛اي بس بشوف رد نجد
ملاي:خلاص جودي موافقه من عندي بس خلوني في سوبرايز ببالي بسويه بليز!
بَراق بابتسامه:الي هو؟
ملاي بابتسامه:جهزت من زماان انتظر الحظه ذي ههههه المهم ظرف بعطيها ويكون انو توافقين تتزوجيني وكذا حركات المهم واخر شي سعود عساس هو الي مضبط كل شي المهم وبخليه يتقدم لها قدامكم غصب بس اهم شي موافقييين انتو؟؟
ضحك تركي ولف لـ بَراق:ها؟شورك؟
بَراق ضحك:بس هااا...
ملاي:اي بحدود معليك مابياكلها بروح اقردن سعوودوه!
وطلعت وضحكو منها ، ووصلو ونزلو طقو الجرس ومحد فتح ، والتزمو الصمت وانتظرو داخل ، اتصل سعود على فهد:ولد افتح
فهد :وش؟
سعود:الباب لطعتونا برا
فهد:مفتوح ادخلوا اخر الشاليه حنا
ودخلو باستغراب وكان هدوء ، استغربت نجد:ليش هدوء المكان غريبه يكونون هادين
سعود باستغراب:مادري علمي علمك امشي يقول اخر الشاليه هم
بدت تحس بخوف:يمه احس مو حقنا يخوف
سعود:لا فهد يقول رقم5 وهاذا هو
نجد بخوف:سعّود متاكد في جي مو لنا ذي
سعود من ادرك:مادري بس وش نخسر خل نشوف اذا مافي احد ورا نشوف الشاليه الي جنبه
والي داخل يالله ماسكين انفسهم ، ودخلو ، استغربت من شافت طاوله طويييله وكلها شموع وبالونات وكيكه بالنص :سعّود مو حقنا احس ترتيب بيرثدي ذا
تقدمو يقرون وقرت هي كيكه وهو كيكه ،
سعود وهو يقرا كيكه:فالك الدرجه الي تبينها جودي
نجد وهي تقرا كيكه:الف مبروك التخرج سعود
وقروها بنفس الوقت ، وطالعو بعض باستغراب ، وخرجو وفرقعو قُصاصات الورق وهم مشغلين اغنيه ' مبروك' ابتسمو من استوعبو،نجد ضحكت:ارتعت!
وبدو يحضنونهم ويسلمون ، ملاي:صبررر بقدم هديتي! اول وحده استنو ارجعو ورا ايوا الكميرات
ضحكت ليان؛الله يعينا جاهزين جاهزين
وبعد سعود شوي بابتسامه لانها تقدمت قدام نجد ، حطت توليا علبه الخاتم بيد سعود الي تكتف ، استغرب ولف شاف علبه ، اشرت له توليا بعيونه بمعنى ابقى شوي،مافهم بس بقى ، نجد خذت الظرف:بسم الله اللهم ان كان سحرًا فبطله
وضحكو الموجودين ،ملاي بحماس:افتحي واقري
وفتحت وهي تقرا بصوت :
أصبحتِ جُزءٍ يُعانق مُخيلتي دائمًا
أصبتيني بداءٍ الهوىٰ والهيّام
أصبتيني بداءٍ الشعَر
وأصبحت شُاعرًا رُغم صِغر سني
أتى اليوم الموعَود وأتت ألحظه المُتمناه
وأقتربتُ من تحقيقِ المُراد ونيله
فكُنت أُهذري بشيءٍ أسمُه العودهٍ
إلى الوطن ، استغربَ من حولي
بأصراري وعزمي لِـ عودتي إلى
'نجد الحبيبه' أعتقدوا بِـ أنهَا الديّار
ومسقطَ رأسي وأراضي أجدادي
لأكن لم يعلمو بإننيّ لم أكُن أقصد
نجد الارضي البتَه فكُنت أقصُد
نجد البَراق دائمًا ، ولم يفقه أحدٍ
ويُدرك أحدٍ عَدا شخصً وأحد
نجد ، يأمن تقرأين كِتابَاتِي
الآن أنا أُحادثُكِ ، نجد
هل تقبلين الزواج بي؟
مُحبِك والمُتيّم فيّ هوأك
~سعّود~
وكانت تقرأ وترجف يدها لانها فهمت ، انثنى سعود وجلس امامها وفتح الخاتم بابتسامه ، وكانو يصفقون بابتسامه وفرحه ، ويدها ماسكه الورقه وترجف
سعود بابتسامه:نجد؟
وشافت ابوها الي واقف تقريبًا خلف سعود ويصفق وهو مُبتسم وأشر لها بعيونه'اعرف' ، ابتسمت بخجل وأدراك ، مدت يدها بخجل وأدراك من شافت الموافقه بعيون اهلها وكانهم يدورن ، لبسها الخاتم بابتسامه والموجودين يصفقون ويصارخون ، حضنها فهد :خطيبببيك شاااعر خل يقول فيييني شعر!!
وضحكت بخجل والباقين يضحكون ، حضنها بَراق بابتسامه وهمس:خبطك تركي لسعود قبل شوي
نجد بخجل:ليه ماقلت لي؟
ابتسم بهمس وهو حاضنها:ملاي تبي تسوي سوبرايز على قولتها
وحضنها نهات:ماش انخطبتي قبلي !
وابتسمت بخجل وحضنتها إنجام بابتسامه:العررض والكلااام واوو مبرروك
نجد بخجل:يبارك فيك!
وجلسو يباركون ويهنونهم ، ملاي بتصفيق:وش رااااااايكم فالكلام
ضحك تركي:من كاتبه؟
ضحكت:طحت على تويتر سعود وجمعت كم كلمه وركبتهم على بعض سويت انجاااز!
وضحكو الموجودين ، توليا:وتقول بعد شهر تعرفون منهي لك حتى اسبوع ماكملنا!
صفقت ملااي:قطعو الكيييك انا متحمسه باكل كيك !
وقطعوه وهم يصورونهم ويصورن بلوكيت نجد على طلبها ، وتوزعو بعد ماوزعو الكيك ، وقف بَراق بابتسامه وهو يوكل نجد كيك:متى ماتبين كل شي يتم تم
هزت راسها بالايجاب بخجل ، بَراق بابتسامه:بس الملكه بنسويها بيننا وش رايك دامها بينا نكلم شيخ وتعقدون؟
ضحكت بخجل:بابا شفيك مستعجل؟
ضحك:فرحتي كبيييره ياجودي اي صح جوجو حجزت لكم موعد بكرا
نجد باستغراب:موعد شنو؟
بَراق:التحاليل وبعدها تعقدون
هزت راسها بالايجاب بخجل ، وانصرف من عندها من حس بخجلها وجلست تشوف الخاتم بيدها وابتسمت بخفوت،جت ملاي بهمس:ماقلت لك؟
نجد بهمس:انتِ فضيييييحه
ملاي بهمس:تتهنوو
ابتسمت بخجل وهزت راسها بالايجاب ونزلت صحنها تقدمت عند جلستهم:في برا سياره غريبه لمين
بَراق بابتسامه:امشي اوريك لمين
وراحو يصورون ورها ، واستغربت بس حاوطت يد ابوها ومشت معه ، من وقفو قدامها تنهدت،طالع فيها بابتسامه:لوش التنهيده؟
نجد طالعته:متى يتحقق؟
بَراق بابتسامه:وش؟
نجد بابتسامه وهي تشوف السياره:الجي
ومد المفتاح بابتسامه:تحقق
وبعدت من ذراعه بصدمه ، بَراق بابتسامه:مابتركبين سيارتك؟
شهقت بفرحه:بابا!!!!
بَراق بابتسامه:والله لك مبروك ياعيني وتتهنين فيها
ودمعت وحضنها:ليش يابوي ؟
نجد بدموع:مدري ضربت مشاعري!
وضحكو الموجودين ، فهد بصوت:بكىىى وشوووو!!
مسحت دموعها:لاتسوي بتتضامن معي!
فهد:الى بس تمثيل
وضحكو الموجودين ، خذت المفتاح بفرحه وركبتها ولفت لابوها وحاوطت رقبته :مراا شُكرًاااا بابا!!
وهو يمسح على ظهرها:لوش الشكر يابوك مابيننا هالحكي
ابتسمت بفرحه وطالعته:بس غااليه بابا
نهات وفهد وبَراق بابتسامه مع بعض:الغالي يرخص لعيونك
ملاي:شدراك انها الوحيده بين عيال
وضحكو الموجودين ، ونزلت :اسمع صح في تامين؟
ضحك ؛اي اي
ارتاحت:لو مافي بحنطها والله اعرف سواقتي
وضحكو الموجودين ، حاوط اكتافها بابتسامه:نروح نتعشى؟
ابتسمت وهزت راسها بالايجاب ، ابتسم سعود من شاف ابتسامتها والخاتم الي بيدها الي يُعلن انها له مو لغيره
وراحو للبوفيه ويتعشون ويسولفون ويضحكون ، ومن انتهو ، وقف مدَاد ومد المفتاح بيد ملاي:اكثر وحده اثق فيها بهالمواضيع وانتم العيال يالله مع عفوشكم كلنا بالقسم الثاني ولاحد يوطوط هنِا وملايو قفلي الباب بالمفتاح والي يبي يسهر سوا وسواليف وضحك شوفو الحديقه
محمَّد؛ماتفقنا ياجد!
~يقولون لهم كلهم جد ~
سعود:اي والله جد فكر نبي نسبح والمسبح بجهتهم!
فهد:جدي!
مدَاد:مافيه يالله لارجعنا مسبح البيت وش كبره يالله
وتافوو ومشو وقفلت ملاي الباب بحماس:يالله بناات للمسبح نسوي فعاليات المسبح وبكرا التاان
نجد وهي تشوف يدها؛لامبسوي تان الشمس تحرق فوق التان لوني عاجبني
توليا:عنجد حتى انا مابسوي بس خلونا نسبح
نجد:ماقلتو لي بنسبح وقسمين وكذا ماجبت المايو
ملاي:اعرفف انا قلت لاتقوولون انا العقل المُدبر لكل شي اساسا يالله معايا جبت المايو حقكك امسكي
وخذته وراحو يبدلون وراحو المسبح ، إنجام بابتسامه:اتذكرنا اول
تارا بابتسامه :تراا مو مستوعبه للان اني ام!
توليب:كلايتنا خليا ع ربك ياشيخه
وضحكو الموجودين ، كانو البنات يسبحون ، ونجد جالسه وبس تحرك رجولها فالمويا وماحست بالبنات الي يخططون عليها ومن تحت المويا سحبوها مع رجولها ، صرخت ويالله خذت نفس لاكن مافاد ، طلعت سُلا بخوف:جودي غررقت غرققت!
إنجام بخوف:ناادي بَراق بس
وخذت بطانيه ولقت البنات مطلعاتها:بَراق بيجي ادخلو
وغطت نجد المُمدده وهي تحاول تصحيها بخوف:نجد نجد ماما حبيبي نجد
وجا بَراق مُسرع بخوف:نجد ابوي نجد!!
وكانت غايبه عن الوعي بسبب المويا ، وجو اخوانها بخوف وبَراق يضغط على القفص الصدري يجربها تستفرغ كل المويا الي بلعته،وصحت شهقت تستفرغ وغطوها اخوانها عشانها لابسه مايو غطها نهات بصدره وجاب فهد بطانيه حاوط ظهرها فيه
بَراق بخوف:نجد بابا تسمعيني؟؟
نجد بكت وسندت راسها على ذراع ابوها ، استوعبو انها تذكرت وفاه صحبتها الي زلقت بنادي سباحهه وطاحت على راسها وتوفت ، بَراق وهو يمسح على ظهرها ويهديها ، جت ملاي بعد مابدلت وهي تبكي:جودي! اسفه وربي مقلب
ونجد كانت تبكي وماتسمعهم تتذكر الي صار ، بَراق طالع فهد:ناد. سعود
فهد وسع عيونه بذهول:يبه!
بَراق بحده:ناااده هو الي يهديها دايم خلصني!!
وسعود كان خايف ومن نادها ركض معه ، بَراق طالعه:ماتسمع لنا وتذكرت السالفه
جلس قدامها سعود:نجد
وماردت،سعود:نجد تسمعينا؟؟
هزت راسها بالايجاب وهي تبكي ، سعود بهدوء:ليش تبكين؟
نجد وهي تبكي وسانده راسها على ذراع ابوها ، سعود بهدوء: ﴿ قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا وَعَلَى اللَّهِ فَلْيَتَوَكَّلِ الْمُؤْمِنُونَ ﴾ ، وانتِ مؤمنه بقضاء الله وقدره وذاك يومها ومكتوب لها الي صار وكل شي مريتي فيه وبتمرين فيه مكتوب ومقدر انك تمرين وتعيشين فيه والميت لاتجوز عليه الى الرحمه تدرين دموعك وبكائك ذا يعذبها بقبرها ؟ مابتستفيدين شي منه بس انك بتتعبين ، بدال لاتبكين شرايك تقومين توضين وتصلين ركعتين؟ وتدعين لها ؟
فهد جاب حبوبها ، سعود:لاتعطيها-طالعها-تقدرين بدون ادويه
فهد:سعود بتتعب اكثر
سعود بهدوء:بترتاح بعد ماتصلي -طالعها-قومي وضي وصلي ولاتاكلين ادويه واذا بتبكين ابكي بخشوعك بصلاتك يالله
بَراق بحنيه ابتسم على كلامه وطالعها:يالله جودي بابا بترتاحين بعد ماتصلين لك ركعتين وتفضفضين فيها لربك
فهد بابتسامه :وتبدين مشوار جديد بدون ادويه؟ وكلنا حولك ومعك
نهات بابتسامه: تقومين؟
بَراق بابتسامه:لا بشيلها
وشالها وشافت إنجام ان البطانيه مغطيتها زين حاوطت رقبت ابوها وجلست تشوف سعود الواقف وابتسمت له ،ابتسم من شاف ابتسامتها ، فتحت إنجام غرفه ، نزل بَراق نجد على السرير بابتسامه:بدلي ووضي وصلي واذا تبين تتكلمين مع سعود لوحدكم عادي يجيك فالحديقه عشان حلف عمي
إنجام بحنيه جابت شنطتها:تبيني اساعدك بشي؟
هزت راسها بنفي وطلعو وقفلت الباب بالمفتاح ، تنهدت من كل قلبها وقبل تنزل دمعتها رفعت راسها راجيه مُناجيه ربها:يااارب!
وراحت خذت لها شاور ولبست بجامتها الواسعه وكان عليها نقض ورد التوليب بيبي بينك ولون البجامه اوف وايت وضت وصلت وعدلت شعرها ، ارسلت لسعود
'اقدر اكلمك '
سعود بابتسامه 'جدي معيي ندخل'
نجد ' بابا يكلمه تعال حديقتنا '
وارسلت لابوها'بابا كلم جدو يجي سعود حديقتنا بتكلم معاه مابي اجي حديقتكم'
بَراق شافها'ابشري'
وفعلًا تكلم معه ووافق عشان حفيدته ، راح سعود جلس جنبها:كيفك؟
همست بضعف:ابي احضنك بس ماقدر!
سعود بهمس:لاتطالعين فيني كذا لايعلنون خامسي!
نجد لمت ركبها لصدرها وسندت خدها على ركبتها تطالعه:كيف بترك الادويه ماقدر انام من دونها
سعود بابتسامه:قريب بتقدرين بدونهاا
نجد:كيف؟
سعود بابتسامه:بحضني اقسم لك من خجلك بتنامين!
وضحك وسكتت بخجل ، ابتسم:تقدرين تتركينها بس لازم بالتدريج الحين الحبه اذا كلتيها اكسري ربع شوي منها يعني وكل مرا كبر الكسر الي تكسرينها
مدت شنطتها :العلبه البنفسجيه ماعرف بجيك تكسرها لي كل يوم
وطلع حبه وكسرها بطرف الجوال :كذا شفتي
نجد:مانقصت شي
سعود:نقصت من مفعلوها انكسر ربعها سميّ
وعطاها مويا وكلتها ، طالعها:قستي السكر؟
هزت راسها بنفي ومدت اصبعها ، سعود وهو يفك المسحه:جودي سيارتك باي جهه؟
طالعت:يسار
شافته يضغط على اصبعها بالمسحه وابتسمت:دايم تنجح انك تشتتني ومانتبه يدك خفييفه حييل
ابتسم: ودّك بشي؟
هزت راسها بنفي بابتسامه ، ابتسم:ماودّي اخليك بس الوقت تاخر ياعيوني وعشان تلحقين على فعاليات بكرا روحي ونامي
نجد تنهدت:ماقدر بدون منوم
ابتسم:تذكري اول مرا كلمنا فيها بعض وقلنا حق بعض وانتِ تتذكرين بيغلبك النوم اوريدي
ابتسمت وهزت راسها بالايجاب ، وقف بابتسامه وهمس:ااخ ابي احضنك!
وقفت بخجل ودخلت ابتسم ورجع مع مدخلهم ، إنجام الي كانت تاكيه تتاملهم من بعيد هي وبَراق:جودي قستي السكر؟
هزت راسها بالايجاب ، رفع حاجبه براق وتكتف:استبدلتيني!
ضحكت:يده خفيفه
ضحك بصدمه:لابلاه وانا؟؟
ضحكت وحضنته؛انت روحييّ وعيونيي كيف تعورني ماتقدرر!
حضنها بابتسامه:كليتي ادويتك؟
نجد بعدت:دواء واحد
إنجام:والثاني؟
نجد:بتركه منوم
بَراق بابتسامه:تقدرين؟
نجد بابتسامه:بحاول
إنجام بابتسامه:تمام تصبحين على خير
نجد بابتسامه:وانتم من اهله
ودخلت غرفتها،بَراق بابتسامه:يذكروني فينا
ابتسمت:تذكر يوم كنت تراقبني اول باول انا تركت المنوم ولا لا؟
حاوط اكتافها:كيف ماذكر وتذكرين يوم تهاوشيني عشان الدخان؟
ضحكت؛الايام سريييعه
قبل راسها:تصبحين على خير يالدنيا
ابتسمت:وانت من اهله ياعيوني
وراح بَراق قسمهم وراحت إنجام غرفت نجد:تستقبليني اليله؟
ابتسمت وازحت لها مكان:حيااك
وقفلت الباب وتمددت جنبها وحضنتها نجد:تتوقعين اقدر بدونه؟
إنجام بابتسامه وهي تمسح على شعرها:بوجود سعود ايوا
ابتسمت بخجل وسكتت ، إنجام بابتسامه وهي تمسح على شعرها:تحبينه؟
نجد بخجل:بكذب اذا قُلت لا
إنجام بابتسامه وهي تمسح على شعرها:مايحتاج تقولين او يقول حُبكم واضح الله يخليكم ويحفظكم لبعض يارب ويتمم لكم على خير ويرزقكم الذريه الصالحه يارب
اعتدلت نجد بتوتر:ماما بتكلم بس بيني وبينك؟
تكت بظهرها بابتسامه:قولي حبيبي اسمعك
نجد بتوتر طالعت عيون امها:مابي اطفال
إنجام بابتسامه بحنيه الارض كلها:ليه ياُمي ؟ الاطفال زينه الحياه الدُنيا تدرين-ابتسمت وتربعت قبالها مسكت يدينها وهي تمسح عليها وتطالعها-تدرين وقت ماملكت حفل الزواج طبعًا عقدنا الصباح عشان الشيخ عنده موعد العصر المهم ومسكتني دودو وقلت لها اني خايفه ومابي اطفال وتدرين انو انا امي متوفيه وتعرفي الحكايه كلها المهم وقلت اخاف اجيب اطفال واموت واخليهم تدرين شقالت حضنتني وقالت الي كاتبه ربك بيصير وقولي لبَراق عادي لين تتعودين عليه وقلت لها قلت له وسالتني شقال لي قلت قال انه راضي ولايبي اطفال اذا كتب الله ورزقنا فالحمدلله واذا ماكتب الله برضو الحمدالله عاد حملت ثاني اسبوع ههههههه
ضحكت نجد:منجد
إنجام وهي تضحك:والله تذكري الحكايه الي كانو يقولون نوني مو ولد بَراق؟
ضحكت:ايي اذكر ردك كمان -وطالعتها بهدوء-انا مابي اطفال عشاني خايفه اموت وكذا لا خايفه ماما اتعب واضرهم وماني على استعداد اساسا اربي!
إنجام بابتسامه مسكت خدها:عادي حبيبي تكلمي مع سعود بعد ماتملكون وقولي له ولاقولي له قبل افضل بعد عشان بملكتك تكوني مرتاحه-شافت إنجام الجوال وابتسمت-هابي بيرثدي يالدُنيا
ابتسمت:ميلادي!
وجاها اتصال وردت:ايوا من معي؟
مندوب:معك مندوب حضرتك الاستاذه نجد؟
نجد باستغراب طالعه امها وهي فاتحه سبيكر؛ايوا
المندوب:معي هديه لك من الاستاذ سعود انا امام شاليه 5 متواجده فيه الان او اسلم اطلب لشخص اخر؟
ابتسمو،نجد بابتسامه:لابجيك الحين يعطيك العافية
المندوب:الله يعافيك بانتظارك
وقفلت ووقفت، ضحكت إنجام:اوووه حركات هدايا
ابتسمت بخجل ولبست عبايتها لبست إنجام وطلعت معها ، مده لها ، ابتسمت:يعطيك العافيه
ابتسم وهو صاد:الله يعافيك استئذنك
وركب ومشى ، دخلو وقفلو الباب ، نجد بابتسامه:صبر بصورها اول
وجابت جوالها وصورت البوكس والورد
ودخلو غرفه نجد بشويش عشان البقيه نايمين ، وفتحت البوكس ابتسمت بواسع ثغرها ، كان تيشيرت واسع وعليه حرفين فوق يسار اتجاه الصدر حرفها وحرفه ، وعلبه خاتم فتحتها وقرت العباره المكتوبه داخل'وطني' وكرت بالورد مكتوب عليه
' أُباهي بكِ
فيّ كُلَّ الأعوام
ياخيرَ ما أتتَ بِه الحياة
أتمنى لكِ
عامًا مليئ بالأمّل
والسرورِ
أتمنى لك ربيَعٍ خاص
يلقُ بكِ وحدكِ
عامك سعيد وميلاد الهنّا ياكُل الهنّا وأوطااني ❤️
أنت تقرأ
عينيها طريَق و قلبي سّافر لأجلها
Poetryأجتمع الجنوب والشمال فيّ > ، طُرق لم نتوقع بالمرورِ منهِا بيوم ، أماكن لم نتخيل بزيارتهّا ، أشخاص لم نُدرك بأجتماعنا معهم بأصعب الطُرق ، حُب ، حنان ، مشاعر ، أهل ، إصحاب ، أخوه ، عداوه انتهت بِـ مودة ، لم الشمل ، معرفه حقيقه مُره وانتهت بجمال ، أشتي...
