عينيها طريَق و قلبي سّافر لأجلها

p62

صحو الصبح ونزل غيَاث يجيب فطور ، بَراق بابتسامه شافها صاحيه:كيفك حبيبي؟يعورك شي؟
ابتسمت بحُب:لايعيوني
ووقف:وين ودّك اليوم ولا تبين ترتاحين؟ ماعندي اي مشكله
ابتسمت بحُب كببيير له:لا عادي واذا تعبت بقول لك نرجع
قبل خدها:تمام ياعيني
وراح يوضي ويصلي ، وكانت لابسه إنجام بنطلون رسمي اسود وسيع وماسك من عند الخصر بس وطويل وبوت كعب اسود يرفعها شوي بس وتانك اسود بدون قميص ابيض ولبست اكسسوارتها وسوت ميكبها وطلعت لصاله:وين غيوث؟
ايلين جلست وكانت لابسه جنز ازرق واسع وتجي قصته جميله وستايله حلو من تحت ومن فوق مع بلوزه سُكريه لـ بولو وجلست:نزل يجيب فطور
هزت راسها بالايجاب ، وجلس بَراق :وين غيَاث؟
ودخل:جيت
ونزل الفطور:سمو بالله
وجت توقف انجام ،بَراق:وين افطري!
إنجام بابتسامه:بسوي شاي
وقف:انا اسوي اجلسي افطري
وراح وسوا اربع اكواب لهم وجلس
وخلصو،إنجام:لولو جبتي الجكت الرسمي حقك؟؟
ايلين:اي الاسود ولا الابيض؟
إنجام:عادي اي واحد فيهم
وقفت:جبت الاسود ثواني
وجابته لها ولبسته، ايلين:ايوا الى اين الوجهه؟
غيَاث:والله مافي شي محدد بننزل وندخل المدينه ونتمشى عند الاسواق والكوفيهات واي مكان تبونه قولو لنا لان الصراحه اول مرا اجي هنا فامعرف اماكن سياحيه كثير
بَراق:المره الجايه على فرنسا ان شاءالله ووقتها اوريكم الاماكن الحلوه صدق
إنجام بابتسامه:تمام ماعندي آي مشكله يالله
وقفو ونزلو للسياره وراحو يتمشون
وكان فالشارع سماعه واشخاص يرقصون ويصورون ، ايلين:خل نجدول عليهم
إنجام ضحكت:دكتوري مال العين؟
ايلين ضحكت:تم
إنجام راحت للي ماسك السماعه : Bitte, ich kann ein Lied setzen.
الشخص : Natürlich
وحطتها (دكتوري مال العين قلي خبر مو زين اعمى بدونك لو فراقك يظل يومين يلي الهوى بلياك يخنقني من أشتاك قلبك عجيب انطاك تنسى غرامك ليش اليحب مايقسى بحبيبه اليحب شوقه يجيبه)وكانو يصورون ويطقطقون ويضحكون ومن انتهت شكرو الشخص وراحو
دقت جلنار وهي تضحك:الله لايفضحنا!
وانهارو ضحك هم واهلهم، وكان جوال جلنار سبيكر، الوليد وهو يضحك:شفيكم اعقلو!
إنجام وهي تضحك:ماقدر تكفون في واحد واضح سعودي!!
ايلين وهي تضحك:وكان يضحك ااخ نضحك وربي!
همّام بابتسامه:انهبلو عيالنا انهبلو
مها بصدمه:ايا الي ماتستحون ترقصون لي بهالشوارع وتضحوكن وتبن تفضحنا انتن!!!!!!!!
إنجام وهي تضحك:الله خمس نجوم معاملتنا!
ايلين وهي تضحك:تهزيئء عن بُعد!
وانهارو ضحك ، ابتسمت مها:اخباركم؟ علومكم؟ناقصكم شين؟
بَراق بابتسامه:بخير ياعيوني
غيَاث بابتسامه:بخير جعلتس بخير لاتسلمين
جا نوني يركض:ماما ماما ماما ماما
ضحكت:هلااا
نوني بحماس:ليان وزَهر جووو مرا حلووين!
ضحكو كلهم ، إنجام وهي تضحك:انبسططت؟
ضحك:ايواا مراا بروح لروري باي
وركض ، وضحكو كلهم على براءته ، جلنار:يالله تقلعو ابي جوالي
وقفلت ، ابتسمو بحُب ، إنجام بابتسامه شافت محل ورد وحاوطت يد بَراق بابتسامه:ابي ورد
وابتسم:من عيوني
وراحو كلهم سوا وغيَاث وبَراق يشرون ورد ، شروه وغلفه صاحب المحل بورق بُني وكان الورد احمر وبيبي بينك مُغري وجدًا ، وجلسو يصورون بابتسامه
إنجام بابتسامه عطت ايلين الجوال:صورينا
وجلست تسوي حركات وتصور هي وبَراق
وكان في صوره وبَراق محاوط اكتاف إنجام وإنجام البوكيه بحضنها ومُبتسمه وجالسين يطالعون بعض خذته وغبشت تغبيش خفيف على وجيههم وحطت اغنيه (مالي ومالِ النَّاس...ومالك ومالِ النَّاس
لمَّا حبيَّتك...ما أخذت رأي النَّاس.....)
ونزلتها ستوري ولاهتمت برضو ، وبعد نص ساعه دق عليها اصيل
وفتحت سبيكر:ها يقلق
ضحك:تكفييين فواز متوعد فيك
استغربت:شسويت!
ضحك:تذكريين الاجازه يوم اعطاك اياها ماجد مب شهر صح؟ ولعبنا فيه عساس ان ولدك تعبان
إنجام بعدم فهم:طيب وش مافهمت
ضحك:ستورياتك انفلت علينا يقول واضح ولدها تعبان
ضحكت:اما ماخصصته؟ هههههههههه
وضحكو كلهم من فهاوتها، ضحكت:يالله عادي جو وفعاليات وكذا لاجيت
ضحك:وربي طاقه اعصابه حيييل وكلنا منهارين ضحك ااخ حتى ماجد معد يهتم طقت تسبده وجلس يضحك
إنجام وهي تشوف مشاهدت الستوري:وانا اقول المشاهدات مرتفعه طلع ماخصصت احد
ضحكو كلهم ، غيَاث وهو يضحك:ميين
إنجام وهي تضحك:عسكر ومباحث ورؤساء وااااجد ههههههههههههههه
بَراق:سناب؟
إنجام:لا واتس بس كل ستورياتي هِنا وهَناك هههههههه
اصيل وهو يضحك:اذا صارت مُستجدات بقول لك
إنجام:كفو ام زكي
وانهار ضحك وقفل ، بَراق وهو يضحك:وذا نشبو لك؟
إنجام بابتسامه:والطقاق ليه حرام انزلل بعد؟؟
غيَاث:ليه شمنزله؟
إنجام ضحكت:مالي ومال الناس لما حبيتك ماخذت راي الناس
وضحكو اكثر، ضحك غيَاث:بيفدع بك ذاك
ودق:شفت يدق
وردت:هلا استاذ فواز
فواز بعصبيه:من بكرا بشوفك بالمكتب
إنجام وهي فاتحه سبيكر:عفوًا؟
فواز:لابلاه وين الي تقول الاجازه عشان ولدي وانتي مسافره؟
إنجام عقدت حواجبها :وانت شدخلك!
فواز بعصبيه:احترمي نفسك
إنجام:انت الي احترم نفسك والزم حدودك ومايخصك وين اكون فاهم!
وقفلت ، بَراق بغيره:خير شدخله ذا بعد!!
إنجام:متخلف شدراني عنه!
بَراق بغيره:مابقى الاهي بعد يامر عليك! ويتحكم وين تروحين وتجين!
حط غيَاث يده على كتفه:هد يالرجل الغيور وش ذنبها!
بَراق بعصبيه:طبه عندي!
مسكت ايلين يد غيَاث واشرت بعيونها ومشو ، غيَاث:وين؟
ايلين:خليهم براحتهم
غيَاث بابتسامه:ادري بس وين ودّك؟
ابتسمت واشرت على كافيه وراحو، حاوطت إنجام يد بَراق:مابتأذي نفسك صح!
بَراق بعصبيه وغيرته طاغيه عليه ومعميته:امشي قدامي!
سكتت ومشت وهي تعرف عصبيته وانه مو مُدرك لشي الان لاكن بعد خمس دقايق بيحضنها ويعتذر وركبو السياره وارسل بلغ غيَاث انهم بيرجعون وتفهم غيَاث الوضع ، وصلو بَراق وإنجام الفُندق ونزلو ، قفل بَراق الباب بعصبيه وغيره:الان تحذفين كل ارقام العياال الاااان!
إنجام بثبات:ماني حاذفتهم لان بيينا شغل لانتهى الشغل انا احذفهم من نفسي
بَراق بعصبيه وغيرته طاغيه عليه للان مسكها مع اكتافها وضغط شوي عليها بقوه:لااااان قلت!!
إنجام وهي تحس شوي وعظامها تتكسر مسكت دموعها:فك!
ومافك دزته وخذت جوالها ودخلت قفلت الباب وراحت غرفه الملابس قفلت الباب بعد حقها وجلست باخر الغرفه وهي حاضنه رجولها لصدرها وتبكي بصمت بدون صراخ ، بدون شهقات ، وكانت كاتمه شهقاتها من الصبح والالم الي داهمها وكانت تمثل الضحك والوناسه وتخفي المها عشان ينبسط هو لاكن بالنهايه؟؟ صرخ عليها وجلس يامر وعورها ، طق الباب. على طول:إنجام والله اسف والله اسف ماكنت بوعيي تكفين إنجاام
وكانت كُل ماسمعته بكت اكثر واكثر لاكن بدون صوت ، بَراق بندم وخوف لايصير لها شي وهي غالبًا لابكت يغمى عليها:انجااام تكفين إنجاام افتحي!!
وماوصله رد واتصل على الرسبشن وقال ان المفتاح مع اخوه وهو مو فيه ومثل وجابو له نسخه وطلعو ، وهي من سمعته يكلم راحت وغسلت وجهها وبدلت لبست بجامتها وتمددت بالسرير تمثل النوم ، ومن دخل غطاها النوم صدق من كثر مابكت، راح مُسرع لها لاكن تدارك الوضع قبل يخرعها من ادرك انها نايمه وانتبه لاثار الدموع المحفوره على خدودها وبلل رمشها تنهد بضيق وجلس جنبها
المغرب دق غيَاث عليه:بجيب عشاء احسبكم؟
بَراق تنهد:لا يعطيك العافيه
حس في شي:فيكم شي؟؟
بَراق:عصبت وزعلت
تنهد:مايصير يابَراق عصبيتك شيينه ليش!ليش كنت عندها وانت معصب! وهي مالها ذنب بشي!
بَراق :لاتزودها علي!
غيَاث:مهما كان اختي ولا ارضى عليها بس مابي اتدخل بينكم فمان الله
وقفل ، وصحت إنجام وراحت غسلت وخذت جوالها وراحت تسوي شاهي ، وكان يحاول يكلمها وهي ماترد عليه نهائيًا وجلست تشرب شاهيها بالصاله، ودخلو غيَاث وايلين، وشافوها وسكتو بحزن، ايلين بتغيير:وراك ماقلتي لي انك صاحيه اجيب لك معاي عبالي نايمه
إنجام بتصنع للابتسامة:شكرا ياعيني برجع انام اساسا لسا فيني خمول مو طبيعي تصبحون على خير
وراحت ، وتنهد بضيق بَراق وراح خلفها
تمددت على اخر طرف للسرير وتكه وتطيح منه وسحبها:مو كذا
وبعدته:بعد عني!
وابتعدت وخلت بينهم مسافه كبيره، بَراق:والله مو بوعيي تكفين إنجام انتِ اكثر وحده تعرفيني وتعرفين اني للان اتعالج
إنجام :وانت تعرف انه مو ذنبي!ولاسويت شي!تصبح على خير
وغطت وجهها بالبطانيه وكانت دموعها تنهمر بهدوء وبدون صمت، عارفها زيييييين وزين مرا بعد البطانيها عنها وحط راسها على صدره:لو زعلتك ودّك تبكين بتبكين هِنا اسف يابوي انتِ قولي لي وش انا دون أبوي ؟ الله يلعني يومني عصبت وعورتك الله....
ودفنت وجهها بصدره وتشبثت بتيشيرته وهي تبكي:لاتدعيي!
شد عليها:اسف اسف اسف قولي لي وش يرضيك وابشري فيه والله ثم والله ماكنت ناوي اعورك ولا اعصب بس غرت!-بهمس-احترق وافور كيفف مافجرت فيه الارض الي هو بها للحين محد له حق يامر على حبيبتي وزوجتي وأم نهات محد له حق يتحكم بحبيبتي ويجي ويامر وينهي عليها نهائيًاااااااا جوجو والله اسف
إنجام دفنت وجهها بصدره:والله مو زعلانه منك يكفي تعتذر مازعلتني!
شد عليها ودفن وجهه بنحرها:اكيد؟ ليش تبكين طيب؟عورتك؟
إنجام بابتسامه من حنيته:لا
بَراق بعدها يطالع بعيونها بحنيه الارض كلها :شفيك ياروحيّ طيب؟ لوش الدموع؟
إنجام بالم:الم ماني قادره عشان كذا
عقد حواجبه باستغراب:ودّك اسوي....
وسُرعان ماتكورت على نفسها بالم:بوبو مرا يعور تككفى!
وشالها وطلع على طول ، على طلعت ايلين، ايلين بخوف:شفيييها!
وطلع غيَاث:بَراق شفيها إنجام!؟
بَراق بخوف؛مادريي الحق السياره شغلها سرعه تكفى !
وكلهم طلعو باستعجال وبقت ايلين وقفلت الابواب عليها
ووصلو المستشفى وودوها الطوارىء
وحطو لها مُغدي وشافو حالتها ، طلع الدكتور :
Wer unter euch ist ihr Ehemann?
"مين زوجها؟"
بَراق تقدم:Sprechen Sie Englisch?
"تتكلم الغه الانقليزية ؟"
هز راسه بالايجاب ، بَراق : I'm her husband, how is she?
"انا زوجها كيفها؟"
الدكتور :، Don't just worry about the menstrual cycle, pain, and because they don't feed well, we put on them nutrients and they can come out when they're done.
"لاتقلق الالم فقط بشان الدوره الشهريه والالم لانها لم تتغذا جيدًا وضعنا لها مُغذي واذا انتهاء تستطيع الخروج"
ارتاحو كلهم ، بَراق براحه ابتسم وقرا اسمه : Thank you, Dr. Jim
الدكتور بابتسامه: You're welcome
وانصرف ، ودخل بَراق عندها وشافها نايمه بتعب ، استئذن منه غيَاث ورجع للفندق ب اوبر وبقى السياره لهم ، طق الباب
ايلين بخوف سكتت ، غيَاث:لولو انا غيَاث
وفتحت وتنهدت براحه وحضنته ، شد عليها واستغرب:لولي شفيك؟
ايلين بخوف:دووب في اثنين يحاولون يفتحو الباب يوم شافوكم طلعتو
وسع عيونه بذهول وخوف: جوك!سوو لك شي!!!
ايلين هزت راسها بنفي:مافتحت نهائيًا واستعديت الامن اتصلت عليهم وماعرف شصار صار هدوء
وقفل الباب وجلسو، ايلين وهي تاكيه براسها على صدر غيَاث:جوجو كيفها؟
غيَاث:تعب طبيعي حبيبي
ايلين:بزُر لاتجيب طاري انك رحت المستشفى لها فاهم!
ضحك:ابشري
ايلين:ولحد يدري بيخربون عليها ام السفره والله
ابتسم وشالها بحضنه:ابشري
وحاوطت رقبته:ااخ فيني نوم
غيَاث:كلنا مهلوكين صدق وبعد الخرعه
وتمددو وهم حاضنين بعض ونامو ، بالمستشفى
صحت:بوبو؟
بَراق فز:هلا يمي
إنجام بتعب:مشفى؟
هز راسه بالايجاب ، تاففت:يابوبو اقول لك لاتوديني وتجيبني!
ابتسم:يعورك شي؟
إنجام هزت راسها بنفي :متى بخرج؟
ابتسم:اول مايخلص المغذي الحين يفكونه دوبني ناديتهم
وجت ممرضه وفكته واعطت إنجام مُسكنات وطلعو
قامت ايلين وبعيونها النوم وفتحت لهم ، دخلو وقفلت الباب ، ايلين:جوجو كيفك؟
إنجام الي مستنده على بَراق وتنعس:بخير الحمدالله
ايلين بابتسامه:اذا ودّك بشي بلغيني تصبحين على خير
إنجام:وانتِ من اهله
وافترقت طرقهم ، تمددت ودفنت وجهها بصدره وتشبثت بتيشيرته:احضني
وشد عليها :مابفكك
ونامو ، الصبح صحو غيَاث وايلين وهم لسا نايمين
ايلين بهمس:خليهم جو الفجر
غيَاث نزل فطور لهم بشويش ومد يده لـ ايلين بهمس:امشي عشان لانزعجهم وبرسل لبراق
ومسكت يده وطلعو بشويش وقفلو الباب عشان مايصحون
بعد ساعتين ، صحت إنجام وشافت بَراق جالس يلعب بخُصل شعرها الطويله البُنيه المُنسدله على صدره ، غطت وجهها بخجل:يابوبو!
ابتسم وبعد يدينها:عيووونه
إنجام بخجل:بوبو شكلي مايهيئ!لاتطالعني!
قبل عيونها بحُب وهو حالف اذا عصب مرا ثانيه يبعد عنها ويرجع وقت مايهدى : ياحبيبي بكل حلاتك جميله آآخ الله يحفظك لي ولايحرمني شوفك
ابتسمت بخجل:امين ويخليك لي طب فُك!
وكان محاوط خصرها وشادها له ، هز راسه بنفي
إنجام بدلع وانوثه:بيبي بجهز طيب بيروح اليوم علينا!
بَراق بذوبان وهيام:اوييييل حالي
وجلس يقبل كُل انش بوجهها وتطرق لـ رقبتها وابعد:اااخ الذ فطور!
إنجام بخجل دفت صدره ووقفت:ماتنعطى وجه
ودخلت دوره المياه ومعها روبها ، ضحك:تجننننننين!
وحطت يدها على قلبها بهمس:ااخ يجنن!!!
وراحت تتروش وهو راح يتروش بالحمام الثاني عشان يخلصون بسرعه ، طلعت وهي واقفه امام الدولاب تختار شتلبس
وجا بَراق:جوجو...
وتقدم يحاوط خصرها،إنجام بدلع:بوبو حبيبي روح ببدل
بَراق بهيام :تعصفين بي عصف
إنجام بدلع:بوبو حبيبي يا عيني انت يالله روح بتجهز!
ابتسم وقبل خدها:من عيوني اسبرسو ولا؟
إنجام بابتسامه دلع:حتشرب اسبرسو؟سوي لي
اشر على خشمه وطلع ، تنهدت وقفلت الباب عشان تتجهز براحتها ، وطلعت لها قميص بولو السُكري مع بنطلون جينز واسع ازرق وخلت شعرها ويفي ناعم ولبست اكسسوارتها ، طق الباب بَراق:حبيبي خلصتي؟
إنجام وهي تحط اخر لمساتها الروج الاحمر :ايوا ثواني
وفتحت بابتسامه:شرايك؟
ابتسم بحُب:جمييله كالعاده
إنجام بدلع حاوطت يده:بوبو تلبس القميص الي طقمنا فيه؟
ابتسم:من عيوني ثواني
وراح بدله ورجع بسرع:كيف بس؟
وشافته وهو يشمر اكمامه وعروقه بارزه مع لونه وشعره المُبعثر وخاتمه عضت شفتها بابتسامه ، وشافها عاضه شفتها ومبتسمه تطالعه قبلها:لاتعضينها وتعرفين شبيصير لو قدام خلق ربي
اعتراها الخجل واحمرت خدودها وطلعت جلست بالصاله:من جاب الفطور؟
ابتسم على تصريفتها وجلس ونزل اكواب الاسبرسو قريب لها وله:غيَاث مرسل لي يقول طلعنا ولابغينا نصحيكم وانتم راجعين متاخر الفطور بالصاله
إنجام بابتسامه وهي تفطر:عسوليين ااخ متحمسسه اشوف البيبي!
بَراق بابتسامه وهو يمسح يدينه بفاين:تصدقين ماتوقعت بصير خال وعم وانا بعمري ذا ولولو لولتي عنقودنا بتصير ام!
بعد مامسحت يدينها حاوطت كتفه وهي تطالع عيونه:ذي الحياه يابوبو وتصدق بقول شي بس لاتزعل ماتوقعت بيوم بيكون ذا حالنا او ان عندنا ولد واننا متزوجين نهائيًااا بس الحمدالله الي صار كل ذا
بَراق بابتسامه قبل عيونها:الله يحفظكم لي ياااارب ولايحرمني اياكم
شربت الاسبرسو:ااخ ياعَذب كلامك وجمال دُعائك امين ياحبيبي امين
ابتسم:خلصتي؟
إنجام بابتسامه :اي نطلع؟
وقف بابتسامه:يالله
ومسكت يده ولبست نظارتها وجوالها وشنطتها معها وطلعو وقفلو الباب
وراحو يتقهوون ، كانو جالسين بحُب وأيً كان من مر وشافهم عرف انهم أزواج من نظراتهم وابتسامتهم ، وقفو بنتين عندهم
:لحظه دكتور بَراق صحيح!
بَراق وهو صاد مارد ، إنجام طالعتهم:عفوًا؟
عبير بغنج:انا اسعد انسانه بالكون اني شفتك هِنا
بَراق وهو صاد بحده:روحي لو سمحتي!
عبير بغنج سحبت كرسي وجلست جنبه:سعد حظي اذا شربت قهوه معاك
إنجام بحده:خير وين حنى عايشين؟
لفت عبير:الزمي حدك منو انتِ؟
إنجام بحده: زوجه بَراق واذا تعرفيني كذا المحققه إنجام مدَاد!
ارتعبت رغد وهي عرفتها، وقف بَراق:حبيبي مشينا
وقفت غدير، وصرخ عليها:وين حنا عايشين خييير الزمي حدك لاوالله اربيك واعلمك الادب والاخلاق جوجو مشينا حبيبي
وشابك يده بيد إنجام ومشو ، عبير بقهر:وذي شتبي بكل مكان معه!!!
رغد:ياهووو محققه ذي تروع! صاحيه انتِ!
عبير:خير خير!!! بَراق لي وبس!
رغد:اسمعيها تبينها على بلاطه اقطعي علاقتك فيني ولاعد تكلميني لاتادبتي تعرفيني!
ولحقت إنجام:استاذه إنجام
لفت بحده:خير بتكملين زي الي معاك!
رغد بادب:لا اولًا اعتذر منكم واساسا قطعت علاقتي بعبير ولاني من الي اماشي هالاشكال بس حبيت اقول لك شي
إنجام باستغرب:الي هو؟
رغد بتوتر:خل نبعد من هِنا بس لاتلمحني معكم
ومشو تعمقو بالسوق ، رغد:استاذه إنجام استاذ بَراق عبير انسانه دنيئه وماتخاف الله وقد سمعتها تتوعد وتهدد فيكم وتتكلم مع احد بالجوال والله يعلم نيتي ان لي اربع شهور متحمله غثاها عشان اعرف نيتها وابلغكم لاكن ماحصل وماستطعت
إنجام بصدمه؛ووش تبي ذي!!
بَراق طالع إنجام من جا بباله شي:نهات!!
رغد:المووضوع يخصكم بس والله ماعرفته بس ان الي فهمته انها بتوجع قلوبكم سمعتها تكلم وتقول بوجع قلب بَراقي اعتذر منك استاذه إنجام واستاذ بَراق واوجع قلب إنجام حاولت اعرف ماقدرت ماعرف يخصكم او يخص احدكم او طفلكم بس حبيت ابلغكم تاخذون حذركم اكثر
إنجام بابتسامه:شكرًا يا
رغد بابتسامه ؛مابيننا معك رغد
إنجام بابتسامه :تشرفت ممكن تعطيني رقمك وتبلغيني اذا عرفتي اي شي
رغد بإبتسامه:الشرف لي ابشري
وملتها ، رغد:ترا عبير ماتخاف الله انتبهو لولدكم تكفون انا يوجعني قلبي اذا شفت تعاملها مع المرضى والاطفال مابيتحمل طفلكم انتبهو له
إنجام بابتسامه:ابشري من عيوني بزود الحمايه له وشكرًا على اهتمامك
رغد بابتسامه :يمكن ماتعرفون بس انا كنت الممرضه الي اهتم بنهات وقت فتره جلوسه بالمستشفى وشفت كيف يتالم ويعاني ولاودي اشوفه تعبان اكثر لان-بغصه-يذكرني بولدي
إنجام:اذا مايضايقك وين ولدك؟
رغد بابتسامه :لاعادي ، انفصلت من ابوه وماشفته
إنجام باستغراب:حقك ذا وابسط حقوقك والحضانه؟
رغد بمحاجر مُمتلئه دموع:افترو قدام الشيخ ولاعندي سند يوقف معاي وهرب بولدي برا السعوديه ولي ثلاث سنوات ادور ولالقيت
انصدمو، إنجام بحنيه حضنتها:برجع لك ولدك وعد بس قدمي على مركزنا باسمي وابشري
بَراق بضيق:ولاتقولين ماعندك سند آل طَــارق كلهم بظهرك ومعك
إنجام بابتسامه ابتعدت:باي وقت تعالي لنا وبكون دايم موجوده
رغد ببكي :تعبت تعبت عانيت كثير ومحد راضي يسمعني!
جلستها إنجام على الكراسي وجلست عند ركبها بحنيه:لاتقولين كذا حنا نسمعك وبكون معاك مابنتررك وعد
بَراق:ماعندك اخوان؟
رغد مسحت دموعها:من ابوي ومحد مهتم وابوي متوفي وامي تعبانه انا الي اهتم فيها
إنجام بضيق ربتت على كتفها:ابشري ولاتنزل دمعتك وتتضايقين وعد مني لك بجيب لك ولدك وعد باقل من خمس شهور وولدك بحضنك
رغد حضنتها وهي تشكرها واستئذنت مشت ، بالسياره
إنجام بضيق:حزنتني
بَراق:الله يلم شملهم يارب
إنجام صدت ، بَراق باستغراب:جوجو شفيك؟
إنجام:لاتكلمني!!
بَراق:ماسويت شي ياجوجو حتى ماتكلمت!
إنجام لفت بغيره:لابلاه وساكت وراضي انها قريبه لك وشوي وتلزق فيك هاااا تكلم!وعاجبك الوضع جالس
بَراق بابتسامه من غيرتها:عاتبيني كان يرضيك العتَاب ، ماظنتي غلطت يازَهر عُمري ودّك تعاتبيني ابشري
وصدت وهي تخفي ابتسامتها لاكن ماغبت عن عين بَراق الي يركز بالطريق مره وعشر يختلس النظر لها
وقف بالمواقف ومسك يدها بحنيه وابتسامه:حبيبي وين ودّك؟ولا تبين ترتاحين؟
إنجام ماقدرت تمسك ابتسامتها وابتسمت:برتاح والعصر نخرُج سوا
بَراق عقد حواجبه:اكيد سوا اجل لوحدك!
إنجام بابتسامه:لابلاه؟واذا لوحدي؟
بَراق:مافي
إنجام:ليه
بَراق قربها له وهو يناظر ثغرها بهمس:لإني أبيك لاني ابي كل وقتي معك لاني ماودّي تقضي وتمضي دقيقه وانا مو حوالينك لانك محبوبتي وزوجتي ومعشوقتي وزَهر عُمري
إنجام بابتسامه من كم الحُب الهائل من الحنيه الفائضه من اسلوبه فتحت الباب ونزلت غمزت:زَهر عُمري عجبتني
نزل ومشت وهي مُبتسمه ونادها بصوت عالي:زَهر عُمري
لفت بابتسامه وخجل من نظرات الناس ، تقدم وشابك يدها بابتسامه:كذا اوكيه
ابتسمت وحاوطت يده بيدها الثانيه ومشو فوق
غيَاث وايلين المُبتسمين وهم نزلو من اوبر وشافوهم، ايلين بابتسامه:ماقلت لك بس انت تحب تعقد الامور
غيَاث بابتسامه لف عليها:اختي وشفتها ضايقه اكيد بعصب بس بنفس الوقت مابتدخل لين ماتقول لي تدخل
ايلين بابتسامه :ااخ زَهر عُمري تجننن منه لها!
حاوط خصرها مُتجاهل الناس:وانا وين رُحت؟؟
ايلين بابتسامه رفعت يدينها لصدره:حبيب قلبي مارحت لماكن بس مُمكن تبعد ترا بالشارع
بعد بابتسامه وشابك يده بيدها ومشو
مر اسبوعين كاملين على محبوبينا بالمانيا ومُدنها وجمالها ، وقت العّوده للدير الحبيبه ، المملكه العربيه السعوديه ، بالمطار نزلو وبَراق وإنجام كانو لابسين قُمصان بولو السُكريه على بنطلون جينز ازرق غامق جميل وإنجام جنزها كان وسيع وفيه قصه من تحت تجننن ولبست بوت كعب(معرف اسمه مشوو لي) وشعرها مرفوع رفعه جميله مُريحه ذيل حصان ويفي وميكب خفيف
وايلين وغيَاث كانو لابسين قُمصان ساده تتلون بالاسود لاكن ايلين يسار قميصها جهت القلب توسطه حرف(G) وغيَاث قميصه الجُهه اليُسرا جهت القلب توسطه حرف(A) وكانو لابسين بنطلون جينز ممُاثل بـ بَراق وإنجام وإيلين شعرها ويفي ناعم تركته براحته وميكب خفيف
هبطو على مطار المملكه العربيه السعوديه وخرجو لـ سياره غيَاث الموجوده وحركو لـ ربيع ال طَــارق ومحد كان يعرف بجيتهم ، واول ماوصلو وفتح الحارس الباب دخلو وكانو جالسين بالحوش الجلسه الاماميه،نزلت إنجام ونزلت نظارتها بصوت عالي:خساره خرب السوبرايز!
والتفتو بصدمه وابتسمو وصارو يسلمون ويحضنونهم ، تارا:هيّا ويييييين هديتي انت وياها؟ خلصوني يالله!
إنجام وهي تتربع:مالش هدايا جوجو اقربيييي!
جلنار فزت ومعها فصفص:تحشين بمن!
إنجام وهي تاخذ فصفص:شفت اسماء
غصت بالفصفص وجلست تطق ظهرها وتضحك،جلنار بصدمه:اسماء اسماء اسماء!!ذي اسماء الي نعرفها ولا الي يعرفونها
إنجام وهي تفصفص:لا الي نعرفها
تارا:اووه الي تعرفونها مييين علمونا!
إنجام وهي تفصفص وتكلم جلنار متجاهلتها:المهم خلي بعدين واقولك بالتفصيل الممل وعرفت ليش هي هناك
مدَاد بصدمه:الله وكيلك وكاله انباء ماشاءالله
همّام بصدمه:قولي بسم الله توك واصله!
نهات بصدمه:حتى الي هناك ماتوفرن تحشون بهم!
وضحكو الموجودين ، ايلين لفت لدُنى:شفتيي لونك جايه افنت ^^^ توه افتتح وفااااتك الكولكشن الجديد
دُنى وهي تتقهوى:سبقتك وطلبته مايحتاج اروح له هوا يجي لعندي!
إنجام وهي تفصفص:اقعد يادودو!
نزلت عامله نهات وهي ماسكه يده، وسع عيونه بذهول:مااامي!!!
إنجام بابتسامه: هاااي
وركض يحضنها،وحضنته وهي تضحك ومخلخله اصابعها بشعره، كان جالس بحضنها لاكن رجوله محاوطه خصرها ويدينه رقبتها بعد بس عشان يشوفها وعقد حواجبه بزعل:وحشتييني!
إنجام ميلت شفايفها باسى :وحشتنييي مرا!
نهات تكتف بزعل:لو وحشتك صدق جيتي عندي ماخليتيني وحدّي وكمان بابا خلاني اكرهكم كلكم
إنجام بابتسامه غمزت:جبت ليقو
فز بحماس وابتسامه:والله!
إنجام هزت راسها بالايجاب وهي مميله شفايفها باسى:بس انت تكرهني فماحا اعطيك اياها
قبل خدها:اكذب انا أحُبَك مراااااا
إنجام حطت يدها على قلبها بتمثيل:وربي اني خفيفه!
ضحكو الموجودين ، دُنى بابتسامه :اووه اقول لها نوني وش كُنت تسوي؟
إنجام بابتسامه:هو يخبرني صح؟
نهات جلس بحضنها:ماسويت شي بس خذت الايباد حق بابا واممم خربت حق القهوه
إنجام بصدمه؛لحظه اي وحده!
نوني :الي يسوي بابا كثير منو
إنجام ارتاحت:اشوا عبالي حقي!
تارا:ياحبيبي حقتك لو لمستها ذبحتيني خفت عليه!
ضحكو الموجودين ، جلنار وهي تفصفص:ترا اقصاه مشيين ياجوجو!
إنجام:ب 17 الف
انصدمو، وسعت عيونها جلنار:يمه ! صاحيه تدفعين مبلغ ع اله بس!!!!!
إنجام بابتسامه:والله حلوه!
بَراق:خلي بس زي حقي وحقي ب11
نهات"ابو بَراق"بصدمه:امسكوني بنجلط بنجلططط
مدَاد بصدمه:بتجلطوني انتم!!!
همّام بصدمه؛وششش صاحين انتوووو سبعطعش واحدعش على الاااااات!!!
إنجام بوهقه:والله حلوه ولونها يجنن
مدَاد:انا داري عشان الون!
ضحكت:هو الصراحه99٪عشان الون و10٪عشان القهوه
الوليد وهو طايح بالارض يمثل؛اسعفوني اسعفوني
إنجام:بتموت؟معليه ببني لك مسجد
جلس:انا اتوقع اعلنتي افلاسك بعد هالمكينه
إنجام بصدمه وهي تطالعهم:منجدكم ترا عادي بلاش بعد!
بَراق بصدمه:اانتم مصدومين عشان اسعارهم!!!
إنجام لفت عليه وضحكت بوهقه:ذولي لو يدرون عن المرسم نحروني شكل
طَارق بصدمه:لعنبوك وش مرسمه عاني مرسمك بذا محدن يطبه ورا تفسفسين فلوسك؟؟؟؟
إنجام بوهقه ابتسمت:مو ياطروقي ادري ماني رايحه مرسم غيره
مدَاد:وراتس دافعه اجل
إنجام عدلت جلستها بابتسامه وهقه:ام اي اححم من لانو
مدَاد:مستعدين حبوب الضغط هاذيلهن قولي قولي
إنجام:تبرعت مب لي!
طارق براحه:اي الله يجزاك خير
بَراق ضحك:جدي ترا رسمات تبرعت لرسمات مب محتاجين
ضربت كتفه:ابيك عون صرت فرعون!
طارق بصدمه:لرسماااات لورق!!!
إنجام بابتسامه وهقه:لالالا ذا فاهي مايعرف يشقول لدورات تعليم الرسم يسوون سحب لمجموعه يعلمونهم ببلاش لاني دافعه
مدَاد:يعني خساره بس يعني ها شوي مقبُله
الوليد:انا رسمه تبرعي لي يالله
إنجام :كم تبي ؟
الوليد بمزح:50الف
إنجام:جتك
طالعوها بصدمه،الوليد:لا هي صاحيه انتِ امزح مفلسه وافلسك مابي امزح
إنجام وهي تطقطق بجوالها ولاملقيته بال، الوليد؛اشوا حسابي مب عندك مجنو....
وصلته حواله وشافها وطالعها بصدمه؛لاعاد يامجنونه!!!
إنجام وهي تشرب قهوه:وشو!
همّام بصدمه:حولتييي!!!
الوليد لف الجوال لابوه وطالعها:كيف جبتي حسااابي!!انجام ياهبله اعطيني حسابك
إنجام:ماتقدر تلقاه اساسا وكيف جبت حسابك حسباتكم كلكم عندي ولاكلمه خير الوليد!صاحي!ترا عادي مبلغ عادي!شفيك؟!
همّام بابتسامه:ولو رج...
إنجام:هي خير ترا اخوي وعادي عطيته وهديه ترا ها عاد انتو وكيفكم والله ماكلمكم !
اسر:اي اجل حولي يالله
إنجام وهي تشرب قهوه وتطالعه:انت وتارا الوحيدين الي لو تقولون نبي ريال بقول معصي ثم معصي ثم معصي الله يعين ورعكم!
ضحك نهات:شفتو اخيرا احد اتفق معي
إنجام:والله صدق عمو ذولي تعدوني بالتبذير
مدَاد وهو يضحك:اي عليتس بهم لاتعطينهم هله خل يتعدلون انا مادري كيف بيربون ويصرفون على ولدهم
تارا وهي تفصفص:اساسا حنا ماحنا وجه تربيه
اسر وهو متمدد على فخذها :يس الخطه اذا ولدت توتي الولد يصير ولدكم ربوه وكبروه وعلموه ووظفوه وهمن ردوه نستفيد يعني
تارا وهي تفصفص:وفوقها تبوني اصرف على غيري؟صدمه مستحيل ماعرف ولاظنتي اعرف اساسا انا لسا بزره مب وجه تربيه عشان كذا سوستي بتربيه يوم عندها يوم عند دودي
اسر:صح اما عاد اذا تبون اخذه ترا عادي ماقول لا وهو عمره يوم اعلمه التفحيط لازم!
مدَاد تنهد:ضاع الولد
نهات تنهد:اساسا من غير ماتقولون بناخذه منكم غصب ولاطيب مب وجيه تربي انتم
تارا وهي تفصفص:اذا بتسفل وانا برتاح سفل ياعمو الحلو خذ راحتك
ضحكو الموجودين ،مها بعصبيه:خليني اسمع هالحتسي مرتن ثانيه الورع مات جوع وانتِ ماغير تبلعين بهالفصفص!!!!قومي يا دُنى الله يعافيتس سوي خميعه وسليق وعركيه اعطيها هالدبش!
تارا وهي تفصفص:انا باكل فصفص بياكل كيفه وبعدين وش هالاكلات ذي
ايلين:صدق اول مرا اسمع فيهم!
إنجام وهي تفصفص بصدمه:لاعاااد الخميعه!
هزو روسهم بالايجاب ، جلنار وهي تفصفص بصدمه:متاكدين انكم عنزيات؟
ضحكو الموجودين ، انجام ؛لاتتكلونها ناكلها انا وجوجو لذيذه تفوتكم
مها بصدمه:تاكلين خميعه!
إنجام :افا عليك السناك حقي
وضحكو الموجودين من عبطها، مها:الصراحه صدمتيني انتس تاكلينها
إنجام وهي تفصفص:والي بالرياض تاكلها منهي؟
تارا:اسمها لوع كبدي
إنجام ؛والله لذيذه اذا عليها سمن
بَراق:افوووه ومعجونه بحليب ومع السمن بصل
إنجام:الله يقلع بليسك جوعتني قم سوها
بَراق:قومي انتِ
إنجام:مابي سو انت اساسا معرف اسويها
وضحكو الموجودين ،مها:اي الحين توكدت انتس بنيتنا وكيف ماتعرفين
إنجام وهي تفصفص:تراي تسذوب بس وانا اختس متعيجزتن لاقوم ركيباتي يندهن علي
وانهارو كلهم ضحك ، إنجام وهي تفصفص وتضحك:شرايك تذكريتيني
مها وهي تضحك:الله يقطع بليستس يانجام
إنجام :خل استهبل صبر بختبر نفسي اعرف اتكلم زيك ولا لا ، جديده
ضحكت:سميّ
إنجام:شرايتس تندهين جلنار تمرخ لتس رجيلاتس بهاك الزيت وبه الحبت السودا مغليتن بزيت زيتون وتمرخ رجيلتس همن تلبستس دسوس عن البرد وتسوي لتس مرت ولدس هذيك المهيله الي تقند الراس صدز وعاد تجيتس بنت ولدتس تارا خبرتيها؟ اي تعجن لتس الحناء بسدر وحثال المهيله وتعطيه على رويتس وتلفه بسفره وساعتين واغسليه وهمن كولي علاجتس وانا اختس خايفتن على صحتس لايهد حيلتس التعب الله يهد حيله وسمي بالله وتعشي وصلي الوتر اوتري وش زينها صلاه الوتر ونامي
وانهارو الموجودين ضحك وهم كانو يضحكون وهي تسولف ، ضحكت :اي لا اشوا مانسيت اني عنزيه للحين
وضحكو اكثر ،مها وهي تضحك:كنه جاز لي حتسيتس هلون ابرك من هالي تبربين بوه
إنجام وهي تشرب قهوه:ابربر بهالعنقليزي وانا اختس كود اصير شقرا مثلهن
مها وهي تضحك:عليتس بالحناء ومعه كركم
إنجام :ابعديني عنه بعد السماء عن الارض لادانيه ولا اداني هالي يلطخنه على روسهن
مها وهي تضحك؛الله يقطع بليستس
وضحكت ومسكت شعرها:صدق يقهر ليه مب زي جوجو!
جلنار:ورااااثه
إنجام ؛الله واكبر مانت ببعيده اقصااتس اختن لابوي
وضحكو الموجودين ، تارا وهي تضحك؛مسكت الهجه عاد
إنجام وهي تضحك:ياخي حلوه احس بالحياه اذا تكلمت بالتس مب الحين احس نو كني رسميه
جلنار:اصبغي شعرك طيب
إنجام:لا وع ماداني
تارا بصدمه:كذاااابه ماتصبغين
إنجام مسكت شعرها:تخيلي عاد اصبغه ويخرب واجلس اعالج ومابيتعالج
سيرين مسكت شعرها:فعلًا هربي من الصبغات بتعددم!
جلنار:بس لارحتي روحي عند اخصائيه تعرف لشعر ماينعدم
إنجام:لا الصراحه ماحب واخاف ينعددم
ضيّ:طيب احس مستحيل مو صابغه كانك صابغه
إنجام مسكته بابتسامه:هو يبين كذا بس مو صابغه
جلنار:جد مب صابغه!
إنجام ؛اي
جلنار بصدمه مسكت شعرها:كانك صابغه ازرق ونازله الصبغه!
إنجام بابتسامه :ياخي حلو بس مب حلو مليت من ذا الون ولا احب اصبغ
مدَاد بابتسامه:وانتِ صغيره كان اشقر غامق بالحيل بس تحت الشمس كانه زي شعر سيرين الحين
إنجام بابتسامه صدمه؛جد!
مدَاد بابتسامه :اي وكنتِ تبكين تقولين مابيه ابيه احمر زي جده
مها بابتسامه:صدق بعجن لي حنه اعجن لتس معي؟
إنجام:لالا مابي يصدع راسي لاحطيته
دُنى:طيب جربي بزيت جوز الهند كل ثلاث ايام زين وغسلي شعرك مره بالاسبوع بمويا كركديه ترا اوريدي يقلب احمر او عنابي كذا بس يبي لك استمرار لانه مويا مو عجن لو عجن اول مرتين يبان
إنجام وهي ماسكه اطراف شعرها:تئيدون حنا وكركديه؟
دُنى:وبقوه
الوليد:سوالفكم تو وش زينها
اسر:اي والله خميعه وعركيه
غيَاث:والحين احسني بورشه
وضحكو الموجودين ، لفت انجام عبَراق بصوت مسمُوع له هو بس:بتنام ولابتروح
بَراق بصوت مسمُوع لها بس:لا بروح ماني مرتاح ولااقدر انام لين مابلغهم
إنجام بصوت مسمُوع له بس:اذا قربت توصل ارسل لي
بَراق عقد حواجبه باستغراب:ليه؟
إنجام بصوت مسمُوع له بس:كذا بسبقك عفوق ننام سوا بجلس معهم الحين
ابتسم وهز راسه بالايجاب ووقف واعتدلت، طَارق باستغراب:ابوي بَراق وين بتروح؟الوقت تاخر نم وريح
بَراق بابتسامه تقدم وقبل راسه:بروح لوليد وماجد ينتظروني
نهَات:في شي؟
بَراق باستعجال:مستعجل جوجو تقول لكم
وراح، مدَاد بخوف:انجام!
إنجام:لحظه طيب خل اتكلم
وتنهدت وسردت لهم المووضوع من جيت عبير ورغد لين مافترقو من رغد ، انصدمو وبقوه، دُنى بصدمه:خير وبكل بجاحه بعدد!
ايلين بهمس لانجام:عشان كذا كانك معصبه
إنجام دقتها بكوعها وضحكت وسكتت، مدَاد بخوف وهو يشوف نوني يلعب هو ومادلين بالالعب ورا بصوت خافت:نهات؟
إنجام:ماعرف للحين؟
أليَث:هي بتأذئي احد فيكم بعيد الشر يعني بوجع قلب بَراق وبوجع قلب إنجام يافيكم يافنوني بعيد الشر او فشي ثاني ماخطر على بالنا
إنجام باستغراب:مثل شنو؟
أليَث:مادري انا اقول احتمال فكري اذا في شي غالي عليكم ؟
إنجام بتفكير:مافي نهائيًا اول شي خطر ببالنا نوني
نهات بصوت خافت:معليك ان شاءالله مابيصير شي
همّام بصوت خافت :صاحبي يشتغل فالامور ذي بكلمه واستشيروه شوفو وش ممُكن تسوون ودلي ذي الي علمتكم عليه بخصوص ولدها
إنجام بضيق:كسرت خاطري يوم تبكي
تارا وهي تفصفص:وش كسرت خاطرك لوني منك مردغتها!
ايلين وهي واقفه تصب شاهي:حبيبي انتِ شافطه غيره الكون كلها
إنجام :والله كلهم واولهم طروقي
ضحكو الموجودين ،طَارق بابتسامه وهو يشوف ضحكتها:كليّ فداك يابوي وغيرك لا!
تارا:شالفرق!!!
طَارق:إنجام غيير ووولدها غير
تارا:جهز نفسك بنتي غيوره اكثر مني!
ايلين؛والله ياطروقي لو شفتك تميز ورعانهم عن بنتي بهاجر!
نهات ضحك:متاكدين انها بنت!
ايلين وهي تشرب قهوه:ابي بنوته!
تارا:صحيح حتى انا الاولد مافش منهم فايده
إنجام:نو نوني غير البقيه صح
اسر:القرد بعين امه غزال
وضحكو الموجودين ،إنجام :ولدي قرد ! هيّن اوريك صبر
اسر:عـــــمـــــــــه
إنجام:اغـــــــــث عــــــم ودمـــــــك ثــــــــــقــــيـــــــل
اسر:رضيتي ولا لا عــــــــــمــــــــــه
إنجام:والــــطــــقـــــعه
ووقف وهربت:انقلع يابزُر ازفت عم والله !
وجلس يلحقها ومعه علبه مويا بيكبها مزح، وركضت ونطت من بعيد تدخل نفسها غصب بين نهات ومدَاد ومافي مساحه وتكورت باحضانهم بالنص، ومدو يدينهم سوا وهم يضحكون يغبونها عنه ، أليَث  وهو يضحك:تذكررت وحنا صغار كنتِ تهربين كثير وتنطين بين هالاثنين ولاتزبنين بحضن بَراق!
إنجام وهي تعدل شعرها:اي لانه كفو مو مثلكم تتحدون علي حيوانات!
وضحكو الموجودين ، ومسكت جنبها:ااخ ياحيوااان جنبي عورني!
مدَاد بحنيه:قوي؟
اسر؛وش ماطقيتها !
إنجام بالم:حسبي الله على بليسك ياتبن ماركض!
استغربو، اسر باستغراب:وش فيك!
إنجام جلست بمكانها وتربعت بتعب:عشان عمليه جنبي
جلنار باستغراب:وش اي وحده ؟
إنجام وهي ماسكه جنبها:السكين
انصدمو ،اسر بصذمه:وش سكيينه!
إنجام:قد تخطفت وطعنوني كم طعنه
جلنار بصدمه:قال ايه قال كم طعنه ترا25طعنه كيف نجت كليتك ماعرف قدامي ع المشفى!ياهبله!
إنجام ؛اكلي تبن انتِ الثانيه مابروح المستشفى وعادي 25 عدد قليل تطعنت اكثر من كذا فاعادي يعني عدد قليل
اسر بتأنيب ضمير:صدق إنجام امشي المستشفى
ضحكت عشانها تشوف خوفهم بعيونهم:أنبك ضميرك ترا عادي دايم يجي خمس دقايق ويروح
وجا نوني وجلس بحضنها وجت رجله عجنبها:شوفي مامي مو راضي يشغل
عقدت حواجبها من الالم وسُرعان مافكتها عشان محد ينتبه بس انتبهو وهي ماتبي تقلق احد وسوت الايباد ومدته:بس مافيو واي فاي روح الصاله ويجي هناك واي فاي ويشغل زين
وراح،أليَث:انجام امشي المستشفى
تربعت تحاول تتجاهل الالم:ياخي مافيني شي مايعور!
مدَاد:لابلاااه كلنا شفنا عقدت حواجبك يوم جت رجل نهات على جنبك اخفيتي عنه بس ماخفيتي عنا قومي الان
إنجام تنهدت:اتس اوكيه حروح بعد بكرا مع الموعد خلاص؟
مدَاد بخوف:وش موعده
إنجام وهي تشرب شاهي وتعدل جلستها بسبب الالم:تخطيط قلب
نهات بصدمه:للحين !
بعدت طرف طرحتها عن قلبها من فوق تحت عظمه الكتف بشوي وبان الجهاز، ارتعبو، أليَث بخوف وقف وكان مغطي ازاح الطرحه شوي:إنجام وش ذا!
وفزو مدَاد ونهات يشوفون، نهات بخوف:إنجام فيه ضوء ازرق!
وفتحت شنطتها وطلعت جهاز القلب بصمت وحطت الزقات على قلبها بدون لاحد يشوف بسُرعه وشافت الجهاز المُتنقل الصغير بيدها:مافي شي
أليَث بخوف:ماطلعتي الجهاز الى وفي شي
مدَاد بخوف: ليه الجهاز يابوي
إنجام :مُعرضه لجلطات
انصدمو اكثر واكثر جلس مدَاد جنبها بحنيه ومسك يدها:ليه يابوي ليه؟ قولي لي ؟ تخاطرين بنفسك ولاتسوين كلام الدكتور كله وتشربين قهوه وتضرين قلبك اكثر واكثر ماتتقدمين بشي تزودين الاماك وبس وكلنا شفناك تو يوم عقدتي حواجبك من جنبك وفكيتيها رغم المك عشان ولدك مايلاحظ تعبك تخافين عليه وادري وكلنا ندري وانتِ ام واكيد تخافين عليه طيب تدرين لونه يعرف ويفهم اكيد بيزعل انك تعبانه ولاتروحين المستشفى وتلتزمين بادويتك ليه يابابا.....
قاطعه نوني الي ركض من سمع عند امه وهو يبكي:ماما انتِ تعبانه؟
وشالته بحضنها:لا مو تعبانه
وهو يبكي:الى جدو يقول ليش ماتاكلين دواك ماما ماحب اشوفك تعبانه ماما التعب مرا يعور لاتتعبين مابيك تتعورين
وشالته وهو بحضنها ودخلت بصمت لقسمها، مدَاد رص على يده:بتبكي
أليَث:ليه!
مدَاد:ماشفت دموعها الي ماسكتها يوم اكلمها ماشفت كيف لمعت وغورقت!
جلنار:صدقوني كل ماجبتو السيره بتبكي اسكتو افضل
مدَاد:وماننصحها!!!!
جلنار طالعته بهدوء:الموضوع اكبر من انك تفهمه وتستوعبه بسُرع إنجام تعاني ولاتحب احد يعاني معها ولاتحب احد يفتح سيرت المرض وامراضها
غيَاث بخوف:امراااضها!!جوجو تعبانه بس مو من القلب وبس؟
جلنار بهدوء شافت رسالتها بانها تبلغهم عشان يسكتو عنها:بلغيهم عشان مابي احد يفتح هالسيره من جديد رساله انجام
مدَاد عقد حواجبه باستغراب:تبلغينا بوش؟
جلنار بهدوء تام:من سبع سنين إنجام تعاني وهي وحدها وتعودت على الوحده لين مانتبهت لـ بَراق الي يهتم لادق تفاصيلها والي يحميها ويهتم فيها اذا تعبت ويساعدها وكل ذا انتو بانفسكم تجهلونه لانكم مقد التفتو لها بَراق من ادرك حالتها النفسيه نصحها وفعلًا إنجام تراجع وتروح عند دكتور نفسي من سبع سنين وصار لها سنتين بس مارحت لان نهات ملى كل حياتها واسعدها إنجام تعرضت لهجوم وكُره كثييير بسبب امراضها الي تعاني منها وكُل مالتفت بجهه سوا ثانوي او جامعه كانو يقولون لها يالمرضيه وبعد يالي اهلك رامينك وبعد المعتوهه ليه طالعه من مستشفى المجانين وكثير القاب شنيعه يقولونها لها ويتكلمون عن أمراضها وهي عدتها لهم لانها اساسا كانت مهزومه من كُل امراضها ولافيها حيل تواجه احد لين ماصرت محققه وصارت تداوم وصارت كُل مالتفت لجهه لقت أصيل وماجد وسعد وبَراق حوالينها دايم ويساعدونها واذكرها قالتها لي بعز تعبها واساسا كانت تحت تاثير البنج مو يمي وتقول اساميهم وتقول حسيت بشعور بكلمت الاهل والاخوان والسند منهم هم وعرفت قدرهم عندها فعلًا مُختصر ذا كُله لاعد تفتحو سيره المستشفى ومواعيدها وامراضها امامها
انصدمو الموجودين كلهم وكان كل ماقلت شي انصدمو،غيَاث بصدمه:كيف ماحسيت عليها!!
جلنار:محد عرف حالتها للان وتشخيصهم غير وأضح تمامًا للعلم مرت على اكثر من 98دكتور ودكتوره وايست تقول معد اروح لهم دواي بيدي
وجا بيوقف مدَاد،جلنار؛مدَاد اذا تحبها وتخاف عليها خليها لوحدها خلي مووضوعك لجلسه ثانيه وقت ثاني
________________________________
بارتات اليوم حنَييييّنه جدًا 🥺 ، اعتذر يادنيتي انتو على اختفائي بس ظروفي كانت اكبر مني بالحيّل يالدُنيا وباذن الله اقدر اعوضكم ، آآخ انشرو لي ادعموني ياخي حرام عليكم ، بكون دايم متواجد بالانستا وأي اقتراح او أي سؤال تعالو لي هناك ، انتظر تعليقاتكم وارائكم بكُل حماس ، حسابي {len.1o1} ، واشوف رائيكم على روايتي ، قراءه مُمتعه ، اعطوها حقها بليز نجمة وكومنت❤️
إعذروني ان تواجد خطا املائي
الى لقاء اخر