عينيها طريَق و قلبي سّافر لأجلها

p41

بَراق بصدمه:تشرحيين!
إنجام :يس
تارا بصدمه:ياقوه قلبك ماشاءالله!
ريَا :الي اعرف بس تنزلين للمكان الي بتحققي فيه وتشوفي الجـ*ثـ*ه وادوات الجريمه
إنجام بابتسامه تكت على كتف بَراق:يس ياحلوتي بس برضو قريب لـ تخصصك شوي لان في قضايا الناس تتعاون مع الي يشرحون الجـ*ثـ*ه فلذالك مرات اكون من ظمنهم على حسب القضيه
اصيل:اذا فجاءه تغيرت الادله ومرات للاحتياط
جلنار بخوف جلست جنب ابوها:انتو بشر!
إنجام:ياويلك ترا اصيل يتحول يصير مجنون فجاءه يحب يقتل
جلنار طالعته بصدمه،وضحكو الموجودين يوم شافوها صدقتها،ضحكت إنجام:ياحلوك ياجوجو تصدقين اي شي
جلنار بخوف:الصراحه لازم تتعالجون وش ذا!
طَارق وهو يضحك حاوط اكتافها:وش بتس
جلنار:ذولي مجنن!!
بَراق وهو يلعب بيد إنجام:انتِ ماشفتيهم اذا طلعو من تحقيق او جو من مكان تحقيق كيف صدق يروعون
إنجام وهي تضحك:اذكر مرا فجعنا بَراق وسعد
اصيل وهو يضحك:خطتك انتِ وسدن يمه يانذلكم
إنجام وهي تضحك:طالعين طبيعي من غرفه التحقيق وراحو سعد والي معه طلعو وجت سدن وهي ماسكه سلاحها غبته بالشنطه وفيه كاتم وغمزت لي وفجاءه رحت ورجعت قلت مات وطالعو فينا بصدمه المهم حنا نضحك وهم ركضو للغرفه
بَراق طالع بعمه:عم جد إنجام تروع احس اتفق لو نوديها مستشفى
مدَاد وهو يضحك:انا من اول اقول محد يسمع
إنجام الي قرصت بَراق،بَراق بالم:اح انا الي اروح مب هي
وضحكو الموجودين ،وقف طَارق:عودّنا
ومشو ، وصلو للبيت ، إنجام وهي تتمغط:بدات غيبوبه العيد
وفعلا اشكال البنات والعيال يمشون ويطيحون من النوم. وراحو كل واحد على قسمه وغرفته ، طَارق الي شاف اصيل بيمشي:اصيل
نزل:سم
طَارق وهو واقف عنده بابتسامه:ماسويت بيت وش كبره ويطرد به الخيل عشان احدٍ من عيالي يطلع منه القسم فوق فكر وانا ابوك ماودّي اجبركم على شي ماتودّونه بس ودّي بكم عندي وحولي
اصيل بابتسامه قبل راسه:يصير الي تبيه حشى نردك وانت تبينا حولك ماصرت ولا تصير
ابتسم طَارق براحه:ابدٍ جاهز ماناقصه الى اغراضكم
اصيل بابتسامه:وان ودّك بها هالحين تحضر به
طَارق ابتسم بحُب له:الي تشوفه يابوك وعلموني متى العرس
اصيل بابتسامه:ابشر
وراح طارق ، طالع اصيل بـ جلنار:ها ياحلوتي؟
جلنار حضنته؛احبك واحب حنيتك واحب انك ماترفض لابوي طلب!
اصيل بابتسامه:وانا احبك واعشقكك حلوتي ماعد فيني صبر !متى ودّك العرس؟
ابتعدت بخجل:مادري عادي
اصيل بابتسامه:يعني لو شهر11؟
جلنار بخجل:صح مايمدي تجهيزات بس مُناسب
اصيل بابتسامه قبل خدها:يالله حلوتي نوم العوافي تمام متى ودّك ب11؟
جلنار بتفكير:11/28؟
اصيل بابتسامه:تم علمي عمي وبعلم انا اهلي
ودخلت ومشى،اصيل وهي تشوفه واقف على الدرج:باباا
وقف والتفت ، تقدمت عنده:العرس11/28
طَارق بابتسامه:الله يوفقكم يابوي واذا نقصكم شيٍ علميني
قبلت راسه:الله لايحرمناا منك
وراحو كل واحد قسمه ، قسم ابطالي
بَراق بابتسامه شال إنجام:شسوي فيك!
إنجام بابتسامه قبلت دقنه:نزلني لاني خايفه!
ضحك:افا مني!!
إنجام بابتسامه قبلت دقنه للمره الثانيه:عليك ياحبيبي اصابتك لسا متشافت وفوقه لاني ثقيله يحزن ههههههههه
نزلها ونزل تيشيرته يشوف العضل:ذا كله لعيوونتس حلوتي وبعدين وش ثقيله على قلبي مثل الريشه واصابتي ياحلوتي ماتعورني التمت
إنجام وهي تشوف بقي شوووي وتلتام:نو لسا مالتمت!
وبعدين غمضت:يابوبو!!
ضحك وهو يشوف خجلها الي يحبه حاوط خصرها:شفيك ياحلوتي عادي!
إنجام بخجل:بوبو نام!
وراحو ينامون بحُب ، بعد اربع ايام ملكه ريَا واليَث
إنجام بابتسامه وهي تشوف التجهيزات،سُهى بابتسامه:الدرج الكوشه الطاولات التقديمات!
اقبال بابتسامه:حقيقي تسلم يدينك جوجو
سُهى بابتسامه:ابدعتتتتتي
إنجام بابتسامه:الحمدالله عجبكم بروح ابدل
وراحت القسم وبساعتين جهزت ، دخل بَراق مُستعجل:جوجو الفحم وووين؟؟
إنجام بابتسامه طلعت وهي معها المبخر وتقدمت تبخره، ابتسم بحُب وهو يتاملها حاوطها بشماغه:يجمااالك!
إنجام بابتسامه خجل وهي تبخره:ياحلو محبوبي!
بَراق بابتسامه قبلها:جوجو تهبلين وش ذا!!!
وكانت مُتزينه بفُستان أحمر ماسك من جهه الصدر ثابت على اكتافها بحبال رفيعه وواسع من تحت عشان بطنها وموضح بروز بطنها الخفيف ، ابتسمت بخجل:بوبو!
خذا المبخره منها وبخر شعرها:اقري اذكارك حلوتي
إنجام بابتسامه خجل حطت يدها على قلب بَراق وهاذي اصبحت عادتهم من شهرين :اللهم استودعتك قلبه
ابتسم بحُب وفتح يدينه وجلس يقرا ويحصنها،انتهى ومسح بيدينه على راسها وكلها قبل خدها بحُب:يالله يامي انتِ بنزل انا والبسي شي يغطيك لسا العيال في
ابتسمت وخذت الشال حاوطت نفسها به وشابكت يدها بيد بَراق ، وطلعو وحط يده الثانيه خلف ظهرها ونزلو مع الدرج ، قبل يدها وطلع من جهه المطبخ من سمع حس غريب عليه ، دخلت إنجام بابتسامه وسلمت وجلست ، ام سالم بكره سلمت عليها وجلست وهي تشمق:بطنتس كبران حامل؟ علامتس حملتي بهالسرع؟
مها بابتسامه:الله يتمم لها على خير رزقٍ من الله نرده؟
ام حنين بتشميق:هو ولد بَراق ولا؟
تعالت صدمتهم من بجاحتهم ، ام سالم بضحكه مقرفه:وراتس مارديتي انربط لسانتس؟
إنجام طالعتهم بابتسامه:ليه ينربط؟عفوًا منو انتِ عشان ابرر واوضح؟؟ولد بَراق ولا مو ولد بَراق شدخلك؟
وغمزت، ام سالم بكره:اي واضحه التربيه
دُنى بابتسامه :متربيه احسن منتس بعد وش دخلتس حملت بسرع ولا ماحملت وشوله حاشرتٍ نفسك بشي مايخصك؟
وسكتو بغيض وكره لهم ، ابتسمو البنات من ردودهم ، ايلين وقفت بابتسامه:جوجو بنرقص بـ المجلس الثاني تعالي
وقفت،دُنى بابتسامه :جوجو
إنجام بابتسامه:معليك
وراحت ، وكان لبس ايلين فستان بيبي بينك قصير فوق الركبه بشوي ثابت على اكتافها باحبال رفيعه وماسك على خصرها
وتارا كان لبسها سمواي عاري الاكتاف يوصل لنص ساقها ماسك على خصرها
وتوليب كان لبسها سُكري طويل ناعم ثابت على اكتافها بحبال رفيعه موضح صدرها ماسك على خصرها
البقيه كانو بالمجلس ، تارا شغلت ~شو عملت فيا من لفت ع خصره الشال~
تارا بتعزيز:لولوو
ربطت ايلين بابتسامه الشال على خصرها وكانت تتمايل بابداع مُتجاهله غيَاث الي كان واقف قريب للمقلط المُقابل للمجلس الي هم فيه يكلم وانلجم من شافها ، وكانت تتاميل بابداع (شو عملت فيا من لما لفت ع خصرها هالشال...ترقص اقدامي وتتغنى ...تتلفت يمين شمال...وتهز بشعرا الحرير...ماتحمل القبي الصغير...اي والله دوختي كتير خصرا الميال....احلى صبيه بشوفها ...)وكانت ترفع شعرها على فوق وتتمايل بانوثه ودلع وابداع ، وخلصت الاغنيه ووقفت تضحك وهي تفك الشال رفعت عيونها وتلاقت بعيون غيَاث الي واقف مصدوم يتامل بابتسامه ، راحت جهه عكس الباب ، ايلين بخجل:الله ياخذكك!!
وضربت كتف تارا،طالعوها باستغراب ،تارا باستغراب:شفي
ايلين بخجل وهي تهوي على نفسها:غيَاث!
وضحكو البنات،انجام وهي تضحك:ماقدر ارقع لك هالمره!
ايلين بخجل:كل مره العن من الثانيه!!
صفرت تارا:عشتو شايفها!
إنجام وهي تضحك؛يوم زواجي شافها وهي داخله
ايلين طالعت بلبسها بهمس:يبنات والله مفصخه!!
ضحكو البنات عليها ، طلعت إنجام وهي تضحك من سمعت بَراق يناديها ،ابتسم من شافها تضحك:ضحكينا
إنجام وهي تضحك:اهجد!
بَراق بابتسامه:ابشري المهم عمي مدَاد واليَث يقولون خلي ريَا وإقبال وسُهى وانتِ وتارا تجو بالحديقه بتصورون
إنجام بابتسامه:من عيوني
بَراق سمع حس :ادخلي
ودخلت،جا اسر،بَراق:شتبي!
اسر وهو يشبك جواله بالمقلط:بشحن جوالي شفيك!
ودخل بَراق على طلوع تارا،اسر بتصفير خفيف:توتي!
ضحكت من استوعبت وراحت:شنو
اسر بابتسامه وهو يتاملها:ياحظي!
تارا بابتسامه خجل:خلاص روح لعد تجون رايحين جايين لعد تجون
اسر كان بيقبلها بس ايلين ضحكت:نو نو ببعص!
اسر حط يده على قلبه:ياويل حالي!تهبلنن!!
ضحكو من خفته،اسر بابتسامه:اقرو اذكاركم
تارا بابتسامه:من عيوني سيو
ومشو ، فوق ، غرفه ريَا
اقبال بابتسامه:فكري ياماما
ريَا بابتسامه:مابي واعرف اذا سوينا زواج بيصير شي منهم بيسوون شي واحد يتاذى مابغى
سُهى بحنيه:فكري طيب
ريَا :ماقلت لكم الى بعد مافكرت زين
اقبال بابتسامه مسكت يدها:ودّي ازفك عروس!
ريَا بابتسامه وقفت:والحين؟يمديك
اقبال بابتسامه سكتت تتامل بنتها وحيدتها ، سُهى بحنيه:الي تبينه ياروحي بيصير بنزل بقول لعمك وانتِ اجهزي بنبدا تصوير من تنزلين من على الدرج
وكان فُستان ريَا لونه بيبي بينك جمييل جدًا على لون بشرتها ماسك من عند صدرها وخصرها مكشوف الصدر شوي من تحت خصرها منفوش وله ذيل طويل شوي اكتافه نازله على تحت تزين الفستان باشكال الورود المتوزعه بانحاءه
اقبال بابتسامه حضنتها؛مبروك ياعيني الله يوفقك يارب
ريَا بابتسامه:امين
ونزلو وكان الدرج كل اطرافه ورود ابيض وسُكري وتتصاعد الدرجات على هالونين ، نزلت بكُل رقه ودلع واناقه من الدرج والمصورات يصوورون والبنات يزغرطون والامهات يقرون عليها الاذكار ، طلعت برا الحديقه الخلفيه والجو مُغيم وجميل جدًا ، طالعت بالشخص الي يتاملها بحُب وابتسمت بخجل وتقدمت وطبعًا المصورات من كُل جهه يصوورون بدون لايطلعون ويخربون لحظتهم ، من تقدمت ناحيته فتح يدينه وبشته ، ابتسمت بخجل وارتمت بحضنه ، حاوطها ببشته بحُب :مبروك علينا مبروك علي!
ريَا بخجل:يبارك فيك
وجو خوالها ، نهات حط يده على قلبها:ياربي قلبي يوجعني!
همّام وهو ماسك راسه:حور العين!
وضحكو الموجودين ، جت اقبال بابتسامه ،مدَاد بعد ما بارك لهم :ريَا ياعيون خالك فكرتي؟
ريَا بخجل:اي
همّام تكتف:ممدا بعتينا!
نهات تكى على كتف همّام:اي شفت ولاعشانه ابو زوجك!ترا نغار!
وضحكو الموجودين ، مدَاد طالع فيهم:ماودّها بعرس
نهات؛افا ليه يابابا!
ريَا بغصه: اعرف مابيخلونكم
تقدم همّام وحاوط اكتافها بابتسامه:بس مايمنع تحتفلين ونشوفك بالابيض!
ريَا بغصه:ماقدر اشوفكم متاذين ببسبي!
نهات حاوط خدودها بيدينها بابتسامه:الي تبينه يابوي انتِ
وقبل راسها:مبروك
ريَا بخجل:يبارك فيك
جت إنجام وتكتفت:سحبتو علي!
نهات حط يده على قلبه بتمثيل:ياربي ياقلبي يوجعني
همّام بتمثيل جلس على ركبه:ماتحمل ماتحمل
اما مدَاد صفر ، إنجام بغرور رجعت شعرها على ورا وانهارو ضحك ، نهات :والله ان شافك بَراق هنا ينهينا كلنا ماعنده وقت
اقبال تكتفت:كنكم فليتوها؟بيجون الضيوف!
إنجام:اي صدق سريع سريع صوره صورتين وروحو
وجلسو يصورون وطبعًا المصورات صورو حوارهم وعبطهم ، وراح أليَث بطلب من تارا انهم بيصوورون سوا مع ريَا وعمامهم،صفر مدَاد بتمثيل:الرقم ياحلوه؟
ايلين بغرور:050
وانهارو ضحك ، همّام طالع بنهات:ياويل حالي صدق!
نهَات طالع باخوانه:والله ومصعو قلوبنا!!
مدَاد:اقول وش رايكم ماتطلعون للحريم؟
وضحكو البنات ، جت ضيّ بابتسامه:نسيتوني!
صفر همّام:ذي بنتييي!!
وكانت لابسه فُستان اسود يوصل لركبتها ماسك على خصرها واكمامه طويله بشكل حلو وقماشه بارد،ضيّ بدلع:كيف؟
ايلين تكت على كتف ابوها وتنهدت:قلبي يحب البنات!
إنجام:ذي بنتنا؟
تارا:الشخصيه تتغير حسب الاوتفت
سيرين:ماسمعنا شو ائلتي؟
ضيّ بدلع:كيف حلو شكلي؟
توليب:تفوقتي علي بالدلع!
إنجام:ولي على امتي بتاخدي العئل!!
ضيّ بغرور:طبعًا لاني بنت همّام
همّام:ششت كم تبين؟
وضحكو الموجودين ، وصورو والمصورات بابتسامه على علاقتهم تقدمت وحده؛صورت حوارتكم باكملها ودّكم احطها بالبوم؟
إنجام:رائي عروستنا
ريَا بابتسامه:طبعاااا
تارا بابتسامه طالعتها:شسمه حلوتي بنصور كذا صوره بس مو بالبوم كم؟
احلام بابتسامه:من عيوني من عندي هالمره ياروحيي
تارا بابتسامه:ثانكيوو
وجلسو يصورون وبعدين راحو عمامهم ودخلت ريَا عشان زفتها الثانيه ، ولحسن حضها ماجو ضيوف ، وصلو الضيوف وتوزوعو برا ، ونزلت ريَا بابتسامه وهي تشوف أليَث ينتظرها ومشغلين اُغنيه~حنا اجتمعنا وشمل العاشقين التم...حنا اجتمعنا وشمل العاشقين التم ...خضنا حروب الهوى رحنا وردينا..~ مُمزوجه مع الزفه ، تقدمت ريَا بابتسامه وثقه ، فتح يدينه أليَث وبشته،ارتمت بحضنه بحُب،شالها ودار فيها ،وصورو ودخلو ، المقلط ، دخلو ، طَارق بابتسامه حضنها؛مبروك ياعين ابوك انتِ مبروك
ريَا بابتسامه خجل:يبارك فيك
طَارق وهو يطالع بـ أليَث ببوعيد:والله لونك ولدي وحفيدي ان لمحت طيف زعل عليها محدٍ فاكك مني!
أليَث:من عيوني بس كنك تمون؟؟
ضحكو الموجودين ، طَارق طالع فيها وهو ماسك يدها بابتسامه حنيه:الي سمعته صحيح؟
هزت راسها بالايجاب ، طَارق بحنيه:طيب فكري يابوك
ريَا بابتسامه تخفي غصتها بس واضحه:فكرت وزين اعرفهم حقارا وصراحه ماقدر اشوف احد فيكم متاذي بسببي
طَارق بابتسامه حنيه:الي تبينه يابوي
تارا وهي واقفه جنبها طقتها مع كتفها:اختاري دوله غااااااليه فلسيه
ريّا حطت يدها بتفكير:عندك؟
تارا:لا
ريَا؛سوي Search عن اغلى دوله وقولي لي
تارا:ابشري بي
أليَث تكتف بصدمه؛مسرع اتحدتو ضددي!!
إنجام جت وهي حاطه شال:ريَا لا اوصيك اجلديه وكريه بعيشته
ريَا:كم تدفعين؟
إنجام:الي تبين بس دقيه
ريَا:تم
تنهد أليَث:محد يبي ينصفني!
جت سُهى بعد ماتغطت:روري
ريَا:عيونها
سُهى وهي تعدد:لاتطبخين لاترتبين وفلسسيييييييييييييه
ريَا:ذا الي بيصير تم عشانك بعد
أليَث تنهد بصدمه:انا شسويت حاقدين علي!
إنجام وهي تقلد:وين شدعوا مب لهدرجه!
ضحك أليَث:طيب مب بس انا تكلمت!
إنجام سفهته وطالعت ريَا:طلعت لك عذر للجامعه
مدَاد:سافرو وانبسطو
همّام ضيق عيونه على أليَث:والله ياليثوه!
أليَث:حفظت الدرس
وضحكو الموجودين ، طارق :يالله ابوي اجهزي وروحو تمشو غيرو جو
هزت راسها بالايجاب ودخلت مع إنجام فوق،غرفت ريَا بعد مابدلت:يمه وربي احس مادري كيف تكلمت تحت احس ياربي
إنجام وهي تضحك:اي شفتك خدودك حمررر
ضحكت ريَا:ضابط؟
إنجام بابتسامه:تهبليييييييين
ولبست عبايتها وطلعت مع قسم النساء وركبت مع أليَث
أليَث بابتسامه وهو يمسك يدها:نورت سيارتي
ريَا بخجل:بنورك
أليَث بابتسامه وهو يحرك:حلوتي حجزت لنا مطعم بنتعشى ووين ماودّك نروح
ريَا بخجل:تمام
بالبيت ، تعشو وانبسطو ورقصو ، جلسو البنات بالحوش بعد ماحطو شال عليهم والي لبست عبايتها وقفلتها بعد. مامشو الضيوف ، جو العيال والاباء وجلسو عندهم ، سُهى طالعت إنجام:جوجو قسم أليَث خالص؟
إنجام وهي تاكل:يس
بَراق طالعها،إنجام تنهدت:شسويت بعد!
بَراق:ليش تشتغليين!
إنجام:مب انا العاملات من قال بتعب نفسي عشانهم
توليب وهي تدعي ، إنجام تنهدت:مايستي انتِ !
تارا:جاك حربي خلاص!
ضيّ:مانتي محصله نياق
توليب تنهدت:عارفه بدعي واحد يهزئني عشان اشتغلت!
ضحكو الموجودين من امانيها ، وجابت سيرين قيتار إنجام وجلسو يعزفون ويغنون وجو ريَا واليَث وجلسو مستمعين ، خلصو ، تنهدت إنجام ،بَراق :شفيك
إنجام ميلت شفايفها باسى وهي تعزف بالقيتار لحن يناسب:
(بعلمك عن سبب واحد من اسبابي...يدعو الى الحزن ...والي يسالك قله... مازود الحزن ...الى غدر الاصحابي... ياليت قلبي حجر او ليتهم قله)تارا الي فهمتها حطت يدها على قلبها بتمثيل:ااخ الغدره توووجع!
سيرين فهمتهم وبتمثيل:زوجتي خانتني!!
وضحكو الموجودين من هبالهم وضحكهم،ايلين:شفتي احسسسسن حسي بي-طالعت ب ريَا-اقلبييي أليَث عليهم!
تارا ميلت شفايفها باسى:سحب علينا اساسا!
إنجام ميلت شفايفها باسى:والله ماتمسك ولدي!
ضحكو الموجودين من هبالهم،الوليد:انتِ تعالي حسستني ميتين على ولدك ونبيه لا نبي الفكه منك ومنه ومن بَراق
إنجام وهي رافعه اصبعها تهدد ومضيقه عيونها:هيا اشوفك تقول ابيه وربي اتوطى ببطنك ولعلمك بعلم ميساء
الوليد بصدمه:انتم شتبون كل شي قلتو ميساء ميساء شتبون تعلمونها!
جلنار نزلت جوالها:قدني علمتها احسن
إنجام طالعت بـ ريَا:وربي لو تصيرين جحود زي ايلينوه بلعنكككك
ريَا وهي تضحك غمزت:شتبين بس
إنجام:طفريه
ريَا:ذي خالصين منها
تارا بنذاله:احرقي ادوات الهندسه!
ريَا بتفكير،أليَث بصدمه:خير شتبون الى الادوااات-طالع بـ ريَا-رورو!!
ريَا:ماظمنن لك!
تارا:حي عينك والله!
إنجام:لو تبين 10 الاف اعطيك بس انتقمي لي !مالي خلق انتقم الوعد بعدين
ريَا طالعت باليث:شفها من الناحيه الايجابية الادوات ماتتعدا الف خل احرقهم واعطيك الف!
ضحكو الموجودين ،أليَث بتفكير:تصدقين فكره والله
إنجام:هونت
ضحكو الموجودين ،تارا:شفتي وتخطط تزرفنا بعد!
إنجام:بصير اخت الزوج الحيه!
تارا؛معك
اقبال:اللهم استودعتك بنتي
إنجام وتارا بصدمه مع بعض:شتقصديييين!
وضحكو الموجودين ، إنجام:ودّي اقول جلستكم ماتنمل بس تنمل ملل ملل ملل بروح اخمد ابرك-وطالعت بـ بَراق بضحكه-يحول في ناس عندهم مناوبه بكرا
بَراق بصدمه :كذابه علي!!
اسر بصدمه؛هي شدراها دوامك ولا دوامها!
إنجام وقفت:مستوى عندي جداوله والشفتات بعدد
وراحت ، بَراق بصدمه نزل جواله:والله جحفلني علي الحيوان!
جلنار:شمهبب بعد
بَراق وقف:خذا اذن ومقلد توقيعي اني موافق اناوب بداله والله لتله بكرا
ومشى ، ضحكو الموجودين ،جلنار وهي تضحك:علي وهناي يستحقون جائزه على الي يسوونه بوبو وجوجو
وجلسو يسولفون ويضحكون ، قسم ابطالي
إنجام الي بدلت لبسها ولبست بجامه شورت واسعه تريحها ، بَراق وهو يحضنها من ورا :حبيبي اليوم ليش طلعتي بلبسك لعمامي وابوي؟
إنجام التفت وهي فيها نوم:طلعت وشافوني مايمدي ارجع ذا اولا وثانيا ابوي وثالثا عمامي ورابعًا ياحلوي ومحبوبي غيرتك حلوه بس تحكم فيها
وكان يقبل كُل انش فيها من غيرته:بحاول،مهما كان ابوك عمامك ولو ياحلوتي اليوم مرا فستانك مكشوف من فوق بنات اوكيه اوفر شوي بس براحتك بس ياجوجو...
قبلت دقنه:حبيبي نام عندك دوام
وحضنها بحُب لها ونامو ، قسم عرسانا
راحو بعد مالكُل راح ينام ، قفل باب الشقه ومسك يدينها وجلسو على الكنب ، أليَث بابتسامه وحنيه:ادري ماودّك كل شي بهالسرعه وادري ماودّك بـ مسؤوليات وانتِ لسا طالبه وصغيره وادري تخافين من المسؤوليات وكل شي وادري تخافين احد يتاذى لدرجه استغنيتي عن شي خاطرك فيه عشان اهلك وادري ياحلوتي بكل الي بخاطرك وببالك بقول لك شوفي والله حتى انا متوتر ولا ادري كيف اتكلم خل اخلص مابحملك مسؤوليات أبدآ حتى اطفال ماودّي بهم اذا انتِ ماودّك بهم ووعد مني لك ماتحملين لين تخلصين جامعه ولين انتِ تقولين ابي اطفال ومابقرب منك ابدا الى بإذنك وروري انا مو بس زوجك انا اخوك وصديقك وزوجك وابو عياالك مُستقبلًا وامانك وملجأك متى ماخنتك هالدنيا كوني على يقين تام حضني وصدري وكتفي موجودين لك دايم متى ماودّك بحنيه وحضن تبكين فيهم بكون موجود متى ماودّك تحضنين احد من فرط سعادتك بكون موجود متى ماودّك تفضفضين صدري موجود يحمل همومك واحزانك بكُل حُب وراحه متى ماودّك بسند موجود متى ماودّك بكتف تستندين عليه وقت تعبك بكون موجود اخر كلامي الي مادري كيف تكلمت من التوتر روري انا احبك واموت فيك وماقدر اشوفك تتضررين واسكت
وابتسم مُعلن نهايه كلامه ، حضنته وبكت ، أليَث بخوف وهو يمسح على ظهرها:حبيبي روري يامي انتِ شفيك زعلتك؟ضايقتك؟
بعدت وهي مُبتسمه وتمسح دموعها :لا بس ماقد حسيت بكل هالمشاعر بيوم صح ماما وخوالي وخالاتي وجدانو والبنات في بس مقد حسيتها احبك أليَث
عقد حواجبه،ابتسمت وحضنته هالمره بدون بكي:أحبك لوثيي
شد عليها:اهيييييم فيتس ننام؟
وقفت:ببدل
وراح بدل وتمدد على السرير ، وهي بغرفه التبديل تسوي عنايتها المُعتاده ، رشت عطرها الانثوي ورتبت الفوضى وطلعت ، تمددت بطرف السرير بخجل ، سحبها وارتطم ظهرها بصدره ، دفن وجهه بنحرها :حبي مكانك هِنا
ابتسمت بحُب والتفت حضنته ونامو بحُب وراحه
الكُل بهاليله كان مرتاح من كل النواحي وسعيد ونايم براحه ، الصباح صحو وكانو كل البنات في ، طَارق بابتسامه:وين أليَث وبَراق وغيَاث واسر والوليد؟
إنجام وهي تشرب قهوه:بوبو بالدوام
ريَا وهي تاخذ فراوله:راح الشركه
تارا:واسر راح الشركه كمان
جلنار:شفتهم الوليد بعد للشركه و غيَاث يقول شغل وراح
طَارق طالع ب ريَا:اي شركه؟
ريَا:ماعرف ماسالته
طَارق:الحين انا معطيه اجازه يجي يداوم!
ضحكو الموجودين من حلطمته ، جا غيَاث ووقف بابتسامه:صباح الخير
:صباح النور
طَارق:وشنهو الشغل؟؟
جلس بعد ماقبل راسه:فتحت عيادتي
طارق بابتسامه:مبروك مبروك
سُهى بابتسامه:بدايه خير باذن الله مبروك
اختلفت الردود مابين:مبروك،الله يوفقك،بدايه خير ، افضل دكتور
غيَاث بابتسامه:الله يبارك فيكم-طالع ب ابوه -مب انت تقول اوديهم مستشفى مجانين ومادري وش يالله قدامك دكتور نق الدراهم وابشر
ضحكو الموجودين ، مدَاد وهو يضحك:مو انا بوديك معهم مادري كيف صرت دكتور
وضحكو الموجودين ، دخلو البنات داخل ودخل غيَاث ، فوق الدور الثاني دور الغرف، طلع غيَاث على طلعت ايلين،غيَاث بتردد:ايلين
التفت وكعادتها ماتوقعت شي:هلا اي صح مبروك
غيَاث بابتسامه:يبارك فيك بقول لك شي نجلس؟
ايلين باستغراب:عادي
وجلسو بالجلسات الي امام الغرف زي الصاله الصغيره ، غيَاث بهمس:ادري انك مو متاكده من حبي لك..
ايلين بتوتر:وش الموضوع؟
غيَاث بهمس:اعرف كل شي والله وانمسك
ايلين بهمس وتوتر:غيَاث بيننا!وترا ...
غيَاث بابتسامه قاطعها بهمس:اعرفك وواثق فيك وادري انك ماعطيتيه فرصه ووجه ابدا

فلاش باك
الرياض، بيت طَارق ،السطح، ايلين وهي تبكي ، وجلس غيَاث عندها وفضفضت له بدون وعي منها من كبر صدمتها ، وتواصل غيَاث مع الجرائم الاكترونيه وانمسك (مايحتاج تفاصيل اكثر)

حاليا

غيَاث بهمس:وربي ادري مالك ذنب ومالك بالطريق ذا ابدا
ايلين بتوتر وهمس:والله صحباتي مو انا...
غيَاث بهمس وابتسامه:لاتتوترين بليا ماقدر احضنك!اهدي ادري واعرف كل شي وكلي ثقه فيك وواثق فيك لابعد درجه مُستحيل اصدق فيك ابدا لاني اعرفك واعرف معدنك وتربيتك بس حبيت اخبرك عشان اذا هددك احد كذاب وخبريني انمسك اليوم وعليه كذا جريمه مو انتِ بس حبيت اخبرك ترتاحين وللمعلومية بس عشان مايوسوس لك الشيطان خطبتك لاني احبك مو عشان السالفه ذي خطبتك لاني ماقدر اشوف احد يخطبك قلبي وغيري فكري ايلين لو مره اعطيني فرصه
ايلين بتردد وهمس:فكرت واستخرت بس مابقول بنتظر ابوي يسالني
غيَاث بفرحه وهمس:موافقه
ايلين هزت راسها بالايجاب بخجل وراحت ، حس براحه وفرحه ونزل ، غيرت تعابيرها قبل تنزل وماودها احد يدري،بعد خمس دقايق نزل غيَاث بلبس دوامه:كيييف
إنجام:مُزز
غيَاث بابتسامه رمى لها بوسه بالهوا وغمز لـ ايلين الي انتبهت هي وإنجام بس،إنجام وقفت:ابيك تعال
وراحو قسمها ، وقفلت الباب،إنجام :ترا بسطرك والعنك تبيها ارجع اخطبها من جديد وش هالحركات ذي!
غيَاث بابتسامه:طيب هدي والله بكلم ابوي من جديد اليوم اهدي وش بتس!
طق الباب ،فتحت انجام ،ايلين من شافت غيَاث:بجيك بعدين
غيَاث:لاتعالي بروح
وراح ودخلت ايلين وقفلت الباب وجلسو،ايلين بتوتر:بَراق متى يرجع؟
إنجام:العصر
وقالت لها ايلين عن كل شي ،إنجام بصدمه:طيب ليه ماقلتي لنا وكيف درا غيَاث وحليتو الموضوع!!
ايلين:اذكر مرا بالرياض كنت ابكي وجاني وكنت مو بوعيي من الافكار الي داهمتني واتوقع قلت له
_____________________________
كيييفكم ياحلواتي وحشتوني بجد والله وماعندي عذر سحبت عليكم يوم مانزلت ابي اتدلع واي صحيح فتحتتت متجرييي بس ماسميته زهَر😢 قُراء روايتي الاولى بيكونون عارفين شقصد وقريبًا بفتح متجر زهَر باذن الله اذا نجحت بالمتجر ذا بكمل وافتح متجر ثاني لي إبي فقط دعمكم ليّ ياحلواتي وتساعدوني اشتهر اكثر واكثر بنزل لكم ثلاث بارتات ياويلكم اذا ماتفاعلتو وانشرو روايتي تيك خلو يجوني قُراء ودعم اغرقكم اكثر واكثر بارتات🩶🩶🩶🌷 ، آآخ انشرو لي ادعموني ياخي حرام عليكم ، بكون دايم متواجد بالانستا وأي اقتراح او أي سؤال تعالو لي هناك ، انتظر تعليقاتكم وارائكم بكُل حماس ، حسابي {len.1o1} ، واشوف رائيكم على روايتي ، قراءه مُمتعه ، اعطوها حقها بليز نجمة وكومنت❤️
إعذروني ان تواجد خطا املائي {{جد انزل لكم ولا راجعت البارتات ولاقريت اذا في اخطاء او لا إعذروني 🩶}}
الى لقاء اخر