عينيها طريَق و قلبي سّافر لأجلها

p51

ريَا :احم استمعو لنا!
أليَث:الي مايستمع بمصع اذنه!
ريَا بابتسامه:طبعًا ملل وسويت فعاليه كذا صغيره قلت خل نشووف الوفاء والولاء عندكم
أليَث بابتسامه :طبعا كل سوال وله عقاب وجائزه وانتم العزابيه على جنب شوي
غيَاث:وحنا؟؟
ريَا:لا انتو من ظمن العبه كاتبين كتاب
أليَث طالع بالبنات:شوفو حنا مانقصد نخرب بينكم ابدا!
ضحكت ريَا:كل واحد من العيال يسحب ورقه ويقرا السوال يكون موجهه لزوجته والبنات نفس الشي بوكس العيال معي وبوكس البنات مع ليوث للانصاف
أليَث:الحين هنا طرف العيال وهنا طرف البنات كذا يالله كل واحد يقابل زوجته
وجلسو فعلا نفس النظام الي قاله، جلنار وهي تفصفص:المستريح من الهم خالي!
أليَث:لاا مافي اتصال فديو يالله وتوليب معهم اتصلي فديو على تركي
وفعلا وضحو العبه لهم وتوليب فديو كول على تركي وجلنار اصيل ، وكان الترتيب كالاتي
الجهه اليُسرا ، البنات
ايلين ، تارا ، وإنجام ، دُنى ، سُهى ، فيروز ، توليب ، جلنار
الجهه اليُمنى ، العيال
غيَاث ، اسر ، بَراق ، نهات ، مدَاد ، همّام ، وتوليب معها الجوال وجلنار نفسها اتصال
سحب غيَاث سؤال وايلين سؤال
وقفو أليَث وريَا:ايلين اقري
ايلين بابتسامه وهي تقرا : إذا خبيت عنك الماضي عشان ما أخسرك... بتسامحني؟؟
غيَاث بابتسامه:طبعًا
ريَا:الحين غيَاث
غيَاث بابتسامه وهو يقرا : قد خبيتي شيء عني لاي سبب كان؟
ايلين بتفكير:اممم نو ماذكُر
وراحو يوزعون ، أليَث بابتسامه:اسر
اسر وهو يقرا: هل تحسين إني اعرف أراضيك؟
تارا:يس
ريَا:تارا
تارا وهي تقرا:لو يوم من الايام عملت شي غلط بتوقف معاي او ضدي؟
اسر :خطاك بعيوني صواب اكيد معاك!وبعدين ابوي وابوك يصفقونا
ضحكو الموجودين ، ووزعو اسئلته ، ريَا بابتسامه:جوجو
إنجام وهي تقرا:تاريخ مُميز
بَراق بابتسامه:7/17 و 2/2
أليَث بابتسامه:بَراق
بَراق وهو يقرا:ايش الي يستفزك ويعصبك اذا سويته؟
إنجام:تاخذ الشاهي حقي ترا مانسييت والله تجيب لي غيرهم!
ضحكو الموجودين ، الوليد وهو يضحك:لابارك الله بالكتمان!
وانهارو ضحك،انجام وهي تضحك:صدق ياخي كوبين خذتهم مني !
بَراق وهو يضحك:اذا صار مُعدل الحديد عندك طبيعي اجيب لك مزرعه شاهي بعد
إنجام:مانسى ترا!
بَراق:وعد
ووزعو اسئله ، ريَا بابتسامه:عمو نهات
نهات وهو يقرا:لو صارت هوشه وسط الناس وانا الغلطان بتدافعين عني ولا توقفين ضدي ؟
دُنى بابتسامه:بكون معاك لاني واثقه فيك وفتصرفاتك مُستحيل تسوي شي خطا
أليَث بابتسامه:خاله دُنى
دُنى وهي تقرا: اذا كُنت فموقف صعب جدًا هل أنا من اول من تتجه له؟
نهات بابتسامه :اكيد دايم وانتِ تدليني الطريق ليش ماجيك؟
ابتسمو من كم الحُب ، ووزعو الاسئله
ريَا بابتسامه:سوسو
سُهى وهي تقرا:هل تحس بالاكتفاء معي؟او ممكن تتزوج ؟
مدَاد بابتسامه:طبعًا مكتفي معاك شبي اتزوج خير!انتو والله لادقكم!
وضحكو الموجودين ، أليَث وهو يضحك:اقرا طيب
مدَاد وهو يقرا:اعترفي لي اعتراف يخليني اعدل جلستي
سُهى بخجل:شوف
مدَاد اعتدل:شوفي انتِ الله يستر هالكلمه ماتطمن
سُهى بخجل وصوت خافت:...
دُنى ضحكت بصدمه:بينجلطوووون!
مدَاد بتوتر:وش
سُهى بخجل:انا حامل
عم الصمت ، ابتسمو بفرحه ، إنجام وهي تصفق:يوننسسسس!
تارا:يونس بس معادني العنقود!
ضحكو الموجودين بفرحه،قام مدَاد وحضنها بحُب وفرحه ولا اهتم لاحد، إنجام وهي تصور:كيوتييين!
وباركو لهم ، أليَث وهو يحضنه ويضحك بهمس:مبروك مبروك بس باقي فيك حيل!!خلاص
وضربه ببطنه ، طاح أليَث وهو يضحك وماسك بطنه من الضربه ، ورجع جلس بفرحه كبييره ،ريَا بابتسامه وفرحه:هالاعتراف خلنا كلنا نعدل جسلتنا!
وضحكو الموجودين ، ووزعو الاسئله
ريَا بابتسامه:عمو
همّام وهو يقرا :كم لنا مع بعض
فيروز بابتسامه:25سِنه
أليَث بابتسامه:خاله فيروز
فيروز وهي تقرا:لو طال الزعل والخلاف بيننا هل بتفقد الامل او بتحاول؟
همّام بابتسامه:مقد زعلت ولابزعل منك ولو صار بحاول مابفقد الامل
أليَث وريَا وهم عند توليب ، ريَا : شوف تركي بسحب لك ورقه
وسحبت ومسكت الجوال
تركي وهو يقرا:تتوقعين الدُنيا تفرقنا؟
توليب:اذا استسلمنا يسس
أليَث وهو يمد البوكس لها:اقري يالله
توليب وهي تقرا:اكثر شي بيزعجك فيني
تركي بابتسامه:ولاشي يزعجني فيك
ريَا:اصيلوه اقرا
اصيل وهو يقرا:هل مره عطيتي شخص فرصه ثانيه؟وكيف كانت النتيجه؟
جلنار بابتسامه:يس اعطيت مُرضييه
أليَث:يالله جويجو
اصيل:اسمها جلنار!
أليَث:لحول كل تبن
جلنار بابتسامه وهي تقرا:بكلمه وحده اوصف شعورك اتجاهي
اصيل بابتسامه:محبوبتي
صفقو الموجودين،ريَا بابتسامه:والله طلعتو تعرفون تعبرون
وضحكو الموجودين ، ايلين:والحين دور روري وليوث!
إنجام:صدق انصاف خير تطلعون منها!!
تارا:لا شوفي هم كانو ناوين يقلبون الي بالجلسه على بعض ويطلعون
ريَا:ياخي لاتفهميني صح!
ضحكو الموجودين وابتسمو من شافو نفسيه ريَا تحسنت شوي ، جت ريَا وهمست لانجام ووقفت استندت عليها وطلعو برا ، تارا :خير وانا!!
ريَا:مانبيك غثيثه زي اسرك!
ضحكو الموجودين ، وجلسو يسولفون ويضحكون
الحديقه، جلسو باخر الحديقه ، إنجام بابتسامه:اسمعك ياحلوتي
ريَا:شوفي انا ملاحظه على نفسي ان نفسيتي زفت والصراحه اني ماعبر ابدا يعني مابكي ما اصرخ مانهرت يوم عرفت وهالشي مو طبيعي انا عارفه جوجو والله فيني شي بس ماعرف ايش خايفه اكتم واكتم ويجي يوم وانفجر على احد او على ليوث واطلع عصبيتي عليه بالغلط
جلس أليَث بابتسامه ومسك يدها:ماهمني طلعتيها علي او لا اهم شي تكونين مرتاحه
ريَا بابتسامه:وقلت يمكن لو تكلمت مع دكتور نفسي يمكن استفيد بس مابي دكتور يعطيني ادويه مابي ادويه ابدا اقترح على ليوث اكلم غيَاث
إنجام:شوفي هالناحيه حلوه وعشان غيَاث عارف الوضع واذا ماتبين ادويه مايصرف لك اشوفها خطوه حلوه ليش ماتكلمينه مثلًا
ريَا:مابي احد يعرف اني اتواصل مع دكتور نفسي
إنجام مسكت يدها بحنيه:شوفي احد درا ولا مدرا هالشي لابيقدم ولا ياخر ولاهو بضارك بالعكس كلنا ودّنا نشوفك مرتاحه واذا كلهم عارفين هالشي كلهم يعطونك مساحتك الخاصه الي تحتااجينها كانسانه تبي ترتاح
ريَا:يعني لو درو مابيقولون شي؟
إنجام:وقلعتهم درو مادرو قالو ماقالو وتعرفين هنِا كلهم متفتحين وفاهمين وواعين مو جاهلين لدرجه يهاجمونك عشان قرار انتِ اتخذتيه وياحلوتي شي مرتاحه انتِ له ومتفقه فيه مع ليوث ماعليك من احد سويه واي صح ترا جده مسويه مجلس الامم المتحده على قولتها جايبه اعشاب لنا كلنا وبقلب السحر على الساحر واشربها اياه!
ضحكو بصدمه منها،أليَث وهو يضحك:طيب هي وش تبي شدخلها مالها دخل ياخي كيفنا قرارنا وحنا حريين!
وقفت واستندت على العصى:ياشيخ تقول لي احملي خلي بينه وبين نهات خمس شهور بس قلت دزي امها بس
ومشت وهم يضحكون ، أليَث بابتسامه:شفتي ماهتمت وانتِ تقدرين لاتسمعين لاحد ولاتهتمين
ريَا:على قوله جوجو بلاسنها هههههه
ابتسم بحُب:ياحلووك!
ريَا بخجل:شوف ترانا برا!اهجد
ضحك ووقف مسك يدها ودخلو داخل ، بَراق وهو يسند انجام ويجلسون:يعني تطلعونها ولاتساعدونها حيوانات!!
جت مها ومعها كيس وحطته على الطاوله ، إنجام:جدتي صارت ام عباس!
وانهارو ضحك كلهم ، مها بحده:عن الهرج الي ماله سنع!
إنجام:المُختصر ذي الاعشاب الي قلتيها صح
مها:صح
إنجام:ودفعتي ملايين بها صح
مها:استجواب هو صح
إنجام:خلاص بليها واشربي مويتها لان ولا وحده فينا بتشرب من هالاشياء الغريبه
ايلين:وهي صادقه لو كانت مب نظيفه!!
إنجام:نظيفه ولامب نظيفه محنا بشاربينها!
مها:انتي يالسوسه ياساس البلا والجلا بتشربينهم وانتي ماتشوفين الدرب
إنجام:هيا والله ماشربهم وش بتسوين؟؟
مها:بتشربينهم غصب
إنجام:وعلى جثتي والله ماشربهم
طالعت ريَا،ريَا:ماني بشاربه شي
مها:بتشربين ولاكييف؟؟؟
ريَا:ليه بعد بتطردين اذا ماشربت عادي اطردي وشرب ماني بشاربه
مها بصدمه:وتلاسنييين!!
ريَا وقفت:وافعل بعد
مها بحده:وش بتسوين بعد
راحت ريَا وهمست لها:.....
ورجعت جلست بابتسامه ،مها بصدمه:ماتسوينها!
ريَا بابتسامه وهي عرفت وش بلاها:اسويها وتعرفيني
استغربو هالاصرار ، همست ريَا لـ أليَث:نفس ماقلت لك
أليَث بصدمه:يعني!
ريَا بهمس:طبها عندي بكرا الصبح لاتنسى بعد الفجر
غيَاث قفل خشمه بيده:ذولي وشهن! ريحتهم شينه!
راحت ريَا وجابت من المويا المقري فيه حق إنجام وكبته عليهم وسُرعان ماذابو واحترقو ، انصدمو ، ريَا وهي تطالع جدتها وماسكه الصحن؛ودّك يجي علييك؟
وراحت مها فوق ويحلفون بسرعتها انها مو مها صاحبه69عام.، ريَا:اي سحر
وانصدمو اكثر جلست،ريَا:المويا ذا حق جوجو المقري فيه تذكرونه والاعشاب ذي كلها سحر مشروب وكبيت المويا ومقري فيه وبطل السحر
إنجام بابتسامه:وصار الي نبيه
ريَا بابتسامه:افا عليك
انصدمو اكثر واكثر،مدَاد بصدمه:شصاييير!!!
إنجام:المُختصر جده مسحوره وريَا سقطت بسبب ام وافي وام وافي هي الي حرقت الشقه المره الاخيره متعاونه مع البقيه الي بالسجن
ريَا:وناويه تسحر الباقي وتتحكم فينا من طريق جده
إنجام:وزوجه خالد ابو ريَا لها يد بعد
ريَا طالعتها بحده،إنجام ضحكت:كيف بيعرفون اذا قلت خالد!
ريَا:مو مهم طروق مسحور بعد عشان ماينتبه لافعال جده بس سحره غير
إنجام:طروق يصلي بين الفروض وقبلها والوتر والاذكار عشان كذا السحر ماثر عليه بقوه بس انه يعميه عن افعال مها ويخليه ساكت كل هالفتره
نهات بصدمه؛وكيف عرفتوو!!
إنجام:رؤى من غبائها اعترفت بالتحقيق وقد تقابلت مع ام وافي وصادفتهم وراجعنا سجلاتهم الاتصاال والرسايل ولقينا تخطيطهم
سُهى بصدمه:وريَا شدخلهاااا!!!!!
إنجام:كلنا انصدمنا واستغربنا لاكن ذيك رؤى ماكنت تبي التواصل يرجع بين ريَا وخالد ومن وراه يمكن خالد يرجع اقبال وهي ماتبي هالشي وطبعًا كانت ساحرته ومخليته يطيح بالخمر وكل ذا عشان يطلق اقبال ويتزوجها وصار وهي ماتبيه يفطن ويرجعها
دُنى بصداع؛لحظه صدعت وش دخل اقبال الله يرحمها
إنجام كانت بتزل وتتكلم:الله يرحمها رؤى من مفهومها ان اذا رجع التواصل بين خالد وريَا بيرجع اقبال عشان كذا
نهات:وش بيصير الحيين!!
إنجام:ولاشي اتفاقنا نفس ماهو ليوث بعد صلاه الفجر بيجيب شيخ لمها وانتم بتمسكون طروق بالمسجد وتخلون الامام يقرا عليه وعليكم لان احنا اكتشفنا بس هالاثنين المسحورين ممكن واحد فينا يكون مسحور وكلنا مو منتبهين
تارا:اخيس طاري وجبتوه خلاص غيرو السيره
إنجام بشك:توتو تشوفين نهات؟
راحت فوق،إنجام:وجيبو شيخ لتارا
انصدمو ،اسر بصدمه:شدخل تارا!!!
إنجام:كشت من الطاري ووجهها معرق ويدها ترجف صار فيني كذا يوم سمعت طاري السحر وانا مسحوره وفوقها تبي تارا تعدي المووضوع عادي جدًا يوم طلعت ام وافي وانت في؟؟مستحيل اساسا صدمه ان تارا ماسوت شي للان وتضحك طبيعي
ايلين:تارا اكبر غيوره مُعجزه انها ماقتلتها بعد
إنجام:المهم اهم شي نفس ماقلت بعد صلاه الفجر لاتنسوون
ووقفو وراحو ينامون والي يشتغل والخ...
غرفه إنجام وبَراق ، شافوه نايم بسلام ، بعد مابدلو ، جلست إنجام على السرير وحطت يدها على قلب بَراق وجلست تقرا وتستودعه الله ومن انتهت ، حط يده على قلبها وبالمثل ، حست بطمانينة تمددت بحضنه وراسها على صدره بس سُرعان ماحست بالم ببطنها واعتدلت،بَراق اعتدل:جوجو؟
إنجام رفعت طرف بجامتها وشافت الشاش منفك والحرق يعورها:بوبو يعور
مددها على ظهرها وفتح اول زرين من البجامه وابعدها عن بطنها:بجيب الشاش واجي لاتتحركين
وطلع ، شافه مدَاد انه طلع وطق الباب هو وسُهى،إنجام:مين
مدَاد:انا يابوك
غطت طرف بطنها:تعال
ودخل وشاف الحرق وباين :وش يابوك؟
وشافه:من وش!
إنجام:نفس الوقت الي طاحت خشبه على رجلي طاحت هِنا
سُهى بحنيه:يعورك؟
إنجام:جت البجامه عليه وعورني
مدَاد بعصبيه؛وين راح بَراق وخلاك!!
إنجام:شدعوا يخليني!راح يجيب الشاش تحت
ودخل بَراق ، بعد مدَاد وجلس بَراق بلطف يعقمه ويحط عليه شاش،مدَاد:ابوي انجام
إنجام طالعت فيه:لبيه
جلس على ركبه على الارض ويطالع فعيونها:متقبله الفكره؟
انجام :اي فكره؟
سُهى:اني حامل
إنجام:اولآ انت هي تعور شوي شوي اولا والله لانسى انك ابوي وانكك زوجته وانكم اكبر مني والله ادقكم خير رزق من الله ليش مثلا اُخت سُهى اذا احنا مو تقبلين بتجهضينيه؟؟طبعًا لا رضينا ولا انرضينا اهم شي انتو وخلاص ترا شي حلو انو بيجيني اخ او اخت!
قبل جبينها مدَاد:ياحلوك!
سُهى :بس تارا؟بتزعل
إنجام:والطقاق خل تطق راسها بالجدار بعد ذا الدلوعه هاذا وجهي بتقول زي ايلين بعدين ماتخليه لكم تاخذه كل شوي !
ابتسمو بحُب واقتنعو بعد موجه كلام لهم من إنجام ومختصره حنا مالنا دخل انتم الي بتتعبون وتربون ، استئذنو وطلعو ، قبل بَراق بطن إنجام ،إنجام بخجل:بوبو!
بَراق :اخ وحشتيني حسبي الله على من كان السبب!
إنجام بخجل:بوبو خل ننام افضل
تمدد على بطنه جنبها بعد ماسكر الشاش وهو يبعد خصل شعرها عن وجهها بخُبث:لذيذه!
إنجام بخجل:ننام مؤدبين يابوبو!
ضحك وحضنها ونامو بحُب ، الفجر ، ريَا وهي تحس بتعب فضيع وكانها مكسره :ليوث ليوث
ولفت وكان نازل يصلي الفجر ، مشت بتعب ونزلت للدور الثاني ، فزت جلنار من سجادتها بعد ماسلمت لها؛ريَا بسم اااه عليك شفيك!
وفزو الباقي،ريَا بالم وتعب :جوجو يعور يعور
جلنار بخوف:شفيك شنو يعورك؟
ريَا ببكي والم:مادري شي يضغط على قلبي ويخنقني جو..جوجو تكفيين
وطاحت مغمي عليها ، فزت ايلين لتحت ، وكان على دخولهم ورجوعهم من المسجد ، ايلين بخوف وهي ترجف:ليوث ريَا...ريَا ت.تعبانه
أليَث فز بسرعه لفوق وكلهم معاه وغيَاث يهديها، أليَث وهو يحط راس ريَا بحضنه:ريَا ريَا شصار!
جلنار وهي ترجف:مادري نزلت وهي تعبانه تقول في شي يضغط على قلبي ويخنقني ليوث
أليَث بخوف طالع بابوه، انجام الي مستنده على ايلين:جيبو الشيخ شتنتظرون!!!
اسر بتوتر:تحت الشيخ
شالها بعد ماحطو عبايها عشان بجامتها ونزل تحت ، جلسو بالمجلس والشيخ فيه وهو يقرا عليها ، فزت ريَا وهي تصارخ بالم ، الشيخ بحده وهو يقرا:ثبتوها!!
ومسكوها مدَاد واليَث ومكانو قادرين عليها وكان قوتها عن ميه رجال ومسكو نهات وهمّام معهم وماثبتت ، ومكمل الشيخ يقرا
:بس بس بطلع بطلع لاتقرااا
الشيخ بحده:من الي ساحرها!
:زوجه ابوهااا زوجه ابوهاا ام ام ام وافيي
الشيخ بحده:وش يبون منها! تكلم ولا بقرا!
:عشان ماتحمل وتخرب حياتها!
وكمل الشيخ يقرا ، لين ما ارتخت ريَا بين احضان محبوبها مهلُوكه وغايبه عن الوعي ، شالها أليَث ورقى فوق ، الشيخ بضيق:البنيه مسحوره ومتسببين لها تخسر ضناها خلوها تشرب من الماء المقري فيه وتستمر على القران
مدَاد بضيق؛طيب ياشيخ هي تشرب من الماء المقري فيه من اول ولا احد انتبه
الشيخ:مرات مايصير شي عشان الماء مبطي خلوها هي بنفسها ولاانتم تقرون بالماء قبل تشربه المعوذات والفاتحه والاخلاص وتحصن نفسها اقرا على غيرها؟؟
مدَاد:العيال
وجلس يقرا على واحد واحد ومافيهم شي ، نهَات:امي ياشيخ بس كيف نقنعها تنزل
الشيخ:ان مايمنع وملزمه بمحله ثبتوها واجيها اقرا عليها
وراحو فعلا سوو الي قاله ولاقدرو وغطوها وجابو الشيخ وبدت المُعانه
_____________________________
كيييفكم ياحلواتي وحشتوني بجد والله وماعندي عذر سحبت عليكم يوم مانزلت ابي اتدلع واي صحيح فتحتتت متجرييي بس ماسميته زهَر😢 قُراء روايتي الاولى بيكونون عارفين شقصد وقريبًا بفتح متجر زهَر باذن الله اذا نجحت بالمتجر ذا بكمل وافتح متجر ثاني لي إبي فقط دعمكم ليّ ياحلواتي وتساعدوني اشتهر اكثر واكثر بنزل لكم ثلاث بارتات ياويلكم اذا ماتفاعلتو وانشرو روايتي تيك خلو يجوني قُراء ودعم اغرقكم اكثر واكثر بارتات ، آآخ انشرو لي ادعموني ياخي حرام عليكم ، بكون دايم متواجد بالانستا وأي اقتراح او أي سؤال تعالو لي هناك ، انتظر تعليقاتكم وارائكم بكُل حماس ، حسابي {len.1o1} ، واشوف رائيكم على روايتي ، قراءه مُمتعه ، اعطوها حقها بليز نجمة وكومنت❤️
إعذروني ان تواجد خطا املائي
الى لقاء اخر