«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
ابتسمت جلنار : بس جد يعني كان متوووقع تتزوجون
تارا تكلمت بتردد:متى بتسوون الزواج؟
بَراق تكلم بعد ماشرت إنجام بعينها له:مادري للان والله ماحددنا خلي النقله تتم على خير يارب ويستقر الوضع ونشوف لولو ياحيوانه يعني مادري ان غيَاث خطبك الى من رساله آسر! فكرتي؟
فلاش باك قبل يومين ، مدَاد تنهد:واذا رفض؟
غيَاث بترجي:طيب جرب يبه واساسا بتخرج هالسنه وضامن الوضيفه!
وقف مدَاد:بشوف
وراح لنهات الي جالس بالحديقه وجلس عنده:ابو بَراق
نهات بابتسامه:سم
مدَاد بابتسامه: لو اخطب منك آيلين لـ غيَاث؟
ابتسم نهات بواسع ثغره: الي فيه خير بيحصل وان كان فيه نصيب لي الشرف والله وان ماكتب الله الله يوفقه ويرزقه بنت الحلال اسال لكم آيلين وارد لك
ابتسم مدَاد من تلقى موافقه اخوه:باذن الله وابد خذ راحتك
ابتسم ووقف نهات راح لـ آيلين، وقف عند باب الصاله ومادخل:آيلين هنا؟
دُنى بابتسامه:فوق بغرفتها
صد وطلع مع الدرج ، طق الباب:لولو ادخل
آيلين مسحت دموعها:ادخل بابا
دخل وقفل الباب ، جلس وحضنها:افا يابابا من مزعلك
سكتت وبكت، نهات بحنيه مسح على راسها:تعرفين يابابا انك تقدرين تقولين لي كل شي؟ وتدرين انه بيبقى بيننا ؟ وتدرين مهما كان هالشي بتفهمه وبكون معاك مو ضدك ايٍ كان الي مزعلك
بكت بعد كلامه، كان يطبطب عليها ويمسح على راسها بصمت وهو يقرا عليها ايات بداخله ومايحب ابدا يضغط على اي احد من عياله خصوصا آيلين وحييدته، هدت وتوسطت حضنه:لاتخليني بابا!
شد عليها:ماخليك ياعيون ابوك ماخليك !لولو ودّي اقول لك شي
آيلين بضيق:هلا
نهات بابتسامه:اعرفي ان القرار قرارك ومستحيل اضغط عليك وبكون معك بكل قرارتك ومابيصير شي ومابتخرب علاقات وابيك تفكرين وتستخيرين وتردين لي ...قاطعته
آيلين بضيق:زواج؟ مابي
كمل نهات:اسمعيني يابابا مابتخسرين شي يمكن نصيبك انتِ استخيري ولو ودّك اودّيك مكه بعد وديتك استخيري وفكري عمك مدَاد خطبك لـ غيَاث تو فكري يابابا واستخيري
سكتت ، وتقريبا نهات فهم الموضوع تكلم بابتسامه حنيه:تحبينه؟
سكتت آيلين،قبل راسها بابتسامه:مايحتاج تقولين شي فهمت كل شي بس ابيك تستخيرين وتتاكدين من قرارك وتبلغيني زين ياعيوني ؟
هزت راسها بالايجاب ،وطلع وقفل الباب، اعتدلت بجلستها مسحت دموعها حطت يدها على وجهها تستوعب وتقول داخلها(انااا! انا الي يبي يتزوجني! هههه اضحك كنت ابكي وطلعت انا! ههههههه ياربي مو حلم!! اخخ الحمدالله) وقامت تستخير
الوقت الحالي ، غطت وجهها بيدينها:اسكتت!
ضحك بَراق :شفيك!
آيلين نزلت يدينها:دخل بابا وانا ابكي ههههههه
طالعها بالمرايه؛افاا من مزعلتس احتزميي بي!
آيلين بابتسامه:وه ياجعلني فداك اوه سوري جوجو هههههه كنت زعلانه وبعدين قلت آيلين كليزق
تارا وهي تضحك:عاد كليتي؟
ضحكت آيلين وضربت كتفها:حيواااانه
تارا وهي ترد لها الحركه:يالله لولو وافقي وافقي ونطفر فيه انا ويااك
وضحكو الي بالسياره، ضحكت تارا:الدُيناااا سرييييعه يالله خلاص بَراق الملكه بكرا؟
بَراق وهو يضحك:تم
آيلين:خير ما وافقت للحين!
جلنار:معليك ندري تحبينه خلاص بَراق
إنجام بابتسامه:الله الخطه ضبطت!
ضحكت جلنار؛اي خطه؟
إنجام:زوجتني اخوها وزوجتها اخوي هههههههههه
ضحك بَراق:يعني كذا السالفة يالله اهم شي استفدت
ريَا:من اي ناحيه هم الي استفادو مع بعض بيكونون
بَراق قبل يد إنجام:كسبت إنجامي!
صفقو البنات:اعترااااف خطييير!
ضحكت ايلين :والله يانك طايح على وجهك!
بَراق وهو يسوق:عند إنجام؟ راضي
وطلع الدخان، جلناربصدمه؛تدخننن!!!!!!
ريَا بصدمه:امااا
تارا بذهول:ماتوقعت
تكتفت إنجام وخذت وحده، بَراق طالع فيها، حطتها بين شفايفها:تدخن بدخن
نفث الدخان :من وين لك ولاعه؟
وسحبت ولاعته بسرع، بَراق وهو يسوق:إنجام مو لعب ارميه!
إنجام وهي تشغلها:قلت لك مالي دخل
واول ماشغلتها خذها وحطها بفمه ، استقرت بين شفايفه، إنجام طالعت ببالبكت مليان خذته وخذت الولاعه ورمتهمم مع الشباك، طالع فيها بَراق بذهول:منجدك!!
إنجام تكتفت:كانك عنيد ؟ انا اعند
وعدلت جلستها ولبست سماعتها وجلست على الجوال
ومازال بَراق يدخن وخلصت ، فتح الدرج وطلع بكت جديد وفتحه ، طالعت فيه ببرود الارض ورجعت نظرها للجوال
آيلين:شكلنا عطيناكم عين هدوها
وقف بَراق عند محطه :نص ساعه وبنمشي
نزلو البنات لدوره المياه ورجعت إنجام ورا مكان جلنار ، رجعو البنات وركب بَراق ، جلنار:ارجعي
إنجام:مابي خليك قدام
وركبت جلنار قدام بعد اصرار من إنجام، طالع بَراق بـ إنجام من المرايه وحس بزعلها وحرك وهو يقول بداخله(تبينها مكابر وزعل ؟ ابشري)، بعد ساعتين وصلو البيت، تجولو فيه ودخلو كُل واحد غرفته الي لقى ورقه ملزقه عليها اسمه
بعد ساعتين بعد ما رتاحو ، جلسو بالحوش
طَارق بابتسامه وراحه:الحمدالله الله يديمها من لمه
:امين
ضيقت دُنى عيونها على إنجام و بَراق:والمفحطين ؟
طالعوها :وش ؟
دُنى باستغراب:لابلاه والي بغو يقلبون!
بَراق:عديها مره هي
وقفت إنجام بتدخل داخل ، جلنار مسكت يدها:بنت شفيك؟
إنجام بكتمه:ولاشي مكتومه باسوي بخار وانام
، مها بخوف:بسم الله عليها شفيها!
وجت بترقى العتب لاكن خارت قواها واغمى عليها ، فزو لها كلهم بخوف ، شالها بَراق ومشو للمستشفى ، المستشفى
طلع الدكتور:هي عندها ضيق فالتنفس وربو
أليَث بخوف :اي ندري شفيها فيها شي
الدكتور :ناقص معها الاكسجين بسبب شي شمته وكتمها عموما خلوها تبتعد عن اي احد يدخن و اي غبار يعني لاتنظف او تجلس بالاماكن الي فيها غبار اكسجينها ناقص مرا
غيَاث بخوف:طيب بتتحسن؟
الدكتور:اي باذن الله وبصرف لها ادويه ولو ودّكم باسطوانه اكسجين تكون معكم بالبيت ومعها طريقه الاستخدام
هزو روسهم بالايجاب وخذو الوصفه ودخلو عندها، لقيوها واقفه تقفل اسطوانه الاكسجين وتنزل الماسك ولفت بتطلع
طالعوها بصدمه ،إنجام:ماحتاجه والله!
جلسها أليَث وفتح الاسطوانه وحط الماسك:تحتاجينه تفكينه لاجو الممرضات يفكونه
وجلست وجلسو حوالينها يسولفون ، تفكر ودخلت بدوامه تفكير ليش قلب بسرع بَراق؟ معقوله حتى ماكلف نفسه يسالها بخير او لا؟ لهدرجه يعني زعلان عشان بكت دخان؟ سكتت افكارها من جت الممرضه وهي تسوي الاسطوانه:بنصرف لك اسطوانه اكسجين عشان اذا انكتمتي اسرع تعرفين لها؟
إنجام:اي
الممرضه:طبقي لي
وطبقت وفتحتها بسرع وقفلتها،الممرضه بابتسامه ؛انتِ ممرضه او دكتوره؟
إنجام:لا ليه؟
الممرضه باعجاب:لانك سويتيها بسرعه وحددتي الرقم الي فعلا تحتاجينه
إنجام بابتسامه:سبع سنوات مو سهله عرفت له
هزت راسها بالايجاب وطلعت، طلعت إنجام مُسرعه وماهمها همها تبي البيت تبي فراشها تبي تبكي ،لفت عليهم:كم سياره؟
أليَث:سيارتي وسياره عمي وسيارت ابوي وبَراق
إنجام:توصلني بيت جده سُعاد؟
ابتسم ومشى، رجعوو البقيه ينامون بحكم انه اليل وبعد ماتطمنو عليها، أليَث:بترجعين؟
إنجام:شكرا ياعيني لا بنام هنا اليوم ويمكن الاسبوع كله اشتقت لهم
هز راسه بالايجاب:انتبهي لنفسك وذا بغيتي شي اتصلي علي
ابتسمت:ابشر
ودخلت ،سلمت على جدتها الي صاحيه، تمددت بحضنها:جده عادي افضفض لك
ابتسم سُعاد ومسحت على راسها:اكيد يامي انتِ وبيننا ومابيصير شي
إنجام بضيق:ياخي ليه يسوي كذا بس اني رميت دخانه مع الشباك مو عشاني انكتم لا عشاني مابيه يتعب منه اش سوا طلع الدخان الثاني ودخن ثلاث زقاير وماهتم لي ابدا ولا اني انكتم عسكي اهتميت له ولا اهتم اني بدال ماكنت قدام بدلت جلنار وجلست ورا وبالبيت يوم اغمى علي ودخلت المستشفى جالس على كراسي بالغرفه وعلى جواله ماكلف نفسه يساال وربي يضايق جده! انا الي كنت احسبه الشخص الوحيد الي بيكون معاي ومابيرضى على زعلي تدرين شقال لي مره مايهون علي تزعلين وهالحين؟اليوم هنت عليه؟ هان تعبي عليه؟ لهدرجه جده!!
مسحت على راسها:بَراق ؟ ياعين جده انتِ لاتتضايقين بيعرف خطاءه مع الوقت وبيندم والله ولاهو بمكررها ياعين جده انتِ لاتتضايقين وتفكرين ارتاحي يامي انتِ ونامي
وفعلا مسحت على راسها وهي تقرا قران ونامت
فله ال طَارق، طَارق شاف أليَث نزل لحاله:وين إنجام مامعها سياره
أليَث:تقول تبي تجلس عند جدانها هالاسبوع مشتاقه لهم
ابتسمت مها:مالنا حق نردها الي يريحها مامن بعد
دخلو، غرفه بّراق، تمدد على السرير يفكر(ياربي الي سويته غلط ولا صح؟ كيفها الحين؟مرتاحه؟معقوله عشاني هنا ماتبي تجي؟ زعلانه مني؟ طيب شسوييت!)
ونام وهو يفكر ، مر اسبوع بدون لايلتقون ولا يرسلون لبعض او يتصلون حتى ، كانو طَارق ومها ومدَاد ونهات وسُهى ودُنى يوميا العصر يروحون عند سُعاد و نيار بحكم انهم بنفس الحي وإنجام تكون يا عندهم يابشغلها، العصر بيت نيار وسُعاد ،دُنى:خاله وين إنجام؟
سُعاد بابتسامه:ياعيون خالتك بالدوام ياروحي
هزت راسها بالايجاب ، بعد ساعه دخلت سيارت إنجام ،وسلمت وجلست، دُنى:جوجو دليني المطبخ
وراحت معها وجت بترجع، دُنى:جوجو
ورجعت:سمي
دُنى:بَراق مضايقك؟ مزعلك بشي ليه مو عندنا لك اسبوع؟قولي لي يامي انتِ
ابتسمت إنجام ؛لا ياعيني مابيننا شي الحمدالله بس اني مشتاقه لجداني وجالسه عندهم وانتم كل يوم تجون وعشان كذا ودّي اكون مع جداني هالفتره احاول اغير جوهم شوي
ابتسمت دُنى ولاكن باقي فيها شك:تمام ياعيني انتِ
اليل قسم دُنى ونهات، دخل بَراق بابتسامه:امروني
نهات:اجلس
شغلت دُنى الصوت صوت الحديث الي دار بينها وبين إنجام خلص، دُنى:شصاير؟ حتى صوتها وملامحها متغييرن
نهات:بَراق مضايقها؟
بَراق:شسويت والله ماسويت شي!!
دخلت آيلين:مُجتمعين شصاير؟ اي صح ماما جوجو ماقلت لك متى بتجي؟
دُنى:لا بتجلس فتره عند جدانها بَراق تكلم
بَراق:والله ماسويت شي ولا اذكر اني زعلتها!
آيلين:اها كذا الى ياحبيبي يوم عاندتها بالسياره ياتبن البنت خايفه عليك تقوم تعاندها وانت تدري انها تنكتم
بَراق بعدم استيعاب:شسويت طيب!
آيلين:كل تبن مانقص الاكسجين عندها الى انت ودخانك حتى جيجي سالتها من وش انكتمت قالت من الغبار وواضح انه من الدخان من بدلت مكانها مع جلنار وفتحت الشباك وانت ماشاءالله عليك شتسوي طلعت بكت جديد ودخنت اقعد بها احسن هاذا وجهي اذا ماقلت لك طلقني حتى وهي طايحه بالمستشفى ماكلفت نفسك تسال
وقف وطلع، نهات:عشان كذا؟
دُنى:ماتنلام الصراحه
آيلين ووقفت:ولدكم وربي غبييييييييي
ضحك نهات:ندري الشكوى لله
وطلعت متجهه لغرفتها ،غرفه بَراق،بَراق بندم(كذا!! مني ! انا طشيتها المستشفى!طنشتها! اهملتهاا!! حتى ما ارسل ولا ادق عليها!!! )وتروش وبدل عشان ريحته كانت دخان وتعطر وطلع ، حارس البوابه:مين؟
بَراق:بدخل زوج إنجام
شاف الكرت ودخله وطبعا بيت نيار محمي من كل جهه بسب مكانته بالمجتمع ، دخل ولقيها جالسه بالجلسه الخارجية ولامه رجولها على بعض وضايقه فيها الدنيا من شكلها وكوب الشاهي المليان الي ثلج وهي ماشربته،التفت باستغراب على البوابه الي انفتحت بحكم ان الساعه11 استغربت ، طالعت فيه فشكله ، طالعت بالشخص الي طول هالفتره تنتظر جيته، تنتظر اتصال منه ، رساله ، اشتاقت له ، اشتاقت لعبطه، اشتاقت لحضنه، اشتاقت لصوته، لضحكته، بس يوجعها صده عنها التفت عنه ووجهت نظرها للاشجار الي امامها تتحرك من الهواء وتجاهلته ، طالع فيها بشوق، اشتاق لها، لحضنها،لصوتها،لضحكتها،لذباتها،لرسمها،لشاهيها،اشتاق لـ إنجامه ، ضاق صدره يوم صدت عنه وازحت نظرها عنه بس مايلومها ابدا ، كيف يلومها وهو السبب ؟
تقدم عندها، بَراق :إنجام
________________________
الي ودّه يستبق الاحدأث يلقى البارتات بالانستا مُتقدمه جدًا على الواتباد ، حسابي {len.1o1} ، واشوف رائيكم على روايتي ، قراءه مُمتعه ، اعطوها حقها بليز❤️
إعذروني ان تواجد خطا املائي
الى لقاء اخر
أنت تقرأ
عينيها طريَق و قلبي سّافر لأجلها
Poetryأجتمع الجنوب والشمال فيّ > ، طُرق لم نتوقع بالمرورِ منهِا بيوم ، أماكن لم نتخيل بزيارتهّا ، أشخاص لم نُدرك بأجتماعنا معهم بأصعب الطُرق ، حُب ، حنان ، مشاعر ، أهل ، إصحاب ، أخوه ، عداوه انتهت بِـ مودة ، لم الشمل ، معرفه حقيقه مُره وانتهت بجمال ، أشتي...
