عينيها طريَق و قلبي سّافر لأجلها

p2

طالعوهم الموجودين بصدمه، غيَاث:ايي داقين علي يقولون لقينا ارقامكم من سجلها المدني
طلعو مُسرعين بعد ما قال لهم غيَاث اسم المستشفى الي بينقلونها له كُل البيت بدون استثناء طلعو ، دخلو وشافو ممرضين ودكتورين برا ينتظرون ، اتجه أليَث لاحدهم: اختي! اختي ! اختي إنجام
الممرض :هد بيجيبونها بالاسعاف الحين
وصلو الاسعاف ونزلو السرير الي هي فيه وفوقها مُمرض ينعشها: دقات قلبها كل مالها تقللل
المُسعف :دقات قلبها 6 !! استعجلووو!
وراحو دخلوها الطوارى وال طَارق وراهم خايفين منقبضه قلوبهم من منظرها ، تارا بكت عند أليَث :ليوث مابتروح صح! تو علاقتنا صارت حلوه!
حضنها يهديها ، نهات وبَارق الي محترقه اعصابهم من الخوف ، شافو المُمرضين قربو جهاز الانعاش وشغلوه سكرو الستار وينعشوها ويسمعو صوت الدكتور :اعلى ! اعلى ! اعلى !
بعد ربع ساعه مُستدامه وهم يصعقونها رجعت انتظمت دقات قلبها ، الدكتور براحه وهو يمشي ويتكلم مع الممرضه: نومها حاليا لاتصحى الى بعد 24 ساعه وبعد ما نتاكد من كُل شي -طالع بساعته- الاشعه الساعه7 الصباح والرنين الساعه 9 زين؟
الممرضه: يكون معها مُرافق؟
الدكتور :اي عادي
تقدم أليَث: إنجام كيفها!
الدكتور بابتسامه:هد الحمدالله توقف قلبها مرتين بس الحمدالله انتظمت دقات قلبها لاكن بنومها لين بكرا للاحتياط
سمعو صرخه من كاانت إنجام بتتحرك ، تقدمو كلهم عندها ، دكتور وهو يرجع اكتافها: اهديي
إنجام بالم: بعد بروحح!
أليَث وهو يهديها: إنجام اهديي وين تروحين
حقنوها منوم ، إنجام وهي بدت تتنام بصوت خفيف: لياااال! ليااال! أصيل!
ونامت ، طالع فيهم أليَث:ليال وأصيل تعرفونهم؟
بَراق : معها بالدوام يوم رحت انا والمحامي كانو موجودين وأصيل خويي!
غيَاث: لهم علاقه يعني؟
بَراق :مادري بس الي اعرفه ليال صحبتها وبس
جا شرطي :اغراضها الي حصلوها من الحادث اذا صحت بنجيها
أليَث:لو سمحت اخوي
الشرطي:امرني
أليَث:كان معها احد وقت الحادث؟
الشرطي بُحزن:معها بنت بس توفت الله يرحمها وواحد كان بالسياره الي مقابلهم عنده كسر برجله اسمه أصيل
انصدمو من الخبر ، بَراق:البنت اسمها ليال؟
الشرطي :اي ، استئذن
وطلع ، جلسو وهم يحاولون يستوعبون ، بعد نص ساعه جت وحده كبيرا وبنت وولد ، جلست الحرمه ومسكت يد إنجام وهي تبكي تحت انظارهم المُستغربه: راحت ليال يا إنجام!! راحت وتركتني وتركتك! تركتتتنا! تركتت ضناهاا
البنت وهي تهديها: يمه بس! خلاص !
وانهرت بكي ، الولد حضن ام ليال بغصه:هدي ياخاله! هدي !
تقدمو البنات وعزوها، ام ليال ووهي عند إنجام تبكي:رراحت وتركتنا راحتت ومابقت لنا غير تاليا ! تركتها ! حسبيي الله عليه من دوام الي سلب مني بنتِ وطش بنتِ الثانيه بالمستشفى! الله لايردهم ياااااارب
وجت ممرضه حقنت ام ليال مُهدى وخدتهم برا
اليوم الثاني العصر ، المستشفى
انهارت إنجام:مسستحييييييل! مستحييييل ليال ماتروح! مستحييل! شذنب تالياااا! امُهااا!! لا غيَاثث تكذب! تكذب كلكم تكذبووون!
حضنها غيَاث يهديها: قولي لاحول ولا قوه الا بالله قضاء وقدر
إنجام وهي تبكي:مستحييل غيَاث! تسمع شتققول!! بسبب طيشش مُراهقيييين راحت لياااال! مُتسحيل غيَاااث انا متاكده بوحده من الغرف !
جت ام ليال وبعد غيَاث حضنتها وبكت: هدي هدي! مابقى لي الى انتِ وحنين وتاليا بهالدنيا ! لاتوجعيني فيك!
إنجام وهي تبكي: خااااله مستحيل تسمعي شيقولون!! ليااال! لياال! تتركني! تترك بنتها!!! تترك امها!! مُستحييل!
وحطو الممرضات مُنوم لها ونامت ، بكت ام ليال وقبلت جبينها:استودعتك الله الذي لاتضيع ودائعه-طالعت بالموجودين-انتبهو لها تكفون!
وطلعت ، بعد اسبوع طلعت إنجام وجلست بالبيت
العصر، الحوش
مسحت الجده مها على شعرها:كولي يامي!
إنجام وهي يالله تلف عشان ستاند الرقبه:مالي نفس
تارا جلست جنبها: جوجو كولي ماكليتي شي من فترا!
إنجام هزت راسها بنفي:مابي شي
طالعت بـ أليَث:سيارتي؟
أليَث:تالف
نهات :الحمدالله الي نجاك
إنجام هزت راسها بنفي:ليتني مُت
طالعوها بذهول ، جلست دُنى عندها بحنيه:لاتقولي كذا ياروحيي! قضى وقدر ! باذن الله نلتقي فيها بجنات النعيم
طالعت فيها إنجام ومحاجرها ممُتلئه دموع: تركتني! مـ... ماتت! تركتني وتركت بنتها يتيمه ! خاله دُنى !
حضنتها دُنى بحنيه: قولي لاحول ولا قوه الا بالله واستهدي بالله
إنجام بغصه:راضيه تتركني بس تكون على هالدنيا! جد!
بعد نص ساعه ، طالعت إنجام بـ أليَث:توديني البيت؟
الجده مها:معصي والله ماتروحين !
دُنى:لا ياعيني مابتروحين بتبقين هِنا!
إنجام :بروح اجيب شي واجي بس
أليَث بابتسامه: سمّي شبغيتي اجيبه لك
إنجام :إيبادي والابتوب
وراح ، بعد نص ساعه اعطاها ، ساعدتها تارا تتكي بظهرها على الجدار ، جلست تفتح مقاطع وتفتح صور ومحادثات ، استغربو هدوءها ، جلست جلنار جنبها:شتشوفين؟
إنجام بغصه:ليال
وجلست تشوف معاها لين ماجات لقطه ولفت الكام على تاليا قفلت الايباد ونزلته ، جلنار بحنيه:شفيك؟ بنتها صح؟ تبين تروحين تشوفينها؟
إنجام بغصه:اروح اقول ايش؟ اقول انا قتلت امك؟ انا الي نجيت وامك ماتت؟
حضنتها جلنار:ششششش! لاسمعك تقولي كذا مالك ذنب باي شي صار ! كل شي صار مقدر ومكتوب مالك دخل فيه! قدر مانقدر نعترض عليه! شش خلاص!
إنجام:ابي اروح الغرفه
وقفت جلنار تساعدها تتكي عليها ودتها، نهات بضيق:ماتوقعت اني بشوف إنجام بيوم كذا!
بَراق وهو يحرك بياله الشاي: اذكر كل ماشفت إنجام ببمكان تكون معها نفس البنت وبنت صغيره
دُنى بضيق:تلوم نفسها!
غيَاث:إنجام دايم كذا تحط نفسها بوجهه المدفع او تحط الوم عليها وتقول بسببي !
رقت تارا بعد نص ساعه من طلوع إنجام ونزلت:مالقيتها!
أليَث:دوريها يمكن بالحمام او المطبخ او وحده من الغرف
هزت راسها بنفي: مو فيي بالبيت ابدا!
بَراق:بالمرسم -طالع فيهم-ماتعرفون منجدكم؟ اذا تضايقت ولا زعلت من شي ترسم
وقفو كُلهم وراحو ، لقيوها ترسم الحادث جلسو بالحديقه بصمت ، وكانت ترسم وتقطع الوح وترميها ، لين مارست على لوحه ورسمتها رسمت ليال وبنتها رسمت اول مرا ليالي تشيل بنتها باحضانها ، خلصت الرسمه وجلست تتاملها لساعات بدون تعب بدون شكوى بدون صوت ، تقدم أليَث وحاوط اكتافها: تكي بظهرك بيعورك
كانت صامته معدا دموعها الي تنزل ، انحنى وحضنها
جا آسر :إنجام في واحد برا يقول يبي يقول لك شي
أليَث وهو يوقفها:استندي علي
ومشت معه ، عند الباب ركضت من شافت ظلها وحضنتها:جوجوووووو
طالعت فيها وانحنت تحضنها، تاليا ببراءه: تخيلي خاله بنروح انا وبابا لـ أبها وانتِ وماما بتبقو هِنا إذا خلص شغلكم بتجون ونروح نتمشى
دخل ابو تاليا بعد ماشر له أليَث يجي ، ابو تاليا بضيق: عظم الله اجرك
وقفت إنجام بضيق: جزاك الله خير ، معد تجيبها؟
ابو تاليا بضيق: كيف ما اجيبها اهلها هنا بجيبها لخالتي بين فتره وفتره ومتى ماودّك تشوفينها بلغيني اجيبها -طالع بتاليا-يالله بابا ودعيها عشان بنمشي
حضنتها وقبلت خدها: بنتظركم زين
هزت راسها بالايجاب وبلعت غصتها ، استئذن ابو تاليا ومشو قفل آسر الباب ، طاحت إنجام على ركبها وحضنها أليَث وكُل ماشد عليها زادت شهقاتها الكُل يسمعها ، يسمعون وأنينها ، يسمعون صوت بُكاءها ، يسمعون تردديها لـ~بسببي~ ، جلس نهات على رُكبه امامها: إنجام ابوي تسمعيني ! طالعيني !
طالعت فيه ودموعها تنزل ، اكمل نهات بحنيه:راحت للي ارحم مني ومنك راحت من هالدنيا الفانيه اختارها الله  اختار ياخذ امانته يومها يابوي انتِ يومها وكل شيٍ صار ماهو بيدك قضاء وقدر
إنجام بصوت به بحه:تقول انتظركم! انتِ وماما بتبقو هنا تجو بعدين بنروح انا وبابا الحين ! عمي تقول انتظركم! عمي ماتعرف! ماتعرف!!
حضنها نهات: اكيد يابوك مابتعرف صغيره ماتعرف ابقي معها كوني معها عوضيها عن فقدها لامها لو ماتقدرين بس حاولي بتكبر وتفهم
إنجام وهي حاضنته: ليشش! ليشش! ليشش ما مُت اناا! ليش هي ماتت وخلت بنتها!! ليتني مُت وبقت هي مع بنتها!! اخخ عمي قلبييي قلبيي يعورنيي ! كل شي صار فجاااءه! عمي كنا نضحكك! نضحك ونصور طبيعيي!! حتى الحزام رابطينه !! فجاءه صحيت وأصيل يصحيناا!! هي ماصحت!! عمي هي ماصحتتت!! ضحكت معاي وتقهوت معاي وحضنتني!!!! رايييييحين فحال سبيلنااا! السياره تعدمت قلعتهااا بدالها الف سياره ! بس ليال! ليال؟ ليال وحده ماتتكرررر!! ليتني مُت وبقت هي تبقى مع بنتهااا! عمي فقد الااااام يوجع صعببب! صعبب ! بتكون لوحدهاا بكل شي! بتطيح وتوقف وحدها!!! اوكيه مهند بيكون معها بس ليال؟ ليال ؟ مو معها!!! قلبييييي يعورنييي عمي!
شد عليها وهو مو عارف وش يقول انبتر لسانه ، التزمو الصمت كلهم من سمعو كلامها ، شهقاتها، دموعهاا، تقدمت سُهى وبعد نهات حضنتها : هي معها ابوها واهلها وحنا معاك ! مابنتركك
هزت راسها بـنفي: لو ! لو مهما كاان الام غيييير! انا اعرف!
شدت عليها سُهى: مُمكن تهدين؟
إنجام الي انكتمت ، تقدم بَراق بعد ماجاب بخاخ الربو ومده لـ سُهى الي تطالع باستغراب،بَراق:مكتومه
وخذتها استنشقت منه اُكسجين وارتاحت جت توقف ، تقدم أليَث بيسندها استوقفته يدها:بقوم بنفسي!
وقفت نفسها بصعوبه ومشت اتجهت لـ غرفتها ، تنهد أليَث:حتى اختي ماعرف عنها شي-طالع ب بَراق -مشكور
بَراق :مابيننا
غيَاث: لا صدق ابي اعرف اختي مايصير انت تعرفها اكثر منني! علمنيي
ضحك بَراق:حسستوني اعرفها عرف مو مرا ترا بس شفتها كم مرا تنكتم وتبخ من البخاخ و اذا صار شي وزعلت ترسم وروحاتها للجنوب اغلبها كذا بس وو
وقفها أليَث:هوب هوب وتقول ماعرفها مرا !
جا غيَاث بتمثيل للعصبيه:ولد شتبي باختي!!
بَراق بتمثيل للعصبيه:ولد بنت عمي ترا!!
ضحكو الموجودين ، ابتسمت بخفوت وهي تشوفهم مع الشُباك، الساعه 9 طق الباب ، إنجام اعتدلت :ادخل
دخل أليَث وغيَاث بابتسامه وجلسو عندها، غيَاث بابتسامه مسك يدها بحنيه:كيفك؟
إنجام بطيف ابتسامه: الحمدالله
أليَث بابتسامه: عارفه ليش جايين لاتضيعين ههههه
غيَاث بابتسامه: اي ههههه
أليَث بابتسامه:وش رائيك؟
غيَاث بابتسامه:موافقه؟ مو موافقه؟
أليَث ضحك:وربي غش يعرفك اكثر مننا تخيلي!!
غيَاث وهو يضحك:وربي احس لو بساله انتِ وش شاربه امس بيجاوبني بعد ههههههههه تبون الصراحه احسه احسسسسسه يحبك
ابتسمت بخفوت، طق يدها أليَث:شف شف قليله الادب ضحكت اعترفي هههههه
إنجام رفعت اكتافها بعدم معرفه: اول مرا احد يحبني بعد ليال
سكتو ، غيَاث بغمزه:يعني نقول فييييي عرسس!
إنجام بابتسامه:في عرس
ابتسمو وحضنوها، أليَث دمع:احسني شايب احد يجي يخطب اختي مني واسالها لا وهي اكبر مني بعد
ضحكو ، غيَاث وهو يضحك: النذذذذل الحين بيقول اختك واختك والله اعرفه حيوااااان
ضحك أليَث:اكيد بيحاررشك
ابتسمت وجلست تتاملهم ، مسك غيَاث يدها وقبلها بحنيه وبعدها طالع فيها وهو مُمسك بيدها: إنجام حبيبتي مهما كان ترانا اخوان وايش مايصير اخوان ومابيتغير هالشي
أليَث بابتسامه تمدد على فخذها يبيها تلعب بشعره وفعلا جلست تعلب فيه : حنا اخوانك وسندك محنا تاركينك بيوم من الايام ولا بنخليك صح فترات تجينا لعانه مادري من وين بس اسف اذا اخطيت بحقك او اذيتك
دخلت تارا وتكتفت بابتسامه:عشتو وش هالقعده الرومنسيييه! بدوووني ياخونه
فتح غيَاث يدينه:تعالي يا اوختي العزيزه سحبو علي
حضنته، غيَاث:جهزتي فستانك تدرين عندنا عرس
شهقت ووقفت:عرس ! عرس مين ومين! ليه ماعرف!
ضحكو، أليَث قبل خد إنجام:جوجو وبَراق
ابتسمت بواسع ثغراها:كذااااااابه! عييني ياعينييييي غرقانين بالعسسل وتو ندري
ضحك أليَث وضربها على راسها: ترا جيت بسالك و بعد جدي يقول انزلو العشاء
ساندها غيَاث ونزلو من الدرج ، وجلست تارا وأليَث يطقطقون عليهم ، جلسو تارا و إنجام عند البنات وطلعو برا ، أليَث بابتسامه وهو واقف:عمي
نهات بابتسامه التفت له:سم
أليَث:سم الله عدوك ابيك شوي لاهنت
وقف وابعدو شوي ، ابتسم أليَث:احسني صرت شايب يخطبون اختي مني هههههه إنجام موافقه
ابتسم نهات بواسع ثغره:الله يوفقهم يارب ويسعدهم
أليَث بابتسامه:اللهم امين
نهات بابتسامه :اجل الملكه هالاسبوع مطافيق هالاثنين فجاءه تطير هي الجنوب وهذاك يا يطير وراها ولا لـ الطايف
ضحك أليَث:الي تشوفه
طلعو وجلسو ، نهات بابتسامه : هالله هالله بضيوفي هالاسبوع
الجد طَارق باستغراب:منهم ولوش عازم
نهات بابتسامه:ملكه بَراق و إنجام
طالعو فـ بَراق ونهات، الجد طَارق ابتسم بواسع ثغره:هاذي الساعه المباركه والله ولاحنا بلاقين احسن من بَراق لـ إنجام ولا احسن من إنجام لـ بَراق الله يوفقهم يارب
داخل بعد ما نهات خبرهم زغرطو آيلين ودُنى، ابتسمت إنجام بخجل من باركو لها ودعوات لها ، جلنار وهي تجلس باستغراب:شالسالفه
إقبال:مادري يباركن مادري ليه
حضنت آيلين إنجام: وشش كيفي ابارك لزوجت اخوي شتبوون
إقبال بعدم استيعاب ، صرخت ريَا:كذااااااابه جوجوووو ياحيوااااانه!
ضحكت آيلين:والله ههههه ملكه إنجام و بَراق هالاسبوع
_____________________
تنزيلي بالانستا يومي ومتقدم على الواتباد
حسابي{len.1o1} ، قراءه مُمتعه ، اعطوها حقها بليز❤️
إعذروني ان تواجد خطا املائي
الى لقاء اخر