عينيها طريَق و قلبي سّافر لأجلها

p22

‏«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»

مطار البحرين ، نزلو وركبو السيارت الي استأجروها
الوليد وهو يكلم أحمد"اخو ميساء":اي اليله يناسبكم؟
أحمد بابتسامه:اي حياكم الله
وارسل له الموقع ، وفعلا اتجهو له ، بيت كبير طول بعرض اشبه بقصر محاوط البيت اسوار طويله وحرس عند البوابات ، دخلو ونزلو وسلمو بهيبتهم
طَارق بهيبته ورزته بالمجالس:ابو احمد
ابو احمد بابتسامه:يالله حي اهل السعوديه امرني
طَارق بابتسامه وهيبه:مايامر عليك عدو والله حنا جاينكم اليله لجل موضوع خير
ابو احمد ساكت بابتسامه ،كمل طَارق بهيبته:ودنا بالقرب منكم
ابتسم ابو احمد:من يابو مدَاد
طَارق بابتسامه:نبي نخطب بنتك ميساء على سنه الله ورسوله لحفيدي الوليد بن همّام
ابتسم وهو عارفهم عرف وعارف الوليد خص:نتشرف فيكم وبنسبكم يابو مدَاد والوليد ماهو بغريب علي وتبشرون بالخير اسال لكم البنت وارد عليكم باذن الله وعشاكم بكرا عندي قل تم
طَارق بابتسامه وهيبه:الشرف لنا يابو احمد ابدًا خذ راحتك وان بغيت تسال عن حفيدي نتشرف بك بالسعوديه واعذرني يابو احمد الجايات اكثر باذن الله ودّي والله بس حفيدي بَراق مسوينن عشاء لعمه واهله عشانهم ناسبو بعض بعد بكرا وطيارتنا بكرا الى حياك الله على عرسهم بعد اربع ليال
ابتسم ابو احمد:ابد معذورين وابشر والله باذن الله ان كتب الله لنا نعيش لهاليوم حضرناه
ووخذتهم السوالف لين استئذن طَارق ومشى
دق سلطان بابتسامه على بنته:كيفك يابوي
ميساء بابتسامه:بخيييير كيفك انت طمني عنك كيف امي والبنات والعيال واحشيني بس بحضر زواج صحبتي وارجع باذن الله
ابتسم:بخير دامك بخير الله يوفقها الى يابوك تعرفين ولد عمها الوليد خوي اخوك؟
ميساء بتوتر:ايي عرفته
سلطان بابتسامه:توه طلع من عندي هو واهله خطبوك له وش رايك ؟
ميساء بتوتر؛مادري ابوي بفكر واستخير وارد لك
سلطان بابتسامه:زي يابوي خذي راحتك وانتبهي لنفسك فمان الله
وقفلت ورجعت للجلسه وكان فيها إنجام مياسه تالا إبحَار جلنار ، وجلست وطالعت بـ إنجام:تعرفين !
إنجام بابتسامه:ها شراايك؟
ميساء بتوتر:مادري اساسا اول مرا ابوي يكملني ان احد مو قريب لنا وخاطبني يوتر!!
ضحكو الموجودين ، جلنار بابتسامه :شعليييك بس شافك لمحك لمحه تليتي قلبه!! ههههههه فكرري واستخيري
ميساء:قومو بس نصلي وننام لاتنسون العشاء!
ووقفو واتجهو يصلون وينامون بغرفه إنجام ، ميساء وهي متمدده على الكنب:بنات احس بشعور غريب
إنجام بابتسامه جلست وقابلتها:كيف؟
ميساء جلست:مادري راحه
مياسه:استخرتي!
ميساء:اي راحه غريييبه انشرح صدري
إنجام بابتسامه صفقت بخفيف:في زواااج!! وافقي بلغي ابوك انك ارتحتي ووافقي
ميساء بخجل:مادري مستحيه!
ضحكت إنجام:كنت زيك بس قلتها لاسئللك قولي له يالله ناموو توترت بطني يمغصني مابي افكر
ضحكو الموجودين ونامو ، اليوم الثاني صحو وهم مشغووووولين بالترتيبات وترتيب قسم الضيوف الي بيجلسون لين بعد الزواج والمجالس ، المغرب طاحو البنات بالجلسه الي بالحوش الامامي، إنجام وهي تتنهد بتعب:ياربي الحين البيت كبير ومليان عاملات وحنا وانهد حيلنا وماخلصنا!!!
تارا وهي تجيب الماتشا لهم وجلست بتعب:احمدي ربك جهزتي قسمكم من بدري ونقلتي اغراضك وخلصتي ولا كان انهرتي
طلعو العيال وهم منهد حيلهم من تنظيف الحوش وقسم الضيوف الي يخص الرجال ، وجلسو بطرف ، بَراق حط راسه بحضن إنجام وتمدد بتعب :ظهري معد احس فيه!!
إنجام وهي ترمي راسها على الكنبه:يمه كلنا انهد حيلنا!! وورانا عروس واجد!! بصيح بوبو خل نهرب!!!
بَراق وهو يتنهد بتعب:اي هاذا الي بيصير بنخلص من عرسنا ونهرب الباقي سنعو انفسكم
آسر وهو يطالع بتارا:قلت لك ياتوتي خونه مثلهم ماشفت!
تارا:والله يآسري فعلا خيانتهم لاتُغفر!!!
جلنار تنهدت بتعب:سدو حلوقكم انتم وش جاكم تتزوجون يوم نقلنا ليه ماتزوجتو بالرياض البيت اصغر من ذا بشوي على الاقل
طلعو الاباء والامهات بيجلسون برا وضحكو على اشكالهم، نهات وهو يضحك:وش فيكم هههههه
مدَاد وهو يضحك:جثث ههههههه
همّام وهو يضحك:اللهم سكنهم مساكنهم هههههههه
وقفت إنجام ووقف بَراق وهم مستندين على بعض، إنجام بتعب:معد فيني حيل لاتقولون لييي شيكي ولا حطي !!!!
بَراق بتعب:المفروض العروس والعريس مايسوون شي انتم كرفتونا كرف ارحمونا صرنا نسمع طقطقه عظامنا !!
ومشو وهم شوي ويطيحون، ضحكو من اشكالهم، ضحكت دُنى وجلست:رحمتهم! هههههههه
وبدو شوي شوي ينسحبون البنات والعيال ، الساعه10 ، جت العامله ونزلت الشاهي ، سُهى:وين البنات والعيال
العامله:نوم صاله كلو!
ضحكت دُنى:كلهم!اي صاله
العامله:حق توزيعات
فيروز وهي تضحك:خرب الشغل ههههه
العامله:اصحيهم؟
دُنى:لا خليهم هم شوي ويصحون
وراحت ، وفعلا بعد ساعتين ،الساعه12 ، صحت جلنار وصحت إنجام وضحكو على اشكالهم ، تارا وآسر جالسين على الكنب تارا سانده راسها على كتف آسر وآسر ساند راسه على راسها والوليد متمدد على الكنبه و توليب نايمه وهي متكيه بزاويه الكنب ضيّ وسيرين طايحين على بعض ونايمات بَراق ساند راسه بحضن إنجام ومتمدد على الكنبه آيلين نايمه وهي متكوره على نفسها بالارض ومتغطيه و أليَث وغيَاث كل واحد متمدد على كنبه ومغطي وجهه بشماغه ريَا كانت متمدده بحضن جلنار بس صحت وإبحَار ومياسه وتالا نايمات وهم تاكين على بعض ، ضحكو إنجام وجلنار وصورهم صور وفديوهات ، وصحوهم وطلعو برا، جلسو وهم يضحكون، إنجام وهي تضحك:كيف نمنا!!
جلنار وهي تضحك:بس احس الحين صار عندي طاقه ههههه
ورتهم إنجام اشكالهم وضحكو ، وشوي شوي جو البنات والعيال ، ضحكت ميساء:شوفو غيَاث والوليد وأليَث كانهم جثث!!
ركزو وفعلا ضحكو ، إنجام وهي تضحك: صافين بالدور هههههه
جلنار وهي تضحك:انا ماحزني غير توليب ياعوينتي على الزاويه ونومتها غلط وبرد على الجدار
توليب بدموع:جسمي بيعورنيي!
ضحكت جلنار:من نومتك الغلط!
توليب حطت راسها على كتف ابوها بدموع:بابا شوفون ! كلياتون علي!! اخ ظهري وايدي مكسريين!
ضحك وهو يهمز لها ظهرها:بسم الله عليك ماعليك منهم
وقفت إنجام:الصراحه فيني نوم للان بروح انام صحوني الفجر اخاف ادعس!
وقفت ميساء:معك معليك احط منبه ونصحي
وراحو إبحَار و مياسه وميساء وتالا معها ينامون ، جلنار بابتسامه:يهبلون ياخي!!!
ايلين بابتسامه:تبين الصراحه اول ماشفتهم ماتوقعتهم كذا روحهم حلوه
سيرين بابتسامه:عسولااااات والعتيبيه باتخد العئل
جلنار ضحكت:إبحَار خارج نطاق التغطيه جد مب صاحيه هههههههههههه
دُنى بابتسامه:ماجلست معهم واجد كيف شخصياتهم؟
جلنار بابتسامه: شوفي مياسه رسميه باشياء ومرحه باشياء تالا وإبحَار وسيعاات صدر وبالهم طويل وروحهم حلوه ودّك معهم دايم ميساء قمه بالرُوقي انسانه ذربه والي يعجبني فيها ثباتها الدائم بكُل المواقف وغيره التزامها بصلاتها على وقتها
فيروز بابتسامه:اسم الله عليون كلياتون بياخدو العئل
وقفت جلنار:بروح انام عشان يمدي اصحي بكرا بدري
وكل شوي ينسحب شخص شخص ينام
الصبح الساعه 6 ، كانت إنجام تُملي على العاملات اش يسوون ، نزلت دُنى بابتسامه:واي ياحلو عروستنا صحيتي بدري!
إنجام بابتسامه:دوديي اي تبين الصراحه نمت ساعه بس
ضحكت دُنى:ليش؟
إنجام:متوتره ياخي!!
مسكتها وجلسو ، دُنى بابتسامه: تكلمي عن كُل شي يوترك ويخوفك واوعدك ترتاحين
إنجام بدت تتكلم مع دُنى بكُل اريحيه وقالت لها عن كُل شي  ،إنجام بتوتر:ومابي اصير ام
دُنى مسكت يدينها بحنيه:ليش يامي؟
إنجام بتوتر:اخاف اموت واخــ..
دُنى مسكت يدها بحنيه:لاسمعك تقولي هالكلام مره ثانيه الاعمار بيد الله لو ماجبتي اطفال الى بعد خمس سنوات وكاتب انه بيصير شي بيصير هالشي قدر يامي مانقدر نعترض عليه وبالعكس ماتدرين يمكن تصيرين ام ويصير هالطفل حياتك ومافيها يؤنسك كلمي بَراق بهالموضوع عادي يامي
إنجام بتوتر:كلمته
دُنى بابتسامه:شقال؟
إنجام:نفس كلامك وقال انا ابيك مابي الاطفال اذا كتب الله لنا كتب واذا ماكتب خيره
حضنتها بابتسامه:خلاص اسمعيه!
إنجام بابتسامه وهي حاضنتها:أحبّك!
دُنى بابتسامه :وه ياحظي انا وولدي بس يالله بروح اصحيهم وانتِ اجلسي بغرفتك عشان تسوين اضافرك وبعدها نبدا نتجهز
إنجام بابتسامه هزت راسها بالايجاب وراحت ، الساعه 9
جت دُنى غرفه إنجام:عروستي؟
إنجام بابتسامه:عيونهاا
دُنى بابتسامه:خلصتي
إنجام بابتسامه:اظافري والشعر لبسي ببدل بعد الغداء واكون جاهزه
دُنى بابتسامه: تكفين بشوف ردت فعلهم بعد ماغيرنا الطريقه ههههه
إنجام ضحكت:متحمسه
دُنى بابتسامه:شبتلبسين؟
إنجام:الاحمر
دُنى صفقت:اف ولدي بيروح فيها ! ههههههه
ضحكت إنجام بخجل:دودو!
ضحكت دُنى:من اليوم نصرفه ترا
إنجام بابتسامه:اي كذا حلوين
ضحكت دُنى وطلعت ، الساعه 3 العصر ، نزلت إنجام بكامل زينتها طبعًا بعد ماخلاص اكدو العيال انهم مابيدخلون وجهزو ، صفرو وصفقو لها البنات وهم جالسين بالمجلس وإنجام تنزل من الدرج بكُل دلع ورقه وابتسامتها الساحره ، سلمت على الضيوف الموجودين وجلست، ام خلود وهي تطالع بـ مها:الى يام مدَاد منهي بنته؟
مها بابتسامه:بنت مدَاد
ام خلود :اياتهن اخبر عنده ثنتين
مها بابتسامه:بكره
ام خلود:اليتيمه؟
استصعبت إنجام هالكلمه وكيف اوجعتها ، مها بحده:الله يرحمها يام خلود وش هالحتسي!
سكتت ام خلود ، مسكت سُهى يد إنجام تهديها ، اشرت لها إنجام بعيونها بمعنى"ماعليك" ، شوي شوي بدو يجون الضيوف ويستغربون من عادتهم الي غير عن عادتهم ،
ام حنين "اخت طَارق من ابوه"ضحكت باستهزاء :الله والعالم يامها انتس طفرتي باخيي وعييله عاني بناتهم وحريمهم مايلبسن الذهب
إنجام بابتسامه:نلبس اغلى من الذهب ياعيني الماس الي علينا ولاحنا بعجزانين عن الذهب يزهانا لو بغينا شرينا محل كامل بس تعرفين محنا حديثين نعمه
ابتسمو البنات والامهات وحتى مها ، ام حنين وهي تطالعها بطرف عين تكلمت:الى وين عروسكم ! حشى محنا بماكلينها
دُنى مسحت على ظهر إنجام بابتسامه:هاذي هي عروستنا
طالعو بعض بصدمه وكييف بنت وعروس وتتكلم وذي غير عادتهم الي اعتادوها ، ام حنين بذهول وغيره:امحق ماتربت واضح ماهي بعادتنا وسلومنا تحسي العروس ولا تفتح فمها
ام سالم طالعتها بغيره واضحه:وعوينتي على ولدكم على وش ماخذها لازين ولاحلى معصقله!
إنجام بابتسامه:حبيبي معايركم ومعايير جيلكم غير عن معاييرنا على وش ماخذني لانه بكيفه اعتقد يختار الي يبي؟ ولا المربربه والسمينه على زمنكم لاكن الحمدالله حنا عقولنا افتح منكم
ام سالم بقهر طالعت مها:ربو بنتكم وعلموها تحتسي زين! ولا صح نسينا امها متوفيه من يربيها
إنجام بابتسامه:متوفيه الله يرحمها يارب من يربيني؟ رباني اخوك وولده الي تربيتهم مثل تربيتك معن الفرق واضح من الي تربى ومن ماتربى واسمعيني زين كلمه زياده عن امي بجرجرك بالمحاكم سامعه!!
ارتعبو من حده صوتها ، مها بتضييع:يامي إنجام نادي بَراق يسلم على عماته
إنجام وقفت بكره وطلعت تناديه، جا بالسيب،ولاحظ ملامحها المنقهره ومعصبه:جوجو شفيك؟
إنجام بقهر وهمس:قهروني بس يتكلمون عن امي واني مو متربيه!!ادخل جده تبيك تسلم عليهم
مسك يدها ومشى قبل راس امه وجدته وجلس جنب إنجام الي جالسه جنب دُنى،مها :بَراق سلم على عماتك!
بَراق وهو لازال مشابك يده بيد إنجام طالعهم:عماتي إقبال وجلنار
مها :ام حنين وام خلود وام سالم الي قبالك
بَراق وهو ماسك يد إنجام خذها وقبلها وحطها بحضنه وهو ماسكها:الي مايحترم زوجتي ماعرفه
ابتسمو البنات و إنجام ودُنى وسهى وفيروز ،وقف بَراق وطالع بجدته الي تبتسم :تامريني بشي جده؟
مها بابتسامه:سلامتك
قبل خد إنجام:اذا بغيتي شي بلغيني
وطلع ، ابتسمو البنات بواسع ثغرهم انه ضغطهم ،ام سالم بقهر:الواضح مامن تربيه كلن قليل حيا
دُنى بابتسامه:من قليل الحيا يام سالم؟
ام حنين بقهر وغيره:ولدتس مايسلم على عماته ويبوس لي بزوجته
دُنى بابتسامه:قلتيها زوجته مالتس شغل مايسلم كيفه السلام مو غصب
سكتو بقهر ، وقفت ميساء بابتسامه:جوجو تعالي معاي شوي
وطلعو راحو المطبخ ، ميساء بابتسامه وودها تصارخ بهمس:بَراققق ذا كافئيه
ضحكت إنجام:ماتفوتني هههههههه اخخخ برد حرتي والله
جت إقبال المبتسمه باست خد إنجام:قسمًا بالله تستحقين انتِ وبَراق جائزه
ضحكت إنجام:اي صح قوقو ذيك الي بالنص شفيها منقهره؟؟
إقبال بهمس:كانت تبي بَراق ياخذ بنتها ويوم سمعت انه ملك حولت على الباقي بس اكثر شي كان ودّها ببَراق شفتيها منقهره ومنضغطه منكم وماعليك منها
إنجام غارت :ووش تبي بَراق قلو الرجال!
ضحكو من غيرتها،ايلين :حبيبي بَراق مايطالع غييرك يموووت فيك وجدًا واضح ويحببك تبينه يخليك وياخذها يخسون
إنجام بغيره:ام اصفر؟؟ تقل سحليه
ضحكو عليها كلهم ، مياسه وهي تضحك:اول مره اشوفك تغارين هههههههههه
أبحَار وهي تضحك حضنتها:غيوررره بنتنا ماعليك منهم ياشيخه
إنجام بابتسامه سكتت وهي فعلا ادركت غيرتها ، مشو ورجعو داخل ، تم العشاء والضيافه والعزيمه بكبرها محد بالع إنجام  والسبب بمنظورهم ان إنجام خربت على بناتهم وخذت بَراق ، الساعه 11 سهرانين بالحوش لاعيال ولا بنات احفاد طَارق وصحبات إنجام،جلست ايلين وهي تضحك:توتو تقل سحليه ههههههههه
انهارو البنات ضحك ، إنجام:وجع انقلعو
بَراق:وشفيهم مهبل
جلنار وهي تضحك:لا بس شفنا سحليه تو هههههههههه
تالا وهي تضحك:يبنات تغير لونها صار اخضر ههههههههه
ميساء حضنت إنجام وهي تضحك:وجع عاد الى إنجاميي
بَراق:لو...
ميساء تاففت:الى إنجام البَراق خلاص ! هههههه
ضحكو الموجودين كلهم ، جات بنت ام سالم سُميه وهي لابسه بجامه خضرا تحت عبايتها وعبايتها مفتوحه وهي اساسا مو منقبه ، جلست بطرف بغنج مقرف:كيفكمم صبايا؟
ضحكت توليب:ولي على إمتي! هههههه
وضحكو ضحكه مكتومه، سُميه بكره:شفيكم
إنجام وهي تضحك بخفه:لاسلامتك اقعد منوره بالاخضر هههه
سُميه بكره:حلوه صح اي ادري
جلنار وهي تضحك بخفه:اي مراا حلوه حبيبي ذوقك يجنن
بعد نص ساعه قامت يوم شافت الكُل يتجاهلها، طالعو البنات ببعض وانهارو ضحك، إنجام وهي تطيح بحضن بَراق:اخخ بطني ههههههه
مياسه وهي تضحك:حلوه صح ااي اي ادري هههههه
ميساء وهي تضحك:ايي مرا حلوه حبيبي ذوقكك يجننن
ههههههههه
وانهارو ضحك ، اليَث :كني كني بديت افهم
جلنار :المُختصر قوقو قالت لنا ليش ام سالم منقهره مننا وبس تتطش كلام على إنجام بمنظورهم ومفهومهم الغبي ان بَراق كان بياخذ بنتها وإنجام خذت بَراق من بنتها ام اخضر وجلسنا نضحك وتالا شافتها لابسه اخضر ومتنا ضحك وبس
اسر:سخيفييين
جلنار:اي لو تفهمـ...
إنجام بحده:وربي لو تتكلمين بلعنك!!كلكم الي تفكر تتكلم بتكلم انا بعد وابلشو
وضحكو ، بَراق بهمس:غرتي؟
إنجام طقته بكوعها مع جنبه، مسك جنبه بالم:يوجع بس فداك
ايلين:شسوييييتي باخوي!!
إنجام:بيجيك مثله اذا ماسديتي حلقك
جلنار بسرعه: إنجام غارت من ام اخضر
إنجام وهي تطالعها:وجوجو بتنخطب!تستاهلين قلت تتكلمون بتكلم
طالعوها بصدمه ،جلنار بصدمه:جوجو!!!
إنجام:مالي دخل تستاهلين!
أليَث بابتسامه:اقعدددد وماندريي!
إنجام:اسمع الخبر ذا اذا طالع برا ذا الجلسه العنكم
غيَاث بحماس:مين؟
إنجام:محد له دخل
تكتفت جلنار بزعل ، طالعتها إنجام:تعرفيني زين احسن ازعلي
وراحت إنجام للمرسم الي بزاويه الحديقه، وجلنار لبست سماعتها وجلست بالجلسه الثانيه على الايباد ، ايلين بصدمه:اول مره اشوفهم يزعلون من بعض
تارا بصدمه:خلي عنك جوجو بتنخطب يعني مانخطبت يعني
ريَا بصدمه:يعني خوالي وجدو مايدرون وبس إنجام تدري!
اسر بصدمه وهو يطالعهم:الحين تهاوشو !! وزعلو من بعض!!
تنهد بَراق وقام عند إنجام ، إنجام درت انه هو :مازعلت بس قلت لاحد يقول وقالو ماحب ياخي!
بَراق وهو يتكي ويتاملها وهي ترسم:عادي بيننا واذا غرتي زوجك من حقكك
إنجام وهي ترسم بقهر : بس مابي احد يدري مالها دخل تعلم لاني مابي احد يدري طيب لانهم بيمسكونها طقطقه وهم ماحسو بالشعور يغبن وربي!!
بَراق :وانتِ قهرتيها وانتِ تدرين ان هالشي بيننا حنا الاربع ولاحد يدري لين مانستقر وبعد العرس بيجي
إنجام نزلت الفرشه وطالعته:ياخي شسويي بليا متوتره وكلام الي داخل زي السم ونظراتهم وتجي جلنار وتزودني وهي داريه وعارفه اني منضغطه منهم وسالتني وقلت لها اني منضغطه شسوت تكلمت وقالت عجزززت بوبو عجزززت!
بَراق جلس على ركبه امامها:والله ادري ياروح بوبو انتِ ادري انك عجزتي كان ماقلتي بالصريح كذا ريحي حبيبي ولا تتوترين من شي وعلى فكره ماني مستوعب بقى يومين عن العرس! خلاااص بنكون تحت سقف واحد ! محد له دخل اذا خذتك معاي لاي مكان ! انتِ مستوعبه ان حلمي بيتحقق!
ابتسمت بخجل:باذن الله
بَراق وقف:الجدار شفاف مب بصالحك بروح اشوف جلنار وابلغك!
ضحكت إنجام بدلع مايطلع الى لـ بَراق:خُذ راحتك بوبو!
قبل خدها:بوبو مايتحمل يبعد عن جوجو!!!
وطلع ، اتجه ووقف عند جلنار:جوجو بكلمك
نزلت السماعه:هلا
بَراق:زعلانه؟
جلنار بهمس:يعني ؟قهرتني محد يدري وتروح تعلم امه محمد!! لو احد سمع!
بَراق:طيب وانتِ كان ماقلتي بالصريح انها غارت عارفتها تحب تخبي هالشي
جلنار بهمس:وهي كان ماقلت اني بنخطب بالصريح زين انها ماقلت اسمه!
بَراق:طيب مقدر ان كلكم مضغوطات ومنقهرين من الي داخل بس لاتطلعون هالشي عليكم على علاقتكم وتخربونها ماتسوى وخطبتك ابو اصيل امس مكلم جدي يعني بيكلمك قريب معليه لو درو بيدرون كلكم الي سويتوه غلط تصدقين انهم مصدومين انكم تهاوشتو وتزاعلتو
جلنار لبست سماعتها:تطق راسها بالجدار ماقلت شي بتزعل؟خل تزعل
وجلس بَراق عندهم، ايلين:طاح الحطب؟
مسح على شنبه ووجه:زاد
تنهد غيَاث:اول مرا يتهاوشون من الي بيخطب جلنار؟
بَراق وهو على جواله:قريب تعرفون
اسر :يانذل تعرف وحنا لاااا!!!
الوليد:بحق تميزك عنا وش فرقت
جت إنجام من المرسم وطالعتهم وهي مقوصه انظارها:اذا طلع الكلام الي دار بيننا برا كل واحد فيكم بينلعن وفكرو فيها كيف بلعنكم ، تصبحون على خير
ضحك أليَث:وانتِ من اهله
وبدو ينسحبون واحد واحد ، الصبح ، الساعه8
الكُل وحتى الضيوف جالسين بجلسه كبيره بالحديقه الخلفيه ، وسوالفهم ماليه المكان ، سُميه بحقاره:الى خالي طَارق
طَارق :هلا
سكتو يسمعون، سُميه بحقاره:مبروك مادرينا ان جلنار انخطبت
انصدمو العيال والبنات ، طارق بتضييع:الله يبارك فيك للحين مافي شي اكيد وشوله تدرون وهو ما صار كل شي رسمي
سُميه بحقاره:اجل كيف إنجام تدري ؟
إنجام بابتسامه:حبيبتي الي ماتعرفينه خطيبها معاي بالدوام وطبيعي خذا مني رقم جدي عشان يكلمه فكري زين قبل تتسمعين وقبل تنقلين حكي زين ياروح امك ؟
وبدو يضيعون الموضوع، انقهرت سُميه وام سالم وهم كانو ناوين يخربون ، بدو شوي شوي ينسحبون ويدخلون داخل ، جا أليَث بهمس لـ إنجام:جوجو جدي يبيك بقسمه
وقفت وراحت ، طقت الباب ودخلت ، جدها بصوت عالي:بالمكتب
وراحت وطقت الباب ودخلت:سم ياعيوني
طَارق :اجلسي اجلسي موضوعنا طويل
وجلست ، طَارق:من الي خاطب بنتِ ولا ادري عنه؟؟ وكيف هالي تحت درت؟؟
إنجام بابتسامه: أصيل عرفته؟ كلمني انا وبَراق قبل فتره ويوم درا اننا ننقل قال اجل ماني جاي وحايسكم لا استقريتو جيتكم مع اهلي باذن الله وامس كنا نسولف عادي وبسياق الحديث ذكرنا هالشي وترا سُميه ماكنت في قامت من الجلسه وواضح كانت تتسمع وكنا نتكلم وطبيعي ذكرنا ذا الشي وبس ياعيوني
طَارق بابتسامه: دريت انكم ماتسون شي من وراي صح خططتو ههههه ولاكان كنتو ثابتين وواقفين بموقفكم كلمني ابو اصيل امس وش قولتس ؟ معتس انتِ بالدوام
إنجام بابتسامه:شوف أصيل ماشاءالله عليه رجال بمعنى الكلمه ماعرف اوصف واجد ههههههه بس اسال بَراق خويه
دق طَارق عليه:تعال لي بالمكتب ولاحد يدري
بعد ربع ساعه دخل بَراق ،بَراق باستغراب:اهـــلًا؟
طَارق:اجلس اجلس
جلس باستغراب:وش السالفه؟
طَارق شابك يدينه ببعض فوق المكتب : قل لي كل شيً عن أصيل زين وشين
بَراق بابتسامه:اها كذا الموضوع ، أصيل رجال والنعم به ولاهو بطريق الخراب ولاشي وحتى الدخان مايدانيه مصلي وصايم وخايف ربه وبار باهله يعني كذا مره ينزلني للبيت ويروح لهله ماشاءالله الله لايضره بختصار رجال والنعم فيه
طَارق وهو مشابك يدينه ببعض بغصه:كلمني ابوه امس يبي يخطب ولاني مستوعب من امس عنقودي!بنيتي!
قامت إنجام وحضنته من الخلف وقبلت خده:الله يوفقها يارب
طَارق بغصه:امين ، بيجي بكرا
بَراق بابتسامه:الله يوفقهم يارب
طَارق:اسمعني يابّراق ادري خويك وسنين انت وياه وحتى يوم نقل مازلتو مع بعضكم لاكن اذا استخارت جلنار ولا ارتحت ماني بغاصبها عليه!جاك العلم
بَراق:شدعوه جدي اساسا اذا مارتحت انا بقول يالله بس مناك مانبيك هههههه
ضحك طَارق :بكرا عرسكم!!
طالعته إنجام وشافت دمعته الي نزلت وحضنته:طَارق!
طَارق بغصه وهو يمسحه ويحضنها:الف مبروك ياعيوني الثنتين الله يوفقكم يارب ويرزقكم الذريه الصالحه ويسعدكم
إنجام بغصه هي وبَراق مع بعض:اللهم امين
طَارق :في مويضيع ابيه بيني وبينكم
رجعت انجام وجلست، طَارق بصوت خافت:لا يطلع من هنيا وانا مادري متى الله ياخذ امانته
إنجام و بَراق:بعد طولت عمر
طَارق بابتسامه:بكتب حلالي لكم
بَراق بصدمه:جدي فكر! عمامي عماتي ابوي!
إنجام بصدمه:اي طَارق فكر زين مالنا حق فيه كثر عمامي وعماتي !!!ومها!
طَارق:خلوني اكمل لكم ، بيبقى باسمكم انا فيه ناس لهم سنين ينتظرون طيحتي ولا طيحت نهات وإقبال يبون الحلال والشركات يما خسرت بسببتهم ودفعت تعويض بخليه باسميكم يالاثنين نص لك ونص لها لاصر شي ابيكم تتدخلون على طول ماقوى للهواش معد بي حيل وانتم الواحد عن الف رجال ماشاءالله عليكم وبَراق قوتك الجسديه وانجام قوتك بالمجتمع الاثنين تقدرون عليهم انا مابي ارميكم بمشاكل ابدا ولابيصير لكم شي بس كل شي استلمه من مبالغ واملاك كلها باسميكم مها عندها علم عيالي والبنات لايدرون ابددا لين يصير شي غصبً عننا
دخلت مها:قلت لهم؟ -جلست قريب لهم- اسمعوني دايم تسالوني عن اهلي وينهم ووش صاير بهم وتدرون اني انا وطَارق عيال عم وتدرون ان ابوي متوفي اخواني من ابوي يدورون اصغر شي على طَارق عشان يطلقوني منه غصب وياخذون كل شي منه ولاهو بغلا لي ابدًا
طَارق:وعشان كذا بنخلي كل شي باساميكم لانهم بدو يتحركون واخواني من ابوي بعد تشوفينهم يانجام انتِ وش يسوون ووش سوت سُميه بعد قبل شوي
إنجام:مابيصير لكم شي صح؟؟
بَراق:مابتتضررون؟؟
طَارق بابتسامه:ابدً دام انتم عيالي ووراي ماهو بصايرٍ لنا شي
إنجام:تبون ارفع فيهم؟؟
مها:لا يامي انتِ لاكن ان بدو بالمضره ابدٍ سوي الي تسوين تعبت وانا ادور رضاهم ولولا طَارق ماكنت حيه
طَارق بابتسامه وهو يطالعها:اذكر هاك اليوم كنه امس وكيف تزوجنا
إنجام بحماس:الله تحمست قولو لنا!
مها :كانو يبون يزوجوني راعي مخدرات منتهي بس عنده فلوس وصيدهم فلوسه ماصيدهم لي وقتها كان طَارق الوحيد الي ينشد به الظهر من اهلي نخيته قلت لو تتزوجني تهربني منهم عقبها تطلقني راضيه بس طبعًا داخلي يقول احبه كيف اتطلق بعد ماتزوجته؟
طَارق بابتسامه:طبعًا ماكنت ناوي هالشي نويت ان تزوجتها بتبقى معي الحب الاول كيف اخليه؟؟ يوم طرو اخواانها بمجلس العايله زواجه كنت معلم ابوي وقال ابوي البنت لولد عمها ومن سنين وهالشي مقرر ووافقو على طول عشان تجارتنا المهر عييت عليهم به قلت انا اخذها معي وتخلص كل الي تبيه وجايبن لها ذهب من وراهم لو شافوه بيعيفونها اياه وتلبسه بالعزايم وتعطيه خالتها تعطيه ابوي تصير اخته بالرضاعه ومن تزوجنا يلاحقونا
مها بابتسامه:الله يرحمهم يارب ، ولابي طَارق ونهات يتضررون بسبتي ابدً
طَارق بابتسامه:مو بسبتك بسبت عيال عم مايستحون ولا انتِ على العين والراس
إنجام بإبتسامه سوت نفسها تمسح دمعتها:ببكي!
بَراق:معك!
وضحكو مع بعضهم ، بَراق بابتسامه مسك يد جده:ابد الي تبيه سوه وراك ومعاك ولاحنا بمخلين ابونا
مسكت إنجام يد مها:واي احد يفكر يقرب منتس ويضرتس بحلالتس ولا عيالتس اتله واجرجره بالمحاكم تجرجر
ابتسمو مها وطَارق بحُب شديد لهالاثنين، طلع طَارق ملف ووقعو هالاربع كلهم ، طَارق :ابوي إنجام وديه للمحامي محدٍ بيشك دايم تنقلين اوراق وملفات
ضحكت وخذته:من عيوني بطلع الحين واوديه
واستئذنت وطلعت واستئذن بَراق وطلع ، جلس طَارق جنب مها على الكنبه ومسك يدها:لاتحسبين لانتس نخيتي ماخذتس يعلم الله اني احبتس وناوين اخذتس قبل نخوتس
مها بابتسامه:الله لايحرمني منك يارب
قبل يدها:ولامنتس يانظر هالعين
مها بخجل:بسك عاد ! لو احد جا
ضحك طَارق بعلو صوته:وش علي منهم زوجتي وحلالي
ابتسمت بحُب له ، تحت ، نزلت إنجام وهي لابسه عبايتها
ميساء:جوجو ؟
إنجام بابتسامه:قضايا حلوتي!
دُنى بصدمه:خير واجازتك!
إنجام بابتسامه تقدمت وقبلت خدها:اجازتي المرضيه خلصت اليوم وبروح ارفع اجازتي الثانيه بس بودي هالملفات معي
سُميه بحقاره سحبت واحد:خل نشوف
سحبت إنجام الملف منها وصفقتها بحده ورفعه اصبعها بتهديد:الزززمييي حددك واخر مره تمديين يدك على شي من ممتلكاااتي ساامعه لاكسرها لك بنفسي!!!
وقفت ام سالم ببتكلم ، جلست مها بابتسامه ، طَارق وهو نازل من الدرج وقف عند الباب بصوته المهاب بحده:الي بتتكلم علو بنت من بناتي ولازوجتي بيتي يتعذرررهاااا سامعييييين واخرر مره تمدين يدك على شييي مب لك!!
ومشى ، ابتسمت إنجام وطالعتها :تصدقين عاد؟ اشفق عليك بنيتي أحلام وجايه تبين تحققينها؟ هههههه
وطلعت ، ابتسمو البقيه ، خذت ام سالم بنتها ورقت غرفتها ، بعد مده إنجام وهي راجعه كلمت اصيل:رفعت الاجازة ؟
أصيل بابتسامه:مدري شدخلني ارفع اوراقك بس ايه رفعتها
تنهدت وهي تسوق:عساس في وقت فاضيه فيه لو تشوف الاحداث الي عندنا!
اصيل:شصار
إنجام وهي تسوق:طلع لي عم زيااده ومتزوج لبنانيه عندي بنات عم لبنانيات!
وضحكو ، أصيل وهو يضحك:قولي قولي بنسمع انا وماجد وسعد .....
___________________________
الي ودّه يستبق الاحدأث يلقى البارتات بالانستا مُتقدمه جدًا على الواتباد ، حسابي {len.1o1} ، السحبه واختفائي مو بيدي شوفو ستوريات الانستا وتفهموني ، واشوف رائيكم على روايتي ، قراءه مُمتعه ، اعطوها حقها بليز❤️
إعذروني ان تواجد خطا املائي
الى لقاء اخر