عينيها طريَق و قلبي سّافر لأجلها

p49

طاحت على ركبها من قو الصدمه والفجعه ، السياره امامها تلتهما النار ، زوجها يحاول وبشده مُكابحه النار ، ابنها؟ رضيعها؟ طفلها؟ داخلها ، جا واحد وهو يكح اثر الدخان:محققه إنجام
ولفت عليه وكان معه نهات ، فزت وخذته جا بَراق مُسرع؛وشلون!!
العسكري وهو يكح اثر الدخان:ماعلم لفيت على بكي طفل ولقيته منزل بكرسيه تحت واول مالفيت انفجرت السياره ولقيت هالضرف جنبه
وكان نهات يبكي بفجعه ، خذا بَراق الضرف وهو يرجف وصرخ وعطاه اصيل:والله لو ماتجيبهم بنفسي لاجيبهم ولو قتلت!سامع اصيييل!!
اصيل وهو يهديه:خلاص بَراق مو وقتك هدد!!
وكان يشوف إنجام الي واضحه رجفتها وهي تهدي نهات الي يبكي ، شكر العسكري وجلس إنجام على الكراسي وهي ترجف وخذا نهات يهديه جاب اصيل لها مويه ، بَراق بعد ماخذت انجام نهات منه:توصلنا؟؟
اصيل:تبشرون يالله
وركبو معه، لف بَراق على إنجام الي ترجف:إنجام
إنجام وهي ترجف وحاضنته،بَراق تنهد بقل حيله:اصيل وقف على جنب
وقف ونزل راح لها فتح الباب وحضنها:والله بخير شوفيه بحضنك ماصار له شي الحمدالله!
إنجام وهي تبكي بخوف ورعب وتلعثم:ب..بَراق ماشفت السياره وو ونهات داخلها ...
مسك وجهها بين يدينه بحنيه:ادري يامي شفتها والله بخير الحمدالله الله حفظه شوفيه بحضنك بخير ونايم براحه لاتوجعين قلبي اكثر!
إنجام والي بدت تهدا بعد كلامه اعتدلت وراحت رجفتها ، ركب وحركو ، نزلو ، استغربو انهم بسياره اصيل وملامح إنجام الي واضح باكيه وبَراق شماغه على كتفه وثوبه شبه مغبر ،جلسو وقالو لهم كل شي ، انفجعو وانصدمو ، تحمدو لهم بالسلامه ، شالت ايلين نهات بخوف وحضنته:الله يحفظه
:امين
مسكت دُنى كتف انجام بحنيه:شوفيه بخير! اهدي
إنجام طالعتها:منظر السياره يروع وكيف انو نوني كان فيهاا فجاه انفجرت
اصيل وهو يقرا:مالقو شي ترا والكميرات ممسوحه التسجيلات ومكسره
بَراق وقف بغضب:امش انا اطلعه
ورح معه وهو يهدي فيه ، خذت إنجام نهات من ايلين وراحت قسمها ، مدَاد بخوف:اوجعني قلبي والله!
نهات بخوف وهو يطالع البنات:شوفو إنجام لاتخلونها ترجف
وراحو وفعلًا كانت ترجف ويالله تمشي ، اسر : يمه بس تخيلت الموقف!
غيَاث قشعر بدنه : اشوا الحمدالله الله حفظه
أليَث:بس وش الي منزل نهات وهو بالكرسي برا السياره؟؟؟
المركز ، نزل بَراق وهو مشمر اكمامه وعروق يده برازه وشماغه على كتفه فعليًا تبدلت هيئه بَراق ونزل بهيئه غير الي دايم يشوفونها ، وليد مسك اكتافه:الحمدالله على سلامه نهَات ولاتقلق بنلقاه
بَراق وهو راص على اسنانه بغضب:وش يبون منه وش مقصدهم يطلعونه ومايكون امام انظارنا!!
ماجد:بَراق هد مابه الى كل خير ان شاءالله
اصيل:بمنطق وش بيستفيد اذا سوا كذا؟؟ يطلعه من السياره بكرسيه ومعه ضرف
بَراق بتذكر:على طاريه وش به الضرف؟
جابه وليد وقراه بَراق ، بَراق وهو يقرا بصدمه طالع اصيل:نفس الضرف الي انحط عند الشقه يوم حرقوها!!
اصيل بصدمه:به ضرف!!!
بَراق بصدمه:اي ماقريته كله محترق نصه !
اصيل:يعني سلوى وفهاد!
بَراق:إنجام!امش امش بسرعه!!
وحركو بسرعه والموجودين مصدومين ولا يعرفون شي
ربيع ال طَــارق ، قسم إنجام ، مدت نهات ل ايلين:بتروش وانزل
ايلين وقفت:زين
ونزلو البنات كلهم ، بالحوش كلهم جالسين ، وصلو اصيل و بَراق ، نزل بَراق باستعجال:إنجام وين
ايلين:فوق تب..
وقاطعها مُسرع للقسمهم ، نهات باستغراب:اصيل وش العلم؟
وقال لهم الي ربطوه ، نزل بَراق وجلس قبال اصيل:اذا هم نفس الاشخاص ؟
اصيل وهو ياخذ فنجال القهوه من اسر:صعبه كلهم بالسجن تذكر محاكمتهم انت
بَراق:فهاد وركان وإيمن وام خلود وام سالم وام حنين وحنين وخلود وسُميه وسالم ومين؟
اصيل بتذكر:بس هم بس كلهم بالسجن من يعني الي بيحط هالضرف
بَراق:معناه مامسكتوهم كلهم وذا الي واضح لي
اصيل:ماتوقع...
وقاطعهم انفجار فوق ، فزو كلهم للقسم بَراق ، وفعلًا كانت النار تلتهمه ، بَراق وهو يدف الباب الي فعلا جالس يحترق بالنار:انجاااااام!
إنجام بكتمه وهي بغرفه الملابس قفلت الباب وحطت مناشف عشان الدُخان:هنااا
لاكن النار كانت اقوا منها والدخان اكبر منها ، كسر الباب ،اسر بصراخ:نطفي النار لاتدخللل!!!
وتجاهله ودخل مُسرع وهو فعلًا يركض وسط النيران ، كسر باب الغرفه ولقى إنجام مُمده بطولها بالارض مكتومه من النار ، وشالها وصرخ:ابعدو!
وفعلا انسحبو العيال الي مو محارمها باكملهم ، شالها وطلع مُسرع ، طلع وابعد عن الباب ودخل قسم أليَث اول مافتحه له ، حطها على الكنب :أليَث مناشف بمويا بارده سرعه !
وجت جلنار تركض معها اُكسجين وكل شي والعيال راحو يطفون النار ، خذاه بَراق وحط لها الاُكسجين ، جابت ريَا بطانيه غطتها،بَراق:في حروق بسيطه لاتحطينها
وبعدت البطانيه ، مسح وجهها ورقبتها بالمويا حط اُكسجين لها وجلس يداوي حروقها الي كانت على ساقها الايمن بسبب حراره الاباركيه وعلى ساقها الايسر حرق كبير بسبب جُزء من خشب الباب طاح عليها ، ولفه بشاش وغطاها
جلس عندها وهو فعلا خايف وكان أشدهم خوفًا عليها :إنجام إنجام إنجام تسمعييني؟
وركب جهاز القلب على اماكن نبضها وكان نبضها 6وغير مُستقر ، شالها وهي متغطيه بالبطانيه ونزل بسُرعه ، عرفو ان في شي صاير بس مايدرون وش ، ركبو وحركو وراهم ، بالمستشفى حطوها بالطوارئ حطو لها اُكسجين ، بَراق وهو عندها داخل عشان للان غير مسموح لهم يدخلون ارسل لـ ايلين
بَراق "لولي "
ايلين"هلا"
بَراق"تجيبين ملابس وعبايه ل انجام؟"
ايلين"من عيوني "
ارسلت ايلين لـ غيَاث "ابيك توديني بجيب ملابس لجوجو"
غيَاث "من عيوني"
ومشت ولحقها غيَاث ، بعد ساعه رجعو ، دخلت ايلين :بوبو
وطلع لها:سميّ
مدت الكيس:فيه كل شي تحتاجه
خذاه وقبل راسها:الله لايحرمنا منك
ابتسمت بحُب:ولامنكم شقالو ؟
بَراق:للان ماقالو شي
وطلعت،مدَاد:شقالو؟
ايلين:ماقالو شي للان
طارق:وين بَراق؟
ايلين:مادخلوه معيين
نهات:الله يعين
أليَث وهو يشوف نهات يبكي بوهقه:ذا كيف يسكت؟؟
وضحكو الموجودين ،أليَث بوهقه:صدق اول مره يبكي معي شسوي معي يسكت
ايلين:جببت له ننه جيبب
وطلعت الرضعه من الشنطه وحطه بحضنها بانتباه وجلست تطالعه بابتسامه:ضحكك لي !
وضحكو الموجودين ،ريَا وهي تضحك:شفتي انتِ مرا بس انا كُل ماشافني ضحك
تارا:غش غش غش خير شتبين انتِ يعني انا خالته ماضحك لي خيررررر!!!
دُنى وهي تضحك:ياحليلك خليه يضحك لجدته وامه عشان يضحك هو معترف ب رورو وليوث بس
ضحكو الموجودين ، وكانت مادلين تضحك بحضن تارا،ضحكت تارا وقبلت خدها:عادي دودييي عندي!!
وجا علي بتوتر:وين إنجام ؟
تارا:بالطوارئ في شي....
ودخل بتوتر ، وطلع بَراق وجهه جامد ، مدَاد بخوف فز:بَراق انجام...إنجام فيها شي!
بَراق وهو يطالع نهات ولده بصدمه وقل حيله ، سمعو صرخه علي:اعلى!!!!
تجمد الدم بعروقهم ، نهات مسك اكتاف بَراق:خلك قوي !!!ماهو بصاير شيي!!
وبَراق كان يطالع نهات بخوف وقل حيله ، وقفت ايلين ونهات بحضنها وهي تدمع:بَراق انجام وين
ريَا بكت:لا بَراق
طلع علي بغصه:بَراق قلبها متوقف له دقيقتين
وانهارو بكى وصدمه ، محد مستوعب وش قاعد يصير ، صرخت ممرضه:دكتورر علييي في في نبضض!!!!
وفز علي راجع داخل ويصعقها،وزاد بكيهم زادت شهقاتهم ، وبَراق كان يشوف نهات الي بين احضانه ويدينه وقلبه يرجف ، نهات اخذ حفيده من بَراق الي واضح يبي يدخل ، ومن خذاه دخل بَراق مُسرع بخوف لها ، وفعلا لقاها صحت من رجع نبضها ، حضنها ودمع ، كانت مُرهقه ، مُتعبه ، ماتعرف شصاير ووش بيصير ما استوعبت للآن ، حست بدمعته بتعب:بوبو ليه
مسح دمعته وبعد وهو يشوفها امامه تتكلم:يعورك شي!
إنجام هزت راسها بالايجاب ،بَراق بخوف:وش يامي وش
إنجام بتعب والم:رجلي
تمددت بتعب ، علي زفر براحه:الحمدلله رجع النبض واستقر وبخير بنطلع نخليك معها
جاب الكيس وسكر الستار ، وساعدها بانها تلبس ولحسن الحظ جابت ايلين بجامه واسعه مُريحه ، لبستها وتمددت بتعب ، دخلت الممرضه بعد ماسمح لها بَراق عدلت الاكسجين وطلعت،مدَاد بخوف:نقدر ندخل؟
الممرضه؛اي لاكن لاتطولون تحتاج ترتاح
ودخلو بخوف تحمدو لها بالسلامه وهي تهدي فيهم وتمسح دموعهم ، جاب نهات حفيده ونزله بحضنها:يبكي من اليوم
شالته وابتسم وابتسمت بخفوت ،طالعت تارا بتعب:معاك ربطه؟
تارا طلعت ربطه وجات تسوي شعرها:بضفره
هزت راسها بالايجاب ، وضفرته لها بخفيف ولاشدت عشان ترتاح ، وقبلت خدها وجلست:انتي اي ولدك لا حيوان وكريه
إنجام:حرام عليك وربي كيوت!!!
اسر:ولدك كريه رضيتي ولا لا
إنجام ؛وانت خاروف رضيت ولا لا
وضحكو الموجودين براحه ، إنجام طالعت بَراق
بَراق من فهمها:لا ولا ولا
إنجام كشرت:كل تبن انا مت وحيت ورجعت من الموت المفروض تقول ابشري!كريه
مدَاد ضحك:ابشري وش تبين
بَراق تنهد:ياعم والله ممنوعه منه مايفيدها!
مدَاد:وش تبين انتِ بس
إنجام:شاهي
بَراق:ترا والله اعلم هناي تنومك هنا تعرفينها انتي!!
إنجام كشرت؛ياخي كل تبن انت شتبيي نشبه-طالعت ابوها-يالله يافضل اب تجيب لي صح ترا ذا النشبه شهرين ورايي مايخليني اشرب ماشربت من شهريين
بَراق وسع عيونه بصدمه:لاتكذبيييين!
إنجام بوهقه:ماشربت شهرين وانا صادقه
بَراق:اجل اثار الجريمه نظفيها ورتبيها زين انا داري انها انتِ وجلنار برييق كامل شاهي عن شهرين!
جلنار ضحكت:اما عاد!كيف قفطتنا!!
بَراق:محد يسهر بالسطح الى انتو
إنجام بصدمه:وانت شتبي ياخي عادي ترا شاهي شاهي !
مارد عليها وكان على جواله ، إنجام طالعت أليَث
ضحك:لا الصراحه ذي اكبر مني اببي عظامي مابي براقوه يصفقني تروح هالعضلات والهيبه هبا منثورا
إنجام كشرت؛مامنكم رجا كلكم
دخلت هناي تشوف ملفها:شفيك تتحلطمين
إنجام بوهقه:لا ابيهم ياخذو نوني ومعيين وش دعوا
هناي وهي تشوف شاشه المؤشرات الحيويه:ماش اكذبي زين والله-طالعتها بتهديد-اذا دريت انك شاربه شاهي شفتي الي خبري خبرك والله ماتشمينه وانومك هنا غصب لو احط بجناح وادفعه انا وتربضين هنا عنادًا فيك لعنبو غيرك مخزون الحديد عندك يقول اسعفوووووني تدرين الحين لازم تجين يوميا نعطيك بالوريد قربتين حديد تدرين ولا لا وتدرين اني الحين بكتب لسته اكل ومشروبات ممنوعه منها والله اذا ماعقلتي يانجام
إنجام:يرراسي ماسويت شي شدخلنيي!!!
هناي:من هالشاهي
إنجام:ادمنته من وراك!
هناي بلعانه؛اي تشوفين بروح اشرب الحين شاهي وانتِ لا
إنجام بقهر:كليزق دكتوره فاشله بغيرك برفع عليك قضيه
هناي:ارفعي عادي بطلب حقي بالاتصال وبوصي دكاترك يمنعونك من الشاهي -وقبلت خد نهات-الشكوى لله انا مادري كيف متحمل امك
وطلعت والموجودين يضحكون،إنجام بصوت عالي:هيا والله اوريك تشوفين!
بَراق وهو يضحك:خلاص مافي امل تشربين شاهي وش بتسوين بعد
أليَث وهو يضحك:الله يعينك هههههههه
إنجام كشرت:كريهين كريهين
دخلت إبحَار:وين الي قالو ماتت
إنجام:اي انتظرك تموتين واموت بعدك
سلمت والموجودين يضحكون على هبالهم وعبطهم وحُبهم لـ إبحَار، جلست جنب إنجام وعطتها كوب:ادري مانعينك بس والله تشربينه خير اكبه!!
إنجام بابتسامه خذته:اي كذا كفو
وخذاه بَراق من يد إنجام وشرب:امم لذيذ
إنجام وهي موسعه عيونها بصدمه:ياحيواااااااان!!!
بَراق حطه بعيد عنها وجلس على الجوال،والموجودين يضحكون ،إنجام طالعت إبحَار:هيا والله تجيبي لي ثاني وبعدين شدراك اني هنا ؟
إبحَار:اي الي وراك الله يفكنا شره بس المهم متوعد بهم وأصيل مقوم المركز فوق تحت يحزنون من متى وهم يدورون مالقوه وبخمس دقايق طلعته انا
بَراق وهو يطالعها؛الي حرق السياره؟؟
إبحَار هزت راسها بالايجاب:والي حرق البيت
طالعوها بصدمه ، إنجام بصدمه:كيف مين طيب
إبحَار:تذكرين المواقف الي نوقف عندها انا وانتِ واصيلوه؟؟ اي هي مو حاطين فيها كميرات عشان ابواب مكاتبنا وقت فهاد النفسيه عندنا وبس يجي ويكسر وياخذ ملفات على كيفه مو حطينا كميرات اي رحت وشفتها كانت لسا تسجل وخذت التسجيلات وهو نفس الشخص هنا وهناك واضحه المهم مالك بالطويله سالم ولد ذيك الي تقرب لكم مادري شنو
طالعوها بصدمه،بَراق بصدمه:بس هو مسجون!
إبحَار:اي نفس كلام اصيل ويوم مسكناه وبعدين بحثنا طلع توامه المسجون مب هو
إنجام لفت ل بَراق بصدمه:نفس الاثنين الي بالملفات تذكر الي عبالنا مكرررين!!!
إبحَار:كلهم يلبسون نظارات ونسخ لصق بعض المهم بوكس بوكسين حطيناه بالسجن وجهه مشوهه وبس ذي السالفه توقعت اصيل قال لكم
اصيل الي دخل:دوبني جاي اقول يام زكي نطيتي على طول!!!
إبحَار:لاني صديقه وفيه -طالعت بجلنار-وعوه تراه نفسيه وكريه انصحك اخلعيه نصيحه لوجه الله!
توليب:بئ فيا لوجه الله !ما ابغض الامور عند الله الطلاق!
ضحكو الموجودين ، إبحَار رفعت يدها لإنجام وكانت لابسه دبله وميلت شفايفها باسى:شفتي كيف!
شهقت انجام:لحظه اجلطيني وقولي ولد عمك الطعس!!!
إبحَار هزت راسها بنفي:خمني
اصيل وهو يسولف مع بَراق،بَراق بصدمه:اما!ماتوقعت الصراحه!
إنجام طالعتهم؛والله ان تقولون لي السالفه-طالعت بابحَار-مييين!
إبحَار وهي تاكل فراوله مع توليب:شفتي ذاك الواء بحر
إنجام غصت بالفراوله،ضحكو الموجودين ، اصيل:شفتي عرفتي
بَراق وهو يضحك: وانتِ شتبين بخووي!!!
إبحَار وهي تاكل فراوله:يحمد ربه المفروض يشكر ربه ليل ونهار اني وافقت!
اسر:وع الثقه الي مو بمحلها!
إنجام وهي تطلع صورته وتوريها:ذا؟
إبحَار هزت راسها بالايجاب ، إنجام وهي تشوفه ميلت شفايفها باسى:فعلًا هو شين الصراحه !
إبحَار وهي تاكل فراوله:عندووو فلوس!
إنجام:اي صار حلو يعني مو حلو مقبول مقبول
ضحكو الموجودين ، مدَاد وهو يضحك:عرفنا إنجام ليش وافقت على بَراق
وضحكو الموجودين على رده فعل بَراق،بَراق بصدمه:توجع يعم!
ايلين:شفت قلت لك وافقت عشان فلوسك!!!!
اسر:الصدق الصدق إنجام اخوي وشين يالله تحملناه25سنه وش لقيتي به!
إنجام وهي تاكل فراوله:قبل كان يقول سميّ وابشري والحين يقول لي لوء صار شين!
بَراق:اي لوءء على الشاهي غيره سميّ وابشري
وضحكو الموجودين على ردت فعل إنجام
طَارق وقف:الهمام اروجو عندنا عشاء سلامت عييلي وزواج بنيتي -طالع بجلنار-صامله؟
جلنار:يس
طالع ب تارا وايلين وتوليب:وانتن ؟
توليب:شو
طَارق:ماتبن عرس؟
البنات:اي
طَارق:اجل العرس  المحفوف بعد بكرا زهبو اعماركم سمعت ياغيَاث واصيل وعطو تركي علم امشو عندنا عشاء يالله
ماعترضو البنات لانهم اوريدي حلو موضوع الفستان ، إنجام:مهاوي تكفين اعزمي ام وافي!
ضحكت:وانتي وش جايتس مرتن تبينها ومرتن لا
إنجام :تكفين ابي اتهاوش!
جلنار:اي يمه تكفين خاطرنا نمعط شوش!!
تارا بحماس صفقت:واو بيصير اكشن وفعاليات!
توليب بحماس نزلت الفراوله:تحمسست!
وضحكو الموجودين ،نهات:انشهد انهن مهبل
إنجام طالعتهم:وممكن كلكم الصراحه تنطردون عطيناكم خبر
دُنى:اي عشان تتجهزون نفسيًا !
سُهى؛وماتنفجعون
ضحكو الموجودين ، طلع طَارق ولحقه اصيل:عمي
لف بابتسامه:سم
قبل راسه بابتسامه:سم الله عدوينك ابي اخذ جلنار معي نفسيتها الفتره ذي تبعانه وودّي اطلعها وتتمشى تغير جو شوي
طَارق بابتسامه:ابدا ياولدي مالي كلمتن عليكم خذو راحتكم لاكن العشاء اليله تحضرونه
قبل راسه اصيل بابتسامه:ابشر
ومشو طارق ومها بابتسامه وحُب له ، دخل:جوجتي!
نهات:وعوه
مدَاد:راحت ايام جويجو وولت
همّام:حامت تسبدي
اصيل:اربعينين منتهين
إنجام صفقت؛واخيرا احد يتفق معي في واحد خمسيني
اصيل:واو
ضحكو الموجودين على هبالهم،وراحت جلنار ومسكت يد اصيل وطلعو ،نهات وهو يضحك:على كثر مانطقطق عليه ماطق لنا خبر
مدَاد وهو يضحك:يع ماتقبلت انه زوج اختي دايم اشوفه خوي عيالنا!
همّام وهو يضحك:اذا جتكم بنت بعد عشرين او عشر سنوات
وانهارو كلهم يضحكون ، اسر وهو يضحك:لحظه ادراك انا 24 بعد 24سنه بكون48اربعيني واختي تو تصير 24!
ضحكو الموجودين بانهيار ، ضحك نهات:تخيلت اشكالكم زينا ههههههههههه
همّام وهو يضحك:ذاك بتذبحه غيرته وذاك بيذبحه الهياط وهذيك بس تصايح
مدَاد وهو يضحك:تخيلت مادلين بعدين متزوجه كذا ينعاد نفس الموقف بَراق يقول خير اختي ترا!واسر يجلس يهايط ويطقطق وذيك تقول ببكي
وانهارو كلهم يضحكون ويدمعون ، وقف مدَاد وهو يضحك:امشو بس والله ان يثور بنا ابوي
وراحو ، وبقى بَراق بس حتى نوني"نهات" خذوه ، إنجام وهي تطالعه:ابي احضنك
وجلس جنبها وحضنته ، تنهدت بحُب:رغم الخوف ومشاعري الملخبطه اليوم كله الى اني ارتاح بحضنك
تنهد بَراق بحُب كبير لها الانسانه:ورغم عصبيتي وخوفي عليك وعلى ولدنا الى اني  ، احس اني حاليا فوق الغيييم من الراحه الي احسها معاك وبوجودك وقربك ومبسمك وابتسامتك
حضنته وشد عليها،بَراق:حبيبي بروح اشوف علي اذا تطلعين ولا لا عشان تنامي وترتاحين اكثر
إنجام هزت راسها بالايجاب ، وراح ورجع ،بَراق بابتسامه:يالله ياحبيبي بنطلع
إنجام بابتسامه:ثانكييو بس كيف بدون عبايه ترا لابسه بجامه لحظه ماذكر كيف متى لبست؟
بَراق وهو يطلع العبايه من الكيس:حبيبي يوم استقر نضبك اصيرت الى اكون جنبك وخليت لولي تجيب لك لبس وعبايه وساعدتك وقفي اذا تقدرين
إنجام بخجل حاولت توقف ووقفت وتمسكت باكتاف بَراق:رجلي اليوم العشاء؟كيف؟
بَراق وهو يجلسها بشويش:عادي لاتهتمي لاحد خليها ملفوفه ولاعليك بحد بس حبيبي البنطايل والفساتين الضيقه الفتره ذي ابعدي عنها عشان الحروق في حرق ممتد لبطنك
إنجام بالم؛اي صدق احس في الم من اليوم بس مو عارفه من وش
بَراق:معليه بالبيت اعقمه لك عشان ترتاحي اكثر
إنجام:طيب القصير؟
بَراق جلس جنبها:عادي يامي انتِ بس اهم شي يكون فوق الجرح الي بساقكك او انه شي طويل واسع
إنجام بتفكير:بلبس التوب والتنوره القصار اليوم
بَراق:ايات؟
إنجام:اذا ماتذكرت عاد بتهاوش صدق معك!تذكر اول طلعه طلعناها بعد الزواج وشريت التنوره والتوب الاحمر؟؟ايوا هم
بَراق وسع عيونه بذهول:بس لحظه معليش حبيبي ذا البس تلبسينه عندي وبس!
ضحكت بخجل:ليش حرام عليك غالي ومقد لبسته والله حلو ارجع البيت تشوفه الى على طاريه
بَراق بابتسامه:العيال طفوه بدري
إنجام وسعت عيونها بخجل:اذكر طحت بالروب شافوني فيه!!!
بَراق:صاحيه!مستحيل اخليك تطلعين فيه قدامهم!صرخت وراحو وطلعت فيك لقسم أليَث البنات بس مادري الاباء في او لا
إنجام بخجل:لبسي يابوبو!!
بَراق ضحك:ياحلوك اخ لذيذه مادري كيف...
إنجام بخجل:بوبو كلتببببن!!!
ضحك:والله صدق كان رجولك كلها مكشوفه عشان الحروق فامادري اذا هم في او لا
إنجام بخجل:يفشل قدام ابائنا!
ضحك؛معليه شنسوي
وطلعو يوم جت الممرضه تفك الابر ، وبحكم انه العصر ، كانو جالسين بالحديقه شافو سياره اسر الي تركها لـ بَراق داخله،طَارق:لاحول ولا قوه الا بالله!
ونزلو وجلسو،مها:وش نوحك انت وياهااا!!! هاا!مطاعوها وجاي!!
طارق:لعنبوك انت وياها منين تفهمون!!
مدَاد:شدخلني
نهات:ماسويت شي!
وضحكو الموجودين ، إنجام:تبون تهزئوني ترا اموت ها !
جلنار:وانتي حلت لك السالفه كل شوي ذاهبه الى العالم الاخر وراجعه!
ضربتها مها بالعصى:تفاولين على بنت اخوتس!!!!
ضحكت إنجام:حقكك وجاك!اي ماجاز لي الصراحه كذا تعرفت على كمن شخص اسمهم اسر وجلنار وباقي واجد
اسر بصدمه:شتقصدين!!
إنجام وهي تشرب قهوه:عاد اختار تبي تكون جن ولا شيطان
وضحكو الموجودين ، اسر:ظلمتيني ماسويت شي حرام عليك!
إنجام وهي تاكل تشوكلت:انت ادرااا
اسر وهو يضحك:طيب شدخلني مب انا بس!!!
إنجام:كلكم حيوانات وشياطين ماختلفنا!
مها:هيا والله ماتطبون قسمكم سمعتوني!
إنجام وهي تاكل تشوكلت:اح انطردنا!
ضحكو الموجودين ، مها وهي تضحك:الله يقطع بليستس لا اجلسو بذا ياكثر الغرف والاقسام بس قسمكم نبي نرممه من جديد ماش ماعجبني كلشوين محترق ويبقى به اثر
إنجام رمت لها بوسه بالهوا:ياحلوك
جلنار:الناس تقول يعطيكم العافيه ماتقصرون
إنجام وهي تاكل تشوكلت:اما المفروض ارد كذا؟
وضحكو الموجودين ،انجام بعدت الشتوكلت:انا وجهه وحده ترتب كلام وتعرف ترد على خلق الله! انا زين اعرف اقول السلام عليكم كل كلامي هبد بهبد
اسر بلعانه:تعترفين انك مو سنعه ولاتعرفين تتكلمين؟
إنجام وهي تشرب قهوه:ايوا وولد عمي واحد اسمه اسر طالع زيي واردا مني ولا في واحد يقول لواحد قايلن له كثر الله خيرك يقول خيرنا كثير!!!!
وانهارو ضحك وهم مستحيل ينسون،ضحك اسر:كولي تبن وربي بعير عمري 16 كان16 وش يعرفني!
انهار بَراق ضحك:تكفين ماشفتي الرجال يوم قاله كذا نقد عليه ومشى هههههههه
إنجام طالعت عمها نهات:عمو جد عيالك كلهم وقت ماكانت اعمارهم16يجيبون العيد سنه قدام اعياد لامُتناههيه ولايوقفون نشوف مادليين العن منهم ولا كيف
جلنار:ماذكر الى اسر كبي العفش
إنجام:اوووه ولاشي عند مصايب ايلين وبَراق العن منهم صدق
طارق:اذكر طفاقته ونشبته
انهارو بَراق وانجام ضحك،بَراق وهو يضحك:ياجد عمري16بزر بزر ماينشره علي!
إنجام وهي تضحك:انت للحين على فعايلك بعمر16ماتبت
طارق:اندري عنه مهبول والله الله يخلف عليك يانهات
اسر:اربع خلاص واجد!
وانهارو ضحك كلهم ، اسر وهو يضحك:صدق انا ماني مستوعب يعني عمري24وعندي اخت عمرها شهرين
راحت إنجام ومشت بصعوبه وهمست باذن مها ،وسعت مها عيونها بذهول:ايا الحيوانه
وتنهار انجام ضحك بالارض عندها ومعها جلنار الي كانت عندها وسمعت ، دُنى بتذكر:اي صح ودّي اسوي جلسه تحقيق
تارا وهي تضحك: سبقناك!ههههههههه
وانهارو البنات ضحك ،الوليد:علموني غش!
إنجام وهي تضحك:مافي انقلع اخ تكفون حفله فصلنا
جلنار وهي تضحك :تبون كورسات؟؟؟
إنجام وهي تضحك :انا معك كوتش
توليب وهي تضحك:ركزو لي ع ضيّ
ضيّ وسعت عيونها بذهول:مابقى الا هي مناك بس معصي!!!!
إنجام وهي تضحك:يابنات تخيلت شكلها تكفون هههههههههه
وانهارو ضحك اكثر واكثر ، توليب وهي تضحك:بليز نو لا وقفو تصوير هههههههه
همّام بابتسامه :اسمعو وقفو ضحك وحنا مانفهم خلوني اتكلم ياخي!
وهدو شوي ، همّام طالع ضيّ:انخطبتي
ضيّ وهي تاكل تشوكلت:عنده نياق قوداام!
همّام:والله مادري انتي الولد ولا الوليد المهم -طالع بانجام-تعرفين الرائد مادري الواء رائد؟؟
إنجام غصت بالتشوكلت وطالعت ضيّ:ذا كامللل المواصفاااات ياحبيبي وش ترفضينه صاحيه انتِ عنده مزرعهه نياااااق مب خمسين راس بس من قبيله وجماعه لا اله الا الله والله اذا فوتيه غبيه غبيه غبيييه صدق شوفي عمره 28 سنه اسمه رائد آل مطلق عنده ثلاث خوات و2اخوان بس ايتام كلهم وهو الام والاب لهم فعلا رجال كفو طيب وعنده مزرعه بالرياض ومزرعه هِنا واوريدي ساكن هِنا وش تبين معلومات زياده اجيب؟
ضحكو الموجودين بصدمه منها ، ضيّ بصدمه:مزرعه نيااق!
انهارو ضحك البنات ، إنجام وهي تشرب قهوه:اخ تعبت كولي زق ركزت على النياق بس
وضحكو الموجودين ، إنجام طلعت صوره بسرع وورتها ، ضيّ باستغراب وهي تشوف والبنات معها:امم مادري احسه غريب اطوار
إنجام:خذلك
وضحكو الموجودين ، همّام وهو يضحك ابتسم:عاد فكري واستخيري وردي متى مابغيتي
هزت راسها بالايجاب تخفي خجلها ، إنجام طالعت جلنار وهم موسعين عيونهم بذهول من ركزو عليها وانهارو ضحك ، ضيّ رمت المخده عليهم:وجعه توجعتس انتِ وياه سلق
ودخلت داخل ، جت جلنار وجلست جنب انجام وهمست:ريودي
وهمست انجام لها:من ناحيته ، ارقصي لي
وانهارو اكثر ، ضحك بَراق معهم من سمعهم:مجنونات
إنجام وجلنار انهارو ضحك اكثر واكثر ، إنجام دفت جلنار:انقلعي انتِ وبعدين وراك لابسه عبايتك؟
جلنار الي تمسح دموعها اثر الضحك:اصيل يقول بنطلع
إنجام:خاينه انقلعي بعتيني ورحتي له!
جلنار حضنتها من جنب:ماخليييك اخسسي!
إنجام:واصيل؟؟
جلنار ميلت شفايفها باسى:ماخليه ماقدر!
دفته؛وعوه خفيفه انقلعي
حضن بَراق أنجام وهو ياشر لجلنار:اصيلك جا اذلفي وخلي زوجتي!!
وقفت وراحت ، بَراق بهمس:جوجو
إنجام بهمس:هلا
بَراق بهمس:ارقصي لي
وانهارو ضحك ، إنجام وهي تضحك:انقلع حيوان مابسامحك
بَراق وهو يضحك سحبها وحاوط اكتافها:انتم اصواتكم عاليه احسن
إنجام وهي تطالع مها:يعني انطردت من قسمي وين اروح؟؟!
تارا سحبتها وحاوطت اكتافها:سريريي كبير لي ولك ولنوني براقوه خل يذلف مانبيك
سحب بَراق إنجام وحاوط اكتافها:انتِ الي اذلفي مانبيك
إنجام:لو سمحتو اكتافي ابيها خلعتوها
بَراق:بسم الله عليك شفتي كله منك!!
اسر وتارا:وعووه!
وضحكو الموجودين ، مدَاد طالع ابوه:ع الطاري جويجو وين بتسكن؟
طَارق بابتسامه ؛حلفت عليهم بالقسم الي حاطه فوق ومارضو وهددت ههههههههه
وضحكو الموجودين ، طارق بابتسامه:ابي بنيتي عندي وش يضحكم!هههههه
نهات ابتسم:حقكك
راحت ريَا جوا ولحقها أليَث بعد مُده ، فوق ، قسم أليَث و ريَا ، دخل ، تمدد على الكنب وحط راسه بحضنها:شفيك
ريَا وهي تلعب بشعره:خايفه من نفسي
أليَث اعتدل:كيف يعني
ريَا:اني مابكي مابديت ردت فعل ماصرخت مازعلت
أليَث:طيب شي كويس ذا؟
ريَا:ابدا مو كويس ليوث خايفه انفجر على احد بالغلط خايفه ااذيك بعصبيتي وخوفي خايفك اخسرك واخسر الي حولي
حضنها:اذيتك طب ودوا بالنسبه لي وراضي الاذيه اذا بتجي منك لاتزعلين
ريَا وهي حاضنته:ابي اروح دكتور نفسي
قبل خدها قريب لمبسمها:بس ؟ ابشري
ريَا بابتسامه حُب سندت راسها بحضنه:بس مابي اخذ ادويه ابي بس من الكلام
أليَث وهو يمسح على شعرها بحنيه:طيب شوفي غيَاث عنده خبره اذا ودّك اكلمه لك ؟
ريَا طالعته:يرضى؟
ابتسم:ليش يرفض؟
ريَا رفعت اكتافها بعدم معرفه:ماعرف يكون بيننا
ابتسم وقبلها:من عيوني
وشالها،ريَا بخجل:ليوثيييي!!!
ضحك بحُب وهيام:سميّ
ريَا بخجل وهي تحس بيده تخلخلت بين خصرها وتيشيرتها: شفييك ياخي....
قسم إنجام و بَراق، واقفين ومع طارق و مها،طَارق:قررتو
إنجام بابتسامه وهي مستنده على بَراق ورافعه رجلها المحروقه:اي بننزل غرفتي الي بدور الثاني وونقل اغراضنا المهمه فيها لين يخلص القسم
بَراق:وبعد اذنكم طبعًا اذا رجعنا فوق ودّنا نخليها زي المكتب كذا نحط كل اوراق دوماتنا والاشياء المهمه فيها للاحتياط
طَارق بابتسامه:الي تبونه تبشرون به
إنجام طالعت بَراق:بجلس تعبت
وجلسها بشويش على الكنب وجلسو جدانهم معهم بيتناقشون ، رفع بَراق طرف البجامه حقها من تحت عشان حرق رجلها ولازم يتهوى  طالعها:الي ببطنك يعورك للحيين؟؟
إنجام بتعب تكت على الكنب:اي
مها بصدمه:حاامل!!
إنجام:لاا حرق
مها:وش فيها يعني لو كنتي حامل
وسوو نفسهم ماسمعو ، بَراق وقف:بجيب المعقم والشاش واجي
هزت راسها بالايجاب ، نزل ونزل طَارق معه،مها:انجام ليش ماحملتي!
إنجام بصدمه:منجدك مهاوي مابي !
مها:ووش ماتبين المال والبنون زينه الحياه الدُنيا!!
إنجام:ايوا وانا مابي اعرف مكتفيه بنهات وبس مابي اطفال ثانين شوشره وازعاج وماقدر اركز واربي تربيه صحيحه!
سُهى ودُنى وفيروز الي سمعوها وجلسو،دُنى:ياخاله الله يهداك خليهم براحتهم
مها:وش براحتهم إنا همّام وإقبال رحمت الله عليها مابينهم الى خمس شهور!
إنجام:قلتيها انتِ غير وانا غير انا مابي!
مها؛انجام خلي العناد والحكي الفاضي عني وش تبين الناس يقولون عنك!
إنجام:قلعتهم يقولون الي يقولون والي بيتكلم والله من قله ادبه يتدخل بغيره وفوقه عقلياتهم المتحجره المريضه محد له دخل بحد وخص انا اطفال مابي مكتفيه بنهات وبس
سُهى:ياخاله خليهم على راحتهم هم مرتاحين كذا
وقفت وهي تستغفر ونزلت ، إنجام بصدمه طالعت دُنى وسُهى وفيروز:شفيها علي انا وريَا!!!!
سُهى:الله يعين الباقي عليها
فيروز:فيا شي بس شو مابعرف
دُنى:متغيره بالحيل
إنجام:وش يحول كرهت ريَا بالقعده هِنا وطردتهم تذكرون وترا للحين تزن وتحن بالسالفه وتروح كل صبح لهم وتجلس تهاوشهم!!خير وربي زودتها خلي الناس
سُهى بضيق:اشوفها ياعوينتي ريَا متضايقه واضح ولاتبي تقول شي وتزعل عمي ولا أليَث وجلنار هم الي اقنعو أليَث وبعده اقنعوها يرجعون
دُنى تنهدت:لازم نكون معها ولاحنا بتاركينها وخالتي لازم نلقا لها حل
جا بَراق وهو وصلت معه من جدته جلس يغير شاش رجل إنجام وهو مركز:جدتي شفيها عليكم !
ضحكو الموجودين ، ضحكت إنجام:مستوى حتى انت تنرفزت!
بَراق وهو يحط المعقم على الشاش:توعد باليث وريَا من اليوم ومعصبه والبنات عندها مره يرفعون ضغطها ومره يهدونها ومره يتهاوشون معها وخذت توليب وايلين وتارا مادري وين
إنجام بالم من المعقم:بينرفزونها ويجون شف
دُنى:بس هي وش عندها صامله للهدرجه !!
إنجام بالم:لاتضغط يعور! اندري عنها وراها بلا
ضحكت سُهى؛وانتِ تقاومينها من اليوم
إنجام بالم:طقت تسبدي والله توني مامسكت نوني لسا تحت المخدر بس مانساها مستحيل تقول لايكمل خمس شهور وجيبي له اخو قلت خير ارنب !
انهارو الموجودين ضحك،سكتو من جت ، مها وهي تطالع إنجام:يقلن العجز قبل مده يومنا تجمعنا بالخيمه به عشبه تخليتس تحملين بتوم بطلبها لتس
إنجام وهي موسعه عيونها بذهول:مابي!وش هالثقه الي عندك اني بجيب وغدان مابي مابي مابي عناد فيك بعد
مها وهي مضيقه عيونها:لايكون تاكلين من هالمخزي
إنجام باستغراب:وش ذا بعد!
مها:حبوب الحمل
إنجام :وعناد فيييييك بعد بركب ذي شفتيها الشريحه حق منع الحمل شفتي عناد فيك
مها بتنرفز:ان ركبتيها ياويلك!!
إنجام:ماني ماخذتن رايتس
مها بعصبيه:بنت!
ضحكو الموجودين ،ضحكت إنجام:صدق كيفي انتي ماخذتي رايي وانتِ تتدخلين بخصوصياتي وحتى روري ماسلمت منك واتوقع بتمسكين تارا وايلين وتوليب بعد
تنهدت بقل حيله ونزلت ، انهارو الموجودين ضحك والبنات الي جو، بَراق وهو يضحك لف الشاش:عطيني الزق فصلتي
عطته وهي تضحك:وربي ماشفت صمله زي صملتها
وقف وشال الشاش وطالعها:اسمعي لاتمشين عليها كثير عشان ماتعورس خف ولا تبين اوديك عشان تشوفين درجه الحرق كم؟
إنجام:نو يحرق للحين
دُنى:وش
إنجام:بطني محروق
ضحكو من تعبيرها،دُنى وهي تطالع بَراق:وانت جراح على قل سنع شف الحرق درجه كم عقمه
إنجام:لا ذا يحرق !
بَراق:لانه متجرثم الجرح عشان كذا
ومددها غصب وجلس يعقمه:بس جوجو احس الحرق من الدرجه الثانيه يعني ضروري المستشفى
إنجام وهي تخفي خجلها:بوبو الى المستشفى طلعت روحي به!!
ايلين وهي توقف تشوف الحرق غمضت بسرع:يمه يروع شكله!
إنجام بخوف:صدق متشوه؟
تارا وهي تشوف:هو يروع بس لا مو متشوه
بَراق وهو يدهن كريم ويطبطب بشويش باصابعه عليها:وين متشوه لا اثر طفيف يعني مده ويروح من نفسه لاكن لين يلتم الحرق تحطين ذا جوجو يبرده لك وكيف متحمله من اليوم
إنجام وهي تطالع السقف ورجعت بها ذاكرتها:عادي تعودت على الحروق
طالعوها بصدمه،بَراق بصدمه:وش حروقه!!
إنجام:انخطفنا مرتين وكانو يعذبونا واذا ماتكلمنا ولاقلنا شي يحرقونا بحديد حار
تارا بصدمه:يمه ياروحي انتِ!!
إنجام:عشان كذا اقول لك تعودت
وهو يحط شاش ويقومها بشويش ويخليها شببه منسدحه:بسم الله عليك ومابتتعودين ابدا ذي كلها صدفه احط مخده زياده؟؟
إنجام بابتسامه:نو ثانيكو
وقف بابتسامه:بروح المستشفى ساعتين واجي
هزت راسها بالايجاب ،وارسلت له"انتبه لنفسك واقرا اذكارك استودعتك الله"
ابتسم وهو يشوف جواله ويمشي"من عيوني❤️"
إنجام "مُمكن ماني جريئه ولاقلت لك كذا قدامهم بس لاتتضايق والله ماحب ابين كثير اهتمامي وحُبي"
بَراق بابتسامه "شدعوه حبيبي مو شرط قدامهم ولا وراهم انا اعرفك زين واهوااك انتبهي لنفسك حلوتي ولنوني واذا بغيتو شي ارسلي لي "
إنجام بخجل "اي ابي الي قلت لك قبل"
ضحك"وللحين تستحين ابشري ياروحي انتِ ماطلبتي شي فمان الله"
ابتسمت بحُب ونزلت الجوال:وين نهااتي!
ايلين:نايم هو ومادلين تحت بالصاله وغيوث عندهم
هزت راسها بالايجاب ، دُنى :شوفو يا تارا وايلين وتوليب وريَا وإنجام الاطفال نعمه ورزق من الله اذا الله كتب فالحمدلله واذا ماكتب فالله يرزقكم ماعليكم من كلام مها وكلام الناس عليكم من نفسك انتِ وزوجك وبس
سُهى:ابدا لاتسمعون لكلام احد دخيل بعلاقتكم وحياتكم الزوجيه شي متفاهمه انتِ وزوجك عليه ومقتنعين وراضين فيه الحمدالله خلاص
فيروز:ولاتسمعو لحدا مين ماكانت لو امكون شي مائتنعين فيه انتِ وجوزك خلاصنا منو
دُنى:وكلام العجز الفاضي اذا ماحملتي من اول ليله ولا اذا مر شهر ولاحملتي واذا شهرين وثلاث بعد ولادتك الاولى ولاحملتي ماعدك حامله ماعليكم منهم ابدا الرزق بيد الله مو يدينهم هم
سُهى مسكت يد ريَا بحنيه:ادري ان الموضوع مضايقك وبشكل كبير وكيف انها تتدخل وتتكلم بالطالعه والنازله وبس تحشر نفسها بينكم ولاتحسبين مادري انها تجي كل صبح وتهاوش غير عن كلامها ونغزاتها وانها بتزوج أليَث أليَث يحبك ومستحيل يتزوج عليك واذا جا او فكر انا بوقف بوجهه وبمنعه وصدقيني أليَث مايبي الاطفال اذا انتِ ماتبينهم
ريَا بابتسامه :ادري والله
إنجام طالعتها؛نعرف ان كلامها مضايقك وكلامها مع العجز بس ماعليك منها لاسنيها وتكلمي ولاتسكتين شي يخصك مايخصها ردي عليها الكلمه بعشر لين تتوب وتسكت
ابتسمت بحُب لهم وهزت راسها بالايجاب ، طالعت سُهى تارا وايلين وتوليب:ولاعليكم من كلامها انتس لارديتي الرجل عن الضنى ومادري وش بيكرهتس ولاهو باغيتس وبيعرس عليتس
دُنى:كله حكي فاضي اكيد كل وحده متكلمه مع زوجها والي مو متكلمه كل هالاشياء حريه شخصيه وشي راجع لكم لاكن عمركم لاتسمحون لاحد يتدخل بينك وبين زوجك ولاتسمعين لاحد وتنحازين لاحد اوكيه
ايلين دقت تحيه:عُلم!
تارا دقت تحيه :سم طال عمرك!
توليب وهي تبرد اظافرها:من عينيا
ضحكو الموجودين على الفرق،دُنى وقفت:والحين اجهزو واكشخو كانك رايحه عرس اختك سمعتوو وانا علي من زوجي انتم امسكوا ازواجكم ولاتخلونهم يدخلون داخل نهائي وبعد العشاء كل وحده تجلس مع زوجها!
سُهى وقفت:عشان الشيطان للان موجود وشاطر ولا حُبهم اتجاهكم كلنا نعرفه
إنجام:ابشرررو!
ايلين بوهقه :يعني لازم نطلع قدامهم؟
تارا بوهقه:نكنسل افضل؟؟
ضحكت توليب:بدون يلبسو اقصير فساتين قصيره هههههههه
سُهى بغمزه:اوه بيجيني حفيد يعني؟؟
دُنى بخبث:في كل واحد وقسمه براحتكم!
إنجام ضحكت بصدمه:تروعون!
وضحكو الموجودين وانصرفو ، معدا انجام الي فضلت انها تجلس لين يجي بَراق وهي تعرف كلهم بيتقبلون يساعدونها بس ماترتاح كثر راحتها معه
_____________________________
كيييفكم ياحلواتي وحشتوني بجد والله وماعندي عذر سحبت عليكم يوم مانزلت ابي اتدلع واي صحيح فتحتتت متجرييي بس ماسميته زهَر😢 قُراء روايتي الاولى بيكونون عارفين شقصد وقريبًا بفتح متجر زهَر باذن الله اذا نجحت بالمتجر ذا بكمل وافتح متجر ثاني لي إبي فقط دعمكم ليّ ياحلواتي وتساعدوني اشتهر اكثر واكثر بنزل لكم ثلاث بارتات ياويلكم اذا ماتفاعلتو وانشرو روايتي تيك خلو يجوني قُراء ودعم اغرقكم اكثر واكثر بارتات ، آآخ انشرو لي ادعموني ياخي حرام عليكم ، بكون دايم متواجد بالانستا وأي اقتراح او أي سؤال تعالو لي هناك ، انتظر تعليقاتكم وارائكم بكُل حماس ، حسابي {len.1o1} ، واشوف رائيكم على روايتي ، قراءه مُمتعه ، اعطوها حقها بليز نجمة وكومنت❤️
إعذروني ان تواجد خطا املائي
الى لقاء اخر