عينيها طريَق و قلبي سّافر لأجلها

p32

ودخلو ، طَارق:قالها اليث
وجلسو،بّراق:وش
إنجام بنوم:وش الموضوع المهم الي يخليني اترك النوم!ترا بصيح!
ضحك مدّاد:بترجعين تنامين معليك
همّام بجديه:اسمعو زين وركزو
إنجام بتوتر:الله يستر
بّراق بتوتر:النبره ذي ماتجوز لي
نهات بهمس:ركزو انتم!
وسكتو ، نهات بهمس: الشركه بتتجمد حساباتها وبتتقفل ويحققون مع كل شخص فيها ومع الي يملكونها الي هم انتم
مدّاد بهمس:المصيبه قلبو الموضوع ضدكم
همّام بهمس:ومطلعين ان زواجكم مصلحه وعشان تاخذون حلال الـ طَــارق
مدَاد بهمس:وفي ناس تتوعد فيكم وانهم بيذبحونكم ومن ذا الحكي
طالعت إنجام بـ بَراق بصدمه:الورقه!
وراحو مُسرعين للخارج ، انصدمو الاباء وخافو ، رجعو بعد ماجابو الورقه من ماجد ، واعطوها ابائهم ،
همّام وهو يقرا بصوت مسموع لهم فقط:علم ياصلكم ويتعادكم يا بَراق وإنجام حقنا وبناخذه منكم وخصوصا انتِ يابنت هديل لو ماخذيناه منتس ناخذه من ضناتس ولو تحطون مليون واحد يحرسكم بيجي يوم وتدخل الرصاص بواحد منكم بذات بنت هديل ماخذناه من امتس ناخذه منتس مايمنع
اعتلت ملامحهم الصدمه ، إنجام بتوتر:والشركه الي يديرها زيد قلب عليه واحد وتعدا عليه بالضرب مادري وش السالفه اساسا ادق عليه مايرد وشركه تبوك ماصار فيها شي عكس الي بالرياض
بَراق وهو يشوف كميه الاتصالات بصدمه ، دق على علي:شصاير؟
علي:مادري حتى انا صحيت من الاتصالات وارقام ماعرفها
بَراق:زين شف وقل لي
وقفل ، بَراق وهو يوري إنجام كميه الاتصالات،إنجام بصدمه:من
بَراق باستغراب وهو يمشي ويشوف:مادري والارقام مو متكرره
نهات:شصاير
بَراق:65اتصال وكلها ارقام مختلفه مب مسجله
همّام بخوف:شصاير !
مدَاد بخوف :مادري كل شي يصير
طَارق:نادو كل الصاحيين وحريمكم اذا هم صاحيات نادوهم
وفعلا بنص ساعه الكُل اجتمع،طَارق:ادري ماتدرون شالسالفه وان ليه إنجام وبَراق معنى على طول للعلم كل شي املكه انا ولا تملكه جدتكم باسم بَراق وإنجام بتقولون ليش لان مابقى بالعمر كثر مامضى محدٍ فينا قوي ولاحدٍ فينا يقدر يرد الاذى عننا وعن العيله عكس انجام وبَراق انجام قوتها مناصبها ومكانتها بالمجتمع وبَراق قوته قوته الجسديه هذولي يقدرون يردعون كل اذى عن هالعيله بس الي ماحسبنا حسابه ان هالاذى جالس يرجع عليهم هم وضناهم معد فينا حيل نسكت ونخبي الموضوع اكثر من الهجوم الي قاعدين نشوفه حسابات الشركه تجمدت وشركتنا توقفت وكل من بها يحققون معهم خال إنجام متهجمين عليه بشركتها الي بالرياض ومايرد علينا بَراق ماوقف جواله اتصالات وارقام مهي زي بعضها انجام تعبانه وقاعد يزود تعبها من هالمواضيع ولانبي نحملها فرق طاقتها علمتكم كل شي هالحين عشان ابيكم لاصار شي لاتقدم لكم ابسط اذا تردعونه انتم وبانفسكم ماتحتاجون غيركم او تضغطون على بعضكم اسمعو زين اي احد يسالكم عن إنجام ووينها فيه تقولون بالامارات بدبي باي مكان برا السعوديه لاحد يدري عن حملها كل الاذى جالس يرجع علينا بالاصح عليها بشكل سلبي بشتات بين انها تحميكم ولا تنتبه لنفسها وضناها اذا صارت مناسبه او شي رسمي بهالبيت محد بيدري ان انجام داخله ابدآ سامعين
وهم مازالو مصدومين وتكبر صدمتهم كل ماسمعو شي،وقفت جلنار: ماهمني الحلال بس ليش ماحطيتني بوجهه المدفع بدال جوجو اساسا هي يالله مركزه على شغلها
اقبال:ولا حطيتني انا مافرقت كلنا واحد حنا مهمنا الحلال حنا همنا جوجو الحين وبس لو نطفر ونعلن افلاسنا بعد ماهمنا
دُنى:صدق يعني ليه ماحطيتو اي احد فينا بدال جوجو يكفيها الي شافته ومرت فيه المفروض ترتاح
أليَث:ليه ماقلتو من البدايه كان امدنا على كل شي
الوليد:عندي بيت بدبي اذا سالو عنها بنقول بيت بدبي لمن لها لونا متاخرين بس نحاول
اسر طالع بَراق و إنجام بابتسامه:يعني لازم تضحون وتكونون بوجه المدفع دايم!
تارا طالعت فيهم:ليش ماقلتو لنا كان كنا معكم وساعدنكم لو بشوي
إنجام بابتسامه تعب:مانبيكم تتعبون
بّراق بابتسامه:مانتحمل نشوف احد متاذي منكم
جلنار:وانتو تتاذون عادي
إنجام و بَراق مع بعض:تعودنا
ريّا:بتجلطونا كلنا مو بس انا
طّارق بابتسامه:إنجام وبَراق سوو اشياء وش كثرها من سنين مو ايام وشهور بس طول عمري انا الي امشي على معكازي ولا اقدر بدونه اخطي خطوه اخطي معهم مليون خطوه بدونه لانهم معكازي وسندي وعيالي
مها بابتسامه:صح ماكن ودّي ندخلكم بهالشي من البدايه بس مانقدر نخطي بدونكم
جلنار:بديت اغار
ضحكو الموجودين ، حاوطت جلنار اكتاف إنجام:ايه ياشيخه اضحكي -بدراك-لحظه الحين يمديك تطرديني من البيت لأنه باسمك!
إنجام طالعت طَارق وهي تضحك:والله فكره ياطروق
طَارق وهو يضحك:ابدا اطردي الي مايعجبتس
اسر نطق معها بالضبط وتكلم معها انجام:اسر
ضحك :شفتو ادري والله
وضحكو الموجودين ، اسر:شجاك علي انتِ!
إنجام:مادري مو طايقتك ابدا
جلنار:توحمت عليك
إنجام بلوعه كبد:صدق ياخي كريه
اسر هز راسه باسى:الشكوى لله
وضحكو الموجودين ، طَارق:ابوي انجام وبَراق لاعد تسوون شي وتتعبون انفسكم يامي إنجام خليتس هنيا اريح واامن لتس ونزود الحمايه اذا تبين وبَراق ابوي مش امورك وحياتك طبيعي بس خلك منتبه على كل شي تمر منه
إنجام و بَراق:ابشر
إنجام تثاوبت بنوم، ضحك مدَاد:روحي نامي يامي انتِ
إنجام بخمول وهي تمشي،ضحك اسر:كانك سكرانه!
إنجام طالعته ومحاجرها مُمتلاه دموعه طالعت عمها نهَات:عمو شف ولددددك!!!
ضحك نهَات:والله يا اسر..
اسر :اسف اسف
ومشت ، ريَا:تضحك علي والله ابتلاها صارت ام دمعيه
جلنار؛حبيبي انتِ اوفر دموعك بس تنزل مافيه زر توقيف
ريَا:اي لاني انسانه طبيعيه اعبر عن مشاعري مب مثلكم
اليث ضحك:بّراق
فز:ها
اليث:رح نم وش مجلسك
وقف:مجلسني عقد اجتماع مجلس الاتحاد صدعت هههههه
وراح ، ضحكو الموجودين ، ايلين وهي تضحك:ابك الولد معد به عقل
جلنار وهي تضحك:ماينلام صدعت حتى انا
اليَث:تبونه يصحصح وهو نايم ساعتين انكرف كرف بالمستشفى
وقف طَارق:عن الصجه بنام تاخر الوقت
ايلين:قل عشان مانزعج جوجو واضحه
تارا:والله ياجيجي ماتنلامين يوم تغارين حتى انا بديت اغار!
اسر:كلنا غرنا والله التمييز ياطروق
ضحك طَارق ومشى ، الصبح ، نزلت إنجام وهي مروقه وتغني قبلت روس جدانها وجلست ، دُنى بابتسامه:دوم الروقان
راحت وراها:غبيني
دُنى وهي تضحك:وش مسويه
إنجام:ماسويت شي كبيت عليهم كلهم مويا ماسويت شي افا
بَراق وهو جاي جلس ويطالع إنجام ،إنجام:صلاه الفجر يامسلم والدوام جيل داشر عذه
ضحكو الموجودين ، ضحك همّام :اقول القطيع جاي
إنجام جلست بثقه:الورقه الرابحه معي
جلنار وهي معصبه:جوجووووووو
تارا بعصبيه:وينها!
ايلين بعصبيه:ماصدقت يصير عندي اوف انام!!
ريَا بعصبيه:انجامووووووه
اسر بعصبيه:وينها!
اليث وهو يستغفر:إنجام!
غيَاث وهو يمشي ومغمض
توليب وهي تضحك:شو بكن
ضيّ بعصبيه:وين انجام!!
إنجام وهي تضحك وتشرب قهوه:هناا
وجو،جلنار جت،إنجام مدت يدها:هووب-حطت يدها على بطنها وهزت راسها وميلت شفايفها بابتسامه ودلع-تراي حامل!
جلنار بعصبيه:شسوووووي فيك!!!
ضحكت توليب وجلست:لك يؤبرني دلعك!
إنجام رمت لها بوسه بالهوا:حلوتي!
جلسو كلهم وهم معصبين، ضحك نهَات:والله يانك عرفتي لهم هههههههه
إنجام:افا عليك
ايلين وهي تضحك:أليَث شفيك توك تعرف الاسلام!
وضحكو الموجودين ، ضحك :شتبين انتِ
إنجام بتفكير:والله فكره كل صبح بداهمكم واكب عليكم مويا
تارا:بدقكك!
جلنار:مابهتم انك حامل والعنك صدق!!
طالع بَراق فيها، جلنار:كلتبن بس النوم اهم منكم
إنجام وهي تشوف جوالها:بَراق مبدئيا معك نص ساعه اذا مارحت بتلقم مناوبه
وراح مُسرع للداخل ، إنجام:لا الحين صدق باكل تبن
ايلين:كم باقي صدق؟
إنجام وهي تضحك:ساعتين هههههههه
ضحك اسر:يانذلكك اشك انك مطيريه!!
إنجام:مايحتاج اكون مطيريه النذاله وراثه بالعايله
غيّاث:اي واضح واضح
مدَاد:الله يهديك يانجامي صحيتيهم الحين يصجونا وحنا مايقنا انهم ينامون!
تارا:لايسمعك بّراق بس
اليث:يعني تبون الفكه بننشب لكم اليوم كله
جلنار:نوريكم
مدَاد:ابلش صدق
نزل بَراق الي خذا شاور سريع ولابس لبس المستشفى تكتف وهو يطالع إنجام:شسوي فيك!
إنجام:تعطيني فلوس اني صحيتك
ايلين:تذكر يوم اكب عليك مويا وتهزئني يالله هزئها مالي دخل
جلس وحاوط اكتاف انجام وميل شفايف بابتسامه اسى:ماقدر
ايلين بصدمه:وانا عادي!
بَراق:اي
ضحكو الموجودين كلهم ، ايلين تنهدت:قررت بروح الطايف
اسر:مالقيتي الى الطايف!
إنجام وهي تاكل مكسرات:اي البلاير مرقمه نص الطايف
ايلين:اروح عندهم شبي فيك زوجه اخ على قله سنع واخ لافايده ولا عايده
إنجام:هيا والله ماخلي بنتِ عندك
اليث:يعني لو كان ولد؟
إنجام:مابيدي شي مع الاسف!
مدَاد بابتسامه:شالفرق بنت ولا ولد اهم شي بخير
إنجام:نو في فرق العيال مامنهم فايده
اسر:علقت علينا
إنجام:خصوصا اسر زياده عدد
اسر تنهد وطالع بَراق:الحين كم شهر بتعلق علي؟
بَراق وهو يضحك:ويين 8شهور
إنجام:نو 8 شهور و اسبوع
جلنار:شالفرق
إنجام وهي تشرب شاهي:مافي فرق
اسر:تبي تشارك بس
بَراق طالعها:كاسه كم؟
إنجام وهي موسعه عيونها بذهول:ياخي شتبي انت!!خلني بحالي نشبه!
خذا الدافيه وحطها عند جدانها:تراها مننوعه منه-وجلس جنبها-شبتسوين؟
إنجام:بَراقوه ياغثيث!! انقلع كريه عميي!!
نهَات وهو يضحك:مالي قدره بذي عاد ممنوعه منه وتبيني اقف معتس بالخطا اعذريني
إنجام تكتفت:قلتها عـ
البنات والعيال:عايله مامنها لافايده ولاعايده
ضحكت بصدمه:وانتم شتبون ياربي كرييهين
جلنار:عمتك!
إنجام:تخسين!
جلنار بصدمه:رضيتي ولا انرضيتي عمتك!
إنجام:تخسين بزره وتبيني اقول عمه! عمتي الوحيده قوقو انتِ ضفي وجهتس بس
جلنار بعناد:الى دُنى وسُهى عماتك!
إنجام:نو لاعمه ولا خاله دودو وسوسو حاف
مها وهي تضحك:ليه؟
إنجام بتفكير:لان بكيفي كذا مابيننا كثير صغار لسا فا يمكن يمكن افكر اذا صارو80 سنه
دُنى بابتسامه:اي كذا اوكيه
طالعتها إنجام بضحكه:بس يبقى انك كبيره يعني عادي هي على حسب المزاج ههههههه
دُنى وهي تضحك:كملي جميلك ياخي
جلنار:اول مرا اشوف ام زوج طيبه
حضنتها دُنى:ياشيخه وش له الرسميات !
بعدت انجام وطالعت جلنار:يع يع يع الله يعينك على ام وخوات اصيل غثيثااااات ونشبات وامه ابدا مايصير شي الى بامرها حتى فلوسه هو لازم يستاذن انه ياخذ وتجلس تحقق معه ليه وليه وبخييييييييييله وبناتها كريهات دايم يسببون مشاكل بين اخوانهم وزوجاتهم
جلنار بصدمه:يع شذا!
ضحك بَراق:كذابه امه طيبه وخواته طيبات كل الي قالته كذب بكذب
جلنار وإنجام مع بعض وهم يطالعونه بنظرات حاده:وانت شعرفك بخواته هاا؟
ايلين:جوجو الصراحه الصراحه دقيه قليل ادب
بَراق بصدمه:وش قلت!!
جلنار وانجام:وخواته طيبات
ضحكو الموجودين من نطق انجام وجلنار وتكرارهم مع بعض ، إنجام طالعت دُنى وغمزت :يعني ترضين يجلس يمدح ببنات الناس!!
دُنى الي فهمتها وقفت وتلت اذنه:الظاهر اني ماعرفت اربيك صح ياقليل الادب وهاذا وزوجتك هنا وجنبك تقول كذا لو هي مو فيه ها شقلت الادب ذي قسمــ
بَراق بصدمه والم:ياهو من اصيل مو مني شدخلني انا قلبتو علي يمه!!
دُنى وهي تضحك وتطالع بانجام الي تضحك:ها ازود القرصه ولا افك؟
إنجام بتفكير طالعت نهات:نفك؟
نهات وهو يضحك:لا
طالعت جلنار:نفك؟
جلنار:لا
ايلين:لاتطالعين فينا لا تفكو
إنجام طالعتها :احس زوديها
وزادت ، بَراق:انا زوجك المفروض توقفين معي!!
إنجام:نو مابي رجولي تتكسر بجلس-ووقفت وصبت شاهي وجلست -اي الحين الشاهي له طعم اف بس تسلم يديك دودو
دُنى:ها افك؟
إنجام:عشانك واقفه والله هو مايستاهل فكي عشان ترتاحين وبعد ساعه الشوط الثاني
ضحكو الموجودين وضحكت دُنى وجلست ، بَراق وهو ماسك اذنه:يادودي بديت احسك مُفترسه
دُنى:احسن تستاهل
سحب كاست إنجام وحاوط رقبتها بيده:اجل ماتبينها تفك!
إنجام وهي تقبص جنبه وبعد ، جلست:احسن تستاهل اكثر بعد انا شكلي بشري خيزرانه زي وديمه تعرفونها عشان امحط الي مابي
ضيّ:والله مسلسلهم يضحك تم اقط معك؟
إنجام:اويطي بريال بابو خمسه
جلنار:بدت بدت اعراض الامهات
إنجام وهي تضحك:لا صدق يعني تخيلي اشري خيزرانه كشخه وبمبلغ وانا بمحطكم فيها
اليث:حنا شدخلنا محطي بَراق بس
إنجام وهي تاكل مكسرات:لا كلكم بمحطكم-نزلت المكسرات-صرت سنجاب انا !
ضحكو الموجودين ، إنجام طالعت بعمامها:ابي دفايه الشاهي مابي اجي وتردوني!
مدَاد:لاتحاولين
بّراق:اي كفو
همّام:والله ياجوجو اايدك بفكره الخيزرانه
بّراق:لونك عمها اسمها إنجام ولا ام...
قبصته، وهو يمسك يده:اسمها انجام معليش يعني لونك عمها!
جلنار بحماس:الله وش بتسمووونه!
إنجام:جدار
بَراق:لا من قال رنج احلى
إنجام:تلايط جدار ولا مرسم
نهات بصدمه:لحول ولاقوه الا بالله
مدَاد بصدمه:الله يعوض وليدكم بس
جلنار:لامستحيل خذوها مني بيطلعون اسامي تفشل وتغث ولاهي اسامي كل ماسالنهم عشان مايعلمون
إنجام و بَراق:صحيح
ايلين:انا عمته علموني
إنجام:ذي المشكله
بَراق:الله يعينه او يعينها
اسر:بجديه وش
إنجام:سعيدان
بَراق:وسعيداء
اسر بصدمه:بيجلطوني لو كذب بتجلطوووني علموني خير
إنجام:ياخي انا ماني طايقتك
بَراق:ضف وجهك داخل يالله
اسر بصدمه:انتي صدق وش جايك علي وانت تقلع بس
نيار:وانا ماودتس تعلميني
إنجام بتنهديه:يانوني لاتطالعني كذا تراني خفيفه!!
ضحكو الموجودين ، ضحك نيار:الي ودّتس به يامي انتِ
إنجام رمت له بوسه بالهوا:غطو عيون سوسو لاتشوفني
سُعاد وهي تضحك:هالمره بس
إنجام وهي تطالع الورود الي حول المرسم والجلسه الثانيه وسهت ، جلنار:وشبها ذي هي بنت
بَراق باستغراب:جوجو
إنجام:ها
بّراق:شفيك
إنجام وهي تاشر على الورد:شكله يشهي!
ضحكو الموجودين بصدمه ، بّراق بصدمه:يراسي بنجلط انا ماتنوكل!!
إنجام:طيب تشهيي!!!
بَراق تنهد:استسلم
دُنى بصدمه:جوجو حبيبي توحمي على اي شي ثاني وابشري اما ورد بنربطك !
إنجام تنهدت:مالي دخل يشهي شكله اوكيه بديت اشك بنفسي واني غريبه اطوار بس يشهييي
دُنى :في شاي ازهار
مها:زهورات
دُنى وهي تضحك:الي هو تبينه؟
إنجام بتفكير:والله لو يسمن...
جلنار:انتي سمنانه سمنانه
إنجام:بس جنين مب دهوون ووزن!شلون اسويه ذا بعد اسمه يشهي الله يستر الطعم
دُنى وقفت:بجيبه لك
إنجام وهي ترمي لها بوسه بالهوا:ياحلوك بس-وطالعت نهات الي يطالعها-صح انك عمي بس انت وولدك تراكم تقهرون شفيها!
جلنار:سكبي عليهم غيرتهم مخيسه
إنجام:ودّي اقول اتفق بس اخاف نوني يزعل
جلنار:من نوني
إنجام:اخوك!
ضحكت :اقعد طيرت هيبت الكُل
ايلين وهي تضحك:اخيرا احد يتفق معي طيحي هيبت الكُل يالله
إنجام:نهات نوني همّام ميمي نيار نوني تو طَارق طروقه عشان يصير صيغت انثى استقعاد بَارق بوبو امم اسر سوسو اليث لولو غيَاث غوثيي الوليد يويو هبد
البنات:اي حلوين
طارق وهو يضحك:راحت هيبتك يابو مدّاد بنيتي ماقدر الشكوى لله
بَراق وهو يضحك:انا اهون راضي منها بسسس
مدَاد وهو يضحك ويطالع سُهى:لاتفكرين تكفين ماقدر!!
نيار وهو يضحك:دامه منتس راضيي
جلنار وهي تضحك:معليش ياعمي انت وابوي مرا مدلعينها
تارا وهي تضحك:ياكلنا يا لا
نيار:تغارن
البنات كلهم:ايه!
ضحكت إنجام بصدمه:شتبون حتى جداني مناشبيني فيهم
الوليد وهو يدعي،إنجام:ترا والله اعلم ميساء!
الوليد بوهقه:ابلش نسيت انك صديقتها!
إنجام:اركدد
بَراق شاف الوقت ووقف:تبون شي
نهات:سلامتك
طالع بانجام:ودّك بشي؟
إنجام:فكني من علي
ضحك:ذي بنحاول بنحاول عاد نشوف
وباس خدها وراح،مسك يده غيَاث وراجعه بتمثيل للحده:وش تبي باختي هااا؟!
بّراق وهو يضحك:شدخلك ترا نكنسل ها؟ههههههههه
ضحك مدَاد:تذكرها ياغيَاث ههههههه
غيّاث بوهقه:ياخي انت ابوي خاطري اجلده ودّي والله
بّراق:وش سويت بعد توني مجلود!
غيَاث:كذا غاثني
بّراق وهو يتذكر ضحك:اها هههههههه
ومشى وهو يضحك ، إنجام تكتفت:خير بضحك!
غيَاث:علي ها!!
إنجام وهي تضحك:تو فهمت توهق يالله هههههههه
غيَاث وقف:اكثر اثنين مستفزين الله يعين ولدكم بس
ودخل،إنجام تربعت وهي على الكنب،جلنار :يالله الله يستر من الهبد لاتنهل السبحه تكفين
إنجام وهي تطالع بابوها بملامح بريئه:بابا ابي الشاهي!
مدَاد :لا
وجلست جنبه بدلع:ابوي!!!
مدَاد ضحك:انشهد اني خفيف سميّ
إنجام بابتسامه:ابي الشاهي
وعطاها:كاسه!
إنجام:ثنتين!
مدَاد وهو يشوف وجهها:الله يعين ثنتين بس وماتشربين كل اليوم
خذتها بابتسامه ، اسر بصدمه:ان كيدهن عظيم
ايلين:صورتك لـ بَراق
إنجام:قاتلت المُتعه شتبين كنت بسوقها عليه باليل اقول ماشرب بسوي لي!!
ضحكت ايلين:والله اني داريه
ودق جوال انجام ردت بصمت
بَراق:شسوي فيك؟
إنجام وهي تشرب شاهي:يالله له طعم وانت مب فيه اشوا محد يسحبه مني خذ مناوبه اليوم
بّراق بنرفزه:انجام بيضرررك!
إنجام:عادي الحياه مره وحده
بَراق تنهد:اخر حل بعلم هناي
إنجام بوهقه:ياخي الى تبعص ليه!هي ماخذه اجازه وتبي ترتاح وانت تعلمها علي خير!!
بّراق:اخر حل خلصت الحلول معك!
إنجام:انقلع علمها ماهتميت
وقفلت،ايلين:بيعلم هناي صح يالله القمي تعطيك حبوب دبل
إنجام:كليتبن منك!
جلنار:ياشيخه تشربين بكرا عادي
إنجام بوهقه:لانك ماتعرفين هناي نفسي
اسر وهو يدعي:الله يوفق ذي الي اسمها هناي ويسعدها واخيرا لقينا احد تخاف منه إنجام
إنجام:وين تبيني اخاف منها تخسي تضحك حتى تهزيئها يضحك هي تهزئني وانا اضحك الحياه مرا وحددده
جلنار تكت:ياخي طفش احسها تسوي فعليات دقي عليها
إنجام:مب يمك تجهز لـ ريّان بتولد بعد اسبوعين ونص تقريبا
جلنار بابتسامه :الله ولد اسمه حلو
إنجام:يس يع بتسحب علي بس من الناحيه الايجابيه معد تنشب لي انا ومواعيدي
توليب وهي تبرد اضافرها:سؤال مابدك تتعافي ومعد تتبهدلي بالمستشفى
إنجام:اي
توليب:اي خلصنا روحي مواعيدك واكلي ادويتك وخلاص معد تروحي الوه
إنجام بحلطمه:وع مابيهم طعمهم يلوع التسبد والمواعيد كل مارحت موعد دبلو المواعيد لي على قله سنع
سُعاد:وشنهي مواعيدك يامي
إنجام وهي تعدد:رنين مغناطيسي ، تخطييط قلب وكل شهر اسوي ، أشعه تلفزيونه ،اشعه عاديه ، تحليل شامل ، تحاليل البيبي ، الفيتامينات ، يمه واجد بس اتذكر ذول
جلنار حطت يدها على راسها:قولي ماتكلين ولا علاج!
إنجام بحلطمه:بّراق فوق راسي لين ماكلهم ومرات استفرغ وعع ياخي
سيرين:جوجو الي بعرفو الاشعه مابتصلح للحوامل؟
إنجام بابتسامه:اي ماتشوفيني مستانسه مابقابل خشت علي كل اسبوع اسبوعين
ريَا:وش الرنين ذا
إنجام:حق الورم
سُعاد بصدمه:ماسويتي عمليته للحين!!!
إنجام بوهقه:ها وش عمليته
طالعوها بصدمه،مدَاد بصدمه؛يعني للحين معاااك!!
إنجام بوهقه :اي ماسويتها اساسا هي الاسبوع الجاي بس عشان البيبي وكذا اجلوها بعدين
جلنار:عشان المضاعفات ياغبيا صاحين تبونها تسويها الحين!!
مدَاد بخوف:طيب يعورك!!
إنجام:شف هو صداع مُزمن معاي يعني كل وقتي صُداع لو اكل بنادول ماينفع علي يقول اذا خليناه اكثر بدون مراقبه ومتابعه وادويه تساعدك عليه بتوصل للاغماء المُفاجى و دوخه الدوخه معي بس الاغماء و النسيان الي لسا
طالعوها بصدمه،اليث بصدمه:بتنسيننن!!!
إنجام:مؤقت لين استئصال الورم ومُمكن يبقى معي فتره لبعد العمليه لين اسوي عمليه ثانيه له بس ماقدر اسويها اوريدي لازم الجرح الاول ومكان العمليه الاولى يلتم بنسبه95
دُنى بخوف:نجاح العمليات كم نسبتها!!
إنجام:الاستئصال -وهي تطول كلامها وتشوف تعابيرهم كلهم- 30 بدون المضاعفات
طالعوها بصدمه ،مها بخوف:ياويلي عن بنيتي!!
نهات بخوف:ليه ماسويتها قبل يعني اول ماكتشفتيه
إنجام:اول ماكتشفته من الدوخه والصداع سويت اشعه للمخ وكذا وبين وكان يعيني متقدم شوي بالمرحله الثانيه اظن الكلام ذا كله قبل شهر من الان اكتشفته لين ماكتشفنا ايش هو وكيف علاجه وايش حله تاجلت العمليه عشان مايقدرون يسوونها وانا حامل عشان المضاعفات بتكون اكبر
تارا بخوف حطت يدها على قلبها:يمه!
ضيّ بصدمه :كيف متحمله!
إنجام بابتسامه:عادي تعودت
ريَا بصدمه:الصداع!
سيرين بصدمه:الاغماء!!
إنجام بابتسامه:الصداع مُزمن ياحلوتي من قبل لاعرف الورم فا مبدئيًا صح مُزعج بس تعودت عليه الاغماء ياعيني لسا بس بمرحلتي ذي باي لحظه اطيح ويغمى علي
_____________________________
حابه يعني أبثركم عشان ابدا بمحبوبتي الثالثه 🥲 ، آآخ انشرو لي ادعموني ياخي حرام عليكم ، بكون دايم متواجد بالانستا وأي اقتراح او أي سؤال تعالو لي هناك ، انتظر تعليقاتكم وارائكم بكُل حماس ، حسابي {len.1o1} ، واشوف رائيكم على روايتي ، قراءه مُمتعه ، اعطوها حقها بليز نجمة وكومنت❤️
إعذروني ان تواجد خطا املائي
الى لقاء اخر