عينيها طريَق و قلبي سّافر لأجلها

p5

إنجام بابتسامه: طيب اعطوني اغنيه شعر اي شي ماعندي
تارا بابتسامه: تعرفيييين للشعر!!
إنجام بابتسامه هزت راسها بالايجاب ، صفقت ريَا بابتسامه: انتِ عباره عن كومه مواهب ماشاءالله
جلنار بابتسامه:الي بتويتر والانستا منك؟
إنجام ضحكت بوهقه:ياربي يعني خلاص !
ضحكت جلنار:مكشوفه من كُل الجهات! بس اكلي زق زين! -طالعت بتارا-منن اربع سنواااات متخيله اشوف تغريداتها وستوري الانستا وذا ياربي اسالها من وين تجيبينهم وتقول اكسبلور يطلعون طلعت هي!!
تارا بابتسامه:مالي دخللل بتقولين لنا شعر لو منقول عادي وتغنين لناااا
آيلين بابتسامه:شوفي بما انو ماعندنا اغاني بفتح التيك و اول اغنيه تطلع بتغنينها مالي دخلل
هزت راسها بالايجاب ، فتحت آيلين واشتغلت ، طالعت فيها بابتسامه:يالله سحر البيان تعرفينها
ابتسمت إنجام ( من زينها الطاغي يغارون كل الزيان...العنق عنق المها والعين عين الظبي...موت حمر وان تثنت كانها الخيزران... الحكي حكي عربي ...والدم دم عربي...سحر البيان انشهد انها سحر البيان...ماهوب سحر البراقع واللثم والعبي...)
سكتت بابتسامه وصفقو لها ، نهات بابتسامه: صدق بسم الله عليك
الجده مها بابتسامه: ها قدامتس ماعلمت بشيٍ
وسعت عيونها آيلين:يعنيييييي مهو تدري واحنااا لا!
ضحك الجد طَارق: اوه فاتتكم جلساتنا بالمزرعه واذا صحينا الصبح وعزفها ماشاءالله
وسع عيونه بذهول أليَث:تعزفيييين بعد!
غيَاث:ماشاءالله تبارك الرحمن وش
إنجام بابتسامه: قيتار بيانو عود
آسر وقف بابتسامه:بجيب العود حقي ومالي دخل
وراح ورجع اعطاها ،
إنجام بابتسامه (وراس مالي ذكريات و حلم و أمال و طموح ...لا صديق و لا رفيق ولا طريقا اتبعه...سامحيني دام عذري واضح كل الوضوح...و اسمحي لي بالرحيل بلا تذاكر و أمتعه)
صفقو لها ، قرص خدها أليَث بابتسامه:مُبدعتنااا
دق جوالها، إنجام بابتسامه:اهلاا
ام ليال بابتسامه:ياهلا بهالصوت وراعيه كيفتس يامي اخبارتس طمنيني عنك؟
إنجام بابتسامه: يابعددد قلبيي والله بخيير ياعيوني كيفك انتِ كيف هُدى؟
ام ليال بابتسامه:كلنا بخير يامي انتِ ، وينتس قطعتي واختفيتي مرهٍ وحده معد جيتي
إنجام بابتسامه:دوم ياعيني ، لسا سيارتي ماوصلت اول ماتوصل بجيك على طول
ابتسمت ام ليال:ماودّي اتعبس معي قلت ادق اسال اشوفتس كيفتس والحمدالله دام صوتس كذا وتقولين بخير يالله انك تدوم عليها السعاده والفرح يارب
إبتسمت إنجام:ويااك ياعيني شدعوا تعب! اجيك لو باخر الدنيا بس امريينيي
ام ليال بابتسامه:سلامتس ياعيوني يالله فمان الله
إنجام بابتسامه:انتبهي لنفسسك واوديتك
وقفلت، تارا دمعت: ياخي ودي اصفقك !
ضحكت إنجام:شجايك علي انتِ !
تارا:تهبللين ياخيي!
رمت لها بوسه بالهوا:والله انتِ الي تهبلين ياشيخه
الجده مها بابتسامه:ام ليال؟
إنجام هزت راسها بالايجاب ، دُنى بابتسامه:شرايك تعزمينها؟
إنجام:بالطايف صعبه وماعندها احد يجيبها
نهات:والولد الي معهم بالمستشفى ؟
إنجام:ابو تاليا زوج ليال هو فـ ابها وهي بالطايف عندها هُدى تسوق بس ماتمسك خط سفر
غيَاث:بتروحين الطايف!
أليَث:اذا تبين نوديك بس ماتسوقين وانتِ تعبانه!
ابتسمت إنجام:عادي تراه التواء بالرقبه وشعر فالعضله الحركيه وشعر بيدي مافيني شي
تارا:وش مافيك شي!
بَراق:ذي بايعتها ترا مُصابه بكتفها وهاربه من العنايه عشان حالتها حرجه ومسكت خط لـ الجنوب وماحد درا الى يوم دخلت مكتب إصيل
طالعوها بذهول، نهات بصدمه:منجدك تهربين انتِ!!
إقبال:يامعتوهها لو صار لك شي !! ولا من وين من العناااايه!
رمت إنجام علبه المناديل على بَراق: ياخي انت شتبيييي سد حلققك! -طالعت فيهم بوهقه- شفيككككم ! عادي ترا
بَراق وقف وهو يضحك:خربانه خربانه  كانت متصاوبه فوققققققققق قلبها بالضبط ومارحت تنقذ نفسها لا خذت سلاحها وركضت ورا الي صاوبها قتلته وبعدين اغماء عليها
وهرب ورا جدانه ، إنجام :ياحيواااان اسكت!
طالعوها بصدمه ،تارا بصدمه:قتل قتلتي!!!!!!!
إنجام من عرفت انها فهمت غلط : هديي ماقتل كذا والسلام لا امر جاني فاذا جاني امر اضطر هالشخص امسكه حي ولا ميت واذا كان ماخذ رهينه بعد معي الاذن اقتله ولا اذا كنت مخطوفه معي اذن انهي اي احد قدامي واطلع كل شي قانونننننني  ! اهدو!!
تارا تنهدت براحه: يمه قلت ذي قاتله معتوهها
رجع بَراق مكانه وجلس ، جت بتقوم عليه بس أليَث منسدح عليها، بَراق تنهد براحه: أليَث خلك منسدح لاتقوم بعدين شدعوه إنجام انا ولد عمك! استهدي بالله!
إنجام:حلات من لعنك وخاط فمك !
نهات وهو يضحك: لا صدق انتِ انهبلتي! عادي واذا قال
إنجام طالعت فيه بذهول منه: عمي منجدك! ترا توصل انسجن ومرات اعدام اذا المعلومات مرا! ومرات مُسائله وتحقيق !!
طالع نهات فيه:سد حلقكك ولا بخيطه لك
إنجام: اساسا لو وصلهم خبر ان في احد يعرف رحت فيها مو بس انا حتى هو وإصيل الي بصفقه بس خلوني اشوفه
بَراق بصدمه:اما !شدخلنننني!!!
ضحكت إنجام:منجدك تستهبل! ترا جد تصير سالفه طويله عريضه اذا درو بيقاضونك اختلاس ومادري شنو وادخل مُسائلات وتحقيق مو محققين عاديين لا مناصبهم كبيرررا اسرار حكومه الدوله ذي سد حلقكك ابرك
بَراق: بسكت اجل والله ابي اعيش مابي اموت توني صغير!
إنجام وهي تصب قهوه لها: ميدك قحم اكرمنا بسكوتك
بَراق :فاغره
رمت عليه الفاين: ميدك قحم وفاغر شرهه علاك
بَراق بابتسامه:غلّه من الغلاال
طالعت فيه وهي موسعه عيونها ورمت عليه علبه المويا:اشنااااك ~طالعت بـ جلنار~ اندفيه عندش!
جلنار ضربته وهي تضحك:الكلمه الوحيده الي عرفت معناها هههههههههه
ريَا :ابناء عمامي الاعزاء الرجاء التكلم بالغه العربيه العاميه لاتهرجوووون جنوبي!!!
كشرت إنجام، ضحك غيَاث:جوجو شقال
طالعت فيه:اندفه عندك
ضربه وهو يضحك ، وقف بَراق وهو يضحك جلس بعيد : كسرتووووني!
نهات وهو يضحك: خلو ولدي! ~طالع بإنجام~اندفه عشانش؟
ابتسمت:بِروحييي عنّك
نهات بابتسامه:وش تعني؟
إنجام بابتسامه ؛ زي جعل يوم قبل يومك كذا
نهات بابتسامه:بسم الله عليك وانا ابوك لابلاه بروحييي عنش
إنجام بابتسامه:مجااار ياعيني
صفقت جلنار:الصراحه لازم اخليك تعلميني كيف ارد ياربي ماشاءالله
ريَا وهي تضحك: وربي يوم انكسرت قالو لي الحمدالله على سلامتك قلت وانتِ بخير اقول لك الردوووود لعبتيي
ضحكت جلنار:لا انتِ يبي لك تأسيسسس صدق
جا اتصال مجهول لـ إنجام،إنجام مدت الجوال لـ غيَاث:رد واسال مين لاتوضح مين انا ومين انت
رد غيَاث باستغراب وتمثيل:ياهلا
:رقم المحققه الجنائيه إنجام مدَاد؟
غيَاث:مين؟
: المباحث
غيَاث:جوجو المباحث
خذته وحطته على اذنها:هلا
: ضروري تجين الجنوب الان
إنجام باستغراب: ليش ؟ ووش معنى الجنوب؟ امر مين؟
بابتسامه من ذكائها: مانقدر نصرح الى اذا حضرتي مركزك القديم امر من الضابط جابر
وسعت عيونها بذهول إنجام: شدخله بمركزنا؟ ووش يبي؟؟ وش معنى انا؟
ابتسم اكثر: ماعندي اي معلومه ابدا حضرت المحققه الى انه لازم تجين
إنجام:بفكر
وقفلت ، دقت على أصيل:الو
أصيل وهو يشوف النفور: إنجام وش صاير بالمركز؟
إنجام: الضابط جابر بيجيكم ترا !
أصيل بذهول: وش جايبه!
إنجام باستغراب:ومعه مباحث وفرق خاصه بعد تو المباحث يكلموني استدعاء منه
أصيل بذهول: يمه هاذا هو قدامي! اي حتى انت استعدوني
إنجام:شف وش يصير وبلغني
وقفل، طالعت فيهم:من يتبرع لي بسيارته
أليَث:بتروحين الجنوب؟
إنجام:اي ضروري
الجد طَارق:تعب عليتس خلي احد منهم يوديتس
أليَث ووقفف:نتمشى وتورينا جنوبك يالله؟
ابتسمت إنجام:يالله
ووقفت وطلعت ، تارا وقفت:بجيييي!
إنجام:تعب عليك الطريق طويل!
غيَاث وقف:والله حتى انا مالي دخل معكم بسيارتكم ولا نلحقكم بسيارتي
ضحك أليَث:امشو امشو الله يعين بس امي موافقه؟
سُهى بابتسامه:انتبهو لانفسكم
وطلعو ، بعد 4ساعات ، أليَث وهو يلف :يمه طرقكم تخرع كيف تمشين بها !
إنجام بابتسامه:شوف هنااك عند السيارت ووقف عادي تعودت
وقف قدامهم عسكريين، العسكري1:من؟
إنجام طلعت بطاقتها ومدتها:المحققه إنجام مدَاد
عسكري2:اسفين ،تفضلي
ودخل ، غيَاث بابتسامه:فخرررر
ونزلت بابتسامه:بجي لاتروحون
والتفت على وقوف جابر بصوت عالي:محققه إنجام!!
التفت إنجام بابتسامه وصوت :بدينا
أليَث مسك يدها،إنجام بابتسامه:معليك
وراحت وفتحو الشبابيك يشوفون، طالع فيها جابر: وش داعي التمثيل والتهربب من شغلك؟
إنجام وقفت امامه ببرود:الله يسلمك
ابتسم جابر بسُخريه: ماتحمدت لك بالسلامه!
تقدم أصيل وقف جنبها: سوينا الحادث جميع! وش داعي التكذيب!
جابر ضحك بسُخريه:جمييييع!
إنجام بنظرات حاده وصوت عالي :خلصني شتبي طاقه مشاور ومتعنيه لشغلي ماهو لك ! وبعدين مالك حق تجلس تحاسب وانت مو المسؤول عننا سامع!
جابر بسُخريه:اوه بنت المُدمن طلع لها صوت ! عجيييب والله
صفقته كف تحت صدمت الكُل وبصوت عالي وحده ورفعت اصبعها بتهديد:وقسمًا بالله ان فتحت فمك على اهلي مرا ثانيه انهيييييك سامع! واي بنت مُدمن تااااب وافتخر ورافعه راس اهلي والحمدالله! مو زيك اجي واستشرف على الي بالعمل بحكم منصبي اقدر بتوقييييع واحد انسفك من منصبك فاحترم نفسك وانك بمركزنا !!
جابر بحده:قد حكيك وافعالك!!!
إنجام بحده وصوت عالي وهيبه وثبات: قده ! وان كان عندك شي اعلى مابخليك اركببببه سااامع!
وطالعت بأصيل بابتسامه: اذا في قضايا خبرني استنئف اجازتي اتس اوكيه
أصيل بابتسامه ؛ لا ارتاحي
ومشت ، ركبت السياره وأليَث وغيَاث الي نزلو من سمعو الكلام بس ماتحركو ركبو، إنجام: أليَث برسل لك موقع روح له
فتح الموقع وحرك عليه ، غيَاث:جوجو!
إنجام وهي متكيه بظهرها وتتامل الغيوم:عادي تعودت
تارا:جوجو يسبون بابا ويسبونك!!
إنجام بابتسامه سُخريه: حتى امي ماسلمت منهم الله يرحمها يارب بس حقي واعرف اخذه
أليَث:مابيصير لك شي؟
إنجام:لا بيصير واشياء مو شي بس ماهمني
أليَث مسك يدها وهو يسوق: ماعليك مابيصير لك شي واذا صار كلنا حوالينك ومعك مابنتركك
ابتسمت إنجام واكتفت بالصمت ، وقف قدام بيت :هنا؟
إنجام نزلت وخذت الشنطه الي تحت طلعت ضرفين كبار :بجيكم
وراحت دقت الباب ، طلعت ام هديل بابتسامه :ياهلا ياهلاا ببنيتي ! ياهلاا ببنت هديل ، تو مانورت الجنوب
قبلتها وسلمت عليها وحضنتها، الجده بخوف: وش بتس ياعيني!
إنجام بابتسامه:اعذريني ماجيتك الفتره الاخيره بس اني سويت حادث وسيارتي تلفت وللحين ماوصلت الجديده
الجده مسكت قلبها:بروحيي عنشش ! كيفش يابعدي انتِ!
إنجام قبلت يدها:مجاار ياعيوني، بخير الحمدالله طمنيني عنك وعن جدو
ابتسمت :بخير الحمدالله وجدش كالعاده عند الحلال ، من جايبش؟
ابتسمت إنجام:أليَث و غيَاث و تارا اخواني
ابتسمت الجده:صلحت؟
انجام بابتسامه: جده انخطبت وملكتي هالاسبوع
ابتسمت بواسع ثغرها:فيييي ذمتس! ياعوينتيييي مبروك يامي مبروووك
{سُعاد ام هديل من اهل نجد بس نيار زوجها ابو هديل من اهل الجنوب عشان كذا بتشوفون اختلاف بسيط بالهجه}
ابتسمت إنجام:يبارك فيك، تجين؟
الجده باسف؛ ودّي ياعوينتي ودّي بس مثلتس تشوفين مالنا حيله الطريق
ابتسمت إنجام وقبلت يدها: نعوضها بالعرس وتوصل سيارتي واجيكم ياعيني ، تامريني ياعيني على شي ؟
الجده:اجلسي!
إنجام بابتسامه ؛ودّي بس ماودّي ااخر اخواني سمّي -ومدت لها- حقكم من الورث
وسعت عيونها الجده بذهول ورجعته:لايمي لايمي انتِ مانبيه يامي كله حلالتس ولتس !
ابتسمت إنجام:عشاني طيب؟ هديه؟ طلبتك
ابتسمت الجده: عندي متى مابغيتيه خذيهم
ابتسمت إنجام وهزت راسها بالايجاب:فمان الله سلمي لي على جدي وتسمحي لي منه ماسلمت عليه
الجده بابتسامه:الله يسلمك يامي انتِ معذوره انتبهو لانفسكم
ومشت ركبت ، أليَث بابتسامه وهو يحرك:جدتك؟
إنجام بابتسامه:اي
تارا:جوجو سوري بس والله فضول يعني ماعندك خالات خوااال وجدانك ماشاءالله الله منعم عليهم ليه مايجون عندنا؟
ابتسمت إنجام:مايبون يتركون اراضيهم امي وحيدتهم أليَث وقف عند البيت الي بالزاويه
ووقف ،وخذت ضرف ونزلت طقت وسلمت واعطتهم الضرف ورجعت ، وحركو، غيَاث:ادري حقكك وانتِ حره بس ورثك ياجوجو!
إنجام تنهدت:ماهو مرجع لي شي وواجد عندي ولاني بحاجه لنصه شركات وعمارات وارضي وغير الشركات الماشيه ممشيها جدي لي والفلوس الي بخزنتها واجددد ياغيَاث فاعشان كذا دامي حيّه اي شي تبونه لاتخلونه بخاطركم
حضنتها تارا من ورا: ياحظننا فيك بسس
طالعت إنجام بـ أليَث:يعني مو ناوي ابدًا تعترف ولا تقدم على خطوتك؟
ابتسم أليَث ومثل الغباء:وش اقدم عليه؟
ضحكت إنجام:لاتسوي غبييي
أليث تنهد بابتسامه:ودّي بس ماقدر بدون ابوي
إنجام مسكت يده:إقبال متفهمه وعارفه وشايفه الوضع حنا وسُهى مانكفي عادي وبعدين ابوي بيعذرنا اكييد
طالع فيها أليَث بابتسامه:نقول بسم الله؟
إنجام بابتسامه:بسم الله
غيَاث:وشش ووش إقبال
إنجام بابتسامه: اخوووك عريسس
تارا :بتخطب ريَااا! واااه مبرررروك
ضحك أليَث:بعده الموضوع
إنجام بابتسامه:ماعلييييييك ريَا بتوافق خذها منني
وحطت ظهرها على الدرج عشان تشوفهم كلهم، غيَاث:يعني انتو الاثنين كل واحد غرقان بالعسل ويحب وبيتزوج ياخي ارحمووونني !
إنجام بابتسامه:اخطبها طيب وملك والعرس بعد التخرج
غيَاث بذهول:تعرفيييينها!
إنجام ضحكت: يعني بنصير مقابل بعض اربع وعشرين ساعه اخوان ماخذين اخوان فله يالله صدق كلم سُهى وشف
تارا:آيلين!!!! كلوووو زقق بتتزوجون وتخلونييييي خير!!! وانت اهجد اذا تزوجت تزوج انا اكبر منك!
غيَاث:نصرفك بـ آسر
صرخت تارا:لااااا!
أليَث وهو يضحك:وشبكك!
تارا وهي تلعب بشعرها وتتخيل: مابيه خلوه لكم ابي انا وااحد كذا عضلاااات واسمر وشعره طويييل ووجه ملامحه كذا حاده وطويييييييل وشعره ناعم ويحب يكشت ويروح الجم
ضحكو من تخيلاتها، أليَث وهو يضحك:وانا اخوتس مانتي بلاقيته ذا تفصال
ضحك غيَاث:ذاا كله آسر بس ماهو بطويل وملامحه هاديه حلو مشي وضعك فيه
تارا بحلطمه:لا مابييييييه !
إنجام:الي يشوفك يقول خاطبك وينتظر ردك بس اهربييي لاتطيحين بالفخ نفسي مع الاسف توهقت بواحد عكسسسسس المواصفات الي ابيها ايي صح تبون تشوفون اداااي بالخيول
:اي
إنجام:ليوث ارسلت لك موقع روح شاركت الحين يالله
وفكت استاندت الرقبه ودلكت رقبتها وفكت الربطه حقت اليد وطلع عبايتها الكحليه ولبستها ، غيَاث:يبزره لاتزلينهم!
إنجام وهي تجي بتنزل:الحياه مرا وحده يالله ارسلت تذاكركم بالواتس
وراحت ودخلو ، بدت المسابقه ، ودخلت إنجام على خيلها الأدهم الي اساسا هي حاطته بهالمربط ذا ومعها السهم ، وبدت تقفز الحواجز وتصاوب الاسهُم ، وتارا كانت داقه بالقروب الي كُل ال طَارق فيه ويشوفون بحماس، بعد ماخلصت المسابقه بين كُل المُتسابقين
إعلان النتائج : الفائزه بالمركز الاول إنجام مدَاد ال طَارق على خيلها الأدهم
وبدا يعلن اسامي البقيه ، نزلو اخوانها وباركو لها بحماااس، نهات بابتسامه من الجوال:كفووو
دُنى:ياحيوانه ليش منزله حق الرقبه ويدك!
إنجام:ها ! وش ! مين؟ انا ؟
ضحكت دُنى:اوريك
___________________________
الي ودّه يستبق الاحدأث يلقى البارتات بالانستا مُتقدمه جدًا على الواتباد ، حسابي {len.1o1} ، واشوف رائيكم على روايتي ، قراءه مُمتعه ، اعطوها حقها بليز❤️
إعذروني ان تواجد خطا املائي
الى لقاء اخر