بالطريق، أصيل:ولد بَراق جوالك يرسل واتس
بَراق :شف مالي خلق
وخذا جواله وشاف بس الاسم ومده له:شف انت
واستغرب وخذا الجوال وتوسعت الابتسامه ثغره من فهم :ورع بطيييي بالحييل كم لنا نمشي؟؟؟
ضحك :وش الرساله الي قلبت مزاجك
ضحك سعد:من زَهر عُمره
اعتدل بابتسامه:كلتبن
وضحكو واسرع اصيل شوي ، ووصلو ، وقف طَارق:امشو للمجلس
وراحو العيال كُلهم ، وقفت دُنى بابتسامه:جوجو حبيبي تعالي معاي بوريك شي
ايلين بحلطمه:يالله اتحرك صورو لي!
ضحكت دُنى:ماافيش
إنجام وهي تضحك:اسرااااااار
وضحكو الموجودين ورقو فوق ، قسم دُنى ، دُنى بابتسامه مسكت يدها :اعرف شصار بس ممُكن تفكرين شوي؟
إنجام بابتسامه:بشنو؟
دُنى ضحكت:اي لا شكلي قوات التدخل البطيء
ضحكت وغمزت:افكورس بيبي مراات يعني
وضحكت ونزلو ، وبعد مُده الامهات والاباء ومها وطَارق انصرفو رايحين لـ احدى عزايم الحاره ، وكانو جالسين البنات والعيال بالصاله والاطفال بقسمهم ، وكانو ينكتون ، جلنار وهي تضحك : الوليد اليوم ستايله داانكننن
وانهارو ضحك كُلهم ومنهم إنجام ، هدو ضحك شوي ، وإنجام ضحكتها انتهت قبلهم وغطت يدينها وهي تبكي بصمت ، التفتو كلهم عليها بصمت من حسو برجفتها وهي تبكي ، بَراق جلس جنبها بخوف :إنجام
وكانت تبكي ، جلنار جلست جنبها بالارض بخوف:جوجو شفييك!
أليث بخوف جلس جنبها:جوجو حبيبي طالعيني شفيك
ومن سند بَراق راسها على صدره وحست فيه حست براسها على صدره وحست بدفاءه وريحت عطره بكت اكثر ، كانو مصدومين وخايفين بنفس الوقت ولاهم عارفين الموضوع معدا جلنار وأصيل ، أليَث طالع جوليا:لاتخلين الاطفال يطلعون برا قسمهم
هزت راسها بالايجاب وراحت ، وإنجام تبكي حاولو يغيرون جوها ويضحكونها ويمازحونها ، بَراق بهمس:تجين معاي فوق؟
هزت راسها بالايجاب وهي دافنه وجهها بصدره وقف وهو محاوط اكتافها وهي مغبيه وجهها بصدره ورقو فوق ، أليث بخوف:احسها تعبانه
الوليد بضيق:ياخي تعودنا عليها ماتبكي!
جلنار بتضييع:شفيكم عادي طبيعي انسانه طبيعيه تبكي!! ومو شرط تعبانه يمكن هرمونات!
هز راسه بالايجاب ، راحت جلنار بعد ماشرت لاصيل بعيونها يلحقها ولحقها فعلًا ، ورقو فوق قسمهم
قسم ابطالي ، دخلو وقفل الباب ، وحضنها بقوه:تكفين وربي اسف وربي اسف مابيك تبكين وتتضايقين بصدري
مسحت دموعها ومر طيف ابتسامه عليها:بكيت لوحدي وكثييييير خلال اربع وعشرين ساعه
انصدم. وحضنها:مكاانك ذا ، صدري وكتفي وحضني
إنجام ببكي وغيره وقهر:انت الي بعدتني عنهم!
بَراق:والله ماجد الحيوان هو الي جاب الفكره
إنجام ببكي وقهر وغيره: ولو ماجد ماجاب الفكره؟؟
بَراق ادرك غيرتها وهو يحبها تعَاتب ولاتبكت:محد بيجيبها
إنجام بعدته وهي تبكي بقهر وغيره:بعد عني اكررهك طلقني!
حضنها وهو يضحك:العتَاب دليل المحبه وعيونك اكبر دليل انا احبّك وامووت فيك ولاقدر استغني عنك
قسم اخر ، قسم جلنار وأصيل
حضنها:اااخ اشتقت لك!
حاوطت رقبته وهي تضحك:وحشتني
وضحكت بخجل من صار يقبلها قُبل عشوائيه، جلنار بابتسامه:حبيبي
ابتسم بحُب:عييييونه ودنييته! اخ اطقطق على بَراق لايشوفني!
ضحكت:مابيشوفك معليه معليه الموعد الحين
اصيل بابتسامه وامله مانقطع معها:يالله اجل انتظرك بالسياره زين حبيبي
هزت راسها بالايجاب وابتسمت وراحت لبست عبايتها وطلعت له ومشو ، المستشفى ، دخلو
الدكتوره بابتسامه صافحتها:هلا جلنار كيفك؟
ابتسمت:بخير الحمدالله كيفك انتِ ها كيف ميمي معك؟ لايكون مزعلتك؟
ضحكت:لالا معليك -ابتسمت-طبعًا ميساء بلغتني ومتفهمه كل شي الي ابيه منكم شويت تحاليل وبنسوي لك سونار للرحم
هزت راسها بالايجاب وهم تعودو على هالتحاليل الي يسوونها ولا في تقدم بس املهم كبير ، راحو يسوون التحليل وجلسو بالانتظار يسولفون لين مانادوهم ودخلو ، الدكتوره وهي تقرا النتائج عقدت حواجبها باستغراب وابتسمت طالعتهم:الي واضح ومبين لي مافي اي مشاكل
جلنار باستغراب:كيف؟
أصيل باستغراب:رحنا لكذا دكتور وكذا مستشفى على مدار اربع سنين ولافي اي تقدم او اي تحسن
الدكتوره عقدت حواجبها باستغراب:بس مو واضح اي شي بتحاليلكم
جلنار بتردد:عقم
أصيل:كل دكتور او دكتوره رحنا لهم سوًا مستشفى خاص او حكومي ردهم واحد ماتقدرون تنجبون عقم
الدكتوره استغربت: بس لحظه مو باين لي هِنا اي شي-ابتسمت وطالعتهم -يعني مافي عقم ويمديكم تنجبون! للتاكد بخليهم يسوو تحليل ثاني
وخرجت وطالعو بعض يحاولون يستوعبون ، جلنار بابتسامه فرحهه:اصييل!
اصيل بابتسامه فرحه وصدمه:بس الي قبلها!!!
ودخلت وجلست بابتسامه:نهائيًا مافي اي مشاكل عندكم!!
جلنار بكت بفرحه وتقدم اصيل يحضنها يهديها، ابتسمت من لامست شعَور مشاعرهم:واذا حابه نسوي سونار لرحمك عشان نتاكد اكثر ان الرحم سليم؟
هزت راسها بالايجاب بخوف مسحت دموعها وتمددت وكشفت عن بطنها وشدت على. يد اصيل ، طالعت الدكتوره الشاشه وضحكت:جلنااار!!
جلنار بخوف:شنو في شي!
طالعتها وهي تضحك ومسكت خدودها:انتِ حاااامل!!!
أبتسم أصيل بفرحه من استوعب وسجد شُكر لله وجلنار بكت على طول ، وقف وحضنها ودمع،حاوطت رقبته وهي تبكي:شفت قلت لك مافي شي عند الله مستحيلل!
وخرجت الدكتوره تتركهم براحتهم ، بعدته ورفعت وجهه لها وكان مُحمر ويبكي بصمت، حضنته بصدمه:أصيل لاتخرعني!
اصيل بغصه:الف مبرروك ياعيوني الف مبرروك الله يتتم لك على خير ياارب ااخ ياكبر فرحتي ياجوجو الدنيّا مو شايلتني جالس ارجف!
ابتسمت بفرحه كبييييييره:الحمدالله يارب الله يبارك فيك مبرروك!
ابتسم بفرحه وقبل نحرها:اااخ أحبّك ! وهبتني الدنيّا ومافيها
مسحت دموعه وقبلت عيونه ومسح دموعهت طق الباب وببعد شوي ودخلت الدكتوره وجلست توصي جلنار وتنبهها وخرجت ، كانت الفرحه مو شايلتهم صدق ودّهم يوزعووون الفرحه باكملها على اهل ابها والجنوب كلها ، وصلوا ونزلو دخلو داخل ، على جلوس بَراق وإنجام ،راحت جلنار وهي تدمع حضنت إنجام ، شدت عليها بخوف:جوجو شفيك!
أليَث بصدمه:شفيكم اول جوجو والحين انتِ!!
الوليد بصدمه:يمه ماتعودت كيف يسكتون!
جلنار بهمس لانجام:انا حامل جوجو حاملل بصييير ام
إنجام بصدمه بعدتها :كذاااااااابه!!!!!!!!!
جلنار مسحت دموعها بابتسامه:والله!
إنجام حضنتها وهي تضحك:مو مصددقه!!!
بَراق بصدمه:شفيكم انطقووو!
جلنار وهي تشوف ردت فعلهم:امممممم
الوليد:خلصيني ارجف ارتاع منكن ودموعكم اليوم كله ماتطمن!
إنجام بصراخ فرحه : جوجوووووو حاااااامل!
وحضنتها إنجام وهي تدور فيها وتضحك ، ابتسمو بفرحههه كبيييييره وباركو لاصيل، بعدت إنجام من جلنار وحضنها بَراق على طول بهمس:ماتصدقون روسكم يابسه!
ضحكت،ابتسم:مبروك ياعيوني
جلنار بابتسامه:يبارك فيك
حضنها الوليد وغيَاث واسر مع بعض،جلنار وهي تصرخ؛مابي حضنكم بعدو عني!
وحضنوها وهم يدورون فيها ويضحكون ويباركون لها ، حضنها اليَث من بعدو وشد عليها وطاح عقاله على الارض ، أليَث بفرحه:مبرروك ياعيني انتِ الله يتمم لك على خير ياارب!
جلنار بابتسامه:امين يارب
وحضنوها البنات وهم يباركون لها ، على دخول مها وطَارق واخوانها،مدَاد بصدمه:اللهم سكنهم مساكنهم علامكن!
طالع همّام بجلنار وإنجام ألي يبكون وحاضنين بعض: صاير شي!
وبعدت جلنار وهي. تمسح دموعها وتبتسم:شييييي كبيييييييييييييييييير
إنجام وهي تضحك وتمسح دموعها:ااااوه بيطير عقوولكم! خممنووو منووو حاامل؟؟؟؟؟؟
مدَاد ماتوقع تكون جلنار لانه عارف:ريَا؟
إنجام بفرحه:لا!
استغربو ، نهات باستغراب:مين؟
إنجام اشرت على جلنار وهي تضحك، توسعت الابتسامه وجيههم وفرحو ، راح مدَاد وحضنها بفرحه:مبررروك يادنيتي مبررروك يااروح روحييّ!
جلنار بابتسامه فرحه:يباارك فيك ياعيونيي
نهات حضنها بفرحه:مبررروك جويجو الله يتمم لك على خير يارب
جلنار:امين يارب اسمي جلنار ولا جوجو شوهت اسمي!
ضحكو ، حضنها همّام بفرحه؛بصيييير خااااال!
ريَا؛جحدني!
وانهارو الموجودين ضحك ، حضنها طَارق ودمع بفرحه:ياكبر فرحتي يامي وابوي انتِ الف مبروك الف مبروك الله يتمم لك على خير يارب!
جلنار بابتسامه:اللهم أمين
حضنتها مها ببرود شوي:مبروك مبروك الله يتتم على خير يارب
جلنار حست ببرودها بس تجاهلت بابتسامه:امين ياعيوني
وبعدت ، مها وهي متكيه على عصاها:وش عقبه
انصدمو كلهم منها ، جلنار وقفت محلها بصدمتها وتلاشت ابتسامتها ، ومشت من جنبها ورقت فوق بصمت وراح على طول خلفها أصيل ، وجلست، مدَاد بصدمه من امه:يمه!
مها بانفعال:وش يمه مايمه وش نقول....
إنجام بانفعال وعصبيه:وهااااذا الي هامك الناس وبس وكلام الناس وبس واذا تكلمو لعنه تلعنهم وتلعن الي جابهم يتكلمون من اليوم لبكرا ولافكرررتي ببنتك!!! ومشاعرها؟؟؟ ابدااااا يعني الى تنكديين عليها بوسط فرحتها!! انتِ تعرفييين ايش مرت فييه اساسا؟؟؟؟؟ لا طبعًا!! همك ايش كلام الناس ووش يقولون الناس ووش يهم الناس ! تسعين انك ترضين غيرك بس بنتك لا طبعًا وذا الي يهمكك شغيييرك سؤال ؟؟؟ تغيرتي ميه وثمانين درجه مانتي جدتي الي اعرفها
مها ببرود ضحكت باستهزاء:وش مرت فيه مثلًا؟؟
مسك يدها مدَاد:إنجام خلاص
إنجام بانفعال ضحكت ونفضت يده منها :بعد مني! -ولفت لمها- الله لايبلانا تصدقين عاد؟ ولا خل اسكت نقول لك شمرت فيه نشوف يأنبك ضميرك او لا ياتُرا؟ تدريين انها كانت تعالج ولا لا؟؟ تدرين انها كانت عقيم ايواا عقيم كان مُستحييل انها تكون أُم!!! وطبعًا ماتدرين عن ولاشي ليه؟لانها فضلت تسكت لانها عارفه محد مهتم لها ولا لسعادتها بهالبيت غير أصيل اي صح ولعلمك ان حتى أصيل كان مُستحيل يكون أب تدريين انه كان ناوي ينفصلون عشان ايشش ؟ عشان ترتاح من كلامك الي غثها بس تصدقين عاد ؟ جلنار مو محتاجه أم مثلك اذا صحيتي على نفسك تعالي وفكري ان عندك بنت وقتها لان حاليًا انتِ مايهمك غير الناس ورضاهم
بَراق مسك يدها عشان ماتتكلم اكثر وهي منفعله:جوجو
وخذت جوالها بانفعال:الله يلعن الساعه الي جينا فيها هنا وغيرتك على بنتك اصحي!
ورقت فوق ، كانو كلهم مصدومين حتى مها انصدمت وحست بكلام إنجام وكانه صفعه وجههت لها ، مصدومين وبقووه ، وقف طَارق وهو مصدوم ورقى فوق ، جلس مدَاد:ارتحتي يوم خربتي عليها فرحتها وللعلم كلنا لاحظنا حضنك البارد لها وش غيرك يمه؟
نهات بصدمه:خلينا من موضوع جوجو يمه انتِ تغيرتي وبالحيييييييل! بالحيل يايمه تغيرتي اشتقنا لمها القديمه!
همّام بحزن على جلنار وقف وراح بصمت ، وكلن منهم انسحب لقسمه بصدمه وضيق وحزن
قسم جلنار واصيل ، طقت الباب إنجام وسمح اصيل بالدخول ، دخلت وابعد وحضنت جلنار وحضنتها وهي تبكي:ليشش تبي تخرب علي فرحتيي ليشش تتعمد انها تنكد عليي ليييش جوجو الي تحت مو امييي تغيررت حييل مو امي جوجو حتى يوم حضنتني ماتبيني كانها تقول مابييك ابعدي منييييي! جوجو قلبي يعورني!!
نزلو روسهم بَراق وأصيل بضيق وحزن ، سمعها طَارق الواقف برا ودخل ، مسحت دموعها وجلست طبيعي بس دموعها مازلات تنزل بصمت ، طَارق جلس جنبها بحنيه وحط راسها على صدره وبكت ، صار يمسح على راسها بحنيه:اذكري الله يابنتي وهدي وماعليه كل مشكله ولها حل جوجو جوجتي بنيتي عنقودي!
جلنار بدت تهدى من كلامه:هلا
طَارق بحزن؛ليه يابوي ماجيتي وقلتي يبه كذا كذا كذا ليه يابوي تحملتي كلام امك الي الكافر مايتحمله ليه؟
وبكت:لاني اعرفها مايهمها غير الناس وكلامهم
وجلس يهديه لين ماهدت وطلع ، لحقه أصيل:عمي
ابتسم ولف :شلون نجازيك؟
عقد حواجبه باستغراب:وش ياعمي؟
طَارق بابتسامه :صبرت بد...
أصيل:لافاهم غلط كلنا كنا نعالج
انصدم:حتى انت!!!!!-تكلم بادراك لكلام إنجام-اجل ليش فكرت بالانفصال؟
عارفين ان إنجام تكلمت بحزن للايام ذيك:لان جلنار حالتها تحسنت بينما انا مافي اي تقدم نهائيًا وابيها تعيش حياتها مابيها توقف معي ولابيها تتعب وتتحمل كلام احد اكثر
ربت على كتفه بابتسامه:اصييل اصيل يالاصيل
ابتسم وقبل راسه:الحب ياعم مخلينا نستغني عن كل شي!
طَارق بصدمه منه:حتى الضنى الي يشيل اسمك بعدين!
أصيل بابتسامه:حتى الضنى حاولت اخليها تعيش حياتها وردتني بانها ماتبي الضنى ومارديتها لاني ماصبر بدونها وجازنا الله الحمدالله يارب ، يوم قلت لها ليه ماعلمتوني اعذرني ياعم دارين انك تتفهم وبتوقف معنى بس عمتي ياعم لو درت بتوقف بوجيهنا
وقفت مها على الدرج:وبوقف بوجيهكم عيااال الحرااام مايجلسون ببيتي!!!!
انصدمو كلهم واكثرهم جلنار الي جمدت محلها من سمعت كلمتها، طَارق بحده:يبي لتس تربيه الظاااهر!!!!
مها:تربيه وش بنتك الي واضح ماتربت دامه مايضني ضنى من ذااا هاااا ضنى مننن!!!!
وسحبها طَارق ورقو فوق ، لف أصيل ولقى جلنار وبَراق وإنجام واقفين مصدومييين وجدًا ، بعدتهم جلنار ودخلت الغرفه قفلت على نفسها وحاولو يفتحون ورافضه ، نزلو بَراق وإنجام يدورن نسخه ، وكل البيت سمعهم لان مها تكلمت بصوت عالي ، مدَاد بخوف وصدمه؛شتدوورون!
إنجام وهي تدور بالادراج:المفاتيح النسخ ويين!
نهات بخوف:ليه!
بَراق وهو يدور؛حوجو. قفلت الغرفه وماتفتح لنا
وفزو كلهم فوق ، أصيل:جلناار!
أليَث:أصيل خل نكسره!!
وتكاتفو وباكتافهم من اول دفه انكسر ، شافوها لامه رجولها لها وترجف وتبكي بزاويه الغرفه ، ركض أصيل وحضنها:بسم الله عليك!
مدَاد بخوف مسك يدها:جلنار جوجو ابوي
أليَث بخوف:جوجو ردي!
أصيل شاف علبه الدواء جنبها واعترت ملامحه الخوف ورفع العلبه:جلنارر!!!
انصدمو كلهم،إنجام بصدمه:جوجو كلتييهم!!!
غيَاث بخوف:جلنار ردي!
الوليد بخوف:جوجو جلنار كلتيهم!
أليَث وهو يرفع وجهها له بخوف ويد راجفه:كلتيهم؟
ضربت على الارض ببكى وصراخ:فاضيه فااااااضيه الله ياخذننني وافتتك!!!!! فاااااااضيه!!!
ارتاحو وحضنها أليَث وهي تبكي وتشاهق ، إنجام جلست بالارض ورفعت شعرها وهي مغطيه فمها وتشوفها وجالسه ترجف من خوفها عليها ، ايلين بخوف والم شدت على يد غيَاث:غيَاث بليز
لف عليها:شنو
ايلين ببكي:يعورر غيوث!!
وشالها وراح وراحو وبقي أليَث وبَراق وإنجام وأصيل والباقي انصرفو راحو مع. ايلين ، جلنار وهي منهاره بكي بحضن أليَث وتضرب صدره وتشاهقق:اناااا!!!! انااا بنتها!!!!! ياااخي ليشش ! ليششس تعبببت. والله تعبببببت منها تعبببت!!!! تعبببت مو امي ذي مو اميي!!!!!آآخ قلبييي يعورنيي !!!! الله ياااخذني وافتك من ذا الحيييااه. اكرررها اكررره جيتنا للجنوب اكرههها
أليَث شد عليها:شششش لاتدعين لاتدعيين!!! جلنار ركزي وهدي استوعبي جوجو كنتي بتاكلين ادويه وانتِ حامل جوجو!ركززي!!
هدت من استوعبت وجلست ترجف وبكت من جديد:اسفه اسفه ماقصصصد اسفه!!
أبعد أليَث وحضنها أصيل يهديها:شش هدي هدي
وانصرو طلعو برا الشقه عشان ياخذون راحتهم
بالسياره وهم رايحين المستشفى إنجام وهي ترجف:مستحيل ذي جده مستحييييل!
أليَث:فيها شين متاااكد
بَراق وهو يسوق ومصدوم:ماظنتي جلنار تكلمها بعد الي صار حتى لو اعتذرت مها!
إنجام وهي ماسكه راسها بصدمه:مستحيل ذيي أُم واساسا مُستحيل ذييي مها!!!
أليَث بصدمه:مانقول الى الله يجبر قلب جلنار ويصبرها
:امين
ونزلو من وصلو ، بَراق بتوتر:شنو؟
اسر :ولاده
مدَاد الجالس لف عليهم بحزن:جلنار؟شصار لها؟
إنجام جلست:وش بيصير يعني
همّام بحزن:امي تغيرت بالحيل
نهات بحزن؛ماهي امي الي اخبرها يارجال من جينا هنا ومقلوبه فوق تحت!!!
إنجام وهي تطالع الارض بهدوء:شرايكم نرجع الرياض؟
عم الصمت وهم يطالعونها،مدَاد:شالطاري؟
إنجام بهدوء:كل شي تغير من جينا هنا كل يوم مصيبه وشي صاير محد قام يتحملل الي يصير تعبنا كلنا!!
نهَات:دوامك؟
إنجام بهدوء:معد بداوم
انصدمو،مدَاد مسك يدها بصدمه:ليش!
إنجام بهدوء:مابي كرهت الدوام واساسا كذا ولاكذا قدمت استقالتي للحين ماردو
بَراق وهو ساند نفسه على الجدار:انا مع جوجو برجعه الرياض
ريَا بهدوء وهي تتذكر:بالرياض كلنا كذا حوالين بعض ومها معنى بس مو مها ذي!
إنجام بابتسامه من تذكرت:والكرك الصبح
ضحك اسر:لازم هوشه يوميه ولامايصير صباح صح!
سيرين بابتسامه:احس كنتو مبسوطين هونيك
إنجام بابتسامه :اوووه ائددديش!
ضحك أليَث:إنجام وبَراق مايمر يوم ودقيقه الى وهم متهاوشين ويجون اسر وتارا مسوين يعنني اخوي واختي ويتطاقون معهم وبالنهايه يغسلون الحوش
وضحكو الموجودين من تذكرو ، ريَا وهي تطالع إنجام وسانده ظهرها على الجدار ابتسمت:كنا نشتغل كلنا سوا ننظف ونطبخ. سوا كنا نحس باليوم الحين لا خدم بكل زاويه
إنجام بابتسامه:اوكيه الصراحه الخدم حلوين مرييحن بس تعاسه الصراحه!
ضحكت ريَا:تذكرت يوم جلنار حرقت الغدا وقالت جيبو خدم معرف ومابطبخ الي بياكل يطبخ وطلبنا كلنا من ماك
إنجام وهي تضحك:والحين تقول افف بكل مكان خدم طفش مافي شي نسويه!
انهارو ضحك،نهَات وهو يضحك:بذي صدقتو
مدَاد وهو يضحك:يازين البساطه والراحه
ضيّ باستغراب:ليش قبل ماعندكم خدم؟
إنجام بابتسامه:لا الله يسعدتس في ثنتين بس هِنا اكثر من خمسين وحده وع كسل بكسل طفشت
دُنى ضحكت:سقى الله زمان يوم نغصبكن
سُهى وهي تضحك:تبكبن لين ماجب عمي خدامه ثانيه ولاتبن تشتغلن الحين تبن!
إنجام بابتسامه وهقه:والله طفش نفس الروتين وربي!!! ابي ارجع الرياض!!
بَراق:تم
اسر:هديها نقله ترا مب بسكوت
وانهارو الموجودين ضحك ، بَراق وهو يضحك:الحياه هِنا مو حياه حلوه لاكنها تعيسه وممله الصراحه والله تم جوجو تبين نرجع الرياض؟
مدَاد بابتسامه:وحنا راجعين باذن الله
أليَث:طيب ماودكم تشاورون جدي ؟ لانه نقل كل الشغل هنا بعد
نهات بابتسامه:وحنا راجعين باذن الله تعبنا من هالعيشه وهالحياه ماهي بحياه صدق والشركه ننقل شغلنا هناك ونخلي الي هنا اولاين؟
همّام بابتسامه:اشتقت لايام نجد !
نهات بابتسامه وهو حاط يده على كتفه:بترجع وبقوه
فيروز بضيق:وجوجو وتوليب؟؟؟
إنجام بابتسامه:أصيل يقدر ينقل هناك لو ودهم هم بالرجعه وتركي واهله اساسا كل اسبوع طايحين بالرياض تلقينهم قد فكرو ومن بعد المسافه اركبي معي ساعتين وانتِ واصله
ضحكت:مابدي موت شكرًا
وضحكو الموجودين ، بَراق بابتسامه:والله ترا خلاص اقل من اسبوع وحنا بالرياض
نهَات باستغراب:بيت؟
بَراق:مبططي مخلص وماثث بعد
دُنى :اجل كلم شركه تنظفه اول ماتوصلون نظيف ولاتنكتم جوجو
إنجام رمت لها بوسه بالهواء:يالبيه يادودي !
بَراق بابتسامه:امس منظفينه شركه وين قعدنا اجل
إنجام بنرفزه طالعت دُنى:ويبون يستفزوني يحططون رجولهم على الطاوله وهي قزاز!
ضحك مدَاد:كلهم نفس الشي!
ضحك نهَات :كلكم كذَا طيب عادي!
ضحك همّام:كلهم نفس الموديل
وانهارو ضحك ، على وصول جلنار وطَارق وعلموهم عن النقله وطبعًا وافقو لانهم اشتاقو بالحيل ، طلعت ممرضه:زوج ايلين؟؟
تقدم غيَاث:انا
طلعت ممرضه ثانيه وهي تدف سرير ابيض شفاف فيه ملاااك ، ابتسم بحُب وفرحه كبييييييره ومن صار السرير امامه ،الممرضه بابتسامه:مبروك بنت
وشالها بفرحه كبيره بشويش وتقدم ووقف بين مدَاد ونهات المُبتسمين معاه ، نهَات حط يده على كتف مدَاد بابتسامه واشر له، ابتسم وفهمه ، مد غيَاث بنته لابوه بابتسامه كبيييره وشالها مدَاد واذن باذنها ، رجع غيَاث بفرحه وخذاها وهو مُبتسم ويتاملها بصمت،نهَات بابتسامه:الف مبروك الله يخليها لكم ويخليكم لها
مدَاد بابتسامه:اللهم اجلعها صغيره ساره كبيره باره
غيَاث بابتسامه وهو يتاملها:اللهم امين
إنجام بابتسامه وهي واقفه جنبها تكلمت بحماس:شسمها!
غيَاث بابتسامه: ملاك
ابتسمو ابتسامه عريضه،بعد مابركو له،طَارق بابتسامه:اسم على مسمى الله يحفظها
غيَاث بابتسامه؛امين -ولف على الممرضه-ايلين ؟
الممرضه:بيخرجونها الغرفه الحين بس اعطيني البيبي
ونزله بالسرير وخذته، إنجام بحماس وهي تشوف الجوال:وطلعو توتو من العنااايه واخييييييرا!!
فرحو فرحه كبيره وكيف البشائر تجيهم وحده تلو الاخرى ، إنجام بابتسامه:بروح لتوتو بعدين اجي لولو مين بيجي؟
جلنار وهي تبي تغير نفسيتها:بجي
إنجام باستغراب:غريبه اسر بال....
اسر وهو جاي:ويييين ورع اختي!!!!
انهارو ضحك،ضحكت إنجام:استغررربت انك مارحت
ضحكت جلنار:ناشب لها من ساعه
اسر:وييين ورع اختي!
غيَاث:انطق زين واعلمك
اسر بحماس:خلصني بنت ولا ولد
غيَاث:لاذي ولاذيك
اسر :غيَاثوه!دمك ثقيل خلصني!!!!
إنجام بتمثيل:ثلاث توأم
شهق:كذااااابه!!!هي كانت تقول ورع يالله بتحمل ثلاث بتنجلط!
انهارو ضحك ،ضحك غيَاث:ملاك
اسر:اي بدى يرفع ويتشيطح
ضحك نهات:صدق ملاك
اسر بغباء:ايوا ايوا بصدق
ضحك مدَاد:غبيي وربي بنت واسمها ملاك
ابتسم بواسع ثغره:كذاااابيييين!!!!
ضحك أليَث:انهبل
حط يده على قلبه بتمثيل:اي بالله شفت توتي وتيّم! ماتبيني انهبل!
مدَاد تنهد وهو يمشي:الله يخلف
اسر بصدمه:خلاص خمس يكفون!!!!
وانهارو كلهم ضحك ، نهَات وهو يمشي ويضحك:الولد مابه طب
مدَاد وهو يضحك:ابدًا
ضحك همّام وضرب اسر كفه بكفه:جوووووي انت!
ضحك اسر وغمز:يعجبني العم الصعنون
مدَاد لف:واضحه يعني انا شايب؟
غيَاث:توهق توهق ترا ابو زوجتك يسحبها منك
اسر وهو يضحك:ليه جوال يسحبه متى مابغى ويرجعه متى مابغى
انهارو كلهم ضحك، ريَا وهي منهاره ضحك:ياعزتي له من كثر مانسحب جواله تعقد
وانهارو من جديد ضحك، وراحو. لـ ايلين وهم يطقطقون ويضحكون ، دخل غيَاث وحضنها على طول بابتسامه:مبررروك حبيبي مبرروك يادنييتي!
ايلين بتعب حاوطت رقبته بطيف ابتسامه:يبارك فيك ياعيوني صرت اب ياحبيبي!مبرووك
ابتسم بحُب وبعد وعدل المخده:الحمدالله على سلامتك
بطيف ابتسامه:الله يسلمك
ودخلو اهلهم ، نهَات حضنها بفرحه:مبروك ياعين ابوك
ايلين بتعب:يبارك فيك ياقلبي
مدَاد حضنها بفرحه:اللهم اجعلها صغيره ساره كبيره باره الحمدالله على سلامتك ام ملاك
ابتسمت:امين ، يسلمك ياقلبيي
وجلسو يحضنونها ويباركون لها ، جت إنجام وهي شايله تيّم:صفقو صفقو تيّم جا!
صفق اسر بقوه:حيييه ولدي!
نهَات:ابلش طلع في نسخه منه
وانهارو ضحك ، اسر شاله:غريبه طلعوه
دخلت تارا وهي حاطه راسها على كتف جلنار وتمشي بشويش، ابتسمو كلهم ، اسر بابتسامه:هلااابها ام تيّم!
وحضنوها يسلمون عليها بشوق لانها كملت شهرين بالعنايه
وباركت لـ ايلين وجلست ، انصرفو العيال للشركه بطرده من الجد ، دُنى وهي تمسح على شعر ايلين بابتسامه:تبين اسوي لك شي؟؟؟
ايلين بتعب:سكتي ذا القلق!!!!
واشرت على البنات، شهقت إنجام:ذي جزاتنااا ندور لك استقبال حلوو هِنا واستقبال بالبيييت حيوواانه
جلنار:ماش ماش
تارا:خلاص هونا بس استقبال لميمي هي سكبو عليها!
ايلين:اما عندنا بنت اسمها تارا !! نقلتي خلاص استقريتي هِنا!!!
ضحكو الموجودين ،مدَاد بابتسامه راحه:وحشتينا والله مابغوو!
تارا:تخيييل تبيني هنايوه اجلس هنا شهرين بعد قلت اقول ضفي وجهك يالله تحملتك شهرين انا!
ضحكو الموجودين ، همّام حاوط اكتافها بابتسامه وقبل راسها:ياشيخه لو تبين نبني مستشفى لعيونتس تم اهم شي انتِ بخير
ابتسمت:الوحييد الي فاهمني ومعطيني على جويي اييوا ياقلبيي
مدَاد:جاتس على ماتحبين
نهات:ابدًا لاهمّام ولا اسر جاهزين لها
إنجام وهي تضحك:همومي يسلك لنا كلنا الله يجبر بخاطرك ياشيخ
وانهارو ضحك ، تارا وهي تضحك:ايوا الله عسولي معطينا على جونا ياحلوك ياهمومي!
تنحنحت فيروز:يعني ازا بدك هيدا تبعي تبعك اتطرد
إنجام وهي تضحك:يطقطقون علينا طلعو اردا مننا!!!
وانهارو ضحك، طَارق وقف وهو يضحك:مابكم طب عز الله برجع عشان العاملات يضفن اغراضكم ويجهزن اقسامكم ماعليكم ومبروك ياعيوني انتِ واذا بغيتي شي ابشري
ابتسمت؛من عيوني
وطلع ، وبدو شوي شوي يطلعون ،وقفت دُنى بابتسامه:بجيب اغراضك واجي
هزت راسها بالايجاب ، بالسياره
دُنى بابتسامه لفت على نهَات:تقدر تاجل الرجعه للرياض شوي؟
استغرب:ليه ياعيوني؟
دُنى:لولو تو ولدت واكيد تعبانه ويتعبها السفر وابي اكون معها شرايك على الاقل تخلص النفاس؟
ابتسم ومسك يدها يقبلها:طيب انا ناوي هلون بس بروح وبشيك على البيت وبعدل باشياء فيه واخلي غرفهم تكون مُهيئه لشخصين مو شخص وبرمم الدور الثالث لـ أحفادي!
ابتسمت بحُب:يااسرع السنين صُرنا اجداد ونبي نكبر غُرف عيالنا ونسوي دور كامل لاطفالهم!
ابتسم بحُب وتنهد براحه:الله يخليهم لبعض ولنا بجهز الدور الثالث لـ لولو وغيَاث شرايك؟
ابتسمت:براحتك بس شرايك تشوف غيَاث اول؟يمكن يفضل يكونون ببيت مُنفصل؟
ابتسم:اكيد طبعًا
دُنى:من بيستقر عندنا؟
نهَات :باذن الله تارا واسر وتيّم
ضحكت:كل يوم حدث جديد يعني؟
ضحك:اووه براعيه اسر وتارا ههههههههه
وضلو يسولفون ، سياره مدَاد ، مدت سُهى لـ ليان كوب العصير حقها:مدَاد
ابتسم:عيوني
ابتسمت:الرجعه وين باذن الله؟
ابتسم:الي ودّك اي صح ترا بَراق وإنجام حشروني قبل شوي ويقولون يعني ودّهم نسكن عندهم والصراحه صرفتهم قلت اشوفتس
سُهى:احس مادري
مدَاد:زيك سكتت وقال بَراق انه ماخذ بيت يطرد به الخيل واقسام وادوار عشان نسكن عندهم يقول لو مانتم جايين بطلع منه
سُهى باستغراب:ليش هالاصرار!
مدَاد تنهد:إنجام
استغربت:شفيها جوجو؟
مدَاد بحزن:دوبه كلمني وقال لي قبل المشكله الاخيره تعرفينها المهم انها قبل تنام كانت تبكي وضايقه فيها وتقول -بحزن-اشتقت لامها وودها تروح لها بَراق يقول تعبت اشوفها تتعب وبوجودكم دايم ترتاح ولاتفكر بهالاشياء وصعب اني بجمع ال طَارق كلهم بس اكثر اثنين شفت تاثيرهم عليها انتم
سُهى بحزن:ياروحي هي شفيها طيب بالضبط
مدَاد رفع اكتافه بعدم معرفه:علمي علمك ماعلمني كل شي بالضبط ولاسالته خصوصيتهم بالنهايه
سُهى بحزن وهي تطالع الغيوم:تصدق مرات افكر اقول لو هديل الله يرحمها عايشه؟ هل بنكون متزوجين؟هل بيكون في اشخاص اساميهم غيَاث أليث ايلين؟
مدَاد سكت وهو يسوق ،سُهى مسكت يده بابتسامه وهي تطالعه:مايضايقني ولايزعلني نهائيًا اذا تكلمت عنها او عن حبك لها مدَاد اكثر وحده تعرفك انا واعرف انك انغصبت علي وسمعت شقلت زمانه حاولت بكل مافيني ارفض واتراجع عشانك انت وبس لاني عرفت انك مجبور بس شوف كيف الاقدار؟ عمومًا مهما كان مدَاد لو تبي تتكلم عن ايامك قبل حتى لو ايامك معها عادي عندي والله بس لاتكتم وتتضايق!!
مسك يدها وقبلها بابتسامه وحُب:تعرفين العوض؟
استغربت وش دخله:وش ؟
ابتسم وهو يطالع عيونها:العوض جيتك لي العوض يوم غصبونا اهلنا على بعضنا العوض يوم شفتك بالكيرلي وفستانك الاصفر الي تلوني وجابوني لتس من اقصاي العوض انتِ وعيونتس!
ابتسمت بخجل ورجعت مكانها ، ضحك من لمح خجلها من عيونها ، وكملو سواليف ، سياره همّام ، همّام مسك يد فيروز:بنروح سوا الرياض بكرا
ابتسمت:لشو؟
ضيّ:اي كملو كملو
سيرين:الله لو معايا فُشار!
وانهارو ضحك ، همّام وهو يضحك:وانتن متى تتزوجن وتفكني!
سيرين بخفه:عمُوري بمُهمه!
ضيّ وهي تسوي نفسها تستفرغ:وع وع وع حامت تسبددددي!
ضحك همّام من خفت بنته:اثقليي!!
سيرين وهي تضحك:لكن شو انا اتئل. وحده طالعه لبيي
وانهارو ضحك ، همّام وهو يضحك غمز لها، سيرين بتمثيل:في وحده حتئول ياروحيّ ريودي بمهمه وخاييفه كتييييير عليه الله يحفظوو
وانهارو كلهم ضحك ، ضربتها ضيّ على كتفها:وجعع وعوه!
سيرين وهي تضحك غمزت لابوها:غارت من هلئ!-طالعتها وهي تضحك-ماحدا بياخدو منك !
ضحك همّام :به كلمه ان قالتها ماهو بطايرن منها!
ضيّ بخجل:خيييير بابا!!!!
ضحك وغمز:تراك واضح واضح!!
ضحكت فيروز:بس همّام!
ضحك:شسوي فيها لاطعتني اربع شهور كل يوم. لها رائي وتحبه واضح بس تسوي نفسها ثقيله والله وانا ابوتس ان وقت الشوفه الظاهر بيطيح هالثقل كله!
سيرين:انا تصدمت كيف خطبا وهوا اساسا ماشفا وفوئيتا متائتلين!
ضحك همّام:مابعد الكره الى المحبببه شفتي
ضيّ تكتفت وصدت تطالع الشباك بخجل، ضحك همّام:ياسوسو يقولون السكوت علامه الرضى؟؟
ضحكت:اي اي اي
همّام بابتسامه :ضيو
لفت:عيوني
همّام بابتسامه:موافقه؟
هزت راسها بالايجاب بخجل ورجعت تطالع السحاب ، ضحك:واخييييرا!
ضحكت سيرين:طاح التئل من هلئ!
وانهارو ضحك ، دق همّام على رائد وجلس يسولف ويعطي معاه ورائد عارفن ضروفهم ، همّام بابتسامه:حبيت ابلغك ضيّ موافقه ومتى مابغيت الملكه ابد حياك تعال وجب الشيخ
ابتسم بواسع ثغره:الله يتمم على خير يارب وابد ياعم حدد اليوم الي تبيه وعلى خشمي تآمر
ابتسم همّام:زين هالفتره عندنا نقله بنعود للرياض وان استقرينا من غير شر باذن الله بيننا اتصال
ابتسم:ابد تبشرون والي تبيه ضيّ حاضر على خشمي
ابتسم:عليه الشحم ، فمان الله
وقفل ، سيرين:اكيد ائل ع خشمي صح؟
ضحك:ع شو؟ هههههه ايي
فيروز وهي تضحك:طنجره ولئيت غطا
ضيّ وهي لافه بخجل سكتت وعضت شفتها من جوا وهي محجبه بس قدام الغرب منقبه يعني الدعوا مزاجيه للان مالتزمت بالنقاب ، همّام تنهد بحُب،وهو مشابك يده بيد فيروز:تصدقين كنت اذا رحت عساس ادور بيت فيه اربع غرف يطرد بها الخيل مستقله نسيت ان كل واحد فيهم فتح له بيت واسس حياه جديده يعني بننقي بيت على القد؟
فيروز بابتسامه لفت عليه:صفيت علينا؟ متل ماخرجنا منا بنرجع الا؟
ابتسم بصمت وهو من فرحته وخنقت عبرته خانه كلامه ، سيرين تقدمت وقبلت خده وكتفه وسندت راسها على كتفه:شو ماصار ولو تجوزنا حنكون حدكون وكل وئتنا عندكون
ضيّ حطت يدها على كتف ابوها اليسار بابتسامه:ومن قال بطلع من البيت؟؟
همّام:يابوي لازم تشوفين حياتك خلاص
فيروز :بتبدأي مشوار وحياه حلوه وسعيده باذن الله من جديد مع شخص بتحبيه تركينا التفتي لحالك لحياتك اتبسطي سافري روحي تعي ومتى مابدك يانا تعالي النا بانو وئت والك الكلام سوسو
سيرين وهي تلعب باظافرها ومتكيه على المركى الي بينهم:طيب لو اجا يوم وانفصلنا؟؟
همّام قبل راسها؛لو من عمل الشيطان ذا اولاً ، ثانيًا ياعين ابوك ولاسمح الله وصار بيتنا وحضننا مفتوح دااايم لكم واي شي يصير ويضركم ياويلكم تفكرون تسكتون وحتى لو كان في اطفال تكلمو!
فيروز وهي تطالع الشباك؛لاتعملو متل أهلنا بيشوفو الانفصال عيب وشي فضيحه كبيرا لو في أطفال وانتِ متضرره وقررتي تنفصلي؟ حنكون معك ومع أطفالك انفصلي وعشان أطفالك يكبرو ببيئه سليمه عارفه كل طفل بدو امو وابو سوا بس مو كل ام ام ولا كُل اب اب الاطفال مسؤوليه كبيرا وسعاده كتييير خلفو ورموون ع اهلون فكرو منيح
همّام:ومهما كان حنى معكم وحولكم وجنبكم دايم بكل اوضاعكم وحلاتكم عُمر رجال والنعم فيه وينشرى بفلوس وياحظك دام زوجك وابو عيالك عُمر ورائد رجال واكبر دليل فعلته بعد مامت ابوه وكيف قوم اهله وفتح لهم بيوت وشركات وسندهم وصيته بكل مكان عمري مابقلق واخاف عليك وانتِ معاه صدقيني رائد بيكون خير زوج واخ وسند من بعدنا
ابتسمو بخجل ورجعت سيرين وكل وحده تطالع الغيوم وساكته وتتامل ، سيرين كان لامه رجولها على بعض وفاتحه الشباك تتامل الغيوم مع نسمه الهوىَ ، ضيّ كانت متكتفه ومرجعه مرتبتها ورا شوي وتتامل الغيوم ولانزلت الشباك
هدى سرعته همّام من لاحظهم وذي عادته اذا لاحظهم كذا هدى ويمشي شوي شوي عشان ياخذون وقتهم يفكرون بهدوء ويرتاحون وخصوصًا موضوع مثل كذا موضوع مصيري يحتاج مُده كبيره للتفكير واتخاذ القرار
وصلو كلهم سوا وهمّام تاخر شوي لانه بطىء ، نزل اسر وهو شايل تميّم ، مشت تارا وحاوطت يده الي فاتحه ويبتسم ينتظرها وسلمت على جدتها وجلسو،إنجام وهي متربعه:استقبالك بيكون بالريااض اتس اوكيه؟
تارا: افضل بعد ماتتسوون!
سُهى بصدمه؛ليه!
دُنى بصدمه:وراك!
ضحكت :خير انا يالله اسولف معكم يمه شفتو شسوو بجوجو انتو ذي تخلص موضوع تبدا الثانيه !! فوبيا بفهي بنص سوالفهم وبزبد لهم
وضحكو الموجودين ، اسر وهو يلاعب تميّم:اي صدق ترانا مب وجيه استقبالات وعزايم اعزمونا على ماك وكثر الله خيركم
ضحكت ضيّ الي دوبها جلست:اسرر حفله هههههههه
إنجام وهي تضحك:لا صدق فاهم الحياه صح يالبيه كذا تخيلي تاكلين ماك وترجعين تنبطيحن تكملين روايتك او مسلسلك واخمدي بلا ميكب بلا خرابيط وهم
ضحكو الموجودين ، دُنى وهي تضحك:جليكم حلو!
سُهى وهي تضحك:على كثر فضايحكم الى انه حلو
فيروز وهي تضحك:معجبيني بجد كيف بيمشو ع راحتون
ريَا وهي تاكل بطاطس ومتربعه بحضنها زَهر تاكل معها:والله صدق يازين الراحه بدال ماسوي شعري وسكن كير وميكب واظافري ولبس وكشخه واشوف التجهيزات اووه مشواار شطوله امداني ختمت مسلسلي بهالوقت
إنجام وهي تشرب شاهي:والله يمديني اخلص ثلاث روايات
مها:من الرفااله
إنجام وهي تفصفص:عادي بتقولين رفله؟قولي ماهمني
ريَا وهي تاكل شبس:ترا نهايته لقب ووجه نظر الغير عني
تارا وهي تتقهوى:فلذالك محد طلب رائي الغير عني خل يذلفون هم ورائيهم اهم شي راحتي والله قلعتهم روحه بلا رده
همّام وهو يضحك:مبسطييين الامور
إنجام وهي تفصفص:ووربي القسمه المطوله اسهل من ذا العزايم
ضحك نهات:القسمه المطوله
ريَا وهي تاكل شبس:وهي صادقه شبستفيد انا لامشيت ورا فلانه وعلانه والحق وحده وحده واعزم واتشيطح والتعب عليّ انا بيجن وبيذلفن لبيوتهن ويحشن شبستفيد
إنجام وهي تفصفص:تخرب بشرتي من الميكب تتكسر رجولي وانا اقدم ضيافه واعدم شعري بالحراره وبعدين اجلس انظف وابلش بصداع راسي من لجتهن
تارا وهي تتقهوى:اصبري وثاني يوم يالله تتحركين رجولتس متنفخه تقلتس وحده عمره78سنه ومنقعتهم بمويا ورابطه راستس لان ولا نوع بنادول نفع شفتو ولا استفدت شيي!!!
ضحك مدَاد:اهنيكم وكيف بتعزمون ببيوتكم؟
إنجام وهي تفصفص:من قال بعزم؟
ريَا وهي تاكل شبس:خالو انا زين اعرف اقول السلام عليكم لا وامد قهوه باليسار تبيني اعزم؟
تارا وهي تتقهوى:وانا فاضيه؟ احضر عزايم بس ماعزم
ضحكو الموجودين منهم ، اسر وهو يضحك:والله احلى شي احضر عزايم بس ماعزم ياشيخ انا يالله اقهويكم انتم ياعمامي وارجف بعد تبيني اقهوي امه محمد!!!!
مدَاد هو يضحك بصدمه؛والاسترحات؟
اسر وهو يفصفص ويضحك:لاذي اذا قال لي صب قهوه اقول دزها وصب لنفسك ماستبعد بعد اني اقوم واكمل نومتي واخليهم
ضحك أليَث:هو صح العزايم تونس بس تتعب! بختصار انك تحضر افضل من انك تعزم
ضحك نهَات:وهاذا وحنا نقول أليَث اعقلهم
ضحك وتربع يفصفص:والله اني ادشرهم فاضي انا والقط قراطيسهم من وراهم تقل وغدان
مها؛وراك حَرم تلقط
أليَث وهو يفصفص:ليه متزوجه خدامه تمشي وتنضف؟؟؟ معززه مكرمه لاتشيل ولاتحط
مها:ولافلست تعال تدين
أليَث وهو يفصفص:لـ راحتها ؟ وسعادتها؟ وش وراي اتدين واخذ قروض بعد عشان ماينقصها شي
سكتت مها بغيض من ردوده ، ابتسمو انه رد عليها بردود ، ريَا توسعت الابتسامه ثغرها وهي تفصفص معه وتطالع مها ،ومها قررت تردها بريَا:وريَا وين امتس؟
ريَا وهي تفصفص:مسافره
مها:عشتو وش له وورا ماعلمتنا؟
ريَا وهي تفصفص ابتسمت بكلافه:حياتها ليش تروح وتقول ترا بسافر ترا بروح ترا بجي؟؟
مها بنقد العجز الاوليات وعنادهن:ووليش مسافره ومهيته بيتها؟
ريَا وهي تفصفص:عفوًا ؟ مب مكلفوتن بحد خل تعيش وتنبسط وتسافر وش وله تمشي وتربي؟؟؟كل واحد كبر البعير ولونهم وغدان مب مكلوفتن باحد
مدَاد:يايمه الله يهداتس وش لتس خليها تنبسط وتاخذ راحتها
نهات؛وهو صادق ماهي مسافرتن مع غريب تراه زوجها وابو بنتها ولو سافرت لحالها خليها ترفه عن نفسها وتنبسط
إنجام وهي شافت مها بتتكلم وعرفت شبتقول لفت على طول:ليوث واسر متى بتنقلون؟
مها بصدمه: وش نقلته
لفت عليها وابتسمت بكلافه وعرفو انها تبي تقفل موضوع إقبال:بنرجع للرياض كل واحد وزوجته وعياله
مها بصدمه؛وليش انا اخر من يعلم؟
إنجام:دريتي
مها:كلكن!!
إنجام:كل واحد وبيروح بيته شفيها؟؟
مها:وتخلونن!
إنجام وقفت:معليش جده ماتوقعت بقول هالكلام لك بس انتِ الي نفرتيني منك ولا على عيني وراسي بس مو مها الي اعرفها انا إنجام والي امامي جدتي مو جدتي مها الي اعرفها
ومشت وسكتو وبدو يدخلون مواضيع ثانيه
________________________________
اقترب الخِتام😢😢😢 آآخ انشرو لي ادعموني ياخي حرام عليكم ، بكون دايم متواجد بالانستا وأي اقتراح او أي سؤال تعالو لي هناك ، انتظر تعليقاتكم وارائكم بكُل حماس ، حسابي {len.1o1} ، واشوف رائيكم على روايتي ، قراءه مُمتعه ، اعطوها حقها بليز نجمة وكومنت❤️
إعذروني ان تواجد خطا املائي
الى لقاء اخر
أنت تقرأ
عينيها طريَق و قلبي سّافر لأجلها
Poetryأجتمع الجنوب والشمال فيّ > ، طُرق لم نتوقع بالمرورِ منهِا بيوم ، أماكن لم نتخيل بزيارتهّا ، أشخاص لم نُدرك بأجتماعنا معهم بأصعب الطُرق ، حُب ، حنان ، مشاعر ، أهل ، إصحاب ، أخوه ، عداوه انتهت بِـ مودة ، لم الشمل ، معرفه حقيقه مُره وانتهت بجمال ، أشتي...
