عينيها طريَق و قلبي سّافر لأجلها

p69

صفر همّام ومن انتهت الُاغنيه حاوط خصرها بهيّام ...... ، تحت ، إنجام وهي تلف عليهم:التقييم سريع اول مرا اسوي كذا
ريَا باعجاب:احس اعتمديه خصوصًا انك دايم تسوين ميكب مايبرز ملامحك احس ذا افضلل
إنجام بابتسامه:جد؟
مدَاد بابتسامه:تبارك الرحمن
نهات بابتسامه ؛كل شي يلوق عليك ماشاءالله
إنجام بابتسامه خجل سكتت ، الوليد بصدمه؛إنجام وتخجل!!
اسر بصدمه:خدودها حمرت مستحيييل ذي إنجام بنتنا!!!!
ضحكت بخجل وصدمه:خير!شفيها!
ضحكو الموجودين ، سيرين وقفت بتخُرج:لوديي عُمر بدو ياك
وقف وخرج معها ، انلجم عُمر من جمال سيرين وسكت من شاف الوليد مقبل وراها وسلم عليهم واخذ اخباره ومشو ، بالسياره لف عليها:ياجمااااااااالك!
سكتت بخجل ، عُمر بابتسامه قبل يدها:كملنا ثلاث سنوات
سيرين بخجل:مش مستوعبه انو محدا انتبه!
ضحك:انا توترت قلت الحين ينتبهون ويخرب كل شي من وقعت ارتحت هههههههه
ضحكت بخجل:نفسسك! وسو لي البنات تحقيق متخيل انو كُنت مبسووطه واضحك وماني متوتره
ضحك:اسمعي احس رائد وضيّ بعد يعرفون بعض من قبل وقبلنا
لفت:يعني يعرفو بعض من ابل؟
ضحك:احس الصراحه لان رائد بس يغرد بتويتر وهو عندي وقبل يعني تقريبًا خمس او ست سنوات او ممكن سبع سنوات نخرج ونجي ويتكلم عن وحده وانه بيتزوجها وانها مو من هنا عشان كذا مبتلش مايعرف كيف يفاتح اهله واهلها بالموضوع
لفت عليه بصدمه بتذكر:بتزكر مراا زلت ضيو وهيّا بتتكلم مع صحبيتا -وسعت عيونها بادراك-هي رائد عندو اخت اسما الما؟
عُمر:ظني مادري والله
اعتدلت:هيني بجيب السالفه كلياتا
استغرب:منهي ذي وش؟
سيرين لفت عليه:ضيو بس بتتكلم عن هيّا الما وبتئول الصبح انو طلعت اختو لـ رائد وهي ماتدري
استغرب:كيف يعني ماجوكم اهله ماعرفتوهم
سيرين:لاء صار الموضوع بينات الرجال وبيجو اهلوه ابل الملكه بكمٍ يوم
عُمر:تم جيبي علوم اختك واجيب علوم اخوي!
سيرين ضحكت:الله بحب اكشف بس شوف عمُور
ابتسم بهيام:عيونييي
ضحكت بخفه وخجل:بيناتنا وماحدا بيعرف اوكيه؟
عُمر:تقصدين اهلك واهله ؟ طبعًا صاحي اقول لهم انا
وكملو طريقهم بحُب وسواليف لين وصلت القاعه ومشى ، بالبيت ، نزلت ضيّ وهي لابسه عبايه وكشختها خفيفه ، الوليد حط يده على قلبه بتمثيل:يااحلو خوااتي!!!
ضحكو الموجودين من خفته ، همّام جلس :وين يابابا؟
ضيّ جلست:بخرج مع صحبتي
توليب بنغزات:صحبيتك ما لو الما؟
ضحكو الموجودين ، ضيّ بخجل اخفته:شيجيبها بالرياض لا صحبيتي صحبيتي استاذه توليب
وضحكو الموجودين ، طَارق بابتسامه:زين اساليها ذي خويتس اخت رايد متى يجي لجل نكلمه ونحدد معه موعد
ضيّ بخجل اخفته وهي تتقهوى:لاجاء جاء مالي خلق مقاطعه الما
ضحكت جلنار:شفييك بعد
ضيّ ضحكت:كذا لعانه ماصفقت زوجات اخوانها
توليب:تصفقكك معوون
ضيّ وهي تتقهوى هزت راسها بنفي:انا سبشلل انا ضــيّ بـنـت هــمّــام الـــــطَارق اندق؟ هههي ادق ياحبيبي وانهي
الوليد وهو ياكل حلى ثبته بين شفايفه وصفق:ايواا عاااشت اختي كفو كفو
ميساء جلست بابتسامه:اهلًا
إنجام برفعه حاجب:لاهلًا ولاسهلًا! خير !!
ضحكت وهي تصب قهوه لها:وش دخلني!
إنجام خذت جوالها:لاتبلكينها انا ابلكها شمسجلتها؟؟؟
ضحك الوليد:وانتِ شدخلك تبلكين بجوالها
إنجام طالعته بطرف عين وصدت وضحكو الموجودين ، ميساء وهي تاكل تشوكلت:انا وجوجو واحد اذا بلكت ابلك والعكس بس حرام ماسوت شي!
إنجام عطتها الجوال:بلكتها وحذفتها عشان ماترجعينها
ضحك مدَاد:ايوا عاشت بنتي
إنجام بابتسامه:افا عليك-ولفت على ميساء وهي مضيقه عيونها-سارا؟
ميساء وهي تتقهوى وتطالعها:شفيها؟
إنجام:بلكتي او لا؟
ميساء بابتسامه وهقه هزت راسها بنفي
إنجام حطت رجل على رجل وهي تبرد اظافرها:احسن انا نبهتك وانتِ بكيفك !
دُنى بابتسامه :طيب ماجها شي من البنت خليها
سُهى بابتسامه:اي ولاجاها شي تبلكها
فيروز بابتسامه:شوفي هيّا شو عم ترسل يعني القاء نظره صحيح؟
ضحكت إنجام:صحيح لعيونتس ياروحيي
ميساء وهي تاكل تشوكلت أشرت لانجام تجي، إنجام وهي تقرا الستريك حق 'سارا' : بنات ال طارق عمومًا مالهم امان ولا لهم صاحب على شان معهم كم قرش شافو انفسهم علينا خصوصًا بنات مدَاد يا ام زكي الي عندي وصلي الكلام ياخر حبه هُم ماهميتوني ومن بغتني حياها الله ماتبيني طسي -ضحكت إنجام وهي تقلد حركه ليلى سلمان-خل نشوف انفسنا عشان كم قرش
وانهارو ضحك ، تارا وهي تضحك:منهي ذي
إنجام وهي تضحك:تذكرين البوويه ذييك
تارا بتذكر:اياات كثير بويات عندي
إنجام:الي مسويه بيرسنق بخدها
تذكرت:وع ذي وتنقد علينا؟؟ ماشفت نفسها؟
ضحكو الموجودين ، مها بابتسامه:الشماته مو زينه
إنجام تربعت عند مها:ماهي شماته يمهاوي
ريَا من تذكرت:لحظه الي جت بتخرجي؟
تارا:ايييي هي
ريَا عقدت حواجبها بنقد : يع
غيَاث انهار ضحك:طالعه من قلبب
وانهارو ضحك ، ريَا وهي تضحك:وربي صدق -طالعت جدها وخوالها بابتسامه-مو طرده حشى بس نب نسولف شرايكم كل واحد يروح ينام يرتاح؟-طالعت بالعيال وابتسمت بكلافه-وانتم ضفو وجيهكم
اسر :استغربت اساسا
غيَاث:لا توقعت انها ماتقصدنا
ريَا:اكيد وع ضفو وجيهكم بس
ضحك طَارق:الي تبيينه يابوي انا بقيل ولاجهز الغدا صحوني وانتم يالله كلن يقضب له وادي
مدَاد بابتسامه:صحونا كلنا بننام وانتم يالسلق لاتجون هنيا
هزو روسهم بالايجاب وهم يضحكون وطلعو كلهم ، جت إنجام بتوصف سارا ، دخل بَراق:السلام عليكم
:وعليكم السلام
بَراق:جوجو ابيك شوي بالله
وقفت ورقت معاه فوق باستغراب ، مالقو بال للموضوع وبدو يشرحون لمها ، فوق دخلو ، إنجام باستغراب قفلت الباب ومسك يد بَراق:بوبو عيوني فيك شي؟
حضنها وتنهد تنهيده عميقه ، إنجام بخوف وهي تمسح على شعره:بوبو حبيبي
بَراق:أحبّك
إنجام بابتسامه قلق:اموت فيك بس فيك شي بوبو لاتخوفني
جلس وجلسها تمدد وحط راسه بحضنها وهو يتاملها وهي تلعب بشعره:مادري من وين ابدا ولا كيف انتهي
استغربت وهي تلعب بشعره:شنو قول ابدا من اي ناحيه
بَراق وهو يتاملها:فهاد ما^ت بالسجن وولده اعترف بكل شي من خوفه ولانزلو من مدته زادوها الحريم كلهن خمسين سنه مع العقاب اليومي عزام طلع فعلًا وهو الان فريق عمره 48 عنده بنت بس زوجته متوفيه وبنته متزوجه وعندها عيال وهو مستقر بالجنوب كل الي كانو سبب باذيتك بيوم ووفات امك انمسكو وتم تدمير مُنظمتهم بالكامل وانهاء الابر والادويه الي ينتجونها وتم الحُكم عليهم واغلبهم تم الاعد^ام بترتاحين ياجوجو وخذتي حق خالتي الله يرحمها بالكامل بدون نقص وبنعيش بطمأنينه وسلام
إنجام وهي تسمع وتفكر بكل الي مرت فيه فعلًا ابتسمت:أحبّك
بَراق بابتسامه ؛اهوااك
إنجام بابتسامه:فعليًا أحبّك انت الي وقفت معايا ووقفتني على رجولي وساعدتني وحببتني فالحياه وخليتني اجرب كل شي تمنيت اجربه دللتني ودلعتني وعوضتني عن كُل مُر ذُقته فحياتي وملئت الفراغ بحياتي واسعدتني وتعبت عشاني وتغيرت وتركت اشياء انت تحبها عشاني احبّك بوبو واحب عيالنا وأحب حُبي لك وأحب حُبك لي !
حضنها بحُب وابتسمت وبدو يسولفون ويضحكون ، تحت طلعت ضيّ وركبت سيارتها ومشت للموقع الي شغال ، ووقفت قدام اطلاله جميله بابها وجت سياره ووقفت جنبها ، لفت بابتسامه ، ابتسم رائد:السلام عليكم
ابتسمت:وعليكم السلام ، ماقُلت بترجع بدري
ابتسم:وحشتيني
ابتسمت وصدت بخجل،ضحك:شفيك !
ضيّ بخجل:رائد بس!
ضحك:ثمان سنين مع بعض وللحينك تخجلين!!
ابتسمت بخجل ولفت له:اخواتي بدو يحسو بالموضوع
رائد بابتسامه:خل يحسون انتِ زوجتي فقط باقي حفل الملكه وحفل الزواج
ابتسمت بخجل:مهمًا كان خفف رسايل انت!
ضحك؛الما اثنين
ضحكت؛اي درو عن الما وانها أُختك والصراحه بديو العايله كُلها تشك وبابا قال لارجعتي بكلمك بموضوع
رائد بابتسامه:لامعليك اليوم يشوفوني ويدرون اني رجعت ونتكلم بموضوع الملكه متى ودّك فيه؟
ضيّ بابتسامه:مافرقت
رائد تنهد:ماقدر اكثر من كذا اسبوع؟ ولا زوجتي اذا جيت اقابلها او اطلع معها لازم اخطط بخطه!!!
ضحكت بخجل:يتطلب
رائد وهو يتاملها بحُب:تدرين وش اكثر شي أحبه واموت فيه فيك؟
سكتت بخجل ، رائد بابتسامه :التزامك بالدين وحدوده صح الانسان مو معصوم من الخطاء وكلنا اخطينا يوم كنا نتراسل بس الحمدالله الي الي التزمنا على سنه النبي
ابتسمت وسكتت بخجل ، رائد اكمل بابتسامه:تدرين اول يعني اول يومين مع بعض كنت ابي العب وبس لأكن مادري فجاءه تغير كل شي حبيتك وتعلقت فيك تدرين ولد عمي يقول اعطيني بلعب عليها وتهاوشت معه ولاعد كلمته الى بعد سبع شهور كنت احترق وامووت غيره يوم يجيب طاريك لانه طاح علي وانا ارسالك
ضيّ بابتسامه جديه:ليش طلبت صورتي اول سنه؟
ابتسم:مو انا هو ولد عمي وكنت على اعصابي مابيك ترسلين واخليك تذنبين واذنب ولابيك تتركيني بسبته واعجبني فيك انك طنشتي ولا رديتي
ضيّ بخجل:فمان الله بروح
ضحك:قبل تروحين
لفت عليه بخجل:شو؟
رائد بابتسامه : بعد شهر عندي مُهمه اسبوع عشان اذا اتصلتي ولا رديت لاني ممكن اطلع قبلها
وهزت راسها بالايجاب وجت بتحرك، رائد بابتسامه:ضيّ
لفت بابتسامه خجل:عيوني
ابتسم بهيام:أحبّك
وحركت مُسرعه ومن اعتدلت سيارتها جلست تهوي على نفسه فوق هواء وهبوب ابها وهواء التكييف الى انها مُحتره ، ضحك وحرك ومشى مُتعمد المركز عشان يشوفونه اهلها ويسالونه ، فعلًا وصل المركز ، نزل وصادف أصيل وسلم ودخل ، بالبيت ، المغرب كانو كلهم جالسين سوا بالحوش الامامي ، دخلت سياره أصيل وسفط وسلم على مها وطَارق وجلس ، إنجام لفت عليه:هي ورع
أصيل وهو يتقهوى:ها ياورعه
إنجام وهي متربعه وتفصفص:كلتبن بس ذا فواز يقولون انفصل مدري انطرد مادري شصار
أصيل تكى بظهره:إي
توسعت ابتسامتها ثغرها:يوونسسس كيف؟
ضحك:مادري العلم عند رائد وعُمر هم لاعبينها سوا
طَارق عقد حواجبه:عُمر وارئد حقينا؟
هز اصيل راسه بالايجاب ، إنجام وهي تفصفص:لاصدق كيف يعني سنتين واناا احااول اطرده ماقدرت!
طَارق:وانتم شتبون بالرجال رزقه!
إنجام وهي تفصفص:لانه عله ياجد-لفت على أصيل-ايي قول
اصيل ميل شفايفه بابتسامه : اسرار دوله ولا؟؟
انجام بقهر:كلتتتتتبن!!!
ضحكو الموجودين ، انجام:خيير قول !
ضحك:ماقدر
إنجام بقهر:وش ترا بسس شهر شهر لي شهر مستقيله!!!
ضحك ووقف:يقولون في مسابقه صقور ولا؟؟؟
إنجام وسعت عيونها بذهول من فهمت:اي اظن
أصيل حس بوهقه:استئذنكم
ودخل داخل ، عقد أليَث حواجبه:صقور وانتِ واصيل؟؟
اسر:احلام العصر
إنجام بهمس:توهق توهق هههههه
نهَات باستغراب:وش؟
إنجام بهمس:يراقبونه
انصدمو،طارق بصدمه:منهو!
إنجام وهي تفصفص بهمس:ضيدان وال عبدالرحمن الي بالمباحث في شي صاير اف تحمستتتت برجع !
ضحكو الموجودين ، بَراق بهمس:بيصير عليه شي؟
إنجام بهمس:اظن مايخفى على ضيدان خافي يلقطها وهي طايره
همّام بهمس:وكيف اذا بيراقبونه شدراهم مايسمعونه
إنجام بهمس:اجهزه تنصُت
مدَاد بصدمه:خير!
إنجام بهمس:كذا مجانين يشغلونها ويطفونها بمزاجهم واساسا تقدر تقفلها من عندك بس يقلبون الدنيا عليك ومايعطونك هالاجهزه الى اذا انت مسوي لك مصيبه أصيل بالطريق المُنحدرره
جلنار وهي تفصفص ببرود:اي تطاق مع ذاك البعير
وضحكو الموجودين ، طَارق وهو يضحك:منهو البعير
جلنار وهي تفصفص وتضحك:ذا اسمه الي اعرفه
إنجام وهي منهاره ضحك : سيّاف
وضحكو الموجودين ، طَارق بابتسامه:رايد في؟
إنجام رفعه اكتافها بعدم معرفه :مادري بس استنتاجي من كلام اصيل في
نزل أصيل ، طَارق لف عليه:ابوي أصيل
أصيل رجع:سم
طَارق بابتسامه:رايد في؟
أصيل بابتسامه:اي
طَارق بابتسامه:متى رجع؟
أصيل بابتسامه:ماعلم لاكني شفته العصر بالمركز
طَارق بابتسامه:زين
تقدم أصيل وقبل راسه:تامرني على شي؟
طَارق بابتسامه ؛سلامتك
واستئذن ومشى ، دخلت سياره غيَاث ونزل بابتسامه وهو شايل ملاك وايلين محاوطه يده بالجهه الثانيه ،راحت إنجام مُسرعه وسلمت سريع سريع وخذت ملاك:واااااااعيونيي الحلوو!!
وسلمت ايلين عليهم وجلست ، وصلت ضيّ وسفطت نزلت سلمت وجلست :وااه ملووكه!
إنجام بابتسامه وهي تلاعبها:عسولتي عسولتي عسولتيي
دُنى بابتسامه :راحت ايامك وولت ياميمي
إنجام:لا مع الاسف قلبي يحب البنات يوسعهم كلهم
ايلين وسعت عيونها بذهول:كلمتي!!!
وضحكو الموجودين ، مها بابتسامه نادت العامله وجلست ثقول لها تسوي اكلات مُعينه بختصار اكل ' النفاس ' وكملت:اي لاخلصتن منهن حطنهن بالصاله ورتبو سرير ايلين وملاك فيه
شرقت ايلين بالشاهي وطالعتها وهي موسعه عيونها بذهول:لحظه الاكل ذا كله لي!
مها:اكيد!
ايلين بصدمه:والله ماكلهم !
مها :وراتسس؟!!! تبين هالي بهالقراطيسس!
ايلين بصدمه:والله ماكلهم لو ايش تبون كلوهم انتم علمتكم من الحين لانها بتنكب بعدين والذنب عليكم!!!
إنجام صفقت:ايوا برافو تربيتي اهربي عن اكلهم ذا غريب فعلًا
ايلين بقرف:اساسا الشكل مايهيئ الله يكرم النعمه
نهات بابتسامه :شوفي هو مايهيئ مايهيئ بس ماذقتي الخميعه
إنجام وهي تفصفص:ذي انا اتفق معه تاكلييين اصابعك وراها
ايلين هزت راسها بنفي:خلوني اموت جوع
مها:مايصلللح!!
ايلين هزت راسها بالايجاب ؛كيفي انا راضيه خل اموت!! والله الموت اهون من اني اكل اكلكم ذا!!
جلنار وهي تفصفص غمزت لها:والله يانك ترقيتي ترقيييييه !
استغربو ، ايلين باستغرب اشرت على نفسها:انا؟ وترقيه؟ شاربه شي؟
جلنار وهي تفصفص:الى اول مامنك فايده ولا عايده الحين الجنه تحت اقدامك
إنجام وهي تفصفص غمزت؛ترقيييه محد توقعها!!!!
انهارو الموجودين ضحك ، ايلين رجعت شعرها على ورا؛من قدددي!
الوليد طالع ضيّ بلعانه:رائد جا
ضيّ بتمثيل وهي تصب قهوه:شدراني
الوليد غمز:علييينا؟
ضيّ وهي تتقهوى بتمثيل وتطالع حطت رجل على رجل:وش تبيني اقول اي جا؟ تم لعيونك اي جا
الوليد:شفتو قلت لكم تدري
ضيّ وهي تتقهوى:وانا شيدريني عنك سوالك له صيغتين ابلاغ واستفسار !
ضحك همّام:ماعليس منه جا اليوم العصر
هزت راسها بالايجاب وجلست على جوالها تخفي توترها من الموقف ، غمز الوليد لجده ولابوه ولف لضيّ:ضيّ
لفت عليه:ها يقلق!
ضحك:شفيك !
ضيّ:كل شوي تسال محسسني ادري ها شتبي شسوالك الجديد؟؟
الوليد وهو كابح ضحكته:الملكه بكرا
شرقت بالقهوه وطالعته بصدمه:هاااا!!!!!!خييييير!!مين قال! خيييير والله ماتتم وافشلكم تشوفون خييير!!!
انهار الوليد ضحك وضحكو الموجودين ، طَارق الي فهمه:وراتس لزمت عليه هالحين وياخذتس بدون حفله وشين وعيّا قال بعد الملكه انشاءالله
همّام فهمهم وكبح ضحكته:ومردكم مملكين مملكين وخير البر عاجله!
ضيّ بصدمه:لابلاه انت وياه؟ قولو والله! هيّا مابتزوجه وتشوفون من كلمته تمشي بعد-وقفت خذت شنطتها وهي تمشي-هاذا الي ناقص بعد بزر وكلمته تمشي علي يخسي ويعقب هو واشكاله
ودخلت رقت فوق ، انهارو الموجودين ضحك ، همّام رمى الفاين على الوليد المنهار وراسه على ركب ميساء منهار ضحك:والله لو حلفت اني لامصع رقبتك
ووقف همّام وهو يضحك دخل ، فوق ، اتصلت ولبست السماعه ، رائد بابتسامه :ياهلاا ومسهلا
ضيّ بهمس انفعالي:خير خير الملكه بكرا وبدون حفله؟؟؟؟
استغرب واعتدل بجلسته:وش العلم؟
ضيّ بهمس انفعالي حكته بس كانت تكلمه باسلوب بنت وقالت:الما والله افركش كل شي!!!
كان همّام يسمع طق الباب ودخل:ضيّ
ضيّ مثلت:ووصلي هالكلام لاخوك مع السلامه
وقفلت طالعت ابوها ،قفل ابوها الباب وجلس على السرير وتكلم بتمثيل ووده انها هي تقول له : من اخته؟
هزت راسها بالايجاب ، همّام لازال يمثل:شتقول؟
ضيّ بتمثيل:تقول مادري ماقل لنا شي
همّام صدق فعلًا بسبب هالكلمه بس بداخله شك صغيير وحكاها عن سواليف الوليد،وسعت عيونها بذهول، ابتسم:بعطي رائد رقمك وبعطيه وكلي ثقه ببنتي ! بحدود وادب واتفقو على الملكه وتجهيزاتها واذا كلمك بخصوص الشبكه خذي واعطي معاه برائيك والي عاجبك ومهرك وكلهم قرراهم راجع لك مو لي بعدين بلغيني عاد وتراه خطيبك وقريبًا بيكون زوجك اعرفك يابابا تخافين على اي شخص يدخل بحياتك واشوف خوفك بعيونك يوم نقول انه رايح مهمه وعادي اذا بتسالينه عن دوامه مثلًا وطبيعته ومهمامه وتططمنين عليه ضيّ بابا انا ماخطيت هالخطوه الى وانا اثق فيك زين؟
اخفت خجلها وهزت راسها بالايجاب بصمت ، قبل راسها وطلع ، وقفت عند الشباك وطالعت الحوش ولقيته جالس تحت ، سحبت كرسي وجلست بالبلكونه ولبست سماعتها واتصلت عليه
رائد بتوتر:ضيّ شفيك شصاير؟
ضيّ وهي تحكيه بصيغه بنت:وبس عبالي أخوك محدد طلع مقلب من اخوي
ضحك رائد بعلو صوته ، ضيّ ابتسمت:كلي تبن ! وجع!
عُمر الي كان جالس عند رائد ويبي يعرف اشر له بمعنى مين ، رائد وهو يطالعه:اختي معليه -ولف وهو يكلمها- اي وش صار بعدين ؟
ضيّ باستغراب:وش اختي؟
رائد وقف :عُمر بطلع شوي وارجع الاوراق لاحد يجيها
هز راسه بالايجاب ، ضيّ بهمس:عُمر حقنا؟
رائد جلس بالكراسي الي برا:اي
وسكتت،رائد بابتسامه:شفيك ساكته؟
ضيّ وهي تلعب بخصل شعرها وتطالع القمر بابتسامه:شتبيني اقول؟
رائد بابتسامه:اي شي
ضيّ من سمعت طق الباب همست:بعدين اكلمك
وقفلت ، طلت مع باب البلكونه:ادخل
ودخل الوليد وقفل الباب وسحب كرسي التسريحه وجلس جنبها بابتسامه:ايوا اختي ضيو حكيني
استغربت:شحكيك؟
الوليد بابتسامه مدد رجوله على سور البلكونه:من الي تكلمينها وتقولين حكيني ومادري وش تقلب لهجتك
ضيّ حست بوهقه بس مثلت:كثييير اتكلم معهم كذا اي وحده بالضبط ؟
الوليد بابتسامه:الي دوبك تكلمينها
ضيّ بتمثيل وهي تلعب بخصل شعرها:الما ليش؟
الوليد بابتسامه:ضيّ
ضيّ بتمثيل:هلا
الوليد بابتسامه:الما ولا رائد؟
ضيّ بتمثيل:الما شدخل رائد ؟
الوليد بابتسامه :ضيّ أختي واعرفك قولي
ضيّ بتمثيل مُصره:وش اقول !
الوليد بابتسامه وهو يطالعها:ادري واعرف كل شي
ضيّ بتمثيل عقدت حواجبها:وش علمني صاير شي؟
الوليد بابتسامه:اعرف عنك وعن رائد
زادت دقات قلبها بس مُصره على التمثيل ، الوليد بابتسامه :أعرف ان بينكم تواصل من زمااان ومُمكن من سنين
ضيّ بتمثيل:شتخربط
الوليد بابتسامه:أدري ان الما ذي هي نفسها رائد واخته الما صحبتك اي بس تعرفتي عليها بعد ماعرفتي رائد واعرف انكم سوا من ثمن سنين
ارتعبت بس مصره للتمثيل:الوليد بعقلك؟؟
الوليد بابتسامه وقف: اعرف والله كل شي وتاكدت يوم قلتي ذاك اليوم طلعت اخته مابسوي ولابقول شي بس ضيّ اعرفي لو اشوف منه غلط بسيطط بس بنهيه بنفسي ذا اولًا ولاني مسوي شي لانه خطيبك وقريبًا بيكون زوجك وكل هالسنين ماسويت شي لاني عارف نيته وعارف معدنك وواثق باختي ومابقول لاحد تطمني اذا زعلك ولاضايقك بلغيني تصبحين على خير ياعيني
وقبل راسها وطلع قفل الباب ، حطت يدها على قلبها وهي ترجف كيف عرف وهل في احد غيره يعرف ، ارسلت لـ رائد كل شي ، رائد بصدمه رد'منجدك!'
ضيّ'للحيني ارجف'
رائد'سوا شي؟ قال شي؟'
ضيّ'لا يقول مابعلم ' ' يمه ارجف بنام يمكن اهدى'
رائد'نوم العوافي '
وقفلت راحت تروشت وبدلت وتمددت بسريرها تحاوب تنام وخذتها افكارها ، جلس الوليد عند همّام، همّام:ها ؟
الوليد بابتسامه :يبه منجدك انت واثق بضيّ صح ولا لا؟
همّام:الى واثق بس خايف عليها منه وش يدريني انه صادق؟ ووينه للحين ماجا يملكون؟
الوليد بابتسامه:بذكرك تراها على ذمته
ضحك:ياخي وقتك هو مهمًا كان لازم نشهر
الوليد:مايطلعون ولايكلمون بعض شفيها خلها يبه لاتضغط عليها دامها مراسله بس
همّام:الوليد !
الوليد:يبه والله اعرف الحلال من الحرام تراها على ذمته مافي اي حراام بالموضوع! ولو طلعت وجت معه زوجته
همّام:انا خايف على سمعه بنتي
الوليد:واتحدى احد يغلط عليها دامني حيّ
همّام تكى بظهره:قالت لك؟
الوليد وقف:لا بس اعرفها وكل شي واضح لاتضغط عليها يبه وانا متاكد انها تبي تقول لك ولنا كل شي بس ماحصلت فرصه
همّام:أدري وواضح من توترها كانها بتقول شي بس تتردد
الوليد قبل راسه:عشان كذا اتركها براحتها تقولنا وقت ماتحس انها مرتاحه وانت ارسل لرائد لاكن لاتعلمه وتتاكد انت منه ومن نيته تصبح على خير
همّام تنهد:وانت من اهله
وارسل لـ رائد راسله اختصرها انه يبي يشوفه باقرب وقت عشان يحددون وارسل له رقم ضيّ
دخل الوليد قسمه وجلس على الكنب وارسل لضيّ رساله صوتيه:ضيو حبيبي ترا ابوي يدري بس مايدري عن 8 سنين زين ياعيوني؟ واي بيرسل رقمك لرائد واذا بغيتي شي بلغيني ياعيني
وارسلها ، جت ميساء وهي مُبتسمه وجلست :لودي
ابتسم بحُب وتمدد وحط راسه بحضنها:عيونه سميّ
ميساء وهي تطالعه بابتسامه:انا حامل
فز من مكانه بفرحه:قولييي والله!!!! ميساء!
ضحكت وهزت راسها بالايجاب ، حضنها وهو يدور فيها ونزلها بفرحه:كيف عرفتي ومتى لحظه بصير اب!!!
قبلت دقنه بابتسامه:ايوا بتصير اب واحلى اب شكيت وسويت تحليل وطلعت النتيجه تو
حضنها بفرحه:اخخخخ ياااكبرر فرحتيي يارووحّ روحييّ!!
ابتسمت بخجل وسكتت، الوليد بابتسامه فرحه:نروح نقول لاهلي؟؟
هزت راسها بالايجاب وابتسمت ، شابك يده بيدها وطلعو وقفو عند قسم همّام وطقو الباب
فيروز لفت الروب باستغراب قبل تفتح:مين؟
الوليد:انا يمه
وفتحت باستغراب:الوليد ميساء؟ فيكون شي؟
الوليد بفرحه:ابوي فيه؟
فيروز باستغراب:ادخلو اي في
ودخلو ، جا همّام من المطبخ باستغراب:ميساء ابوي فيكم شي؟؟
الوليد بابتسامه فرحه:ميساء حامل
فيروز بفرحه :ميمييي!
وحضنتها :مبرروك حبيبي
ميساء بخجل:يبارك فيك
همّام حضنها بفرحه:مبروك يابوي أنتِ الله يتمم لك على خير ياارب
ميساء بخجل:يبارك فيك ، امين
وباركو للوليد واستئذنو طلعو لقسمهم ، حاوط همّام اكتاف فيروز بابتسامه:وكبرو العيال
فيروز بابتسامه :الله يهنيون
وراحو ينامون ، الصبح ، صحت ضيّ وشافت رسالت الوليد وشافت رسالت رائد الي مكبتشر محادثه أبوها لها وراحت توضي وتتجهز ،نزلت وسلمت على جدانها وامها وابوها وجلست عقدت حواجبها باستغراب:وين الناس؟
همّام وهو يمد لها صحن الحلى:ماظني احد صحى
مها وهي تتقهوى:بَراق وأليَث وآسر وغيَاث والوليد كلهم من الصبح طلعو دوامتهم وتوليب وايلين بالمجلس الثاني وتارا راحت تودي وليدها المستشفى وإنجام راحت تودي نهَات وليان ومادلين وزَهر لمدرستهم
ضيّ وهي تتقهوى ميلت شفايفها باسى:افااا ياذا العلم ومخلييين المها لحيله؟
ضحكت مها:مشغال الدنيا يامتس
ضحك نهات:سكبو علينا!
همّام ضحك:حنا غير مرئيين ولا؟؟
مدَاد ضحك:فداكم فداكم
ضيّ وهي تضحك:ياحلوكم احلى عمام والله !
همّام:لابلاه؟؟
ضيّ غمزت:فيروزك في نتخذ الحذر نبي نعيش !
وضحكو الموجودين ، فيروز ضحكت:منيح حافظه الدرس
وضحكت:افا عليييك!
همّام لف لـ ضيّ:ارسل لك رائد؟
هزت راسها بنفي ، نهات:ضيونه حددتو الملكه؟
هزت راسها بنفي ، مدَاد بابتسامه:الله يوفقك واذا بغيتي شي كلنا موجودين
هزت راسها بالايجاب بابتسامه ، نزل الوليد وسلم على امه وابوه وجدانه ونزلت ميساء وسلمت وجلست جنب فيروز ، رفعت ضيّ حاجبها:بصير زوجه الاخ الحيه خير؟؟؟؟!!!
وطالعو مكان ماتطالع وكانت فيروز تعطي ميساء حلى وقهوه وتشوكلت وضحكو الموجودين ، فيروز حاوطت اكتاف ميساء بابتسامه وهي تطالع ضيّ:لك شوبدك؟
ضيّ تكتفت:انا وانا بنتك ماوكلتيني واهتميتي فيني كذا!!!! وحتى توتو التعبانه وعزتي لها !
ضحكت ميساء وغمزت:تغااريين؟؟
ضحكت فيروز:لك هيدي امو لحفيدي مابدك ياني اهتم فييا؟؟؟
شرقت ضيّ بالشاهي:ها! ام وش ؟ ها؟-وتطالع امها وميساء وبعدها تطالع الوليد وابوها المنهارين ضحك توسعت الابتسامه ثغرها -صدق!!
فيروز بابتسامه وهي محاوطه اكتاف ميساء:ميمي حامل!!
وجلسو يباركون لهم ، جت إنجام وهي تهوي على نفسها:حر حر متاكدين ذي ابها اف بموت حر -استغربتهم يباركون ويضحكون وعقدت حواجبها باستغراب-شالسالفه؟
وقفت ريَا باستغراب جنبها:شفيهم شصاير؟؟
ضيّ بابتسامه:ميمي حاامل!
إنجام بابتسامه صرخت يوم استوعبت:ميسااااء!!!
وحضنتها وجلسو يطقطقون على ردت فعل إنجام وريَا ، وجلسو ، ضيّ طالعت توليب الي جت وجلست:مااااش البنانيه حقتنا تغييرت
وانهارو ضحك من كلامها،حاوطت ميساء اكتاف فيروز:واحلى لبنانييييه بعد!
إنجام مسكت راسها:صدعت ابو تضارب الثقافات الي عندنا ! الورع نجدي وامه بحرينيه وجدته لبنانيه !
الوليد:شاش راسي!!
ريَا وهي تتحلى:بدري بدري اهجد لايطق لك عرق
وانهارو الموجودين ضحك ، وصل بَراق:السلاام عليكم
:وعليكم السلام
جلس جنب إنجام وهو ياخذ كاستها يشرب الشاهي ، ضربته بكتفه بقهر:انقلع حيواااااان انت شتبي يااخي من مسلططك علي !!!
وانهارو الموجودين ضحك ، مدَاد وهو منهار ضحك:طلعت النجديه الي بداخلها هههههههههههه
نهات وهو منهار ضحك:ياروحي عنتس ياجوجو
همّام وهو منهار ضحك:لاباارك الله بالكتمان
ضحك بَراق وطلع الورقه وهو يوريها:شوفيي الحديد كم عندك بستقعد لك وتشوفين
إنجام بنُكران:مزيف مو حقي ذا
بَراق رفع حاجب:لابلاه ؟ حق مين؟
إنجام بنُكران رفعت اكتافها بعدم معرفه:حق الناس عيب! شدراني مب حقي ذا
وانهارو الموجودين ضحك ، مدَاد وهو يضحك:حق مين بابا؟
إنجام بوهقه:حق الناس!
نهات وهو يضحك:ايي عييب افاا يابَراق !
بَراق وهو يضحك:اي حق الناس ظني اسمها إنجام مدَاد
إنجام بنُكران:مب حقيييي!
بَراق:اسم وبيانات من؟
إنجام وهي تصغر عيونها عساس تقرا:فيك واضح مزيف اساسا فوتوشوب
اسر وهو يضحك:فيك فيك
إنجام طالعت الكاسه فاضيه وجت بتصب ، بَراق تكى:وذي جلسه استقعاد
إنجام صبت وجت بتشرب، خذها بَراق وجلس يشرب:شاهيكم يجي منه
إنجام بقهر:انقلع كريه!
وتكتفت جلست على جوالها بقهر ، أليث وهو يضحك:جوجو
وماردت ، غيَاث الي جنبها يضحك:جوجو
إنجام وقفت وجت بتروح ، بَراق ضحك:بتروحين تسوين شاهي؟
لفت عليه بقهر:مالك دخل انقلع كريه!
ورقت فوق وقفلت باب القسم بالمفتاح وخلت المفتاح بالباب ، وقف بَراق بابتسامه ورقى فوق وطق مافتحت ودخل المفتاح مادخل نزل وجلس ، اسر وهو يضحك:انسحب عليه!
غيَاث وهو يضحك:مطرود
مدَاد بابتسامه:زعلانه؟
بَراق ضحك:باب الشقه مقفل
أليَث:فس اختراع اسمه نسخه
بَراق وهو يضحك:مخليه المفتاح بالباب مادخل مفتاحي
الوليد وهو يضحك:ذكييييه هههههههه
ضحكت تارا لفت جوالها لهم:تسوي شاهي
تنهد بَراق والباقي يضحكون ، فتح جواله وارسل
'ماباخذ الشاهي بس بتكلم معك يصير؟'
وشافتها ولاردت ، بَراق ' جوجو'
وماردت 'انجااام!'
وشافتها وبلكت رقمه ، ارتفع ضغطه فوق انها ماترد بلكته وهو خايف عليها وجايها بيكلمها بموضوع ولاردت وصدت ، مدَاد وقف، غيَاث وهو يضحك:يبه ياخوفي تنطرد اجلس!
وسكت بَراق ، رماه مدَاد بالمخده:البخ! بَراق ابيك شوي
وراح فوق معه ، طق مدَاد:ابوي إنجام
وفتحت بابتسامه:هلا بابا
وتكتف بَراق، مدَاد ضحك:حلوها بينكم
ورقى فوق لقسمه ، جت بتقفل الباب ودخل ، وراح اخذ ملابسه ودخل الحمام يتروش~وانتم بالكرامه~ ، تجاهلت وراحت تجلس على ايبادها تشوف مسلسلها وفكت البلوك ، طلع وجلس ومدد رجوله فوق الطاوله، سكتت بقهر وتكلمت:وش الموضوع؟؟
وسافهها يشتغل بالابتوب ، إنجام سفهته ورجعت نظرها لايبادها ، بعد ساعتين ، وقفت ولبست عبايتها وخذت مفتاحها ومشت ، طالعها بطرف عين وكان بيتكلم وسكت ، وهي تنزل مع الدرج ضحكت بداخلها (زعلت لاني بلكت وقفلت الباب ؟ ازعل ) ، شافها مدَاد وحس في شي بس سكت:ابوي إنجام
لفت بتمثيل الابتسامه:هلا
مدَاد:وين بتروحين
إنجام:بجيب نوني والبنات
مدَاد:أليَث راح يجيبهم ماعليك
هزت راسها بالايجاب ومكمله بتخرج، مدَاد تنهد:يانجام
رجعت وضحكت:عيوننيي
ضحك؛ويين؟
ضحكت:عندي موعد
هز راسه بالايجاب:طمنيني
رمت له بوسه بالهواء ومشت ، وركبت وحركت ، طل مع البلكونها وشافها لين حركت ودخل ( آآخ يانجام شسوي فيك؟ قهرتيني وخليتيني مهزله ومضحاكه للي تحت ولاتكلميني بعد؟ الله يعين ويحفظك)
وجلس ، بالسياره خذت لها حلوم وشاي ووقفت قدام اطلاله وكلت وولاحركت وقفت تشوف المنظر بصمت ، ومر عليها اربع ساعات ولارجعت البيت وكلهم قلقانين عليها ويتصلون مُغلق ، مانتبهت جوالها كان طافي لفت من حست بمرور الوقت وحاولت تشغل جوالها وطافي شبكته بالشاحن وشافت الساعه من شاشه السياره وحركت راجعه ، وصلت سيارتها وهي تسفط وترتب اغراضها ، الصاله،فز بَراق وطلع من سمع صوت سيارتها ومن شافها واقفه تعدل عبايتها حضنها ،استغربت:بَراق؟
بعد ومسك يدينها بخوف:فيك شي؟ وينك؟
إنجام باستغراب:مافيني شي رحت اتمشى شفي
تنهد بخوف:نتصل عليك ونرسل لك ولاتردين
مر طيف ابتسامه على وجهها:جوالي طافي تو شبكته بالشاحن
حضنها مدَاد:خوفتيينا!
إنجام بابتسامه:مالي ذنب هو الي طفى!
ودخلت ولقمت كمٍ تهزيئه وجلست تضحك وتبتسم لهم بكلافه ومن انتهو نقاش معها وكلن صار يسولف مع غيرها سهت بافكرها ، طَارق بابتسامه:إنجام
ماردت،استغرب:إنجام ابوي؟
استوعبت وطالعته:هلا
طَارق باستغراب:فيك شي يابوي؟ تعبانه؟
هزت راسها بنفي:فيني نوم بس
مدَاد بابتسامه:العشاء شوي ويجي انتظري ؟
إنجام بتمثيل:مافيني طاقه بنام وعادي بعدين اكل
هز راسه بالايجاب ، كان يتأمل حركاتها وكلامها بهدوء وصمت ، وقف نوني ومسك يد بَراق وسحبه معه ورقو فوق ، ضحكو الموجودين بحُب ، فوق وهي تنزل عبايتها انتبهت عليهم ، نوني :ابي اسولف معكم
إنجام حاوطت خدوده بيدها وانثنت له:فيني نوم بنام وبكرا نسولف وعد
زم شفايفه بزعل وطلع ، وجا بَراق بيطلع لاكن شافها تتاوه بالم وفز لها بخوف:إنجام فيك شيي!
حز بخاطره انه للحين مايقولها جوجو وهي تعودت عليه يقول لها جوجو ولاقد قال إنجام الى وقت الزعلات وفكت يده منها وجلست على الكنب لمت رجولها لها وتكورت تحاول تكبح المها، بَراق بخوف:إنجام امشي المستشفى!
إنجام هزت راسها بنفي:خليني !
بَراق بعذ شعرها عن وجهها؛ماني مخليك امشي!
إنجام اعتدلت وجلست بعتَاب:الى خليني اذا بتزعل على اشياء تاافهه خليني خليني اذا بتجلس تتحكم بكل شي اشربه واكله ياخي شعليييك ؟؟؟!! مين بيتحمل الالم انا ولا انت؟ انا ! خلاص اتركني بحاالي ياهو ! حتى الوحام صعبب؟؟؟! حرام اشتهي! حرام اشرب؟؟! بَراق اتركني لحالي يرحم والديك
هز راسه بالايجاب ووقف وهو عارف انهم كلهم غلطانين وكلهم معهم حق بنفس الوقت وهي تعبانه ولايبي يضغط عليها ، تكلم بحنيه الارض كلها:اذا بغيتي شي اتصلي واذا المك استمر اتصلي
وبكت وغطت وجهها بكفوفها وهي تبكي بصمت ، تسمر مكانه وده يحضنها بس ماوده يجبرها عليه وهي تعبانه ، تقدم وحضنها ، دفنت وجهها بصدره ومن حست بحضنه بكت اكثر واكثر وتشبثت بتيشيرته على دخلت نهَات ومدَاد وهم جايين يشوفونها ، شافوها تبكي ومتكوره بحضن بَراق ، طلعو وقفلو الباب ، تنهد مدَاد بضيق:وش تتوقع مضايقها؟
نهات تنهد بحيره:مادري وانا اخوك بس يمكن هرمونات ماتدري ياخوك خلها باذن الله يعرف لها بَراق وترتاح اذا في شين يحتاج نعرفه عرفناه باذن الله
هز راسه بالايجاب وافترقت طرقهم كل واحد اتجه لقسمه، انجام وهي تبكي حست بتقفيلت الباب همست:مين جا
بَراق وهو يمسح على ظهرها وشعرها:ابوي وعمي مدَاد طلعو ، ماتب تقولين لي شمضايقك؟
إنجام بقهر دفته:بعد عني انت مضايقني !
بَراق بابتسامه بعد شوي:بعدنا امري وسميّ وعاتبي كان يرضيك العتَاب
إنجام سكتت وهي تمسح دموعها تكتفت ، بَراق ابتسم وقرب حط راسها على صدره:اذا على الشاهي لاني خايف عليك إنجام! خايف عليك وعلى البيبي!
إنجام بقهر:وليه تطلع تحاليلي قدامهم تعررفني ماحب احد يعرف بوضعي الصحي!
بَراق بابتسامه وهو يمسح على شعرها:اسف وحقك عليّ
إنجام رفعت راسها وطالعت عيونه الي يتمالونها:ليش كنت تتجاهلني وانا اكلمك تو؟
بَراق بابتسامه:لانك تجاهلتيني والصراحه كان قلبي يوجعني يوم مارد عليك
إنجام:وش تجاهلتك فيه؟؟
بَراق بابتسامه:تقفيلت الباب والبلوك وتدرين انهم مسكوني طقطقه؟؟
إنجام عقدت حواجبها:مين؟
بَراق بابتسامه:اسر وغيَاث شفتي عشان كذا ، ليه ياجوجو خليتيني اتكلم واقول انك مقفله الباب وخليتيهم يعرفون انك زعلانه مني؟
إنجام:انت تكلمت محد غصبك
بَراق بابتسامه سند جبينه على جبينها:لاني خفت عليك وخفت يصير لك شي وانتِ مقفله الباب
إنجام وهي تشوف عيونه:خليهم عليّ بس شالموضوع الي كنت بتقول لي عنه؟؟
ابتسم:مانسيتي للحين؟ شي كان قاهرني ومر
إنجام:خير قاهرك شي ولاتقولي وتقول مر عادي!!؟ قول ولابزعل جد!
بَراق بابتسامه :ابيك تجين معي المستشفى بكرا تعطين عبير كم كلمه
عقدت حواجبها بكره لها وغيره:وذي شتبي!؟؟؟؟؟؟
ضحك من غيرتها:شدراني ياحلوتي
إنجام بغيره:لايكون عطيتها وجهه؟؟ بَراق!!!
ضحك:والله ماطلعتها حتى بس اعرف اسمها وانها ممرضه بسس
إنجام بغيره رفعت اصبعها بتهديد:والله يابَرا...
قبلها وبعد بهيام:اخسي واعقب اشوف غيرك والتفت لغيرك!
إنجام خذت جوالها وطلعت بخجل ، ضحك من تصرفها وبدل لبس ثوبه الاسود بحكم تقلبات الجو وبرودته باليل ولف عمامه بشماغه الاحمر وشمر عن اكمامه جُزء بسيط ونزل ، الصاله ، صفرت جلنار:منووووو هاااذا المعضللل؟؟؟؟
وضحكو الموجودين ، جلنار وهي تاكل حلى:لاصدق الكورتين شكلهم حلو بالثوب الاسود
بَراق رفع يده على شكل ( 💪🏻 ) : ذي كورتين الله يسامحك!
ايلين:الصراحه يروع مب حلو يمه شوفي اكتافه صارو عريضات مرا
ضحك بَراق:عريضات؟ ياحلوك يالولو
ايلين ضحكت:وش اسمها اجل ؟
بَراق:عراض
ايلين وهي تاكل فُشار:اي اي كلها واحد
إنجام جت ومعها ماتشا وجلست ، طالع أصيل بَراق:بتطلع؟
بَراق وهو متكي ويلعب بالمسباح:مادري للحين احس محلكم بعيد
أصيل:لاقريب وفيه شبكه
اسر :وين بتطلعون
بَراق:مُخيم
غيَاث : شفت ياسر محد يبينا
أصيل وهو يتقهوى:اي
بَراق وهو يتقهوى:مكتوب ممنوع اصطحاب الاطفال
وانهارو الموجودين ضحك ، ضحك أصيل:جبتهاا
طَارق بابتسامه:تبطون؟
أصيل:على الفجر يمكن نرجع مابنمرح معهم بس اذا صمل ذا
بَراق تكى:احسني متكسر والله
أصيل:يارجال لو نقول لك امسك تقول احسني متكسر
ضحك اسر:شييييب
ضحك غيَاث:ثلاثيني ماعلينا منه
ايلين بصدمه وهي تاكل فُشار:اما ثلاثيني بَراق!!
ضحك بَراق بصدمه وهو متمدد وحاط راسه بحضن إنجام:اماا عااااد!!
اسر:اصبر الصدمه الكُبرا إنجام كم عمر بَراق؟؟
إنجام كانت تلعب بشعر بَراق بيد ويد تتفرج بالجوال ، اسر اشر بيده:الوووه
نزلت سماعتها:ها ياقلق
ضحك:كم عمر بَراق؟
إنجام:ليش تسال بتخطبه؟
وانهارو الموجودين ضحك ، بَراق وهو يضحك: عططتك وحده
ضحك غيَاث:الصدق تعرفين عمره؟
إنجام :شفيكم على عمره؟ ثلاثين
اسر :لا اربع وثلاثين
إنجام:صاحي انا ثلاثينه! اهجد اهجد
اسر بفهاوه:شالربط؟؟؟؟
إنجام:اذا هو اربع وثلاثين يعني انااا ثلاث وثلايين لا انا تسع وعشرين وهو ثلاثين
ضحك غيَاث:اما كذا حافظه عمره؟؟
ضحكت:لا بس عشان اوضح للدبجه الي وراك
ضحك بَراق وصفق:شفتو الكفو تعرف عمري وانتم لا!
اسر:ميتين عليك وعلى عمرك دز بس
ايلين وهي تاكل فُشار وبعالم ثاني وتاشر باصبعها الصغير:الحين إنجام تسع وعشرين وبَراق ثلاثين ونوني سته واه جوجو تزوجتي وانتِ ثلاث وعشرين سنه؟
إنجام وهي تشرب ماتشا:ليه وين كنتِ وقت الزواج بالمُستقبل؟
ايلين وهي تاكل فُشار وتاشر: الوليد تسع وعشرين وميساء تسع وعشرين لا ماش كبر بعض ذولي وين لحظه إي أليَث ثمن وعشرين سنه وروري ثلاث وعشرين سنه وااه اصغرنا لحظه اسر ثمن وعشرين وتارا ست وعشرين اح اسر شايب اصبرو اي غوثيي ثمن وعشرين وانا سبع وعشرين حنا سبشل من بعد؟؟ اصيل ثلاثيني خلاص وجوجو شوي وتصير ثلاثينه وع كلكم شيبااان!!!
سيرين بصدمه:يعني انا اصغر منكون كلياتكون وماعم بتدلعوووني!!!!!!
الوليد:شف ذي فصلت وذي تدور اتنشن
وانهارو الموجودين ضحك ، نهات بابتسامه:لولو بابا شجاك؟
ايلين وهي تاكل فُشار وحليب تشوكلت:معرف وع احس كلهم صارو شيبان
بَراق بهمس وهو يتامل عيون إنجام:جوجو بطلع المخيم وبرجع الفجر باذن الله
طالعته بابتسامه بهمس:استودعتك الله
وكملو يشوفونهم واستئذنو بَراق وأصيل وطلعو ، وجلسو يسولفون ويضحكون ، بعد ساعتين والكُل بقسمه ، إنجام جالسه بوسط السرير ارسلت لـ بَراق
'ملل صور لي فعالياتكم'
انتبه للرساله وصور صوره لهم وهو ورائد يشربون شاهي والباقين يلعبون بلوت ، ابتسمت وكبرت على شكله وكتبت
' تجنن بوبو بالشماغ والثوب الاسود🥹'
ابتسم بواسع ثغره 'اوييل حاالي تمدحني ولا شافت نفسها!!!'
'ترا اهدهم واجييك الان واسحب على ام طلعتهم ذي'
إنجام بابتسامه 'لاشدعوا اتبسط '
بَراق بابتسامه 'شتسوين؟'
صورت له وهي جالسه بنص السرير
'ملل كُلهم نامو وطفشت'
بَراق بابتسامه 'مضي وقتك هالساعتين وجايك مسافه الطريق'
إنجام بابتسامه 'لابوبو اتبسط'
بَراق بابتسامه 'اقول مناك وبكذب على أصيل بقول انك تعبانه اذا جاب طاري بكرا قولي صداع زين حبي؟'
إنجام ابتسمت بحُب كبيير له'تمام'
وقفل وطالع أصيل:ولد أصيل عطني المفتاح برجع
لف عليه عُمر:بدري اقعد بس
سعد وهو يلعب:ماجد يازفت ، اجلس تو الوقت
رائد:اي بالله والجو يجنن اجلس
أصيل شاف الوقت:بدري في شي؟
وقف:إنجام تعبانه برجع ونعوضها بطلعه ثانيه
طالعه:امسك بس شرايك تدق على واحد من العيال اقرب اذا تعبانه بالحيل يوديها المستشفى ؟
بَراق خذا المفتاح:لانخرعهم اخر اليل فمان الله
رائد لف عليه:انتبه لدرب
هز راسه بالايجاب وركب حرك ، وكملو لعب وسوالف ، عدلت شعرها وجلست تنتظره ، بعد ساعه ونص حست بمشي داخل الشقه وقفت باستغراب لان بَراق ماخذا مفتاح وكانت بتشوف بس خافت اكثر وقفلت باب غرفتها بهدوء وارسلت لـ بَراق 'بوبو جيت؟'
رد'لسا بالطريق'
إنجام برعب'في احد يمشي بالصاله بوبو!'
ارتعب'الحين جاايك قفلي الباب إنجام '
وقامت ترجف وراحت تدق على واحد واحد محد رد الى اسر
اسر باستغراب رد:هلا إنجام امريني
إنجام بهمس برعب:اسر في احد بالشقه
اسر باستغراب:بَراق يمكنه؟
إنجام برعب وهمس:قال لي بالطريق للان !
اسر فز:قفلي الباب إنجام جاايك الاان!
وقفلت،تارا بخوف:شفيها!
اسر لبس نعاله؛روحي صحي أليَث في احد بشقتها وبَراق مب في بسرع!
وراحت برعب ركضت لشقه أليث وطقت لين صحى،أليَث باستغراب:توت شفيك؟
تارا برعب:إنجام اتصلت تقول في احد بالشقه وبَراق للان بالطريق
أليث بصدمه:ايشش!!!
وابتعد وراح لشقت إنجام ، اسر بصوت:إنجام!
طلعت وهي لافه عبايتها برعب وانصدمت من منظر الصاله المحيوس، دخل أليث بخوف:جوجو!
إنجام برعب وهي تطالع الصاله استوعبت ان نوني لحاله وركضت لغرفته  ، تجمدت مكانها برعب وهي ترجف ، أليث واسر تقدمو بسرع ، اسر بصدمه:اترك الولد!!!
صوت انثوي:مابتركه!
إنجام وسعت عيونها بصدمه:عبييير!!!!!!!
أليَث بحده:اتركي الولد مب بصااالحك!!
تكلمت بحده:مااابتركه!
اسر بحده:من الاخر شتبيين؟
عبير:بَراق
انصدمو اكثر معدا إنجام الي خايفه على ولدها ، إنجام هدت من نفسها:اتركي الولد!
عبير بحده:وقلت لك ماني تاركته!!!
اسر بحده:مو ولدها ذا !
عبير باستغراب:اي اي كذبو علي بعد وانا بصدق هههههه استغفر الله
أليَث بحده:صدقتي ماصدقتي بقريح اتركي الولد مب ولد انجام ولد عمي ذا!!
ضحكت:اي وبصدق؟ كل الناس تعرف ان عيال الطارق خاطه الشناب بوجيهم
اسر بحده:وصدقتي ولاماصدقتي اتركي الولد ذا سطام يافاهمه كانك تعرفين بعيال الطارق
واستوعبت انه هو فعلًا وصدقتهم:ماهمني ماني تاركته لين يجي بَرا...
دخل برعب:انجااااام!
راحت حضنته وهمست له يتكلم عساس الي داخل سطام ، وتقدم وعقد حواجبه باستغراب:من ذي! اتوكي الولد!
ضحكت:اوه دكتور بَراق ماعرفتني؟معك عبير اذا تتذكر
عقد حواجبه باستغراب ؛وشتبين ؟اتركي الولد اولاً!
ضحكت:مافي مناصب هنا دكتور بَراق انا جايه أسالك واروح
ضحكت إنجام:ليه في اوراق تحتاج توقيعه؟ في مكتب بعد هنا اتركيهم وروحي!
كبحو ضحكتهم وبَراق ابتسم وهو محاوط اكتافها
عبير بقهر:سواااال ليش خذت ذي وماخذتني؟ واساسا انت ماعرفتني الحييين!
ضحك ورفع حاجب وطالع بانجام:معتوهها؟-طالعها بحده-لان محد مثل إنجام بعيوني خذتي اجابه سؤالك ؟ بالي مايحفظك برا بيتي وبيت الطارق كله
تارا وهي واقفه ورا إنجام بابتسامه:واي ياحلوه بشرتك حلوه بس مع كامل الاسف مافي عنايه بالسجن
انصدمت:انااا تسجنووني!!
اسر تكتف:لا نضيفك !
أليَث:عجييب امرك داخله بيت العالم من غير لحم ولادستور وماسكه طفل ماله ذنب وتهددين وعشان اشياء سخيفه ؟؟؟؟؟
جت ريَا بابتسامه:بالغرفه ذيك
وتقدمو،شرطي:اتركي الطفل!وسلمي نفسك!!!
ومسكوها ، وهي مكلبشه وتطالع بَراق بغصه:حبيتك بكل مافيني لاكن ماتشوفني ولاعمرك شفتني !
بَراق وهو صاد:ولابشوف غير إنجام روحي الله يستر عليك بس
إنجام بابتسامه وهي تشوف بَراق صاد ومحاوط اكتافها تكتفت واشرت لها بوداع:باي اذا ودّك ازورك كل جمعه اطلبي اتصال اوكيه؟
تارا ضحكت:ماعليك ماعليك عارفين اهلك مابيزورونك
ريَا ضحكت:بنقوم بالواجب معليه
ومشو ، ضحك اسر وطالع انجام :قفلي الباب زين قلبي طاح ببطني!!
وانهارو ضحك ، ضحكت:شدخلني ذا ماخذا مفتاح وبقفل الباب ليه مافي احد ماطرى على بالي أساسا
ضحك أليث:مو ولدها
ضحك اسر:اسرع كذبه جت ببالي شسوي!
ركض نوني وهو يبكي:ماااما!
وحضنته:سوينا موفي حلو؟
عقد حواجبه وبعد:وذي البنت ماكنت بتأذيني؟
إنجام بتمثيل:لا من قال
اشر على اسر؛ليش عمو اسر قال اني سطام ؟
إنجام وهي ماسكه يده وخلته ينسدح وتغطيه:لانو كنا نلعب شرطي وحرامي عرفت؟ولازم نحمي الملك عشان مايموت
نوني:اكيد؟
إنجام تكتفت:ماتصدقني؟زعلت بعلم عليك ابوي!
ضحك:وانا بعلم ابوي!
إنجام قبلته؛لا ابوك بيوقف معي دور لك حليف
ضحك:اي بابا خفيف!
وانهارو كلهم ضحك ، أليَث وهو يضحك:نطق الحق على لسانه
ضحك اسر:ااخ يانوني بردت حرتي
ضحكت ريَا:من قلب قالها
ضحكت تارا:ياعزتي له متقبل الوضع يقولها وهو يضحك
وضحكو الموجودين واقتلب ونام طلعت واستغربت:وينهم؟
بَراق بابتسامه وهو يقفل الباب بالقفل:راحو بينامون
هزت راسها بالايجاب وراحت انسدحت، جلس على ركبه قدامها:جوجو؟نمتي؟
غطت وجهها وبدت تبكي ، خاف ورفعها من اكتافها حضنها:جوجو يابوي شفيك!
إنجام ببكي وغيره وقهر دفته؛بعد عنييي بعد مابيك روح لهم!
استغرب:يامي اروح لمين ؟ انا لك ماني لغيرك ولابروح لغيرك!
إنجام بغيره:شييييبون كلهم فيك شيييبون!!
ابتسم وغمز رفع يده يوريها عضلاته:خاقين علي شفتي خذتي واحد كل البنات يتمنونه
تغطت وبكت تحت البطانيه بصمت،جا بيبعد البطانيه،انجام بغيره وبكي:بعد عني! اتركني بحاالي!!
جلس جنبها:إنجام اسف يابوي والله امزح!
إنجام :بعد مني انت ومزحك الثقيل مابيك انقلع!
بَراق بابتسامه :والله اسف حقك علي!
وسفهته ،بعد مرور مُده حس بانتظام انفاسها ورفعها بشويش بحيث ان راسها يكون على المخده وبعد شعرها عن وجهها وبعد البطانيه وحضنها وقبل راسها:والله اني ماشوف غيرك وان الله معمي عيوني وقلبي عن كل الخلايق غيرك! اسف يادنيتي
وحضنها ونام سمعت كلامه وهي كانت تمثل النوم ابتسمت بخفوت ودفنت وجهها بصدره ونامت
صحيت الصُبح ولقيته جالس يلعب بخصله من شعرها بهدوء ويتاملها بصمت ، ابتسم:صباح الخير
إنجام:صباح النور
بَراق بابتسامه:اسف
إنجام بابتسامه وهي ترتب خصل شعره المُبعثره:من اول ماقلت اسف وانا قابله اعتذارك يصير توقف تعتذر؟
ضحك:ابشري
إنجام بابتسامه:تبشر بالجنه يارب -وجت بتقوم وهو مثبتها تنهدت-مُمكن تتركني كافي نوني تاخر على المدرسه وانت تاخرت على دوامكك!
ابتسم:كلمت جوليا وجهزت نوني وجالس يفطر باقي تجهزي وتفطري انتِ وتجلسين باخذه معي
إنجام بابتسامه:تمام
وقامت توضي وتصلي
________________________________
اقترب الخِتام😢😢😢 آآخ انشرو لي ادعموني ياخي حرام عليكم ، بكون دايم متواجد بالانستا وأي اقتراح او أي سؤال تعالو لي هناك ، انتظر تعليقاتكم وارائكم بكُل حماس ، حسابي {len.1o1} ، واشوف رائيكم على روايتي ، قراءه مُمتعه ، اعطوها حقها بليز نجمة وكومنت❤️
إعذروني ان تواجد خطا املائي
الى لقاء اخر