هيجاء القنط"الهباريين"

part 4

هيجاء-القنط-الهباريين
بقلم:-زينب بنت الزعيم
التصويت والتعليق

•••••••••
حيلي الراح
وسنيني
وليالي الضيم
وتأنيب الضمير
هذن كلهن يكلبي اكضي بيهن ليل
واروح اني واجي والكع تميل
(بقلمي)
••••••••

جثه ممدده امامي، مليئه بلدماء، عينها اظن انها قد انقلعت

خليت راسهه على رجلي ماكدر حتى اصيح لو ابچي دخلت بيبي تدك وتلطم
ماتكدر تسوي شي، اخذت التلفون بسرعه واتصلت على اخوهه

هيڤ:-الوو
:-ها منو؟ هيڤ
هيڤ:-ببكاء:-اي اني، نذير الحك اختك راح تموت تعااال

ـ قفل الخط واني ضليت انوح فوك راسهه حايره شسوي، دخل اخوهه وحرفياً جان مصدوم وراح ينهار اذا صحه من صدمته
اجه شالهه وطلع وطل طول اخوهه لثاني "بكر" يسأل عليهه بس من شافهه ايده بأن يطلعون منا للمستشفى

••••••

اصوات الاجهزه، جسمي يوّن عليّ، اني كاعده بس ماكدر افتح عيوني
شوي شوي بدت عيوني تفتح والرؤيه تتوضح

الغرفه بارده وفارغه، حسيت نفسي مشلوله عيني احس بيهه توجعني بس ممنفوخه
دخلت ممرضه بإبتسامة تطمني بيهه، اردفت وهي تشكل المغذي

:-شلون صرتي؟
:-افضل، منو هنا من عائلتي؟
:-اخوج واخوج الثاني طلع اول ما جابوج
:-جان عصبي؟
:-اي مبينه على ملامحه كُلش
:-تكدرين تصيحين لأخويه الي بره
:-اي هسه بس اخلص المغذي

ـ كملت شد المغذي وطلعت ووراهه مباشرةً دخل بكر مبتسم وكلش طمنتني ابتسامته
خله ايده على شعري وقبلني بخدي، واردف بكل حنان

بكر:-هاا شلونج
:-تمام
بكر:-الحمد لله، شلون صار هيج
:-مادري شصار أصلاً ناسيه مالي خلك اتذكر
بكر:-براحتج عيني اني هنا بره شنو تحتاجين كوليلي
:-بإبتسامة:-ماشي

ـ طلع واني درت وجهي على الشباك ورجع بذاكرتي كل الصار

خليل:-اليوم ابط عينج، جايه تاخذين شغل سنين

ـ هجم گلـ مخبل ضربني ضرب ماصاير، طلع شكو حقد وقهر بكلبه بيَّ
فقدت وعيي واني ما ادري، وهسه يله صحيت بلـ مستشفى

فاجئني دخول نذير وولد خالتي ثلاث وبكر وياهم جانو كلـ جيش دخولهم

مهيمن:-يبووو مورمه يبووو
:-ليش تجذب وين اكو
مجتبى:-اي والله ليش تجذب مكسره تكسر
:-اطلعوووو يله جايين تتشمتون
نذير:-الحمد لله على سلامتج
:-الله يسلمك
بكر:-طيحو حضهم وداعتج سوولهم هجوم تكتيكي فلشو شكو طابوكه بانيه بيت خليل
:-عزه، خوما لكفوكم
نذير:-جان بودي ما نتلثم بس غصبوني