هيجاء-القنط-الهباريين
بقلم:-زينب بنت الزعيم
التصويت والتعليق
••••••••••••
بعد هاي سوايتك
اشلعك لو صرت شرياني الأبهر
غيرك دوروني هواي
هاي سالفتك كسرت ظهر
جنت حزام لهاي الناس
عطشان ما اشربك بعد لو تنصب كدامي نهر
_بقلمي_
••••••••••••
ـ ضجت المُستشفى بصوتها العالي، رغم امتزاج الفرح والحزن، لكن الانتضار يقتُل
ألم جبير بحيث حتى بلا واعيه اخرمش بإيديه لحد ما طلع الدم يله عفتهن واتجهت لـ شعري
جانت الولاده مو دقايق لا
جانت سنين بالنسبه الي، للحضه حسيت عيوني كامت تتكلب وتنسد بس صحاني ضربة المُمرضه الي حتى اكعد واقاوم
بچيت براحه واخيراً صوتها صار بمسامعي، بس خاف بيها نقص
شتت افكاري من جابتها الدكتوره وخلتها على صدري مبستمه ودموعي تجري
:-بإبتسامة:-خلصنه بنتج وبحضنج بعد شتريدين؟
هِلن:-ببكاء:-بيها شي؟
:-لا مابيها كأنما ام التسع اشهر اجتي، جيبيها افحصها واقيس وزنها
ـ انطيتها الها وكعدت اعدل بروحي، بكد فرحي لعبت نفسي من وضعي
عاونتني المُمرضه ونضفتلي المكان، لان مستشفى اهليه، وجابو سرير الها يمي، باوعت للباب دخل أمان شايلها وابتسامته مافارقت وجهه، اجه يمي قَبل جبيني، وكال
أمان:-الحمد لله على سلامتج يروحي
هِلن:-الله يسلمك حبيبي
أمان:-شفتيها
هِلن:-يمه شمصبرني لعد لهسه ماشوفها ، شسميتها؟
أمان:-روح أمان
هِلن:-خاف تحبها اكثر مني
أمان:-انتِ الاصل والفصل يبيتي انتِ، لو تدرين شكد وزنها؟
هِلن:-شكد؟
أمان:-مو تشهكين، صلِّ على محمد
هِلن:-اللهم صلِّ على محمد وآل محمد
أمان:-3 كيلوات وربع
هِلن:-يمه حبيبتي ليش كمطتوها اريد اشوف كرشها
أمان:-جوعانه
هِلن:-انطينياها
ـ اخذتها وبستها، وبكل مره ابوسها احس روحي تصير بيها اختنك واحضنها حيل
رضعتها ورجعتها لسريرها، وعمتي وأمان يمي دنيا ليل ما حبيت اكعدهم من صار عندي ألم
أمان:-نشتريلها غير ملابس
نجاة:-شلون راح يجون وتنطيها الهن
هِلن:-ليش؟
نجاة:-ييمه ماعدنه هيج جاهل، خاف يسطرنها والله
هِلن:-خاله الله هو اليحفظ حبيبتي
نجاة:-الله كريم
ـ صارت ساعه 8 ونص الصبح، دخل مهيمن وبيده ريوك ومبستم وجهه بشوش
مهيمن:-اي عمي تدلل بنت اخويه، وهذه احلى ريوك
أنت تقرأ
هيجاء القنط"الهباريين"
Science Fictionوسط ضجيج الفرح الحزين وبين ثنايا الفقر والـ غنا وحين زحام الخطايا وِلد ليكون ذا سلطه ذا جبروت في وسط قلبهُ المتحجر هناك ضوء ضئيل محتجب، خفيف، لامع اي يعني هناك أمل للرجوع الى الصواب وِلدت لتكون المفضله لتكون الحسنه عند النضر في وجهها يوجد اطمأنان...
