#هيجاء-القنط-الهباريين
بقلم:-زينب بنت الزعيم
التصويت والتعليق
••••••••••••
من درو بينه نحبهم
سدو بوجوهنه بوبهم
-بقلمي-
•••••••••••
ـ شهيق، زفير، احساس لا يوصف، مزيج بين مشاعر الفرح والحُب،وبين الخوف والحِزن
تمنين هواي اشخاص بهذه اليوم يكونون موجودين
"امي، ابوي، سَمره، مسلم، نور"
جنت اتمنه اطلع من بيتنه بوجودهم بس!!
زفرت نفس وذرفت دمعه من عيني، خنكه وغصه بصدري بس ما اعرف مصدرهه الاساسي منين وبلاخص بهذه اليوم
هيڤ:-ليييش لييش ولج مو مكياجج جديد هسه سويناه
هِلن:-بخنكه:-هاي عود انتِ التفهميني
هيڤ:-تؤ، شوفي لعد اني شحجي ماشفت منهم اي احد علأقل انتِ اخوانج اني حتى اخوان ماعندي
هِلن:-حياتي عن حياتج تختلف، انتِ عشتي كل عمرج وهمَ مموجودين بس اني عشت، وتعلقت بيهم
هيڤ:-مو وكت الذكريات نهائياً، والله لو شفتي فرحته من يجيب الاثاث الي انتِ اختاريتي ماتفكرين بغيره بهذه اليوم
هِلن:-تره مو بيدي
هيڤ:-حاولي تره أمان يستاهل تحاولين علموده بعد معاناة سنين 16 سنه مو يوم او يومين وحتى مو سنه وحده
هِلن:-هههييييڤ
هيڤ:-ووجعت امي
ـ حاولت اتماسك نفسي بهذه اليوم، حضنت ايدي ووكفتني كدام المرايا حتى اشوف نفسي
بدله بيضه، تسريحه بسيطه، ورد، مكياج هادئ، بدلتي الطويله مبينه، ابتسمت لا ارادي، وزادت فرحتي دخول رغد بيدهه السماعه تركص
رغد:-كللللوووش عروستنه حديقه والورد بيهه ماخذهه شباب ومعتني بيههه
ـ تكابلن هيڤ ورغد يغيرلي جو، بس مدري ليش بالي تشتت وهواي اشياء شغلت عقلي
زواجي، اهلي، وضعي، وقلقي، اخواني، وكلشي راح امُر بي ومَريت بي
انعاد شريط سريع بحياتي، بس كلشي تغير بدخول بكر من بره يهلهل ووراه نذير يمسح بوجهه ويضحك ودخلو جدي وعم سعيد
ابتسمت لا ارادي، اجتي رغد سحبت المرايا من كدامي وهيڤ عدلتلي بدلتي من اتجهت الهم
ابو فراس:-عيني وعيونهم بارده
ـ قبلني من جبيني، واردف بفرح ممزوج حزن
ابو فراس:-شايفه كل الخير بنيتي، تتهنين ان شاء الله
أنت تقرأ
هيجاء القنط"الهباريين"
Научная фантастикаوسط ضجيج الفرح الحزين وبين ثنايا الفقر والـ غنا وحين زحام الخطايا وِلد ليكون ذا سلطه ذا جبروت في وسط قلبهُ المتحجر هناك ضوء ضئيل محتجب، خفيف، لامع اي يعني هناك أمل للرجوع الى الصواب وِلدت لتكون المفضله لتكون الحسنه عند النضر في وجهها يوجد اطمأنان...
